เนฮะมี 10:37 - Northern Pwo Karen Thai Bible

³⁷ ดี๊ พี่ ม แม้นี่ ก ฌื๊งไน้ะ ลู่ง อ ฌี้, ก ท เทว๊, เซง กุ้เทิง อซูงอแซ, ไซ้ะ ซไบ้ะ แซ ที๊ง อ ซ๊าง, ดี๊ ทซู, เฌ๊โชะ เอะ กเย่ โพล้งลื่งเท่ออคู, เฌ๊โชะ ลู่ง ก กแช่แยว้อล่างโอ พ้า, ดี๊ พี่ ม แม้นี่ ทชี๊งเชโป้ง ลู่ง ก ที๊งล่างค่างพ้า เฌ๊โชะ เกม๊า โพล้ง เลวี, เมะเว๊ โพล้ง เลวี นอ เก โพล้ง กิ้นี่ ทชี๊งเชโป้ง ลู่ง เว่ง อ เฌงพูเฌงแช่ นอ เลาพะ

เนฮะมี 10:37 ပူးပေါင်းရင်းမြစ်များ

2ทกวิ้ไน 31:6

โพล้ง อีซลาเอง ดี๊ โพล้ง ยูดา, พี่ อ โอ ลู่ง เว่ง ยูดา พ้า ล จอง แบ ล จอง นอ, แม้นี่ ทชี๊งเชโป้ง ลู่ง งู้ ดี๊ แกะ อ แกล้, ดี๊ เท่อ พี่ อฌี้อแอว้ พี่ เทว๊ เอะ อ กแช่ยาเว, อ ซื๊งเว๊ อ กแช่แยว้ นอ เฌ๊ โชะ อางกีล้าง เว๊ เก ล โป้งๆ

เนฮะมี 13:10

ดี๊ จ ซีงแฌ๊ ได้ะ บี่อี้ง, โพล้ง เลวี อ เท่อ ล น้าง นอ อ เว๊ ล นี่ เกล๊าง เอะ เว๊ แบ, อกย้อง บี่นอ, โพล้ง เลวี ดี๊ โพล้ง ซ้ะอวีงแท๊, พี่ แม้เท่อไพ้ะเท่อ นอ ล แฌ้ๆ, ไท้ เว๊ ลู่ง อ กแช่ อ ไชะ อ ฆึ้

เนฮะมี 13:12

ดี๊ โพล้ง ยูดา กุ้แฌ้ แม้นี่ ทชี๊งเชโป้ง พี่ อ เก บืง, ไซ้ะ ซไบ้ะ แซ ที๊ง อ ซ๊าง ดี๊ ทซู, เฌ๊โชะ เว๊ ลู่ง ทฆ้าทโฆ่ อ ล่าง

เนฮะมี 13:5

นี่ แด้เว้ ทล่าง เอะ โทบีอา พ้ะเล่ ล เช้า, เก ทล่าง ล เช้า พี่ อ พ้องไฆวะ นอ, เจ่ เว๊ อางกี ทลื่งทาง เทว๊ทซูงทแซ, กางยาง ทซู๊งทเจ่ ล เม้ง แบ ล เม้ง, ดี๊ ทชี๊งเชโป้ง พี่ เก บืง, ไซ้ะ ซไบ้ะ แซ ที๊ง อ ซ๊าง ดี๊ ทซู, พี่ อ เกม๊า เว๊ บี่ซุ้ดี๊ ทอางแบเลา เกม๊า เอะ โพล้ง เลวี, โพล้ง ซ้ะอวีงแท๊, โพล้งคุ้แคว่เกล้ป้ะตู๊ง ดี๊ ทเทว๊ ลู่ง โพล้งลื่งเท่ออคู อ ฌ่าง

เนฮะมี 13:9

ฌ้อง จ อางแบเลา เกม๊า อ เว๊ แม้เช๊งแม้เกล้ง ทล่าง ล เช้า นอ, ดี๊ จ แม้นี่ ทฆ้าทโฆ่ เจ่ลี้ง-อ้ะ ลู่ง กแช่แยว้อล่างโอ, เลา ดี๊ ทลื่งทาง เทว๊ ทซูงทแซ, ดี๊ กางยาง เฌ๊ อางกีไท้ พี่ นอ ได้ะ

ทไจทางไฆวะ 13:12

ทกุ้เม้ง พี่ กึทาง พ้ะทาง อ ต้องคู นอ, น แบ เทว๊ เอะ กแช่ยาเว ดี๊ ทพูแฆ่ อ พู วี่แซย่ อ แพ๊ พี่ พ้ะทางนี่ ดี๊ น ทพูแฆ่ โด้ง นอ, เก กแช่ยาเว อ เท่อ ล้อ

ทไจทางไฆวะ 13:2

“ท อ พูวี่แซย่ เลาพะ นอ, เกม๊า เทว๊ เอะ แย้, เมะเว๊ โพล้ง อีซลาเอง เท่อ กุ้ เม้ง, พี่ อ กึทาง พ้ะทาง อ ต้องคู นอ, ม เก กโพล้ง ฌี้, ทพูแฆ่ ฌี้, อ นอ เก แย้ จ เท่อ นอ ล้อ”

