เนฮะมี 9:32 - Northern Pwo Karen Thai Bible

³² “เฆ้อ ซีงลแพ ก กแช่แยว้, พี่ เก กแช่แยว้ ลู่ง อ ดูทึโท๊ทึ, โอ ดี๊ อดู้งอยาง ดี๊ ล้าง ยางแบซ้ะเม, พี่ แฌแซกต้าง ทเอิ้งล้าง, ดี๊ ทเอทกวี้ง เฌิ่งๆ, ค๊าๆ, ทบี่นอ, เกม๊าเต้ กแช่แยว้ แด เว๊, ทน้ะทโน๊ง เลาพะ พี่ กึทาง ดี๊ เฆ้อ ซีงลแพ, ดี๊ กเย่ กจุ้แฆว้, ดี๊ กเย่ กดูกแซย่, กเย่ โพล้งลื่งเท่ออคู, กเย่ โมไคล้คิ้ กแช่แยว้, พี๊งพู๊งลู่งแย๊ ดี๊ กแช่แยว้ อ พู อ ลี้ง เลาพะ, ลโค๊ ลู่ง กจุ้แฆว้ อะซีเรีย อ ชู้ แค๊ ท้อง ล นี้ง แย๊ อี้ง นอ, เก ล ปี๊ ล คี่ ล ฌี้

เนฮะมี 9:32 ပူးပေါင်းရင်းမြစ်များ

1​กจุ้แฆว้ 8:23

ดี๊ ไคล้ทาง ไจ้ะเว๊, “กแช่ยาเว โพล้ง อีซลาเอง อ กแช่แยว้-เอ้อ, แยว้ อ แฌ้แพ บี่ซุ้ แน้ ล โอ น่าง แฌ้ แบ, ลู่ง มุ้คู ท้ะ ฌี้, ฌางคู ละ ฌี้, พี่ อ แฌแซ อ ทเอิ้งล้าง, ดี๊ เนโพลทาง ทเอทกวี้ง ลู่ง อเฌิ่งอค๊า เอะ น เพล่, พี่ อ โอ ลู่ง น เมะแซ พ้า เลาเซิงเลาซ้ะ

2​กจุ้แฆว้ 15:19

ทีละปีเลเซอ กจุ้แฆว้ ค่าง อะซีเรีย, เฌ๊ทาง ดึ้ซึ้ ที๊งล่างค่างพ้า นอ, ดี๊ เมนาเฮง เทว๊ เอะ ทีละปีเลเซอ อ จี้, ล ม๊า ตะลางบี่ซุ้ เกม๊า เว๊ อ เท่อ แม้ช้า-อ้ะ, อางกีเฌิ่งทะ อมื่งอบ้าง ซี ได้ะ

2​กจุ้แฆว้ 15:29

ลู่ง เปคา กจุ้แฆว้ ค่าง อีซลาเอง อ ชู้ แค๊ นอ, ทีละปีเลเซอ กจุ้แฆว้ ค่าง อะซีเรีย เฌ๊ ดึ้นี่ก้ะ เว่ง อีโยง อาเบงเบมาอาคา, ยาโนอา, คาเดะ, ฮาโซะ, กีเลอา, กาลิ้ลี, ที๊งล่างค่างพ้า นาทาลี เลาพะ, ดี๊ พองนี่ โพล้งเฌงพูฆ๊างพู, ลี้ เก ทอฆ่อง ลู่ง อะซีเรีย พ้า

2​กจุ้แฆว้ 17:23

ท้อง ลู่ง กแช่ยาเว เกม๊า โพล้ง อีซลาเอง, ไจพ้องไฆวะ ดี๊ อ เมะ อ แน๊, ด้องซุ้ อ โล้ เว๊ ดี๊ อ เพล่ โม ไคล้คิ้-อ้ะ นอ ล้อ, โพล้ง อีซลาเอง แบ ทพองนี่-อ้ะ, ลู่ง อ กแช่ อ ที๊งล่างค่างพ้า, ลี้ เก ทอฆ่อง ลู่ง อะซีเรีย พ้า, ท้อง กุ้ นี้งๆ, อี้ง ล้อ

2​กจุ้แฆว้ 17:3

แซมาเนเซอ กจุ้แฆว้ ค่าง อะซีเรีย, เฌ๊ ดึ้ซึ้ โละซ้ะ ดี๊-อ้ะ, ฌ้อง โฮเชยา ญ่อง โอ เว๊ อดู้งอยาง พ้า, ดี๊ โซ๊ง ทแบเกล๊าง เอะ เว๊

