เกล้​ท​ซ้ะวี่ง 17:8 - Northern Pwo Karen Thai Bible

⁸ ทพ้างทาง ลู่ง โฌ้โค๊, โมเซ ลี้ นึฆ้าง ลู่ง เด้ทล่างแม้ไนทอืงล้าง อ พ้า, ดี๊ แคว่เซ้อ อาโรง อ นางทุ้บ้อง ลู่ง โพล้ง เลวี อ ชื้อ อ ฌ่าง นอ เมทาง, โอ ดี๊ อ โพ๊ ทู่ทาง ดี๊ อ โพ๊ พ้ะทาง, ดี๊ เกทาง อางมอง แซ เม๊ง ล น้าง ปะ

เกล้​ท​ซ้ะวี่ง 17:8 ပူးပေါင်းရင်းမြစ်များ

ทอคางไท้ะ 40:10

ซไบ้ะ มื่ง นอ, อ ได้ โอ ซ๊า ได้, พี่ อ แลบาง ซยุ้ทาง, อ โพ๊ ทู่ทาง นอ, โอ ดี๊ อ โพ๊ ต้างแต ทาง อ ซ้ะ, ดี๊ อ โพ๊ น๊างเชา นอ, เกทางก้ะ ซไบ้ะแซ เม๊ง เฆาะ

ทอางปฆ้า 110:2

กแช่ยาเว เยาฆ้าง นางทุ้บ้อง, ลู่ง น ท โพะคอง, โอนี่ลู่ง ซีโยง เกม๊า น ยู่แคว่แฌแซกต้าง เท่อ, ลู่ง นดีงนแด้ อซุ้อแกล้ แดเทา

ซาโลโมอแท๊ 2:3

ท๊อ มื่งเทิง เกทาง โอ ลู่ง เซง เม้ง แกล้ บี่จะเล้ นอ โพล้ง พี่ จ เอ-อ้ะ นอ, โอ ลู่ง กแคว๊ น่างบางซ้ะบาง อ แฌ้แพ อซุ้อแกล้ บี่นอ ล้อ จ ชี๊น้าง โอ ซยืง อ เช๊ละ มึ มะ ดี๊ อซูงอแซ พี่ จ อาง ดุ้-อ้ะ นอ, ช๊า ฌี้ มะ

อีซยา 4:2

ล นี้ง แย๊ นอ, กแช่ยาเว อ ได้ มฌี้มแอว้ ดี๊ อดูอโท๊, ดี๊ ที๊งล่างค่างพ้า อซูงอแซ ม เก ท มึเซิงมึซ้ะ, ดี๊ เก โพล้ง พ้องพลิ้ ดี๊ ท ซี๊ง ลู่ง อีซลาเอง พ้า อฆี๊งอแล้

เอเซเคียง 17:24

ดี๊ เซง กุ้ เทิง ลู่ง ไชะคูแน้พ้า ม ซีงแฌ๊ เว๊ เฆ้อ เมะเว๊ ยาเว ก ดึ้ เกม๊า เซง มื่งเทิง พ้ะโท๊ ล้างพือ ดี๊ ดึ้ เกม๊า เซง มื่งเทิง พือไล้ะ โท๊ทาง ดึ้ เกม๊า เซง มื่งเทิง แล๊ ไฆ๊ไฆวะ ดี๊ ดึ้ เกม๊า เซง มื่งเทิง ไฆ๊ ฌี้ เซ๊งไจ้ะ เฆ้อ เมะเว๊ ยาเว, ก นี่ ไคล้ เย้า ดี๊ ก ม แม้-อ้ะ บี่นอ ล้อ”

เอเซเคียง 19:12

แบเด้าะ อ แบ ท ทิ้ทาง ดี๊ ทซ้ะทาง แบ ท จึ้ล้าง ลู่ง ฌางคูคู ลี้ง ลู่ง มื่งทาง ล โค๊ แม้ ล้างไย้ะไฆวะ-อ้ะ อ แซ นอ แบ ท ดิ้ไฆวะ เลาพะ อ ได้ พี่ อชองอไคล๊ นอ ล้างไย้ะไฆวะ มี อางไฆวะ-อ้ะ เฆาะ

