เกล้​ท​ซ้ะวี่ง 16:38 - Northern Pwo Karen Thai Bible

³⁸ โพล้ง พี่ อ แม้ แบ ทเด้บ้ะ ท๊อง อ ซี๊งไฆวะ ลแพ นอ, อ มีอ้าโด้ง ล่าง นอ, เกม๊า น ซื๊ง ไน๊ ซยอง-อ้ะ เก ปางเป น๊างเบง, คลึไบ้ะล้าง ทลื่งล่าง นอ, เมะเว๊ อ ซื๊งเว๊ เฌ๊ เทว๊ มีอ้า อ โด้ง ล่าง ลแพ นอ เอะ กแช่ยาเว, อ นอ เก เท่อ ลู่ง อฌี้อแอว้ ล้อ, ดี๊ เกม๊า ท ลแพ อี้ง เก ทแม้ไน เอะ โพล้ง อีซลาเอง”

เกล้​ท​ซ้ะวี่ง 16:38 ပူးပေါင်းရင်းမြစ်များ

1​กจุ้แฆว้ 2:23

ฌ้อง กจุ้แฆว้ ซาโลโม, อืงล้าง อ ซ้ะ ลู่ง กแช่ยาเว อ เม้ง ไจ้ะเว๊, “ลู่ง ทไคล้ อี้ง อ กย้อง, เมะ ล ดึ้ เกม๊า อาโดนียา อ กแช่ ซี๊งทางนี่ แบ นอ, เกม๊าเต้ กแช่แยว้ แม้เตาแม้แต๊ เฆ้อ ดี๊ น้ะ ทาง ได้ะ

ทอางด้อง 1:18

แบเด้าะ โพล้ง ลแพ อี้ง นอ, โคะฌืงล้าง โอคุ้ แม้นี่ อ กแช่ อ ซวีง อ ซื๊งเว๊ โอคุ้ซูง แม้อ้าแม้ซ๊าง ล้างไท้ อ กแช่

ทอางด้อง 20:2

กจุ้แฆว้ อ ท ซ้ะทาง นอ ล้างซ้ะเม, บี่ซุ้ดี๊ คี๊ยื่ง แพ๊ อ ลู่ง กุ้ซย้ะ เท่อ โพล้งเล้ ไล๊ดุ้ เว๊ เกม๊า อ ซ้ะทาง นอ, ล ซ้ะเม ล้าง อ ซ้ะซี๊ง แบ ล้อ

ทอางด้อง 8:36

แบเด้าะ โพล้ง พี่ ล แด แย้ แบ นอ, ดึ้ เกม๊า อ กแช่ แช๊ กุ้แฌ้ พี่ แช๊เมะ ดี๊ แย้ นอ, อ เอ ทซี๊งทแซย”

เยเรมี 44:7

ดี๊ ค๊องเนงอี้ง กแช่ยาเว, กแช่แยว้ ซึ้คู ดูทึชองทึ, กแช่แยว้ ลู่ง อีซลาเอง ไจ้ะเว๊ บี่อี้ง, แม้ทเล้ น ซื๊ง แม้อ้าแม้ซ๊าง ล้าง น ซ้ะ บี่อี้ง, ดี๊ แม้ไฆวะ กแคว๊, กมืง, เลา ดี๊ พืงแซ โอซ๊าง, ดี๊ พืงแซ ลู่ง ยูดา อซุ้อแกล้ พ้า, ท๊อง โพล้ง ล โอ ล้างลื๊อ เอะ แน้ น่างแฌ้ ล้า แบ

เอเซเคียง 14:8

ดี๊ ก ม แกยฆ้าง ก เมะ ดึ้ซึ้ โพล้ง ล แฌ้ นอ, ก ม ดึ้ เกม๊า อ ท แม้ไน, ดี๊ เก นุ้แช, ดี๊ ก ม แม้ไฆวะ-อ้ะ ลู่ง กพูกลี้ง อซุ้อแกล้, ฌ้อง น ม ซีงแฌ๊-อ้ะ, เฆ้อ เมะเว๊ ยาเว ล้อ

ฮาบากุ้ 2:10

น ช๊องมอง ทโกงทแกย อางฆื๊งนี่ ท ฌางแช้ฌางเด เฌ๊ฌูง น เด้านล่าง ลู่ง ท แม้ซี๊งไฆวะ โพล้ง อ ชื้อ แอฌี่งแอฌ้อง น แม้ เด้บ้ะ ล้าง น ซ้ะ