2​กจุ้แฆว้ 17:6

ลู่ง ควี๊ง เนง ล เนง พ้า, ลู่ง โฮเชยา อ ชู้ แค๊ นอ, กจุ้แฆว้ ค่าง อะซีเรีย ยึนี่ เว่ง ซมาเรีย นี่ชึ, อ เว๊ พองนี่ โพล้ง อีซลาเอง, เกม๊า ลี้ ลู่ง อะซีเรีย พ้า, ดี๊ เกม๊า อ ซื๊งเว๊ โอ ลู่ง ทล่าง ฮาลา, ดี๊ ลู่ง ที๊ง ฮาโบ กล้อง อ ฆ้อง, ค่าง โกซาง พ้า, ดี๊ ลู่ง โพล้ง มีเดียง อ เว่ง พ้า, ล จอง แบ ล จอง

2​กจุ้แฆว้ 23:29

ลู่ง โยซียา อ ชู้ แค๊ นอ, ฟาโรเนโค กจุ้แฆว้ ค่าง อีไย้ะ ลี้ทาง ลู่ง กจุ้แฆว้ ค่าง อะซีเรีย อ โอ, ท้อง ลู่ง ที๊ง ยูเฟตี กล้อง, กจุ้แฆว้ โยซียา ลี้ ดึ้ซึ้ โละซ้ะ ดี๊ ฟาโร นอ, ดี๊ ท่อง ฟาโร แด-อ้ะ นอ, อ เท่อ แม้ซี๊ง-อ้ะ ลู่ง เว่ง เมกีโด พ้า

2​กจุ้แฆว้ 25:7

อ ซื๊งเว๊ซีง แม้ซี๊ง กเย่ กจุ้แฆว้ เซเดคียา อ พูแคว๊ ลแพ นอ, ลู่ง อ แพ่ อ เมะแซ พ้า, ดี๊ ควีทางไฆวะ เซเดคียา อ เมะ คลี๊ง, ดี๊ ซุ้ทะ เว๊ ดี๊ พลี้ง ท้ะ, ฌ้อง ลี้ฌ้า เว๊ ลู่ง บาบีโลง พ้า

เอซรา 4:10

ดี๊ โพล้ง กุ้ที๊งกุ้ค่าง อ โพล้ง อ แฌ้แพ, พี่ เก โพล้ง ลู่ง โอนะปา ทอดูอแซย่ โซ๊ง เว๊, เกม๊า เฌ๊ โอ ลู่ง เว่ง ซมาเรีย พ้า, ดี๊ ลู่ง เฌง อ แฌ้แพ, ลู่ง เว่งดูคล้องโท๊ พ้า, ลู่ง ที๊ง แว่ ล แพ้ อ มื่งนึ ล โค๊ นอ

เอซรา 4:2

อ ซื๊งเว๊ เฌ๊ฆ้าง ฌูง เซรุ้บาเบง ดี๊ โพล้ง ล ดองๆ, อคูอแน่, ดี๊ ไคล้ ดี๊ อ ซื๊งเว๊ซีง ไจ้ะเว๊, “เกม๊า ก ไต้ทาง ซกุ้ ดี๊ แน้, เมะเว๊ เฆ้อ ซีงลแพ อี้ง, ก โบงทางแบ้ทาง น กแช่แยว้ ด้องซุ้ น ซื๊งซีง ปะ ล้อ, ดี๊ ก นี่ เทว๊ ทพูแฆ่ ลื่งทาง เอะ กแช่แยว้, โค๊ลู่ง มื่ง ล นี้ง แย๊ พี่ เอซางฮะโดง กจุ้แฆว้ ค่าง อะซีเรีย, นี่ เฌ๊ฌ้า เฆ้อ พี่อี้ง เย้า”

เอซรา 9:13

ดี๊ ทกุ้เม้ง พี่ กึทาง ดี๊ เฆ้อ ซีงลแพ, เป๊งนี่ ลู่ง ก ทอ้าทซ๊าง, ดี๊ เป๊งนี่ ลู่ง ก ทไพ้ะทแม พ้ะดู อกย้อง นอ, กแช่แยว้ เมะเว๊ เฆ้อ ซีงลแพ อ กแช่แยว้ นอ, นี่ แม้เตาแม้แต๊ เฆ้อ, เป๊งนี่ ลู่ง ก ทเด้บ้ะ อ้า อกย้อง นอ แซย้เละ พี่ เกิ้ง นี่ แบ-อ้ะ นอ ได้ะ, ดี๊ เกล๊าง เอะ เฆ้อโพล้ง พี่ โอ ล้างลื๊อ ก้ะ บี่อี้ง

