เนฮะมี 12:26 - Northern Pwo Karen Thai Bible

²⁶ โพล้ง ลแพ อี้ง โอ ลู่ง โยยาคีง พี่ เก เยชูอา อ พู, พี่ เก โยซาดะ อ พู นอ อ ชู้ แค๊, ดี๊ ลู่ง เนฮะมี ทอดู ยู่แคว่ เท่อ อ ชู้ แค๊, ดี๊ ลู่ง โพล้งลื่งเท่ออคู, ดี๊ คู ซองเท่อเซ๊งพ้าท้างพ้า อ ชู้ แค๊

เนฮะมี 12:26 ပူးပေါင်းရင်းမြစ်များ

2ทกวิ้ไน 9:26

ดี๊ ซาโลโม โพะคอง กจุ้แฆว้ กุ้ แฌ้, ล โค๊ ลู่ง ที๊ง ยูเฟตี กล้อง, ลี้ ท้อง ลู่ง โพล้ง ฟีลีเตีย อ ที๊งล่างค่างพ้า, ดี๊ ท้อง ลู่ง อีไย้ะ อ ค่างช๊า

เอซรา 7:11

อ อี้ง นอ เก ไละกวิ้ยื่ง อเตว่, พี่ กจุ้แฆว้ อาทาเซอซี เกล๊าง เอะ โพล้งลื่งเท่ออคู เอซรา, พี่ เก คู ซองเท่อเซ๊งพ้าท้างพ้า, พี่ อ ไฌ่ ซีงแฌ๊ กแช่ยาเว อ ทซองทซ๊าง อไฌ่อกย้อง, ดี๊ กแช่แยว้ อ ทอเค้อะอต้าง ลู่ง โพล้ง อีซลาเอง อ ฌ่าง นอ บี่อี้ง

เอซรา 7:6

เอซรา ล แฌ้ อี้ง นอ โอนี่ ลู่ง บาบีโลง พ้า ลี้ทาง, อ เว๊ เก คู ซองเท่อซ๊างเท่อ, ซีงแฌ๊ โมเซ อ ทอางแม้เลา อ ไฌ่, พี่ กแช่ยาเว โพล้ง อีซลาเอง อ กแช่แยว้ เกล๊าง เอะ-อ้ะ, ดี๊ กจุ้แฆว้ เกล๊าง เอะ-อ้ะ กุ้เม้ง, พี่ อ อางท่าง เว๊ นอ ฌี้ มะ, เมะเว๊ กแช่ยาเว อ เว๊ อ กแช่แยว้ อ จูง โอ ดี๊-อ้ะ

เนฮะมี 8:1

โพล้งเฌงพูฆ๊างพู เลาพะ นี่ โอซยอง โละอซ้ะ ล พ๊าฆ่าง เปราะ, ลู่ง เว่ง คว้าง พ้า ป้ะตู๊ง ที๊ง อ เมะแซ พ้า, ดี๊ อ ซื๊งเว๊ โล้ เอะ เอซรา คู ซองเท่อ เซ๊งพ้าท้างพ้า นอ, เกม๊า เฌ๊โชะ โมเซ อ ไละ ทอางแม้เลา, พี่ กแช่ยาเว อางแบเลา เอะ อีซลาเอง นอ

เนฮะมี 8:9

ดี๊ เนฮะมี พี่ เก ทอดู ยู่แคว่ เท่อ, ดี๊ เอซรา โพล้งลื่งเท่ออคู, ดี๊ คู ซองเท่อเซ๊งพ้าท้างพ้า, ดี๊ โพล้ง เลวี พี่ อ ซอง โพล้งเฌงพูฆ๊างพู นอ, ไคล้ ดี๊ โพล้งเฌงพูฆ๊างพู เลาพะ นอ ไจ้ะเว๊, “ล นี้ง แย้ อี้ง, เก มื่ง นี้ง ฌี้ ลู่ง อฌี้อแอว้ เอะ กแช่ยาเว, น ซื๊ง อ กแช่แยว้, ฌางล้างย้าล้าง ล ฌี้, ฌาง ล ฌี้”, เมะเว๊ โพล้งเฌงพูฆ๊างพู ฌาง พี่ อ แน่ฌ๊า ทอางแม้เลา อ ทไคล้ นอ