เกล้ทซ้ะวี่ง 18:7 - Northern Pwo Karen Thai Bible7 เมะ แน้ ดี๊ กเย่ น พูแคว๊ นอ, เกม๊า น แม้ ซกุ้ เท่อ ลู่ง ทแม้ เก โพล้งลื่งเท่ออคู, ลู่ง ทแม้ กุ้เม้ง อ ฌ่าง, พี่ อ แบฆ้ะ ดี๊ ทลื่งล่าง, ดี๊ เท่อ พี่ อ โอ ลู่ง ตไก้ยะ กางทะ เท่อ อ พ้า นอ, เกม๊า น ซื๊ง โอ แม้เท่อไพ้ะเท่อ, แย้, จ เกล๊าง เอะ น ซื๊ง ทแม้ เก โพล้งลื่งเท่ออคู, เก ทเกล๊าง, แบเด้าะ โพล้ง อ แฌ้แพ พี่ อ เฌ๊ฆ้าง เบ้า นอ ม แบ ซี๊ง ล้อ” အခန်းကိုကြည့်ပါ။ |
เกล้ทซ้ะวี่ง 18:7
28 ပူးပေါင်းရင်းမြစ်များ
“แบเด้าะ โพล้งลื่งเท่ออคู โพล้ง เลวี, พี่ เก ซาโด อชื้ออชะ, พี่ อ แฌแซกต้าง ทแม้ ลู่ง ก ท แบ้แยว้ล่างลู่งอฌี้ พ้า ได้ะ, ล พ๊า แย๊ พี่ โพล้ง อีซลาเอง เฌ๊พลุ้แดไฆวะ เฆ้อ นอ, เกม๊า อ ซื๊งเว๊ เฌ๊ฆ้าง เบ้า เฆ้อ, บี่ซุ้ แม้ เอะ ก เท่อ, ดี๊ เกม๊า ชี๊เทิง โอ ลู่ง ก เมะแซ พ้า, พี่ ม เทว๊ ท อซูอไย้ ดี๊ ทซวีง นอ, ทอดูทึโท๊ทึกแช่ยาเว โล้ เว๊ บี่อี้ง ล้อ
กแช่ยาเว ไคล้ ดี๊ โมเซ ไจ้ะเว๊, “เกม๊า น โล้ เอะ น วี่ โจ้ อาโรง บี่อี้ง, ลี้ฆ้าง ลู่ง ทล่างฌี้ทึแอว้ทึ พ้า, ท๊อง ทแบ น ซ้ะ เมะเว๊ ลี้ฆ้าง ลู่ง ตไก้ยะ กางทะ เท่อ อ พ้า, ลู่ง ไฮะ อ คูกล้ะ, แยว้ อ ทย๊างซ้ะ อ ล่าง อ เมะแซ พ้า นอ ล ฌี้, บี่ซุ้ อ เว๊ ม ล ซี๊ง แบ, เมะเว๊ จ ม เนโพลทาง จ ซ้ะ ทเอิง พ้า, ลู่ง ไฮะ อ คูกล้ะ, แยว้ อ ทย๊างซ้ะ อ ล่าง นอ อ เช๊คู
บี่ซุ้ เกม๊า เว๊ อ เก โพล้ง อีซลาเอง อ ทนาง ล้าง ไท้ ซ้ะ บี่อี้ง, โพล้ง แด เท่อ พี่ ล เมะ อ เก อาโรง อชื้ออชะ แบ นอ, เกม๊า อ ลี้นึฆ้าง เช้า ทน๊าม๊า เทว๊-อ้ะ ลู่ง กแช่ยาเว อ เมะแซ พ้า ล ฌี้, ล แม้ บี่นอ แบ นอ, ม เก บี่ซุ้ดี๊ โครา ดี๊ อ มู๊ง อ ซกุ้ ลแพ นอ, ทแม้ อ ซ้ะ บี่ซุ้ดี๊ กแช่ยาเว ไคล้ ดี๊ เอเลอาซา เฌ๊ เว๊ ลู่ง โมเซ นอ ล้อ
