เนฮะมี 8:12 - Northern Pwo Karen Thai Bible

¹² ดี๊ โพล้งเฌงพูฆ๊างพู เลาพะ นอ, ลี้ อาง เท่อ โอ้ เท่อ, ดี๊ โซ๊ง ทอาง นอ ล น้าง, ซ้ะอวีงซ้ะโทะ ซกุ้ เท่อ ฌี้ มะ, เมะเว๊ อ ซื๊งเว๊ซีงลแพ, แน ทไคล้ พี่ โล้ล้าง เกม๊า อ ช๊องแน เว๊ นอ ซี

เนฮะมี 8:12 ပူးပေါင်းရင်းမြစ်များ

1​ทกวิ้ไน 29:22

ดี๊ อ ซื๊งเว๊ซีง อาง เท่อ โอ้ เท่อ, ลู่ง กแช่ยาเว อ เมะแซ พ้า ล นี้ง แย๊ นอ, ดี๊ ทเซิงมึซ้ะมึ ดู มะ ดี๊ อ ซื๊งเว๊ซีง, ต๊างทาง ดาเว อ พูแคว๊ ซาโลโม, เก กจุ้แฆว้ คี๊ง พ๊า ล พ๊า, ดี๊ เท้าไน เว๊ เก ทอคูดู ลู่ง กแช่ยาเว อ ฌ่าง, ดี๊ ซาโด นอ เก โพล้งลื่งเท่ออคู

เนฮะมี 8:10

ฌ้อง อ เว๊ ไคล้ ดี๊ อ ซื๊งเว๊ซีงลแพ นอ ไจ้ะเว๊, “ลี้ แดเทา, ลี้ อาง ทซูทไย้, ดี๊ โอ้ ที๊งช๊า, ดี๊ โซ๊ง ทอาง ลี้ เกม๊า โพล้ง พี่ อ ทแด้เว้ ล โอ น่าง เม้ง แบ นอ, เมะเว๊ ล นี้ง แย้ อี้ง, เก มื่งนี้ง ลู่ง อฌี้อแอว้ เอะ ทอดูทึโท๊ทึ ก กแช่แยว้, แบมองแบม้ะ เท่อ ล ฌี้, เมะเว๊ น ทเซิงฆวี๊งซ้ะโย้, ดี๊ กแช่ยาเว นอ เก น ไฌ่ น แบ้”

เนฮะมี 8:11

โพล้ง เลวี ลแพ นอ เกม๊า โพล้งเฌงพูฆ๊างพู โอกโช้, ไจ้ะเว๊, “เกม๊า โอกโช้ ไก้ไม่, เมะเว๊ ล นี้ง แย้ อี้ง เก มื่ง นี้ง ลู่ง อฌี้อแอว้, แบมองแบม้ะ เท่อ ล ฌี้”

เนฮะมี 8:13

ลู่ง มื่ง คี๊งนี้ง ล นี้ง นอ, โพล้งเฌงพูฆ๊างพู ล ดองๆ, อคูอแน่ เลาพะ, เลา ดี๊ โพล้งลื่งเท่ออคู ซีงลแพ, ดี๊ โพล้ง เลวี นอ, เฌ๊ฌูง เอซรา คู ซองเท่อเซ๊งพ้าท้างพ้า นอ ล พ๊า ฆ่าง เปราะ, บี่ซุ้ ม ไฌ่ ทอางแม้เลา อ ทไคล้

เอซเทอ 9:22

เก มื่ง นี้ง พี่ โพล้ง ยู ลแพ นอ, พ้องไฆวะ ดี๊ อดีงอแด้, ดี๊ เก แล้ พี่ เปลง ทเมะมองแน๊อึ้ เกก้ะ ทซ้ะมึ, ดี๊ ทฌางล้างย้าล้าง เกก้ะ เซิงฆวี๊งซ้ะคล้าง อ มื่ง นี้ง, เอะ อ ซื๊งเว๊, ดี๊ เกม๊า อ ซื๊งเว๊ ทื๊ง ทลื่งอางลื่งโอ้ อ มื่ง นี้ง, ดี๊ ทเซิงมึซ้ะมึ อ มื่งนี้ง, เก มื่งนี้ง พี่ โซ๊ง ทเกล๊างมึซ้ะ โละซ้ะ เท่อ, ดี๊ เกล๊าง ทเกล๊างมึซ้ะ เอะ โพล้งซยางโพล้งน้ะ

โยบา 23:12

จ ล นี่ ล้างแซยล้างพ้ะไฆวะ ดี๊ ทซองทซ๊าง, พี่ เฌ๊ นี่ ดี๊ กแช่แยว้ อ นุ้ นอ แบ จ อางกีซยองนี่ กแช่แยว้ อลู่งอแท๊, ลู่ง กแช่แยว้ อ นุ้ นอ, แอเละ จ ทอเค้อะอต้าง ได้ะ

ทอางปฆ้า 119:111

จ ฮะนี่ กแช่แยว้ อลู่งอแท๊, เก จคองจแซย้ ล้างชู้ล้างแกย กแช่แยว้ อ ทซองทซ๊าง, เก ทเซิงฆวี๊งซ้ะโย้ เอะ จ ซ้ะ

