เกล้​ท​ซ้ะวี่ง 13:33 - Northern Pwo Karen Thai Bible

³³ พี่ นอ, ก แด โพล้ง เนฟีง (โพล้ง อาน้ะ นอ เฌ๊นี่ ดี๊ โพล้ง เนฟีง), เฆ้อ ก แคว่ ล้าง ก ซ้ะ เก บี่ซุ้ดี๊ ทวี่ นอ ล้อ, ดี๊ อซื๊งเว๊ ฌี้ นอ แคว่ เฆ้อ บี่ซุ้ บี่นอ ปะ ล้อ”

เกล้​ท​ซ้ะวี่ง 13:33 ပူးပေါင်းရင်းမြစ်များ

ทอคางไท้ะ 6:4

ล ว๊าง แย๊ นอ, โพล้ง เนฟีง โอ ฌางคูโคล๊งคู, พี่ กแช่แยว้ อ พูแคว๊ ลี้ฆ้าง ฌูง กโพล้ง อ พูมืง, ดี๊ อ พู โอ, เมะเว๊ โพล้ง ซีง ลแพ พี่ อ เก โพล้ง ดึ้ซึ้เท่อพู ลู่ง อไยะอเช้, เก โพล้ง พี่ อ เม้งลื้อแซท้อง ลแพ นอ ล้อ

1​ทกวิ้ไน 11:23

อ เว๊ แม้ซี๊ง โพล้ง อีไย้ะ พ้ะดู พ้ะโท๊ ล แฌ้ นอ, อ ฌ้าง โท๊ เมาะ ลี่ง แพล่ เบล, โพล้ง อีไย้ะ ล แฌ้ นอ โชะ ดี๊ พ้าง แบด้อง แทคูบ้อง, แบเด้าะ เบไนยา นอ โชะ นางทุ้บ้อง ลี้ล้างฌูง เว๊, ดี๊ ลู่นี่ พ้าง ลู่ง โพล้ง อีไย้ะ ล แฌ้ นอ อ จูง พ้า, ดี๊ แม้ซี๊ง ไท้ เว๊ ดี๊ อ กแช่ อ พ้าง นอ เฆาะ

อีซยา 40:22

เมะเว๊ กแช่แยว้ โอ ลู่ง ฌางคูโคล๊งคู อ คู คว้างด้าง เช๊คู ดี๊ โพล้ง ฌางคูโคล๊งคู นอ, เก บี่ซุ้ดี๊ ทวี่ กแช่แยว้ เชิ่ง ทมุ้คู บี่ซุ้ดี๊ เชิ่ง ตไก้ยะ กางทะ เท่อ ดี๊ ย้างแย่ ทาง เว๊ บี่ซุ้ดี๊ เด้ ลู่ง ท เปิ่งโอเปิ่งช๊อง อ ฌ่าง

เกล้​ท​ซ้ะวี่ง 13:22

อ ซื๊งเว๊ ลี้ทาง ลู่ง เนเกะ, ท้อง เว่ง เฮโบรง, พี่ โพล้ง อาน้ะ เมะเว๊ อาฮีมาง, เชไช, ดี๊ ทางไม, โอ พี่ นอ, (เว่ง เฮโบรง อี้ง นอ แบ ทไต้ทาง วี่ง เว่ง โซอาง ลู่ง ค่าง อีไย้ะ พ้า นอ เนว๊ เนง)

เกล้​ท​ซ้ะวี่ง 13:28

แบเด้าะ โพล้ง พี่ อ โอ ที๊งล่างค่างพ้า พ้า นอ อ ไฌ่ชองแบ้ชอง เต้ๆ, อซื๊งเว๊ อ เว่ง นอ โอ ดี๊ อ กางแป กางทะ เท่อ, ดี๊ พ้ะดูพ้ะโท๊ เต้ๆ, ล ก้ะ ได้ะ แบ นอ, ก แด โพล้ง อาน้ะ อ พู อ ลี้ง โอ พี่ นอ ปะ

เกล้​ท​ซ้ะวี่ง 14:1

ฌ้อง โพล้ง น๊างมู๊ง เลาพะ กุ้ซย้ะ ทาง เท่อ, ดี๊ โพล้งเฌงพูฆ๊างพู ฌาง ล แน้ แย๊ นอ

โล้​ล้างที๊ง​ทอางแม้เลา 1:28

ก ม ลี้ทาง พี่จองเล้?, ก น๊างพื่งวี่ ลแพ ซีง นอ, ดึ้ เกม๊า ก ซ้ะ ล มึ แบ, ไจ้ะเว๊, “โพล้ง ลแพ นอ, ดูเละโท๊เละ เฆ้อ ซีง ลแพ ได้ะ, ดี๊ เว่ง ลแพ นอ, พ้ะดู พ้ะโท๊, โอ ดี๊ อ กางแป พ้ะโท๊ เบ้า ม ท้อง ทมุ้คู, แอเละ อ นอ ได้ะ, ก แด โพล้ง อาน้ะ ลแพ นอ, โอ พี่ นอ ปะ’, ”

