เนฮะมี 9:10 - Northern Pwo Karen Thai Bible10 ดี๊ กแช่แยว้ แม้ ทแม้ไน ดี๊ ทล้ะทเล่, ดึ้ซึ้ ฟาโร ดี๊ อ กดูกแซย่ เลาพะ, ดี๊ โพล้งเฌงพูฆ๊างพู เลาพะ, ลู่ง ฟาโร อ ที๊งล่างค่างพ้า เมะเว๊ กแช่แยว้ ซีงแฌ๊ เว๊ บี่อี้ง, อ ซื๊งเว๊ นี่ แม้ เท่อ ทื่งดูล้างซ้ะ, ดี๊ เฆ้อ ซีงลแพ ก พี๊ง ก พี๊ง ลู่ง แย๊ อู้ง, ดี๊ กแช่แยว้ อ เม้งลื้อแซท้อง, ด้องซุ้ กุ้ มื่งนี้ง อี้ง ล้อ အခန်းကိုကြည့်ပါ။ |
เนฮะมี 9:10
32 ပူးပေါင်းရင်းမြစ်များ
ดี๊ กแช่แยว้ โล้ ซีงแฌ๊-อ้ะ, บี่ซุ้ ม แกยไท้ เว๊ เกม๊า อ เฌ๊ฌูงไท้ กแช่แยว้ อ ทอางแม้เลา, แบเด้าะ อ เว๊ แม้ เท่อ ทื่งดูล้างซ้ะ ได้ะ, ล ญ่อง ชู่ง กแช่แยว้ อ ทซองทซ๊าง แบ, แบเด้าะ แม้ไพ้ะ แบ กแช่แยว้ อ ทอางกีล้าง, (พี่ เก ทแม้โพะ ท อ ไค๊ ลู่ง กโพล้ง ม โอม๊า ซี) ดี๊ แกยไฆวะ อ ซ้ะ ลือ เท่อ, ดี๊ อ แน่ลู่, ดึ้ เท่อ ดี๊ ล ชู่ง เท่อ แบ
แบเด้าะ ก แม้-อ้ะ ลู่ง กเม้งกแซ อ ฌ่าง แด เว๊ ล้อ, บี่ซุ้ ล เกม๊า กเม้งกแซ นอ, แบ ท ดึ้เดวทื่งแช้ ลู่ง โพล้ง กุ้ชื้อกุ้ชะ อ เมะแซ พ้า แบ, พี่ อ ซื๊งเว๊ เปิ่งโอเปิ่งช๊อง ซกุ้ เว๊ นอ, อกย้องบี่นอ, ก เนโพลทาง ก ซ้ะ, ลู่ง โพล้ง กุ้ชื้อกุ้ชะ อ เมะแซ พ้า, เกม๊า อ ซื๊งเว๊ ซีงแฌ๊ ท พี่ ก ไจทางฌ้าไฆวะ อีซลาเอง ลู่ง ค่าง อีไย้ะ พ้า
แบเด้าะ น โชะทาง โท๊ น ซ้ะ ล โค๊, ดึ้ โละซ้ะ ดี๊ ทอดูทึโท๊ทึกแช่ ลู่ง มุ้คู, ดี๊ น เกม๊า โพล้ง แม้นี่ ทพ้าทล่าง ลู่ง เด้กแช่แยว้อล่างโอ, เฌ๊โชะ ลู่ง น เมะแซ พ้า, ฌ้อง แน้ ดี๊ โพล้ง เก ท อคูอแน่ ลแพ นอ, เลา ดี๊ น แม๊ ดี๊ น แม๊พู นอ, โอ้ ไซ้ะ ซไบ้ะแซ ที๊ง ลู่ง ทพ้าทล่าง ลแพ นอ อ พ้า, ดี๊ น อางปฆ้าทาง ท กโช้งกแช่ พี่ น ไต้ทาง-อ้ะ ดี๊ จี้ ท๊อง ท่องบ้าง ท้ะ เซง ดี๊ โล่ง นอ, พี่ ม แคว่ เท่อ ฌี้, คุ้ช๊องแน เท่อ ฌี้, แน เท่อ ฌี้ นอ ล ซี แบ, แบเด้าะ น ล นี่ เทว๊ ทฆี๊งทแล้ เอะ กแช่แยว้ แบ, เมะเว๊ กแช่แยว้ พี่ น ลี้ง แซทางแซล้าง โอ ลู่ง อ จูง พ้า, ดี๊ นเกล้นพ้า กุ้ บ้อง นอ, ฌ้องทางเกทาง เว๊ ดี๊ กแช่แยว้ ล แฌ้ ล้อ
ดี๊ ท กโช้งกแช่ โอ แฌ้ๆ, ชี่-อ้า?, เฌาโละ ลี้ แม้นี่ โพล้ง ล ชื้อ, ลู่ง โพล้ง ล ชื้อ เด้าะ อซุ้อแกล้, ลู่ง ทแม้แคว่ดุ้ โพล้ง อ ซ้ะ, ดี๊ ทแม้ไน, ดี๊ ทล้ะทเล่, ดี๊ ทดึ้ซีงดึ้ซึ้, ดี๊ อ จูง พี่ โอ ดี๊ อดู้งอยาง อชองอไคล๊, ดี๊ นางเพ๊บ้อง พี่ อ เยาฆ้าง เว๊, ดี๊ ท กึทาง อ ซ้ะ, พี่ ล้าง ซ้ะเมซ้ะไพล้ ดู มะ, บี่ซุ้ดี๊ กแช่ยาเว น ซื๊ง ซีง ลแพ อ กแช่แยว้, แม้ เว๊ ลู่ง น ซื๊ง ฌ่าง, ลู่ง ค่าง อีไย้ะ พ้า, ลู่ง น เมะแซ พ้า นอ ล้อ
บี่ ซุ้ ดี๊ นอ ปะ, น ซื๊ง พี่ ซ้ะ บาง ล ปี๊ นอ, แบ ชู่ง ลู่ง เน้ แท๊ โพล้ง พี่ อ แซย่ นี่ น ซื๊ง, เกม๊า น ซื๊ง กุ้ อ แฌ้ แม้ช้า โละ ซ้ะ เท่อ ดี๊ ท ชาง ล้าง เซิง ชาง ล้าง ซ้ะ, บี่ ซุ้ ไละ ฌี้ ไละ แอว้ โล้ เว๊ “กแช่ แยว้ ชาง ล้าง โพล้ง พี่ อ อางกี ทาง โท๊ อ ซ้ะ, แบเด้าะ เกล๊าง อ โก้ง อ โบ้ง อ บลึ้ อ บลาง เอะ โพล้ง พี่ อ ชาง ล้าง อ ซ้ะ”,
ကြော်ငြာတွေ