เนฮะมี 8:9 - Northern Pwo Karen Thai Bible9 ดี๊ เนฮะมี พี่ เก ทอดู ยู่แคว่ เท่อ, ดี๊ เอซรา โพล้งลื่งเท่ออคู, ดี๊ คู ซองเท่อเซ๊งพ้าท้างพ้า, ดี๊ โพล้ง เลวี พี่ อ ซอง โพล้งเฌงพูฆ๊างพู นอ, ไคล้ ดี๊ โพล้งเฌงพูฆ๊างพู เลาพะ นอ ไจ้ะเว๊, “ล นี้ง แย้ อี้ง, เก มื่ง นี้ง ฌี้ ลู่ง อฌี้อแอว้ เอะ กแช่ยาเว, น ซื๊ง อ กแช่แยว้, ฌางล้างย้าล้าง ล ฌี้, ฌาง ล ฌี้”, เมะเว๊ โพล้งเฌงพูฆ๊างพู ฌาง พี่ อ แน่ฌ๊า ทอางแม้เลา อ ทไคล้ นอ အခန်းကိုကြည့်ပါ။ |
เนฮะมี 8:9
30 ပူးပေါင်းရင်းမြစ်များ
เมะเว๊ น เซิงเพาซ้ะเบ้, ดี๊ น ชางล้าง ซ้ะ ลู่ง กแช่ยาเว อ เมะแซ พ้า, พี่ น แน่ฌ๊า ทไคล้ พี่ จ ไจ้ะ แบ ทล่าง พ้า อี้ง, ดี๊ โพล้ง เว่ง พ้า อี้ง, พี่ ม เกทางก้ะ ทล่าง โอ โปล้, ดี๊ ทชูอ้า อ ล่าง, ฌ้อง น ซย๊างยะ ล้าง น ไช๊ น ช้าง, ดี๊ น ฌาง ลู่ง จ เมะแซ พ้า, แย้ นอ จ แน่ฌ๊า แน้ ปะ, กแช่ยาเว โล้ เว๊ บี่อี้ง ล้อ
“ลี้ อางจ้ะ เอะ จ เท่อ ดี๊ กแช่ยาเว, ดี๊ อางจ้ะ เอะ กเย่ โพล้ง พี่ ล้างลื๊อก้ะ ลู่ง อีซลาเอง พ้า ดี๊ ยูดา พ้า อ เท่อ, แบฆ้ะ ดี๊ ทไคล้ ลู่ง ไละ พ้า, พี่ น แด-อ้ะ นอ, เมะเว๊ กแช่ยาเว อ ทซ้ะทาง, พี่ อ ล้าง แบ เฆ้อ นอ ดู เต้ๆ, เป๊งนี่ กพี๊งกพู๊งลู่งแย๊, ล นี่ แฌแซ กต้าง กแช่แยว้ อลู่งอแท๊, บี่ซุ้ ม แม้โพะ เว๊ อ ไค๊, ต๊าง อ แบ ทกวิ้ ล้าง-อ้ะ ลู่ง ไละ พ้า อี้ง กุ้เม้ง แบ”
ดี๊ อ เว๊ ไคล้ ดี๊ โพล้ง เลวี, พี่ อฌี้อแอว้ ลู่ง กแช่ยาเว อ ฌ่าง, ดี๊ เก โพล้ง ซอง โพล้ง อีซลาเอง เลาพะ นอ ไจ้ะเว๊, “เกม๊า อางกีล้าง ไฮะ ลู่ง อฌี้อแอว้ นอ, ลู่ง กแช่ยาเวล่างโอ พ้า, พี่ ดาเว กจุ้แฆว้ ค่าง อีซลาเอง อ พูแคว๊ ซาโลโม ไต้ทางนี่ เว๊ นอ, น ซื๊ง ล แบ ยุ้ทาง-อ้ะ ลู่ง จื๊งแป ล้าแบ, ค๊องเนงอี้ง, เกม๊า น แม้ เอะ กแช่ยาเว อ เท่อ, ดี๊ แม้ เอะ กแช่แยว้ อ พู อ ลี้ง, เมะเว๊ โพล้ง อีซลาเอง นอ อ เท่อ
บี่ซุ้ แด้เว้ เอะ กเย่ โพล้ง พี่ มองแบม้ะแบ เท่อ, ลู่ง ซีโยง พ้า นอ อ เท่อ เมะเว๊ เกม๊า เอะ อ ซื๊งเว๊ คูคล้าง เท่งก้ะ พี๊แคล ดี๊ เกม๊า ทซู ลู่ง ท เซิงมึซ้ะมึ เท่งก้ะ ท มองแบม้ะแบ เท่อ เกม๊า ไช๊แค่ พ้ะโท๊ ลู่ง ทอางปฆ้า เท่ง ก้ะ วีงแล้ พี่ อ ซ้ะ ล้างท่อง ฌ้อง โพล้ง ม กุ้ อ ซื๊งเว๊ บี่อี้ง, ซี๊ พ้ะดู มื่งเทิง ลู่ง ท แบกแช่แยว้อซ้ะ พี่ กแช่ยาเว เซิงล้าง เว๊, บี่ซุ้ เนโพลงทาง อโฌ่งอพ้าง
เกม๊า น เซิงมึซ้ะมึ ลู่ง กแช่ยาเว น กแช่แยว้ อ เมะแซ พ้า ล้อ, เลา ดี๊ น กแช่ ดี๊ น พูมืง พูแคว๊, เลา ดี๊ น ฆ่อง มืง ฆ่อง แคว๊, ดี๊ โพล้ง เลวี พี่ โอ น เว่ง พ้า, เลา ดี๊ โพล้ง ลชื้อแด, พืงแซ พูฆวี ดี๊ โพล้ง มืงเม๊, พี่ อ โอ นซุ้นแกล้ พ้า, ลู่ง ทล่าง พี่ กแช่ยาเว น กแช่แยว้ ม อางลึนี่ เว้ เว๊, เกม๊า อเม้งอแซ โอ พี่ นอ
ကြော်ငြာတွေ