เมะ โพล้ง พี่ ม แม้ ทาง อ เด้, ลู่ง เด้กแช่แยว้อล่างโอ อ ฆ้อง มื่ง ทาง ล โค๊, ฆ้าง ดี๊ เด้ทโอซยองอล่าง อ เมะแซ พ้า, ล แพ้ แย๊ มื่ง ทาง นอ, โอ เว๊ แด โมเซ ดี๊ อาโรง, ดี๊ กเย่ อาโรง อ พู อ ลี้ง, อ ซื๊งเว๊ แม้ เท่อ ลู่ง ทแบ้แยว้ล่างลู่งอฌี้ พ้า, ดี๊ ทแม้ กุ้เม้ง พี่ อ แม้คิ้ เท่อ ลู่ง โพล้ง อีซลาเอง อ ฌ่าง, โพล้ง อ แฌ้แพ เมะ เฌ๊ฆ้าง เบ้า นอ ม แบ ทแม้เตา-อ้ะ ท่อง อ ซี๊ง ล้อ
ลู่ง กแช่ แยว้ อ พู อ ลี้ง อ แกล้ นอ, ทึ เมะ แย้ จ ล ล้างเปิ่ง น่าง ปี๊ แบ ฌี้ๆ, แบเด้าะ กแช่ แยว้ เกม๊า จ โอ ดี๊ อ โก้ง อ โบ้ง อ บลึ้ อ บลาง แม้ เท่อ บี่ อี้ง, เมะ เว๊ จ ม โล้ ล้าง ท ฌี้ อ ไฌ่ แบฆ้ะ ดี๊ กแช่ เยซู คริ้ เอะ โพล้ง ล เมะ เก ยู แบ, ท ฌี้ อ ไฌ่ อี้ง นอ เก เท่อ ลู่ง อ ลื่ง ดู ฆวี้ ดู ทึ ท้อง ก เก้อะเร้อะ-อ้ะ ล ซี แบ
โพล้ง เลวี นอ ล นี่แบ ทอางน้าง แบด้อง น ซื๊ง น่าง จอง แบ, เมะเว๊ อ ซื๊งเว๊ ม แม้ เอะ กแช่ยาเว อ เท่อ ลู่ง อ เก โพล้งลื่งเท่อ อ กย้อง, อ นอ เก อ ซื๊งเว๊ อคองอแซย้, เมะ โพล้ง กะ, ดี๊ โพล้ง รูเบง, ดี๊ โพล้ง มานาเซ พุ้พ๊าง ชื้อ นอ นี่แบ คองแซย้ ลู่ง ที๊ง โจเด้ง กล้อง อ มื่ง ทาง ล โค๊, บี่ซุ้ กแช่ยาเว อ เพล่ โมเซ เกล๊าง เอะ อ ซื๊งเว๊ อู้ง เย้า นอ ล้อ”
จ อวีงซ้ะชู้ เกม๊า น ซื๊ง ยู่แคว่ แฌแซ กแช่ แยว้ อ แกะ, พี่ อ อางกี ล้าง เอะ น ซื๊ง นอ ไช้ะ, ล เมะ แคว่-อ้ะ บี่ ซุ้ โพล้ง แคแน น ซื๊ง แบ, แบเด้าะ แคว่-อ้ะ ดี๊ ท มึ เซิง มึ ซ้ะ, บี่ ซุ้ กแช่ แยว้ แบ ซ้ะ เกม๊า น แคว่, ช๊องมอง ที่ ม นี่ แบ คางเล้ง ล เม้ง ล ฌี้, แบเด้าะ แคว่-อ้ะ ดี๊ ซ้ะ ลู่ง แบ ซ้ะ แม้ กแช่ แยว้ อ เท่อ
ดี๊ จ ลึนี่ อ ซื๊งเว๊ ไจทางไฆวะ, ลู่ง โพล้ง อีซลาเอง อ ชื้อ พ้า เลาพะ นอ อ แกล้, เกม๊า อ เก จ โพล้งลื่งเท่ออคู, ลี้ ทาง ลู่ง จ ทลื่งล่าง, บี่ซุ้ เช้า ทพี่ อ น๊าม๊า, บี่ซุ้ เจ่ ไช๊อเบงคูลท๊า ลู่ง จ เมะแย๊ ดี๊ จ อางกีล้าง เท่อ เลาพะ, พี่ เก ทลื่งทาง เช้า ดี๊ มี, พี่ โพล้ง อีซลาเอง ซีง, เฌ๊ เทว๊ เอะ น แพ่ อชื้ออชะ นอ
ကြော်ငြာတွေ