โล้​ล้างที๊ง​ทอางแม้เลา 2:10

‘ลู่ง อ ไยะ อู้ง นอ, โพล้ง เอมีง โอ พี่ นอ, เก โพล้ง พ้ะดู ล ชื้อ, ดี๊ โอ อ แฌ้ แอฌี่งแอฌ้อง, ดี๊ อ เค่งดูฌ้างโท๊ ด้องซุ้ โพล้ง อาน้ะ

โล้​ล้างที๊ง​ทอางแม้เลา 3:11

(เมะเว๊ โอ ล้างลื๊อ ก้ะที่ โอะ กจุ้แฆว้ เว่ง บาชาง, พี่ อ เก โพล้ง เรฟาอีง นอ, อี้งเซ้อ, อ ล่างมี๊ง นอ, ไต้นี่ เว๊ ดี๊ ท้ะ, อ ล่างมี๊ง นอ, ล โอ ลู่ง โพล้ง อางโมง อ เว่ง ร้ะบา พ้า แบ โบ่, อ ล่างมี๊ง นอ, โท๊ แดฆ้าง โฆะ แพล่, เล่ เบ้า ม โอ คี๊ง แพล่, บี่ซุ้ นางแพล่นางแท๊ พี่ อ แบ เต้ๆ, นอ ล้อ)

โล้​ล้างที๊ง​ทอางแม้เลา 9:2

โพล้งเฌงพูฆ๊างพู นอ พ้ะดู พ้ะโท๊, เก โพล้ง อาน้ะ อ พู อ ลี้ง, พี่ น ซีงแฌ๊-อ้ะ เย้า, ดี๊ น แน่ฌ๊า ทไคล้ แบฆ้ะ ดี๊ อ ซื๊งเว๊ บี่อี้ง, ‘โพล้ง เล้ ม เทิงล้าง อ ซ้ะ, ดึ้ซึ้ โละซ้ะ ดี๊ โพล้ง อาน้ะ อ พู อ ลี้ง ซี?’

โยชูวา 11:21

ล ว๊าง แย๊ นอ โยชูวา ลี้ แม้ซี๊งเทาไฆวะ โพล้ง อาน้ะ, โพล้ง ลแพ อี้ง นอ โอ ลู่ง เว่ง ทลู่ง คู, ลู่ง เฮโบรง, เดบี, อาน้า ดี๊ เว่ง ทลู่ง คู กุ้ อ จอง พี่ อ โอ ลู่ง ยูดา ดี๊ อีซลาเอง อ ค่าง พ้า, โยชูวา แม้ซี๊ง โพล้ง ลแพ อี้ง, ดี๊ แม้ เฌ๊ฌ้อง เว๊ อ เว่ง เลาพะ

โยชูวา 14:12

ทบี่นอ เกม๊า แย้ ค่าง ทลู่ง คู อี้ง, พี่ กแช่ยาเว โล้ เว๊ ล นี้ง แย๊ อู้ง นอ เอะ แย้, เมะเว๊ น แน่ฌ๊า ลู่ง ล นี้ง แย๊ อู้ง นอ เย้า บี่อี้ง โพล้ง อาน้ะโอ พี่ นอ, เว่ง พ้ะดู โอ พ้องทะ เว๊ ดี๊ กางแป เฌิ่งเพิ่ง โอ วะชวะ, แบซีงลู่ง กแช่ยาเว ม โอ ดี๊ แย้, ดี๊ จ ม โฌ๊ไจทางไฆวะ-อ้ะ ซี ด้องซุ้ กแช่ยาเว โล้ เว๊ เย้า นอ”

โยชูวา 15:14

ดี๊ คาเล้ะ โฌ๊ไจไฆวะ อาน้ะ อ พูแคว๊ ซ๊า แฌ้ ไจทางไฆวะ พี่ นอ, อ นอ เมะเว๊ เชไช, อาฮีมาง, ดี๊ ทางไม พี่ เก อาน้ะ อ พู

1ซามูเอง 17:24

ท่อง โพล้ง อีซลาเอง แด กแคว๊ ล แฌ้ นอ, อ ซื๊งเว๊ ซยู๊แดไฆวะ เว๊ ดี๊ ซ้ะเม เว๊ น้ะ มะ

1ซามูเอง 17:42

ท่อง โพล้ง ฟีลีเตีย แคว่ เท่อ แด ดาเว นอ ดึ้เดว เว๊, เมะเว๊ เก โพล้งน่างบางซ้ะบาง พู, อ ชอง อ ไพ้ะ โฌ้, อ เค่งแบฌ้างฌี้