เนฮะมี 2:18 - Northern Pwo Karen Thai Bible

¹⁸ ฌ้อง จ โล้ เอะ อ ซื๊งเว๊, แบฆ้ะ ดี๊ กแช่แยว้ อ จูง แม้ช้า แย้, บี่ซุ้ ม๊า เกทาง ทอฌี้, เลา ดี๊ ทไคล้ พี่ กจุ้แฆว้ ไคล้ เว๊ ดี๊ แย้, ดี๊ อ ซื๊ง ไจ้ะเว๊ บี่อี้ง, “เกม๊า ก เฌ้เทิง ไต้ทาง แดเทา”, อ ซื๊งเว๊ แม้ล้าง ทอฌี้ นอ ฆ้ะ ฌี้ มะ ล้อ

เนฮะมี 2:18 ပူးပေါင်းရင်းမြစ်များ

2​ซามูเอง 2:7

ทบี่นอ, เกม๊าเต้ น ซื๊ง จูง อ ไฌ่ชองแบ้ชอง, ดี๊ เกม๊า น ซื๊ง เซิง น้า ซ้ะ น้า แดเทา, เมะเว๊ น ซื๊ง เซงคู ซาอู ซี๊ง เย้า, ดี๊ โพล้ง ยูดา อชื้ออชะ เท้าไน ต๊างทางก้ะ แย้, เก กจุ้แฆว้ โพะคอง น ซื๊ง”

1​ทกวิ้ไน 11:10

อ อี้ง นอ เก ดาเว อ โพล้งดึ้ซึ้เท่อพู อคูอแน่, พี่ อ แม้ช้า ดาเว เมาน่าง ลู่ง อมื่งอบ้าง พ้า, โอซยองฆึ ดี๊ โพล้ง อีซลาเอง เลาพะ, พี่ อ ต๊างทาง ดาเว เก กจุ้แฆว้, บี่ซุ้ดี๊ กแช่ยาเว อ ทไคล้ แบฆ้ะ ดี๊ โพล้ง อีซลาเอง

1​ทกวิ้ไน 19:13

เกม๊า น ซ้ะ ชอง ซ้ะ น้า, เกม๊า ก ไฌ่ ชอง ลู่ง กชื้อกชะ อ ฌ่าง, ดี๊ ลู่ง ก กแช่แยว้ อ เว่ง ล จอง แบ ล จอง นอ อ ฌ่าง, ดี๊ เกม๊า กแช่ยาเว แม้ เท่อ พี่ อ แด เว๊ แบ อ ซ้ะ นอ”

2ทกวิ้ไน 32:5

อ เว๊ แม้ เท่อ ดี๊ ทเซิงน้าซ้ะน้า, กางแป พี่ อ ล้างฆ่อง เลาพะ นอ, อ เว๊ ไต้ทางไท้ เว๊ อ ซ๊าง, ดี๊ ไต้ทางนี่ ทล่างคุ้แคว่เท่อ, เลา ดี๊ ไต้ทาง กางแป ลู่ง ค๊องโค๊ ล ท๊า เด้าะ, ดี๊ อ เว๊ แม้ เฌิ่งทางไท้ กางแป, ลู่ง ทล่าง คุ้แคว่ เท่อ มีโล ลู่ง เว่ง ดาเว พ้า, ไต้ทางนี่ นางดึ้นางชาง ดี๊ นางปด้าง แอฌ้อง

เอซรา 6:22

ดี๊ อ ซื๊งเว๊ นี่ ทื๊ง ทไฌ่ อาง กู ล แบ ดี๊ อ ซีง แบ เนว๊ นี้ง, ดี๊ ท เซิงฆวี๊งซ้ะโย้, เมะเว๊ กแช่ยาเว ดึ้เกม๊า อ ซื๊ง เซิงฆวี๊งซ้ะโย้, ดี๊ แกย กจุ้แฆว้ อะซีเรีย อ ซ้ะ เฌ๊ฌูง อ ซื๊งเว๊, บี่ซุ้ แม้ ชองทาง อ ซื๊งเว๊ อ ไฌ่ อ แบ้, ลู่ง ทไต้ทาง โพล้ง อีซลาเอง อ กแช่แยว้อล่างโอ

เนฮะมี 2:8

ดี๊ กวิ้ไละ ท้อง อาซ้ะ พี่ เก โพล้ง แคว่ เอะ กจุ้แฆว้ อ เซง, บี่ซุ้ อ เว๊ ม เกม๊า เอะ แย้ เซง ลู่ง พ้าแย๊ โท่ง อ ฌ่าง, กแช่แยว้อล่างโอ อ ทล่าง โอคุ้แคว่ เท่อ, ดี๊ เว่ง อ กางแป อ ฌ่าง, ดี๊ เด้า พี่ จ ม โอ-อ้ะ อ ฌ่าง”, กจุ้แฆว้ เกล๊าง เว๊ บี่ซุ้ดี๊ พี่ จ อางท่าง-อ้ะ นอ, เมะเว๊ จ กแช่แยว้ อ จูง พี่ โอ ดี๊ อโก้งอโบ้ง นอ โอ ดี๊ แย้

เอเฟโซ 6:10

ลู่ง ไค๊ ทึ อี้ง เกม๊า น ซื๊ง ไฌ่ ซื๊ง แบ้ ชอง ทาง ไคล๊ ทาง ลู่ง กแช่ เยซู คริ้ อ ซุ้, ดี๊ เกม๊า น นี่ แบ อ ดู้ง อ ยาง อ ซยื๊ง อ ซย้อง

ฟีลิ้ปี 2:13

อ ไฌ่ บี่ อี้ง, กแช่ แยว้ ล้อ แม้ เท่อ ลู่ง น ซื๊ง ซ้ะ พ้า ครึๆ, บี่ ซุ้ ม เกม๊า น แม้ แบ กแช่ แยว้ อ ซ้ะ ซี, ดี๊ เกม๊า น แบ ซ้ะ แม้-อ้ะ เต้ๆ, เฆาะ ล้อ

1ซามูเอง 23:16

ดี๊ ซาอู อ พูแคว๊ โยนาทาง, เฌ้เทิงทาง ลี้ฌูง ดาเว ลู่ง โฮเระ, ดี๊ แม้ ชองทาง เว๊ อ ซ้ะ ลู่ง กแช่แยว้ อ ซุ้