เนฮะมี 1:5

จ โล้แบ กแช่แยว้ บี่อี้ง, “กแช่ยาเว, กแช่แยว้ พี่ อ โอ ลู่ง ทมุ้คู, กแช่แยว้ พี่ อดูอโท๊ ดี๊ ล้าง ดู้งแบยางแบ, พี่ อ แฌแซกต้าง ทเอิ้งล้าง, ดี๊ ทเอทกวี้ง เฌิ่งค๊า เอะ โพล้ง พี่ เอ กแช่แยว้, ดี๊ แฌแซกต้าง กแช่แยว้ อ ทซองทซ๊าง-เอ้อ

ทอางปฆ้า 47:2

เมะเว๊ กแช่ยาเว พี่ อ ดูทึโท๊ทึ นอ, เก ทล้าง ซ้ะเม อ เก กจุ้แฆว้ ดูทึ, โท๊เละ ฌางคูโคล๊งคู กุ้จองกุ้ไจ้

ทอางปฆ้า 66:3

เกม๊า โล้แบ กแช่แยว้ บี่อี้ง, “กแช่แยว้ อ ทไพ้ะทแม้ นอ ล้าง ซ้ะเมซ้ะไพล้ เต้ๆ กแช่แยว้, อดู้งยางซยื๊งซย้องแอทึ นอ, ดู เต้ๆ, ท้อง ลู่ง ดีงแด้ แบ คะด้ะล้าง อ ซ้ะ ดี๊ กแช่แยว้

ทอางปฆ้า 66:5

เกม๊า เฌ๊ แคว่ดุ้ กแช่แยว้ อ ทไพ้ะทแม้ กแช่แยว้ อ ทไพ้ะทแม้, ล้าง ซ้ะเมซ้ะไพล้, ลู่ง กโพล้ง ลแพ นอ อซุ้อแกล้

ทไจทางไฆวะ 18:8

โมเซ อางโล๊ไท้ เอะ อ มื้งแซย่ แบฆ้ะ ดี๊ ทกุ้ อ เม้ง, พี่ กแช่ยาเว แม้ เอะ ฟาโร ดี๊ โพล้ง อีไย้ะ นอ, เมะเว๊ กแช่ยาเว ย๊างซ้ะ แบ โพล้ง อีซลาเอง, พี่ อ ล้างแบ ทน้ะทโน๊ง กุ้ เม้ง ลู่ง เกล้ โท้ล้อง, ดี๊ กแช่ยาเว แม้ช้า อซื๊งเว๊ บี่จะเล้ นอ

อีซยา 9:6

เมะเว๊ พืงแซ โอ ล แฌ้ เฌ๊ กึทาง ลู่ง ก ฌ่าง พูแคว๊ โอ ล แฌ้, แบ ท เกล๊าง เอะ เฆ้อ ดี๊ ท โพะคอง ม โอ ลู่ง อ จู๊งแบ คู ดี๊ โพล้ง ม กุ้ เว๊ อ เม้ง บี่อี้ง “โพล้ง เนฌ้าโล้ฌ้า เท่อ ลู่ง อล้ะอเล่, กแช่แยว้ พี่ โอ ดี๊ อดู้งอยาง อซยื๊งอซย้อง แอทึ แพ่ กแช่แยว้ ล้างชู้ล้างแกย ดี๊ กแช่แยว้ ทมึทพ้า”

ดานีเอง 9:4

จ ชูแพอางท่าง เท่อ ดี๊ กแช่ยาเว จ กแช่แยว้, ดี๊ พ่างเย่ ล้าง ซ้ะ บี่อี้ง, “ทอดูทึโท๊ทึกแช่, กแช่แยว้ พี่ ดูทึโท๊ทึ ดี๊ ล้าง ยางแบซ้ะเม, พี่ แฌแซกต้าง ทเอิ้งล้าง ดี๊ ทเอทกวี้ง อเฌิ่งอค๊า, ดี๊ โพล้ง พี่ อ เอ กแช่แยว้ ดี๊ แม้โพะ น ทซองทซ๊าง อ ไค๊

ดานีเอง 9:6

ก ล นี่ คุ้ช๊องแน กแช่แยว้ อ เพล่ โมไคล้คิ้ เท่อ ลแพ นอ แบ, พี่ อ โล้ เอะ เฆ้อ ซีง ลแพ ก กจุ้แฆว้ อ เท่อ, เลา ดี๊ โล้ เอะ กเย่ ท อคูอแน่ ดี๊ ก พี๊งชู้พู๊งชู้ ลู่ง แย๊ อู้ง, เลา ดี๊ โพล้ง เฌงพูฆ๊างพู กุ้แฌ้ ลู่ง ที๊งล่างค่างพ้า