เอเซเคียง 19:14

มี ไจทางนี่ ลู่ง อ ได้ นอ อาง เฌ๊ฌ้องไฆวะ อ ได้แท่ อ แฌ้แพ, ดี๊ อซูงอแซ ท้อง อ เลา อ ได้ พี่ อชองอไคล๊ นอ, ล โอ ล้างลื๊อ ลู่ง อ มื่งเทิง ล้อง ล้า แบ นางทุ้บ้อง ลู่ง โพล้ง โพะคอง เท่อ อ ฌ่าง ล โอ แบ” อ อี้ง เก แท๊ซ้ะอวีง ฌางล้างย้าล้าง, พี่ เจ่ ลู่ง ท ฌางล้างย้าล้าง อ ฌ่าง ล้อ

เกล้​ท​ซ้ะวี่ง 16:5

อ เว๊ ไคล้ ดี๊ โครา ดี๊ อ มู๊ง อ ซกุ้ ลแพ นอ ไจ้ะเว๊, “ลู่ง โฌ้ โฆะ นอ, กแช่ยาเว ม เนโพลทาง ล้างที๊ง เว๊ โพล้ง พี่ แฌ้ เล้ เก อ เว๊ อ เท่อ, ดี๊ โพล้ง พี่ แฌ้ เล้ เก โพล้ง ลู่ง อฌี้อแอว้ นอ, ดี๊ ม เกม๊า โพล้ง ล แฌ้ นอ ลี้ฆ้าง โอ เบ้า-อ้ะ, โพล้ง พี่ แฌ้ เล้ พี่ อ อางลึนี่ เว๊ นอ, อ เว๊ ม เกม๊า โพล้ง ล แฌ้ นอ ลี้ฆ้าง โอ เบ้า-อ้ะ

เกล้​ท​ซ้ะวี่ง 17:5

ดี๊ โพล้ง พี่ จ อางลึนี่-อ้ะ นอ, อ นางทุ้บ้อง ม เมทาง, บี่อี้ง ล้อ, จ ม ดึ้ เกม๊า โพล้ง อีซลาเอง อ ลู่ง เอ้งไฌ้ เท่อ, พี่ อ เอ้งไฌ้ แบ แน้ ลู่ง จ แน่ พ้า นอ ล้างแม่ไฆวะ”

เกล้​ท​ซ้ะวี่ง 17:9

ฌ้อง โมเซ แม้นี่ไท้ นางทุ้บ้อง เลาพะ ลู่ง กแช่ยาเว อ เมะแซ พ้า นอ, เฌ๊ไท้ โชะ เว๊ ลู่ง โพล้ง อีซลาเอง เลาพะ นอ อ โอ, อ ซื๊ง แคว่ที๊ง ดุ้ เว๊, ดี๊ ล แฌ้ๆ, นอ แม้นี่ไท้ อ นางทุ้บ้อง ไท้ โชะ ไท้ เว๊ แด ล้อ

ฮีบรู 9:4

ล เช้า แย๊ อี้ง นอ, โอ ดี๊ ท เช้า ทาง ท น๊าม๊า อ ล่าง โล๊ ไบ้ะ เว๊ ดี๊ ท๊อง, โอ ดี๊ ไฮะ กแช่ แยว้ อ ท เอิ้งล้าง ปะ, โล๊ ไบ้ะ เว๊ ดี๊ ท๊อง, ไฮะ พ้า นอ โอ ดี๊ ท โด้ง ท๊อง พี่ อางกี มานา, โอ ดี๊ อาโรง อ นางแพ๊บ้อง พี่ เซงแล ดุ้ ทาง เว๊ อ ล้อง, โอ ดี๊ โล่ง ปางเป คี๊ง เบง พี่ อ กวิ้ไน ทอางแม้เลา