ทอางปฆ้า 119:127

อกย้อง บี่นอ, แย้ จ เอ กแช่แยว้ อ ทซองทซ๊าง ฌี้เละ ท๊อง, ฌี้เละ ท๊อง ลู่ง อ แย ฌี้ นอ ได้ะ

ทอางปฆ้า 119:130

ทโล้ ล้างที๊ง กแช่แยว้ อลู่งอแท๊ นอ, เกม๊า ทโฌ่งทพ้าง เลา ดี๊ เกม๊า ท แนซี เอะ โพล้ง ซีงแฌ๊ เท่อ แซย้

ทอางปฆ้า 119:14

จ ซ้ะอวีงซ้ะโทะ เท่อ, ลู่ง เกล้ กแช่แยว้ อลู่งอแท๊ พ้า แอ ฆวี๊ซุ้ดี๊ ท โอกู้งโอล๊า พ้า เลาพะ

ทอางปฆ้า 119:16

จ ม ซ้ะอวีงซ้ะโทะ เท่อ, ลู่ง กแช่แยว้ อ ท อเค้อะอต้าง พ้า จ ล ซ้ะนาง กแช่แยว้ อลู่งอแท๊ แบ

ทอางปฆ้า 119:171

จ นุ้เฌะ ม อางปฆ้า ทาง เท่อ แอฌี่งแอฌ้อง เมะเว๊ กแช่แยว้ ซอง เอะ แย้, อ ท อเค้อะอต้าง ล้อ

ทอางปฆ้า 119:174

จ กแช่ยาเว-เอ้อ, จ แบซ้ะ กแช่แยว้ อ ท แม้พ้องพลิ้ ดี๊ กแช่แยว้ อ ท อางแม้เลา นอ, เก จ ทซ้ะอวีงซ้ะโทะ ล้อ

ทอางปฆ้า 119:72

ลู่ง จ ฌ่าง พ้า นอ, ท อางแม้เลา เฌ๊นี่ ลู่ง กแช่แยว้ อ นุ้ นอ ฌี้เละ ท๊อง ดี๊ จี้ อ ลอง, ลู่ง อ ม๊า พ้า นอ ได้ะ

ทอางปฆ้า 119:97

โอ้, แย้ จ เอ กแช่แยว้ ทอางแม้เลา เต้ๆ เก จ ท อางโฆอางว่าง ครึๆ, ล้อ

เยเรมี 15:16

ท่อง จ แด นลู่งนแท๊ เย้า นอ, จ อางไฆวะ-อ้ะ เฆาะ นลู่งนแท๊ นอ, เก ท เซิงฆวี๊งซ้ะโย้ เอะ แย้ ดี๊ เก จ ท ซ้ะอวีงซ้ะโทะ ลู่ง จ เซิงพ้าซ้ะพ้า จ กแช่ยาเว, กแช่แยว้ ซึ้คู ดูทึชองทึ-เอ้อ อไฌ่บี่อี้ง อ เว๊ กุ้ แย้ บี่ซุ้ดี๊ นเม้งนแซ นอ ล้อ

ลูกา 24:32

อซื๊งเว๊ โล้ โละ อ ซ้ะ บี่ อี้ง, “พี่ อ เว๊ ก้างแก้ เท่อ ดี๊ เฆ้อ ลู่ง เกล้, อางโล๊ไท้ ฌ้า เอะ เฆ้อ ไละ ฌี้ ไละ แอว้ นอ, ก เซิง มึ ซ้ะ มึ ซ้ะอวีง ซ้ะโทะ ดู มะ, ล เมะ แบ-อ้า”

โรมา 7:18

จ ซีงแฌ๊ เว๊ ท ฌี้ ท แอว้ ล โอ น่าง เม้ง แบ ลู่ง จ ซ้ะ พ้า, เมะ เว๊ จ เก ที่ โพล้ง ฌางคู โคล๊ง คู, อ ไฌ่ บี่ อี้ง จ แบ ซ้ะ แม้ ท อ ฌี้, แบเด้าะ จ แม้ ล ซี แบ

ท​เน​โพล​ทาง 11:10

โพล้ง กุ้ อ แฌ้ พี่ อ โอ ฌางคู โคล๊ง คู ม ซ้ะอวีง ซ้ะโทะ เว๊, พี่ อ แด เว๊ พีงญาง คี๊ง แฌ้ นอ ซี๊ง ไฆวะ เย้า, อซื๊งเว๊ ม ลื่ง อาง โละ อ ซ้ะ ดี๊ ม เกล๊าง โละ ซ้ะ ท เกล๊าง มึ ซ้ะ, อ ไฌ่ บี่ อี้ง โม ไคล้ คิ้ กแช่ แยว้ คี๊ง แฌ้ นอ แม้ ปได้ โพล้ง พี่ อ โอ ลู่ง ฌางคู โคล๊ง คู ล แพ นอ น้ะ มะ ล้อ