เลวี​อ​ไฌ่ 23:17

เกม๊า แม้นี่ กู คี๊ง ลอง, พี่ แม้ เว๊ ดี๊ ฌื๊งไน้ะ ลู่ง อ ฌี้ คี๊ง กีโล, ลู่ง น ซื๊ง ล่าง เปิ่งโอเปิ่งช๊อง พ้า นอ, เฌ๊ แม้ ท อ ไฌ่ เยาทาง เว่งว๊าง, เกม๊า แม้-อ้ะ ดี๊ ฌื๊งไน้ะ ลู่ง อ ฌี้ ทึ, ชวี๊งล้าง ดี๊ อ กูมีง อ ซีง, อางแก-อ้ะ เก ทซูงทแซ อ วี่งคู ล ว๊าง, เทว๊ เอะ กแช่ยาเว

มาลาคี 3:10

กแช่ยาเว ซึ้คู ดูทึชองทึ ไจ้ะเว๊, เกม๊า แม้นี่ ทชี๊งเชโป้ง ฆวี้ทะ, เฌ๊ อางกี ลู่ง ทล่าง อางกีซยอง เท่อ อ พ้า บี่ซุ้ ทอาง ม โอ ลู่ง ก ล่างโอ พ้า, เกม๊า น แม้แคว่ดุ้ เฆ้อ ลู่ง ท ล ไฌ่ อี้ง, ก ม เว่พ้ะ เอะ แน้ ป้อง ลู่ง มุ้คู, ดี๊ ลู๊งล้าง เอะ แน้ ทชูฌี้ ล้างอวีงล้างพะ ชี่-อ้า

มาลาคี 3:8

“กโพล้ง ม โกง กไบล้ะ กแช่แยว้ โบ่?, เต้ๆ, นอ น ซื๊ง ซีง ลแพ โกง กไบล้ะ เฆ้อ, แบเด้าะ น ไจ้ะ บี่อี้ง, ‘เฆ้อ ซีง ลแพ ก โกง กไบล้ะ กแช่แยว้ บี่จะเล้?’, เมะเว๊ โกง กไบล้ะ เท่อ แบฆ้ะ ดี๊ ทชี๊งเชโป้ง, ดี๊ ทลื่งทาง นอ เซ้อ

เกล้​ท​ซ้ะวี่ง 18:15

เท่อ พี่ โอ ดี๊ อ ซ้ะ ม๊า กุ้เม้ง อ พู, พี่ กึทาง พ้ะทาง, ม เก โพล้ง ฌี้, ทพูแฆ่ ฌี้, พี่ โพล้ง เทว๊ เอะ กแช่ยาเว นอ, ม เก น เท่อ, แบเด้าะ เมะ กโพล้ง อ พู วี่แซย่ นอ, น แบ เทะนี่ไท้-อ้ะ, ดี๊ น แบ เทะนี่ไท้ ทพูแฆ่ พี่ อ แบอ้า นอ อ พู วี่แซย่ ปะ

เกล้​ท​ซ้ะวี่ง 18:18

แบเด้าะ อ แย นอ ม เก น เท่อ, บี่ซุ้ โละซ้ะ ดี๊ อ ซ้ะแน๊ แย พี่ เทว๊-อ้ะ เก ทลื่งทาง เยาทาง เว่งว๊าง, ดี๊ อ กีงไท้ะ แย อ ฆุ้ ล โค๊ พี่ เก น เท่อ นอ ปะ

เกล้​ท​ซ้ะวี่ง 18:21

แคว่เซ้อ, ทชี๊งเชโป้ง ลู่ง โพล้ง อีซลาเอง อ แกล้ นอ, จ เกล๊าง เอะ โพล้ง เลวี เก อคองอแซย้, เก อ ทแม้ อ คางเล้งคางเล๊ พี่ อ ซื๊ง แม้ เว๊, เมะเว๊ ทแม้ ลู่ง เด้ทโอซยองอล่าง อ พ้า

โรมา 11:16

กู อ วี่งคู ล ไก้ ก เมะ เทว๊ เอะ กแช่ แยว้ นอ, กู ด๊าง ลอง เก อ เว๊ แด ปะ, เซง อ ฌี่ง ก เมะ เทว๊ เอะ กแช่ แยว้ นอ, อ ได้ กุ้ อ ได้ ม เก อ เว๊ ปะ

โล้​ล้างที๊ง​ทอางแม้เลา 14:22

“กเย่ ทดุ้ทแล ทซูงทแซ, พี่ น นี่ แบ-อ้ะ ลู่ง น ฆึ้ พ้า ไชะ พ้า ล เนงๆ, นอ, เกม๊า น เทว๊ ท ชี๊งเชโป้ง

โล้​ล้างที๊ง​ทอางแม้เลา 18:4

น บืง, น ไซ้ะ ซไบ้ะแซ ที๊ง, น ทซู, ดี๊ แกะ ชอง อ ต้องคู, พี่ น นี่แบ -อ้ะ ดี๊ น แกะ นอ, เกม๊า น เกล๊าง เอะ โพล้งลื่งเท่ออคู

โล้​ล้างที๊ง​ทอางแม้เลา 26:2

เกม๊า น แม้นี่ ฌางคู เลาพะ อซูงอแซ, พี่ น เก้านี่ ฆี๊นี่-อ้ะ ลู่ง น ที๊งล่างค่างพ้า, พี่ กแช่ยาเว น กแช่แยว้ เกล๊าง เอะ แน้ นอ, เกม๊า น แม้นี่ ทซูงทแซ นอ, ชวี๊งล้าง-อ้ะ ด้างเพะ พ้า, ลี้ โชะ ลู่ง ทล่าง พี่ กแช่ยาเว น กแช่แยว้ อางลึนี่ เว๊, บี่ซุ้ เกม๊า อเม้งอแซ โอ พี่ นอ