เกล้​ท​ซ้ะวี่ง 15:9 - Northern Pwo Karen Thai Bible

⁹ เกม๊า ลี้ โชะ ทลื่งทาง เทว๊ ทซูงทแซ, เทว๊ กู่ง ฆึ-อ้ะ ดี๊ งู้ แพ๊ นอ, อ นอ เมะเว๊ ฌื๊งไน้ะ ลู่ง อ ฌี้ ซ๊า กีโล, แกย้ ดี๊ ทซู คี๊ง เล๊ง

เกล้​ท​ซ้ะวี่ง 15:9 ပူးပေါင်းရင်းမြစ်များ

1​ทกวิ้ไน 21:23

ฌ้อง โอระนาง โล้ เอะ ดาเว ไจ้ะเว๊, “แม้นี่-อ้ะ แดเทา, ดี๊ เกม๊า จ เซงคู กจุ้แฆว้ แม้ เท่อ, พี่ แบ น ซ้ะ นอ แดเทา, แคว่เซ้อ, แย้ จ ม เกม๊า งู้, ลู่ง ทลื่งทาง เช้า ทพูแฆ่ น๊างดื้ง นอ อ ฌ่าง, ดี๊ ทล่าง ไย่ บืง อี้ง แม้ เก เซงมื่ง, ฌ้อง บืง ซาลี นอ เก ทลื่งทาง เทว๊ ทซูงทแซ, แย้ จ ม เทว๊-อ้ะ เลาพะ”

เนฮะมี 10:33

เมะเว๊ เกม๊า อ เก กู อ ฆวี้, ช๊างล้าง เทว๊ ทซูงทแซ ลื่งทาง เท่อ ล้างชู้ล้างแกย, ทลื่งทาง เช้า ทพูแฆ่ น๊างดื้ง ล้างชู้ล้างแกย, ลู่ง มื่งดืงเท่อ ล เม้ง แบ ล เม้ง อ ฌ่าง, แล้ทางไท้ ซ๊าง ล แฌ, ทไฌ่ แม้มึอางอวีง ล เม้ง แบ ล เม้ง, เท่อ พี่ อฌี้อแอว้, ดี๊ ทลื่งทาง แพล่ไฆวะ ทเด้บ้ะ, บี่ซุ้ แม้ไฆวะ เอะ โพล้ง อีซลาเอง ลแพ นอ อ ทแบอ้า, ดี๊ ทเด้บ้ะ, ลู่ง ทแม้ กุ้เม้ง ลู่ง ก กแช่แยว้อล่างโอ พ้า นอ อ ฌ่าง

เอเซเคียง 42:13

ฌ้อง อ เว๊ ไคล้ ดี๊ แย้ ไจ้ะเว๊, “ทล่าง อ เช้า ล เทวๆ, ลู่ง ท้ะโค๊ แพ้ ดี๊ ละโค๊ แพ้, ล เทว แย๊ พี่ โอ ลู่ง ทล่าง พ้ะเล่ พ้า แย๊โค๊ อ เมะแซ พ้า นอ, เก ท อ เช้า เช๊งเกล้ง พี่ โพล้งลื่งเท่ออคู, พี่ นึฆ้าง โอเบ้า กแช่ยาเว ม เจ่ เว๊ อาง ทเทว๊ พี่ อ ฌี้ทึแอว้ทึ นอ, อ เว๊ ม อางกีล้าง ทเทว๊ พี่ อ ฌี้ทึแอว้ทึ นอ พี่ นอ, เมะเว๊ ทลื่งทาง เทว๊ ทซูงทแซ, ทลื่งทางเท้าไฆวะทเด้บ้ะ, ทลื่งทางแพล่ไฆวะทไพ้ะทแม, เมะเว๊ พี่ นอ อเช๊งอเกล้ง ล้อ

เอเซเคียง 46:11

“ทลื่งทางเทว๊ทซูงทแซ, พี่ เจ่ เว๊ ลู่ง ทไฌ่ แม้มึอางอวีง, ดี๊ ท ไฌ่ บี่ซุ้ อว๊างอแค๊ นอ, เกม๊า อ เก ฌื๊งไน้ะ ชี๊งเนว๊ ไล้ะ คึ, กู่ง โละซ้ะ ดี๊ งู้ แพ๊ บาง ล ดื้ง, ดี๊ ฌื๊งไน้ะ ชี๊งเนว๊ ไล้ะ คึ เด้าะ นอ, กู่ง โละซ้ะ ดี๊ แกะ แพ๊ ล ดื้ง, เมะ ท พี่ อ กู่ง โละซ้ะ ดี๊ แกะ พู นอ, เกม๊า อ เทว๊ ท๊อง อ แบซ้ะ เทว๊ เว๊, เลา ดี๊ เกม๊า เทว๊ ทซู ซ๊า ไล้ะ, ดี๊ ฌื๊งไน้ะ ชี๊งเนว๊ ไล้ะ คึ

