เนฮะมี 9:31 - Northern Pwo Karen Thai Bible

³¹ ทึเมะ บี่นอ ฌี้, ลู่ง กแช่แยว้ อ ทย๊างซ้ะ โอ แอฌ้อง อกย้อง นอ, กแช่แยว้ ล ดึ้เกม๊า อ เว๊ เซงทื่งเฌ๊ฌ้อง แบ, ล ญ๊องไฆวะ เว๊ แบ, เมะเว๊ กแช่แยว้ เก กแช่แยว้, พี่ โอ ดี๊ อโก้งอโบ้ง ดี๊ อ ทย๊างเซิงย๊างซ้ะ

เนฮะมี 9:31 ပူးပေါင်းရင်းမြစ်များ

2​กจุ้แฆว้ 13:23

แบเด้าะ กแช่ยาเว ย๊างเซิงย๊างซ้ะ แบ อ ซื๊งเว๊, ดี๊ กแช่แยว้ วีงไท้ อ ซ้ะ เฌ๊ฌูง อ ซื๊งเว๊, เมะเว๊ ทเอิ้งล้าง พี่ อ แม้ เว๊ ดี๊ อาบราฮาง, อีซาฮ้ะ, ดี๊ ยาคุ้, นอ ล แม้เฌ๊ฌ้อง เว๊ แบ, ล โฌ๊ไจไฆวะ อ ซื๊งเว๊, ม๊า พ้องไฆวะ ดี๊ อ เมะ แบ ท้อง ค๊องเนงอี้ง ล้อ

2ทกวิ้ไน 30:9

อ ไฌ่ บี่อี้ง, น ซื๊ง เมะ วีงไท้ ซ้ะ เฌ๊ไท้ฌูงไท้ กแช่ยาเว นอ, น พื่ง น วี่ ดี๊ น พู น ลี้ง พี่ แบ ทพองนี่-อ้ะ ลี้ เก ทอฆ่อง, ม นี่แบ ทย๊างซ้ะ ดี๊ โพล้ง พี่ อ พองนี่-อ้ะ ลแพ นอ, ดี๊ อ ซื๊งเว๊ ม เฌ๊ไท้ แบ ไท้ ลู่ง ที๊งล่างค่างพ้า อี้ง ได้ะ, เมะเว๊ กแช่ยาเว น กแช่แยว้ นอ, โอ ดี๊ อโก้งอโบ้ง ดี๊ น ซื๊ง เมะ เฌ๊ไท้ฌูงไท้-อ้ะ นอ, อ เว๊ ล แกยไฆวะ อ เมะ แด แน้ แบ”

เนฮะมี 9:17

อ ซื๊งเว๊ ซม๊า ล คุ้ช๊องแน เท่อ แบ, ดี๊ ล ควี๊งคูแกยแน่ ดี๊ ทล้ะทเล่, พี่ กแช่แยว้ แม้ทาง เว๊ ลู่ง อ ซื๊งเว๊ อ แกล้ พ้า นอ แบ, แบเด้าะ อ ล ญ่อง ชู่ง เท่อ แบ, ดี๊ ต๊างทางนี่ อคูอแน่, บี่ซุ้ ม ไท้ เกไท้ ทอฆ่อง ลู่ง อีไย้ะ พ้า แบเด้าะ กแช่แยว้ เก กแช่แยว้ พี่ ล ทื๊งนี่นะนี่ เท่อ แบ, โอ ดี๊ อโก้งอโบ้ง ดี๊ อ ทย๊างซ้ะ, อ ซ้ะทาง โกย้, ดี๊ โอกู้งโอล๊า ดี๊ ทเอทกวี้ง เฌิ่งๆ, ค๊าๆ ดี๊ ล ญ๊องไฆวะ อ ซื๊งเว๊ แบ

เนฮะมี 9:19

ลู่ง กแช่แยว้ อ ทย๊างซ้ะ แอไบล้ะแอท๊า อกย้อง นอ, อ เว๊ ล ญ๊องไฆวะ-อ้ะ ลู่ง แพะคูทเคแกล้ พ้า แบ, ทเอิง อ เทิง พี่ ลี้ฌ้า-อ้ะ ลู่ง มแช๊ แค๊ นอ, ล ล้างพ้ะ แดไฆวะ-อ้ะ แบ, มี อ เทิง ลู่ง มแน้ แค๊, พี่ เกม๊า ทพ้าง แบ-อ้ะ ลู่ง เกล้, พี่ อ เว๊ เกิ้ง ม ลี้ นอ, ล ล้างไพะไฆวะ แบ

อีซยา 48:9

ก โอโก้ง ทะ ก ท ซ้ะทาง, ลู่ง กเม้งกแซ อ ฌ่าง ก แม้ โอโท๊ ทะ เอะ แน้, ลู่ง ทอางปฆ้า ทาง เฆ้อ อ ฌ่าง บี่ซุ้ ก ล แม้ไจทางไฆวะ แน้ แบ

เยเรมี 4:27

เมะเว๊ กแช่ยาเว ไจ้ะเว๊ บี่อี้ง, “ที๊งล่างค่างพ้า เลาพะ นอ, ม เก ทล่าง โอโปล้ก้ะ, แบเด้าะ ก ล ดึ้ เกม๊า อ ท้อง ท อ ไค๊ทึ ลทีงฆ่าง แบ

เยเรมี 5:10

“ลี้ แดเทา, ลี้ โพะ อ ซไบ้ะ มื่ง อ เทว, ดี๊ แม้ เฌ๊ฌ้องไฆวะ-อ้ะ แบเด้าะ เกม๊า อ ท้อง ท อ ไค๊ ทึ ล ทีง ฆ่าง ล ฌี้ ไร้ะไฆวะ อได้อพ๊าง เมะเว๊ โพล้ง ลแพ อี้ง นอ, ล เก กแช่ยาเว อ เท่อ แบ

เยเรมี 5:18

กแช่ยาเว ไจ้ะเว๊ บี่อี้ง, “ทึเมะ มื่งนี้ง ลแพ นอ อ พ้า ฌี้ นอ, ก ล ดึ้ เกม๊า น ท้อง ท อ ไค๊ ทึ ได้ะ แบ

ท​ฌางล้างย้าล้าง 3:22

กแช่ยาเว อ ทเอทกวี้ง พี่ อเฌิ่งอค๊า ล โอที่งโอโท๊ น่างชุ้ แบ ดี๊ อ ท ย๊างซ้ะ นอ อทึอจุ้ ล โอ แบ

ดานีเอง 9:9

ทย๊างซ้ะ ดี๊ ท แพล่ไฆวะ นอ, เก ทอดูทึโท๊ทึกแช่ ก ซื๊งเว๊ ซีง ลแพ ก กแช่แยว้ เว๊, เป๊งนี่ ก ซื๊งเว๊ ก นี่ กไบล้ะกแบล ดี๊ กแช่แยว้

โล้​ล้างที๊ง​ทอางแม้เลา 4:31

อ ไฌ่ บี่อี้ง, กแช่ยาเว น กแช่แยว้ นอ, เก กแช่แยว้ พี่ อ ย๊างเซิงย๊างซ้ะ เท่อ, อ เว๊ ล ญ๊องไฆวะฌ้ะพลุ้ แน้ แบ, ล แม้ ซี๊งทู่งอูงเล้ง แน้ แบ, ล ซ้ะนาง อ ทเอิ้งล้าง, พี่ อ เอิ้งล้าง เว๊ ดี๊ น พี๊ง น พู๊ง ลู่ง แย๊ อู้ง, ลู่ง ท อืงล้าง เว้ อ ซ้ะ นอ แบ