เกล้​ท​ซ้ะวี่ง 16:15 - Northern Pwo Karen Thai Bible

¹⁵ โมเซ อ ซ้ะทาง เต้ๆ, ดี๊ โล้ เอะ กแช่ยาเว ไจ้ะเว๊, “อวีงซ้ะชู้ ฮะนี่ อ ซื๊งเว๊ อ ทลื่งทาง นอ ล ฌี้, แย้, จ ล แม้นี่ อ ซื๊งเว๊ อ แลว้ น่าง ดื้ง แบ, ดี๊ จ ล แม้อ้าแม้ซ๊าง อ ซื๊งเว๊ น่าง แฌ้ แบ”

เกล้​ท​ซ้ะวี่ง 16:15 ပူးပေါင်းရင်းမြစ်များ

2​ซามูเอง 22:22

เมะเว๊ จ แฌแซ กแช่ยาเว อ เกล้ ดี๊ ล นี่ แม้ ทอ้า ลู่ง ทวีงแซยไฆวะ ซ้ะ, ดี๊ จ กแช่แยว้ นอ แบ

ทไจทางไฆวะ 32:19

ท่อง โมเซ เฌ๊ไท้ เบ้า ม ท้อง ทล่างโอซยอง พ้า นอ, อ เว๊ แด งู้ อ ฌ้าง, ดี๊ โพล้ง เฌ้เทิงลี่ง, โมเซ อ ทซ้ะทาง พ้ะดู ละเพา ซยุ้ทาง, โล่ง ปางเล พี่ โอ อ จูง พ้า นอ อ เว๊ จึ้ล้าง เว๊ ล้างเทะ เท้พ้ะ ลู่ง ทลู่ง คางไท้ะ นอ ล้อ

ทอางด้อง 21:27

โพล้งอ้าโพล้งซ๊าง อ ทลื่งทาง นอ, เก เท่อ ล้าง แช๊เมะไฌ๊ซ้ะ ดี๊ น้ะเละ อ นอ ได้ะ, พี่ อ เว๊ เฌ๊โชะ เว๊ ดี๊ ซ้ะ ช๊องมอง เท่อ ลู่ง ออ้าอซ๊าง

เกล้​ท​ซ้ะวี่ง 12:3

(โมเซ นอ เก โพล้ง พี่ ญ่อง ล้าง อ ซ้ะ ฌี้เละ โพล้ง กุ้ แฌ้ ลู่ง ฌางคูโคล๊งคู

เกล้​ท​ซ้ะวี่ง 16:16

โมเซ ไคล้ ดี๊ โครา ไจ้ะเว๊, “ลู่ง โฌ้ โฆะ เกม๊า แน้ ดี๊ น มู๊ง น ซกุ้ เลาพะ นอ ลี้ฆ้าง ลู่ง กแช่ยาเว อ เมะแซ พ้า, เลา ดี๊ แน้ ดี๊, น มู๊ง น ซกุ้, ดี๊, อาโรง ปะ

ม้ะทู 5:22

เมะ ยี๊ แด จ โล้ เอะ น ซื๊ง ซีง, โพล้ง พี่ อ ซ้ะทาง ดี๊ อ ด๊างพื่งวี่ โพล้ง ล แฌ้ นอ, ม แบ ท แม้ เตา แม้ แต๊-อ้ะ, ดี๊ โพล้ง พี่ ล แฌ้ เล้, พี่ อ ไจ้ะ อ ด๊างพื่งวี่ อ เฌ๊ฌ้อง ซี๊ง, โพล้ง ล แฌ้ นอ, ม แบ ลี้ ลู่ง โพล้ง ต้ะเซ๊ง เท่อ ล มู๊ง นอ อ เมะแซ พ้า, ดี๊ โพล้ง พี่ ล แฌ้ เล้, พี่ อ ไจ้ะ เอะ อ ด๊างพื่งวี่ อ พลื่ง ซี๊ง, โพล้ง ล แฌ้ นอ, ม แบ ท ลี้ โซ๊ง-อ้ะ ลู่ง มี มแนโฮะ พ้า