เอเซเคียง 46:15

บี่อี้ง ล้อ, แบ อางฆื๊ง นี่ แกะ พู, ดี๊ ทลื่งทางเทว๊ทซูงทแซ, ล พ๊าฆ่าง ดี๊ ทซู กุ้ โฌ้ ซวะ, บี่ซุ้ เก ทลื่งทางเช้าทพูแฆ่น๊างดื้ง ครึๆ

เอเซเคียง 46:5

ดี๊ ทลื่งทางเทว๊ทซูงทแซ, พี่ อ กู่ง โละซ้ะ ดี๊ แกะ แพ๊ นอ, เมะเว๊ ฆื๊งไน้ะ ชี๊งเนว๊ ไล้ะ คึ, เมะ ทลื่งทางเทว๊ทซูงทแซ, พี่ กู่ง โละซ้ะ ดี๊ แกะ พู นอ, เกม๊า เทว๊ ท๊อง อ แบซ้ะ เทว๊ เว๊, เลา ดี๊ เกม๊า เทว๊ ทซู ซ๊า ไล้ะ, ดี๊ ฌื้งไน้ะ ชี๊งเนว๊ ไล้ะ คึ

เอเซเคียง 46:7

เมะ ทลื่งทางเทว๊ทซูงทแซ นอ, อ เว๊ แบ แด้เว้ ฌื๊งไน้ะ ชี๊งเนว๊ ไล้ะ คึ, กู่ง โละซ้ะ ดี๊ งู้ แพ๊ บาง นอ, ดี๊ ฌื๊งไน้ะ ชี๊งเนว๊ ไล้ะ คึ เด้าะ นอ, กู่ง โละซ้ะ ดี๊ แกะ แพ๊ ล ดื้ง แย๊ นอ, แบเด้าะ ท พี่ อ กู่ง โละซ้ะ ดี๊ แกะ พู นอ, เกม๊า อ เว๊ แด้เว้ ท๊อง อ แม้ เว๊ ซี, เลา ดี๊ เกม๊า อ เทว๊ ทซู ซ๊า ไล้ะ ดี๊ ฌื๊งไน้ะ ชี๊งเนว๊ ไล้ะ คึ

โยเอง 1:9

ทลื่งทางเทว๊ทซูงทแซ, ดี๊ ทโอ้ลื่งทางเท่อ แบ ท แม้นี่ไฆวะ ลู่ง เด้กแช่ยาเวอล่างโอ พ้า โพล้งลื่งเท่ออคู นอ, อ เมะมองแน๊อึ้ เมะเว๊ โพล้ง พี่ แม้ เอะ กแช่ยาเว อ เท่อ

โยเอง 2:14

โพล้งเล้ ม ซีงแฌ๊ เว๊ ซี, แบซีงลู่ง กแช่แยว้ เฌ๊ไท้, ดี๊ เปลงไท้ อ ซ้ะ เลา ดี๊ อางกี ล้างลื๊อ ทชูฌี้ ลู่ง ล่างไค๊ เมะเว๊ เกม๊า โอ ดี๊ ทเทว๊ทซูงทแซลื่งทางเท่อ, ดี๊ ทโอ้ลื่งทางเท่อ เทว๊ เอะ กแช่ยาเว น กแช่แยว้ ล้อ

เลวี​อ​ไฌ่ 14:10

“ลู่ง มื่ง โฆะ นี้ง ล นี้ง นอ, เกม๊า อ เว๊ แม้นี่ แกะ แพ๊ พู ลู่ง อ ฌี้ ทึ คี๊ง ดื้ง, ดี๊ แกะ มู่ พู ลู่ง อ ฌี้ ทึ, อ โญะ โอ ล เนง ล ดื้ง, ดี๊ ฌื๊งไน้ะ ลู่ง อ ฌี้, ซ๊า กีโล แกย้ ดี๊ ทซู, เก ทลื่งทางเทว๊ทซูงทแซ, ดี๊ แม้นี่ ทซู ล โทะ ลู่ง ซ๊า เล๊ง พ้า

เลวี​อ​ไฌ่ 6:14

“อ อี้ง นอ, เก ท อเค้อะอต้าง แบฆ้ะ ดี๊ ทลื่งทางเทว๊ทซูงทแซ อ ไฌ่, เกม๊า อาโรง อ พูแคว๊ ซีง ลแพ, เทว๊ ทลื่งทาง ลแพ อี้ง, ลู่ง กแช่ยาเว อ เมะแซ พ้า, ลู่ง ทลื่งล่าง อ เมะแย๊ นอ