ดานีเอง 9:8

ทอดูทึโท๊ทึกแช่ยาเว-เอ้อ, ท ฌางแช้ฌางเด นอ เกิ้ง ดี๊ เฆ้อ ลแพ อี้ง, เกิ้ง ดี๊ กจุ้แฆว้, เกิ้ง ดี๊ ท อคูอแน่, ดี๊ เฆ้อ ก พี๊งชู้พู๊งชู้ ลู่ง แย๊ อู้ง, เป๊งนี่ ก ซื๊งเว๊ ซีง ลแพ นี่ แม้ ทเด้บ้ะ แบ กแช่แยว้ ล้อ

เลวี​อ​ไฌ่ 26:18

ดี๊ ท่อง ทแม้ อ ซ้ะ บี่อี้ง เย้า นอ, น ซื๊ง ล คุ้ช๊องแน เฆ้อ ได้ะ แบ, ก ม แม้เตาแม้แต๊ น ซื๊ง ท เด้เทาเด้บ้ะ เนว๊โทะ

เลวี​อ​ไฌ่ 26:21

“น ซื๊ง เมะ โอม๊า คิ้คุ้ ดี๊ เฆ้อ ได้ะ, ดี๊ ล ญ่อง คุ้ช๊องแน เฆ้อ แบ นอ, ก ม ดึ้ เกม๊า ทอ้าทน้ะ เฌ๊ล้าง แบ แน้ แอทาง, เก เนว๊โทะ ลู่ง น ทเด้บ้ะ อกย้อง นอ

เลวี​อ​ไฌ่ 26:24

ก ม แม้ ชิ้เทา ท คิ้คุ้ น ซื๊ง ลแพ ล้อ, ดี๊ เฆ้อ อี้ง ล้อ, ม พลี ม ท่าง แน้, ลู่ง น ซื๊ง ซีง ลแพ อ ทเด้บ้ะ อกย้อง, ท้อง เนว๊โทะ

เลวี​อ​ไฌ่ 26:28

ก ม แม้ ทคิ้คุ้ แน้ ดี๊ ท ซ้ะทาง, ดี๊ เฆ้อ อี้ง ล้อ, ก ม แม้เตาแม้แต๊ แน้, ลู่ง น ทเด้เทาเด้บ้ะ อกย้อง เนว๊โทะ

โล้​ล้างที๊ง​ทอางแม้เลา 7:12

“ดี๊ ลู่ง น ซื๊ง ซีง ลแพ, ชู่ง ทอางกีล้าง ลแพ อี้ง, พี่ น แฌแซกต้าง-อ้ะ, ดี๊ แม้โพะ อ ไค๊ นอ, กแช่ยาเว น กแช่แยว้ ม แฌแซ อ ทเอิ้งล้าง, ดี๊ อ ทเอทกวี้ง ลู่ง อเฌิ่งอค๊า ดี๊ แน้, พี่ อ อืงล้าง เว้ เว๊ ดี๊ น พี๊ง น พู๊ง ลู่ง แย๊ อู้ง

โล้​ล้างที๊ง​ทอางแม้เลา 7:13

อ เว๊ ม เอ แน้, ชูฌี้ชูแอว้ แน้, ดี๊ ดึ้ เกม๊า น แอทางโฌ่ทาง, อ เว๊ ม ชูฌี้ นคลี๊งนแซ, ดี๊ ทซูงทแซ ลู่ง น ฌางคู ล่าง, เมะเว๊ บืง, ไซ้ะ ซไบ้ะแซ ที๊ง อ ซ๊าง, ดี๊ น ทซู, เกม๊า น งู้ พู, แมะ พู, แกะ พู, แอทาง ลู่ง ฌางคู คู, พี่ อ อืงล้าง เว้ เอะ น พี๊ง น พู๊ง ลู่ง แย๊ อู้ง, ไจ้ะเว๊ ม เกล๊าง เอะ แน้

โล้​ล้างที๊ง​ทอางแม้เลา 7:21

ซ้ะเม อ ซื๊งเว๊ ล ฌี้, เมะเว๊ กแช่ยาเว น กแช่แยว้ โอ นซุ้นแกล้, เก กแช่แยว้ ดูทึโท๊ทึ, ดี๊ ล้าง ยางแบซ้ะเม ล้อ

โล้​ล้างที๊ง​ทอางแม้เลา 7:9

ทบี่นอ, เกม๊า น ซีงแฌ๊-อ้ะ บี่อี้ง, กแช่ยาเว น กแช่แยว้ นอ, เก กแช่แยว้, เก กแช่แยว้ ลู่ง อโต้อล้อง, พี่ แฌแซ อ ทเอิ้งล้าง, ดี๊ อ ทเอทกวี้ง ลู่ง อเฌิ่งอค๊า, ดี๊ กเย่ โพล้ง พี่ อ เอ-อ้ะ, ดี๊ แฌแซ อ ทซองทซ๊าง ท้อง โพล้ง อ ชู้ ล ม๊า