มาร้ะกู 3:5

กแช่ เยซู แคว่ เท่อ วะๆ, อ ซ้ะทาง ดี๊ โพล้ง ล แพ นอ, ดี๊ อ ซ้ะ เฌ๊ฌ้อง เต้ๆ, ลู่ง อซื๊งเว๊ ล ย๊างเซิง ย๊างซ้ะ เท่อ แบ, ฌ้อง อ เว๊ โล้ เอะ กแคว๊ พี่ อ จูง ล้างไบล้ ล แฌ้ นอ ไจ้ะ เว๊, “เยา ฆ้าง น จูง แด เทา”, อ เว๊ แด เยา ฆ้าง เว๊ ฌ้อง อ จูง แบล เว๊ ล้อ

1​โคเรง 9:15

แบเด้าะ แย้ จ ล เฌาโละ แม้ นี่ เท่อ ลู่ง จ เกิ้ง นี่-อ้ะ นอ แบ, พี่ จ กวิ้ เท่อ อี้ง นอ, ล เมะ จ อางท่าง นี่ ท น่าง เม้ง แบ, เกม๊า จ ซี๊ง บะจือ พี่ จ ม แม้ เท่อ บี่ นอ, โพล้ง ล โอ น่าง แฌ้ แบ ลู่ง ม แม้ ไฆวะ จ ทอางปฆ้า ล้าง จ ซ้ะ อี้ง ซี

2​โคเรง 1:12

ก ซ้ะ มึ ล เม้ง ดี๊ ก ซีงแฌ๊ ล้าง ก ซ้ะ เต้ๆ, เมะ เว๊ ก แม้ ก ซ้ะ เมาน่าง ครึๆ, เมะ ดี๊ น ซื๊ง นอ, ก แม้-อ้ะ เมาน่าง แอ ล ปี๊ ลู่ง ท เซิง ฌี้ ซ้ะ แอว้ ดี๊ ท เซิง โต้ ซ้ะ โต้, พี่ อ แบ กแช่ แยว้ อ ซ้ะ, ล เมะ โพล้ง ฌางคู โคล๊ง คู อ ท โกง ท มอง เกม๊า ก แม้ แบ, แบเด้าะ กแช่ แยว้ อ โก้ง อ โบ้ง อ บลึ้ อ บลาง เกม๊า ก แม้ ล้อ

2​โคเรง 7:2

เนโพล ทาง น ซื๊ง ท เอ ท กวี้ง เอะ เฆ้อ ไช้ะ, ก ล แม้ ไพ้ะ แม้ แม แบ โพล้ง น่าง แฌ้ แบ, ก ล แม้ เฌ๊ฌ้อง โพล้ง น่าง แฌ้ แบ, ก ล อางโล๊ นี่ โพล้ง อ เท่อ น่าง แฌ้ แบ

เอเฟโซ 4:26

น ซื๊ง เมะ ซ้ะทาง เท่อ นอ, เกม๊า ท ซ้ะทาง อี้ง ลี้ ฌ้า น ซื๊ง แม้ ท เด้บ้ะ ล ฌี้, ดี๊ ซ้ะทาง เท่อ ท้อง ลู่ง มื่ง ล้าง นึ ล ฌี้

1​เทซาโลนีเก 2:10

น ซื๊ง ดี๊ กแช่ แยว้ เก เอะ ก พีงญาง, พี่ ก แม้ ก ซ้ะ ดี๊ น ซื๊ง ลู่ง อ ชู่ง นะ เท่อ นอ, ก เซิง ฌี้ ซ้ะ แอว้ ดี๊ ก แม้ เท่อ ลู่ง อ เกิ้ง อ แบ, ก ท ไพ้ะ ท แม ล โอ น่าง เม้ง แบ