เลวี​อ​ไฌ่ 7:37

ทกุ้เม้ง อี้ง นอ, เก ท อเค้อะอต้าง, แบฆ้ะ ดี๊ ทลื่งทางเช้าทพูแฆ่น๊างดื้ง, ทลื่งทางเทว๊ทซูงทแซ, ทลื่งทางแพล่ไฆวะทไพ้ะทแม, ทลื่งทาง ลู่ง ท ต๊างทาง อ ฌ่าง, ดี๊ ทลื่งทางแม้ฆู๊งแม้พุ้เท่อ

เกล้​ท​ซ้ะวี่ง 15:10

ดี๊ เกม๊า ลี้ โชะ ทโอ้ ลื่งทาง เท่อ, เมะเว๊ ไซ้ะ ซไบ้ะ แซ ที๊ง คี๊ง เล๊ง, บี่ซุ้ เก ทลื่งทาง เช้า ดี๊ มี, เก ท อ กลื่ง น๊าม๊า ลู่ง แบ กแช่ยาเว อ ซ้ะ

เกล้​ท​ซ้ะวี่ง 15:8

พี่ น แม้นี่ งู้ พู เก ทลื่งทาง เช้า ทพูแฆ่ น๊างดื้ง ฌี้, เก ทพูแฆ่ ลื่งทาง เท่อ บี่ซุ้ เก ทลื่งทาง แม้ ชิ้เทา ไท้ ทอืงล้าง เว้ ซ้ะ ฌี้, เก ทลื่งทาง แม้ฆู๊งแม้พุ้ เท่อ เทว๊ เอะ กแช่ยาเว ฌี้

เกล้​ท​ซ้ะวี่ง 28:12

ลู่ง งู้ ล ดื้งๆ, อ ฌ่าง นอ, ม๊า น แม้นี่ ฌื๊งไน้ะ ลู่ง อ ฌี้ ทึ ซ๊า เล๊ง แกย้ ดี๊ ทซู, เก ทลื่งทาง เทว๊ ทซูงทแซ, ดี๊ ลู่ง แกะ แพ๊ ล ดื้ง อ ฌ่าง นอ, ม๊า น แม้นี่ ฌื๊งไน้ะ คี๊ง เล๊ง แกย้ ดี๊ ทซู, เก ทลื่งทาง เทว๊ ทซูงทแซ

เกล้​ท​ซ้ะวี่ง 28:14

เมะ ทโอ้ ลื่งทาง เท่อ พี่ อ กู่ง โละซ้ะ นอ, ลู่ง งู้ แพ๊ ล ดื้งๆ, อ ฌ่าง นอ, ม๊า น แม้นี่ ไซ้ะ ซไบ้ะ แซ ที๊ง คี๊ง เล๊ง, ลู่ง แกะ แพ๊ ล ดื้งๆ, อ ฌ่าง นอ, น แบ แม้นี่-อ้ะ ล เล๊ง คึ, ดี๊ ลู่ง แกะ พู ล ดื้งๆ, อ ฌ่าง นอ, น แบ แม้นี่-อ้ะ ล เล๊ง, อ อี้ง นอ เก ทลื่งทาง เช้า ทพูแฆ่ น๊างดื้ง ล แล้ ล พ๊า, เมะเว๊ แล้ กุ้ เบง ลู่ง ล เนง พ้า นอ

เกล้​ท​ซ้ะวี่ง 29:6

ทลื่งทาง เช้า ทพูแฆ่ น๊างดื้ง ลู่ง มื่ง นี้ง ทางไท้ อ ซ๊าง, ดี๊ ทลื่งทาง เทว๊ ทซูงทแซ พี่ อ กู่ง โละซ้ะ, เลา ดี๊ ทลื่งทาง เช้า ทพูแฆ่ น๊างดื้ง พี่ เทว๊-อ้ะ ตเรา เฆาะ, ดี๊ ทลื่งทาง เทว๊ ทซูงทแซ, ดี๊ ทโอ้ ลื่งทาง เท่อ พี่ อ กู่ง โละซ้ะ, บี่ซุ้ดี๊ อ ทอางกีล้าง นอ โอเจ ได้ะ, ทลื่งทาง ลแพ อี้ง นอ, เก ท อ กลื่ง น๊าม๊า ลู่ง แบ กแช่ยาเว อ ซ้ะ, เก ทลื่งทาง เช้า ดี๊ มี เทว๊ เอะ กแช่ยาเว

1ซามูเอง 1:24

ท่อง อ พู แพล่นู่ง เย้า นอ, อ เว๊ ลี้ทางฌ้า อ พู, ลี้ ดี๊ งู้ แพ๊ อ โญะ ซ๊า เนง ล ดื้ง, แม้นี่ ฌื๊งไน้ะ อ กีโล ล ชี๊ง, ดี๊ ไซ้ะ ซไบ้ะ แซ ที๊ง ล โทง, น่าง ฮางนา เฌ๊ฌ้า เว๊, ลู่ง กแช่ยาเวอล่างโอ พ้า ลู่ง ชิ้โล พ้า, พืงแซ แคว๊ นอ ปี๊ โฆะ ได้ะ ล้อ