เนฮะมี 1:7 - Northern Pwo Karen Thai Bible

⁷ เฆ้อ ซีงลแพ อี้ง ก แม้ ทอ้าทซ๊าง แบ กแช่แยว้ แอ น้ะ มะ, ดี๊ ล นี่ แฌแซกต้าง กแช่แยว้ อ ทซองทซ๊าง, ดี๊ ทอเค้อะอต้าง, ดี๊ ทอางกีล้าง, พี่ กแช่แยว้ อางแบเลา เอะ อ เพล่ โมเซ นอ แบ

เนฮะมี 1:7 ပူးပေါင်းရင်းမြစ်များ

1​กจุ้แฆว้ 2:3

ดี๊ เกม๊า น แฌแซ กแช่ยาเว น กแช่แยว้ อ ท อางแบเลา, เมะเว๊ ลี้ โพะ อ เกล้, ดี๊ แฌแซ ทอเค้อะอต้าง, ทซองทซ๊าง, ทอางกีล้าง, ดี๊ อลู่งอแท๊, ด้องซุ้ แบ ทกวิ้ล้าง-อ้ะ ลู่ง โมเซ อ ไละ ทอางแม้เลา พ้า นอ, บี่ซุ้ น ม ดูทาง โท๊ทาง ลู่ง ทกุ้เม้ง อ พ้า พี่ น แม้-อ้ะ, ดี๊ ทล่าง กุ้ จอง พี่ น ลี้-อ้ะ

2ทกวิ้ไน 25:4

แบเด้าะ ล แม้ซี๊ง ไฆวะ อ ซื๊งเว๊ อ พู อ ลี้ง แบ, อ เว๊ แม้โพะ ทกวิ้ล้าง อ ไค๊, พี่ โอ ลู่ง โมเซ อ ไละ ทอางแม้เลา พ้า, พี่ กแช่ยาเว อางแบเลา เว๊ พี่ อ ไจ้ะเว๊, “เกม๊า แม้ซี๊ง แพ่ ลู่ง พู ลี้ง อ ทแม้ อ กย้อง ล ฌี้, ดี๊ แม้ซี๊ง พู ลู่ง แพ่ อ ทแม้ อ กย้อง ล ฌี้, เมะเว๊ ล แฌ้ๆ, นอ ม แบ ทแม้ซี๊ง-อ้ะ, ลู่ง อ กแช่ ทเด้บ้ะ อ กย้อง”

2ทกวิ้ไน 27:2

ดี๊ อ เว๊ แม้ ทอฌี้อแบ ลู่ง กแช่ยาเว อ เมะแซ พ้า, บี่ซุ้ ดี๊ อ แพ่ อูซียา แม้ เว๊ นอ กุ้ อ เม้ง, โอ ล เม้ง ล้อ, อ เว๊ ล ลี้ นึฆ้าง ลู่ง กแช่ยาเวอเว่งฮ๊าง พ้า แบ, แบเด้าะ โพล้งเฌงพูฆ๊างพู แม้ เท่อ พี่ เกทาง ทอ้าทซ๊าง นอ ได้ะ

เอซรา 7:6

เอซรา ล แฌ้ อี้ง นอ โอนี่ ลู่ง บาบีโลง พ้า ลี้ทาง, อ เว๊ เก คู ซองเท่อซ๊างเท่อ, ซีงแฌ๊ โมเซ อ ทอางแม้เลา อ ไฌ่, พี่ กแช่ยาเว โพล้ง อีซลาเอง อ กแช่แยว้ เกล๊าง เอะ-อ้ะ, ดี๊ กจุ้แฆว้ เกล๊าง เอะ-อ้ะ กุ้เม้ง, พี่ อ อางท่าง เว๊ นอ ฌี้ มะ, เมะเว๊ กแช่ยาเว อ เว๊ อ กแช่แยว้ อ จูง โอ ดี๊-อ้ะ

ทอางปฆ้า 106:6

เฆ้อ ซีง ลแพ ดี๊ ก พี๊งพู๊งลู่งแย๊ อู้ง นี่ แม้ ทเด้บ้ะ เฆ้อ ซีง ลแพ นี่ แม้ไพ้ะแม้แม เท่อ เฆ้อ ซีง ลแพ นี่ แม้อ้าแม้ซ๊าง เท่อ