เกล้​ท​ซ้ะวี่ง 16:37

“เกม๊า น โล้ เอะ โพล้งลื่งเท่ออคู อาโรง อ พู, เอเลอาซา นอ, เกม๊า อ โชะนี่ไฆวะ มีอ้าโด้ง ล่าง ลู่ง มีเค้ พ้า นอ, ดี๊ ม๊า แม้ ลีงแล่ไฆวะ มีอ้า คูลอง นอ เมะ ไย้, เมะเว๊ มีอ้าโด้ง ล่าง ลแพ อี้ง นอ, เก เท่อ ลู่ง อฌี้อแอว้ นอ ล้อ

เกล้​ท​ซ้ะวี่ง 16:39

ทบี่นอ โพล้งลื่งเท่ออคู เอเลอาซา แม้นี่ มีอ้าโด้ง ล่าง ท่องบ้าง, พี่ โพล้ง ลี้ เทว๊ เว๊ ดี๊ มี อาง ซี๊ง-อ้ะ นอ, เฌ๊ไท้ ไน๊ซยอง เว๊ เก ปางเป น๊างเบง, คลึไบ้ะล้าง ทลื่งล่าง

เกล้​ท​ซ้ะวี่ง 16:40

บี่ซุ้ เกม๊า เว๊ อ เก โพล้ง อีซลาเอง อ ทนาง ล้าง ไท้ ซ้ะ บี่อี้ง, โพล้ง แด เท่อ พี่ ล เมะ อ เก อาโรง อชื้ออชะ แบ นอ, เกม๊า อ ลี้นึฆ้าง เช้า ทน๊าม๊า เทว๊-อ้ะ ลู่ง กแช่ยาเว อ เมะแซ พ้า ล ฌี้, ล แม้ บี่นอ แบ นอ, ม เก บี่ซุ้ดี๊ โครา ดี๊ อ มู๊ง อ ซกุ้ ลแพ นอ, ทแม้ อ ซ้ะ บี่ซุ้ดี๊ กแช่ยาเว ไคล้ ดี๊ เอเลอาซา เฌ๊ เว๊ ลู่ง โมเซ นอ ล้อ

เกล้​ท​ซ้ะวี่ง 17:10

กแช่ยาเว ไคล้ ดี๊ โมเซ ไจ้ะเว๊, “เกม๊า น แม้นี่ อาโรง อ นางทุ้บ้อง นอ, ลี้ โชะ อางกีล้าง ไท้-อ้ะ ลู่ง ไฮะ ทล่าง แม้ไน ทอืงล้าง อ เมะ แย๊ นอ อางกี-อ้ะ เก ทแม้ไน, เกม๊า โพล้ง กไบล้ะกแบล ลแพ นอ นางแบไท้ เว๊, บี่ซุ้ น ม เกม๊า อ ซื๊งเว๊ ล เอ้งไฌ้ แย้ ล้าแบ, ดี๊ บี่ซุ้ อ ซื๊งเว๊ ล แบ ซี๊ง แบ”

เกล้​ท​ซ้ะวี่ง 26:10

ดี๊ ฌางคู อ้างทาง อ นุ้ อางยู่งคล่อง ทคี๊ง แฌ้ อี้ง ล พ๊า ฆ่าง ดี๊ โครา, ล พ๊า แย๊ นอ พี่ โพล้ง ล แพ นอ ซี๊ง, ดี๊ ล พ๊า แย๊ นอ พี่ มี อาง ซี๊งไฆวะ อซื๊งเว๊ คี๊ง แย้ เย่ ชี๊ง แฌ้, ดี๊ อ ซื๊งเว๊ เก ท อ ไฌ่ แม้ ซีงแฌ๊ โพล้ง อ ซ้ะ

1​โคเรง 10:11

ท กุ้ อ เม้ง พี่ อ เก ทาง ดี๊ อซื๊งเว๊ โย้ นอ, เก ท อ ด้อง ลู่ง โพล้ง อ แฌ้แพ อ ฌ่าง, ดี๊ โพล้ง กวิ้ ล้าง เว๊ บี่ ซุ้ ก ม ปโล่ ล้าง ก ซ้ะ, ลู่ง ก โอ เบ้า ดี๊ ท ไค๊ ทึ อ แค๊ อี้ง

2​เปโต 2:6

กแช่ แยว้ แม้ เฌ๊ฌ้อง เฌง โซโดง ดี๊ เฌง โกโมรา เช้า ไฆวะ เว๊ ดี๊ มี, พี่ อ แม้ เท่อ บี่ นอ, เก ท อ ด้อง ลู่ง โพล้ง อ แฌ้แพ พี่ ม ลือ ค๊างพะ กแช่ แยว้ นอ อ ฌ่าง