กแช่ยาเว น๊า แบ ท กลื่ง พี่ แบ อ ซ้ะ เย้า นอ, ช๊องมอง เท่อ ลู่ง อ ซ้ะ พ้า ไจ้ะเว๊, “ก ล ชูอ้า ฌางคู คู ล้า แบ, ทึเมะ กโพล้ง ล ฌี้ แบ, เป๊งนี่ กโพล้ง อ ท ช๊องมอง ทาง ลู่ง อ ซ้ะ พ้า, โอ ที่ ทอ้าทซ๊าง, โค๊ ลู่ง อ พืงแซ แค๊ เย้า ฌี้ นอ, ก ล แม้ เฌ๊ฌ้อง ท พี่ อ โอม๊า กุ้เม้ง, ด้องซุ้ พี่ ก นี่ แม้ -อ้ะ เย้า นอ ล้า แบ
เกล้ทซ้ะวี่ง 15:3 - Northern Pwo Karen Thai Bible3 น ซื๊ง เมะ เฌ๊ โชะ ทลื่งทาง, น แม้นี่-อ้ะ ลู่ง งู้ น๊างมู๊ง อ แกล้ ฌี้, แมะ ดี๊ แกะ น๊างมู๊ง อ แกล้ ฌี้, ลี้ เทว๊ เอะ กแช่ยาเว เก ทลื่งทาง เช้า ทพูแฆ่ น๊างดื้ง ฌี้, เก ทลื่งทาง แม้ ชิ้เทา ไท้ ทอืงล้าง เว้ เท่อ ฌี้, เก ทลื่งทาง ซ้ะ โอ แบซ้ะ เทว๊-อ้ะ ฌี้, เทว๊-อ้ะ ลู่ง ทลื่งอาง โละซ้ะ ท๊อง ทอแค๊, บี่ซุ้ เกม๊า อ กลื่ง น๊าม๊า ลู่ง แบ กแช่ยาเว อ ซ้ะ ฌี้ นอ အခန်းကိုကြည့်ပါ။ |
เกล้ทซ้ะวี่ง 15:3
27 ပူးပေါင်းရင်းမြစ်များ
ฌ้อง เกม๊า น ลี้ ลู่ง ทล่าง, พี่ กแช่ยาเว น ซื๊ง อ กแช่แยว้, ม อางลึนี่ เว้ เว๊, เกม๊า อเม้งอแซ โอ พี่ นอ, ท กุ้เม้ง พี่ จ นี่ อางแบเลา แน้ นอ, เกม๊า น ลี้โชะ-อ้ะ ปะ, เมะเว๊ ทลื่งทางเช้าทพูแฆ่น๊างดื้ง, ดี๊ ทพูแฆ่ลื่งทางเท่อ, เลา ดี๊ ทชี๊งเชโป้ง, ดี๊ ทเทว๊, เลา ดี๊ ทลื่งทางแม้ชิ้เทาไท้ทอืงล้างเว้ซ้ะ, พี่ น นี่ อืงล้าง เว้ เอะ กแช่ยาเว นอ
เมะ ทชี๊งเชโป้ง, แบฆ้ะ ดี๊ บืง ฌี้, ไซ้ะ ซไบ้ะแซ ที๊ง อ ซ๊าง ฌี้, ทซู ฌี้, ท อซูงอแซ พี่ น นี่ แบ-อ้ะ ดี๊ งู้ น๊างมู๊ง ฌี้, แมะ แกะ น๊างมู๊ง ฌี้, ทเทว๊แม้ชิ้เทาไท้ทอืงล้างเว้ซ้ะ, บี่ซุ้ดี๊ น อืงล้าง เว้-อ้ะ นอ ฌี้, ทเทว๊ พี่ น ซ้ะ โอ ม เทว๊-อ้ะ ฌี้, ท พี่ น เฌ๊โชะ เทว๊-อ้ะ ฌี้ นอ, อาง-อ้ะ ลู่ง น เว่ง พ้า ล ฌี้
ดี๊ เกม๊า น ซื๊ง ซีง ลแพ, แม้นี่ ทลื่งทางเช้าทพูแฆ่น๊างดื้ง, ดี๊ น ทพูแฆ่ลื่งทางเท่อ ลี้ โชะ-อ้ะ พี่ นอ, เลา ดี๊ ทชี๊งเชโป้ง, ดี๊ ทเทว๊ พี่ น เฌ๊โชะ-อ้ะ นอ, เลา ดี๊ ทลื่งทางแม้ชิ้เทาไท้ทอืงล้าง เว้ ซ้ะ, ดี๊ ทลื่งทาง พี่ ซ้ะ โอ ม เทว๊-อ้ะ, ดี๊ ทซูงทแซ อ วี่งคู, พี่ น นี่ แบ-อ้ะ ดี๊ งู้ น๊างมู๊ง ดี๊ แมะ, แกะ น๊างมู๊ง นอ
ကြော်ငြာတွေ