ทอางปฆ้า 89:31

อซื๊งเว๊ เมะ ลือค๊างพะ จ ทอเค้อะอต้าง ดี๊ ล นี่ แฌแซกต้าง จ ทอางแบเลา แบ นอ

ทอางปฆ้า 89:32

จ ม แม้เตาแม้แต๊ อซื๊งเว๊, อ ทลือค๊างพะ เท่อ นอ, ดี๊ นางพลี ดี๊ แม้เตาแม้แต๊ อ ทอ้าทซ๊าง ลู่ง ทพลีทท่าง

อีซยา 1:4

เอ้อ, กโพล้ง กุ้ชื้อกุ้ชะ อ ทเด้บ้ะ ตาง กโพล้ง อ ชื้อ พี่ อ ยุ้ ทอ้าทซ๊าง อ ทอวีงทยุ้ โพล้งอ้าโพล้งซ๊าง อชื้ออชะ พู พี่ แม้ เฌ๊ฌ้อง เท่อ อ ซื๊งเว๊ ซีง ลแพ ญ๊องไฆวะ กแช่ยาเว อ ซื๊งเว๊ ดึ้เดว อีซลาเอง อ กแช่แยว้ พี่ อฌี้อแอว้ อ ซื๊งเว๊ ซีง ลแพ, วีงโด้งโคล๊งไฆวะ อ ซ้ะ ดี๊ กแช่แยว้

ดานีเอง 9:11

อีซลาเอง น๊าง ชื้อ นี่ แม้ไพ้ะ แบ กแช่แยว้ อ ทอางแม้เลา, ดี๊ นี่ วีงแซยไฆวะ ซ้ะ, ล ชู่ง กแช่แยว้ แบ, ทบี่นอ, ทชูอ้า ดี๊ ทอืงล้าง พี่ กวิ้ล้าง เว๊ ลู่ง กแช่แยว้ อ เพล่ โมเซ อ ทอางแม้เลา พ้า นอ, แบ ท ลู๊งล้าง ดุ้ เฆ้อ ลแพ อี้ง, เป๊งนี่ ก ซื๊งเว๊ ซีง ลแพ แม้ ทเด้บ้ะ แบ กแช่แยว้ ล้อ

ดานีเอง 9:13

ด้องซุ้ พี่ กวิ้ล้าง เว๊ ลู่ง โมเซ อ ทอางแม้เลา พ้า นอ เย้า, ท เซงทื่งเฌ๊ฌ้อง กุ้เม้ง นอ, อ ล้าง แบ ก ซื๊งเว๊ ลแพ อี้ง เย้า, แบเด้าะ ก ซื๊งเว๊ ก ล นี่ อางโฆอางแย๊ เท่อ, อางท่าง นี่ ทย๊างซ้ะ ดี๊ กแช่ยาเว ก กแช่แยว้, ลู่ง ท แกยไฆวะ ซ้ะ ดี๊ ก ทไพ้ะทแม-อ้า, ควี๊งคูแกยแน่ ดี๊ กแช่แยว้ อ ทเมะทโต้ นอ-อ้า ได้ะ แบ

โฮเชยา 9:9

อ เว๊ อ้าทางซ๊างทาง ล้างโยะ ลู่ง ทอ้าทซ๊าง พ้า แอ มะ ด้องซุ้ เว่ง กีเบอา อ ชู้ อู้ง ล้อ กแช่แยว้ ม นางแบทางไท้ อ ทไพ้ะทแม กแช่แยว้ ม แม้เตาแม้แต๊-อ้ะ ลู่ง อ ทเด้บ้ะ อกย้อง

เลวี​อ​ไฌ่ 27:34

ท ลแพ อี้ง นอ, เก ทซองทซ๊าง พี่ กแช่ยาเว โล้ เอะ โมเซ, ลู่ง ทลู่ง ซีไน คู, ลู่ง โพล้ง อีซลาเอง อ ฌ่าง นอ ล้อ

เซฟางยา 3:7

ก ไจ้ะ บี่อี้ง, เว่ง นอ ม ดู้งแบยางแบ เฆ้อ เต้ๆ, ล้อ อ เว๊ ม ฮะนี่ ทซองทซ๊าง อ เว๊ แบซีงลู่ง ม ล แกยไฆวะ อ เมะ ดี๊ ท กุ้เม้ง พี่ ก เฌ๊โชะ ลู่ง อ โอ นอ แบ แบเด้าะ อ ซื๊งเว๊ ลแพ นอ, เฌา โละ พี่ ม เกม๊า อ ทไพ้ะทแม้ กุ้เม้ง นอ, อ้าทางซ๊างทางก้ะ ล โค๊ ล้อ

มาลาคี 4:4

“เกม๊า นางแบ ก เพล่ โมเซ อ ท อางแม้เลา, เลา ดี๊ ท อเค้อะอต้าง, ดี๊ ทอางกีล้าง ลู่ง อีซลาเอง อ ฌ่าง, พี่ ก นี่ อางแบเลา เว้-อ้ะ ลู่ง ทลู่ง โฮเร นอ

โล้​ล้างที๊ง​ทอางแม้เลา 4:1

“ค๊องเนงอี้ง, โอ้, โพล้ง อีซลาเอง-เอ้อ, เกม๊า คุ้ช๊องแน ท อเค้อะอต้าง, ดี๊ ท อางกีล้าง, พี่ จ ซอง เอะ น ซื๊ง ซีง ลแพ, เกม๊า น แม้โพะ อ ไค๊ นอ, บี่ซุ้ น ม โอม๊า, ดี๊ นึฆ้าง แม้นี่ก้ะ ที๊งล่างค่างพ้า, พี่ กแช่ยาเว, น พี๊ง น พู๊ง ลู่ง แย๊ อ กแช่แยว้, เกล๊าง เอะ แน้ นอ

โล้​ล้างที๊ง​ทอางแม้เลา 4:5

แคว่เซ้อ, จ นี่ ซองเอะซ๊างเอะ น ซื๊ง ทอเค้อะอต้าง, ดี๊ ทอางกีล้าง, ด้องซุ้ พี่ กแช่ยาเว จ กแช่แยว้ อางแบเลา แย้, เกม๊า น แม้โพะ อ ไค๊ ลู่ง ที๊งล่างค่างพ้า, พี่ น ซื๊ง ม นึฆ้าง แม้นี่ก้ะ-อ้ะ นอ

โล้​ล้างที๊ง​ทอางแม้เลา 5:1

โมเซ กุ้ซยอง โพล้ง อีซลาเอง เฌ๊ฆ้าง เลาพะ, ฌ้อง ไคล้ ดี๊ อ ซื๊ง เว๊ ซีง ลแพ บี่อี้ง, “โอ้, โพล้ง อีซลาเอง ซีง-เอ้อ, เกม๊า คุ้ช๊องแน ทอเค้อะอต้าง, ดี๊ ทอางกีล้าง, พี่ จ ม ไคล้ เกม๊า นึฆ้าง น แน่ พ้า ล นี้ง แย้ อี้ง, บี่ซุ้ น ซื๊ง ม ไฌ่ ซีงแฌ๊ พี่ ม แฌแซกต้าง-อ้ะ, ดี๊ แม้โพะ ทไคล้ ลแพ นอ อ ไค๊

โล้​ล้างที๊ง​ทอางแม้เลา 6:1

“อ อี้ง นอ, เก ทซองทซ๊าง, ทอเค้อะอต้าง, ดี๊ ทอางกีล้าง, พี่ กแช่ยาเว น ซื๊ง ซีง ลแพ อ กแช่แยว้, อางแบเลา เกม๊า ซอง น ซื๊ง, บี่ซุ้ น ม แม้โพะ อ ไค๊, ลู่ง ที๊งล่างค่างพ้า, พี่ น ม ลี้ ค๊างฌะฆ้าง แม้นี่ก้ะ-อ้ะ นอ

ท​เน​โพล​ทาง 19:2

อ ไฌ่ บี่ อี้ง กแช่ แยว้ อ ท ต้ะเซ๊ง นอ, เมะ ท อ เกิ้ง อ แบ ดี๊ อ โต้ อ ล้อง ล้อ, อ เว๊ ไคล้ ล้าง กมืง เอโบ้งเอพะเท่อ อ้า ทึ ล แฌ้ นอ อ เตา อ แต๊, พี่ อ เกม๊า โพล้ง ฌางคู โคล๊ง คู อี้ง แม้ ฆึ ท อ้า ท ซ๊าง ดี๊-อ้ะ, ลู่ง อ เว๊ อ ท แม้ กแม มืง กแม แคว๊, กแช่ แยว้ แม้ เตา แม้ แต๊ กมืง ล แฌ้ นอ, เป๊งนี่ อ เว๊ แม้ ซี๊ง กแช่ แยว้ อ เพล่ อ บาง”