มาร้ะกู 15:1 - Northern Pwo Karen Thai Bible

¹ ลู่ง ท พ้าง ทาง โฌ้ โค๊ โพล้งลื่งเท่ออคู อ คู อ แน่ ล มู๊ง นอ, กุ้ ซยอง โพล้ง เม้ง โพล้ง แซย่ ดี๊ คู ซองเท่อซ๊างเท่อ, ดี๊ โพล้ง ต้ะเซ๊ง เท่อ อ แฌ้แพ ท้อง อ เลา ล มู๊ง, เฌ๊ โอ ซยอง ก้างแก้ โละ อ ซ้ะ, ฌ้อง จ้าทะ กแช่ เยซู, ลี้ ม้อง เว๊ ไวะ ท้อง ทอดู ปีล้ะ อ โอ, อ้ะล้าง กแช่ เยซู ดี๊-อ้ะ

มาร้ะกู 15:1 ပူးပေါင်းရင်းမြစ်များ

ทอางปฆ้า 2:2

กเย่ กจุ้แฆว้ ลู่ง ฌางคูโคล๊งคู ต๊างทาง อ ซ้ะ ดี๊ โพล้ง โพะคอง เท่อ เนฌ้าโล้ฌ้า เท่อ ดึ้ กแช่ยาเว, ดี๊ โพล้ง พี่ กแช่แยว้ เท้าไน-อ้ะ นอ ไจ้ะเว๊ บี่อี้ง

ม้ะทู 5:22

เมะ ยี๊ แด จ โล้ เอะ น ซื๊ง ซีง, โพล้ง พี่ อ ซ้ะทาง ดี๊ อ ด๊างพื่งวี่ โพล้ง ล แฌ้ นอ, ม แบ ท แม้ เตา แม้ แต๊-อ้ะ, ดี๊ โพล้ง พี่ ล แฌ้ เล้, พี่ อ ไจ้ะ อ ด๊างพื่งวี่ อ เฌ๊ฌ้อง ซี๊ง, โพล้ง ล แฌ้ นอ, ม แบ ลี้ ลู่ง โพล้ง ต้ะเซ๊ง เท่อ ล มู๊ง นอ อ เมะแซ พ้า, ดี๊ โพล้ง พี่ ล แฌ้ เล้, พี่ อ ไจ้ะ เอะ อ ด๊างพื่งวี่ อ พลื่ง ซี๊ง, โพล้ง ล แฌ้ นอ, ม แบ ท ลี้ โซ๊ง-อ้ะ ลู่ง มี มแนโฮะ พ้า

ลูกา 22:66

ท พ้าง ทาง ลู่ง โฌ้ โค๊, โพล้งเฌงพูฆ๊างพู อ โพล้งเม้งโพล้งแซย่ ล มู๊ง, ดี๊ โพล้งลื่งเท่ออคู อ คู อ แน่ ดี๊ คู ซองเท่อซ๊างเท่อ แพโซง โละ อ ซ้ะ, โพล้ง เฌ๊ ฌ้า กแช่ เยซู ลู่ง โพล้ง ต้ะเซ๊ง เท่อ ล แพ อี้ง อ เมะแซ พ้า

ท​แม้ 3:13

กแช่ แยว้ พี่ อาบราฮาง, อีซาฮ้ะ ดี๊ ยาคุ้ แบ้ ทาง เว๊ เก อ กแช่ แยว้ นอ, เมะ เว๊ ก พี๊ง พู๊ง ลู่ง แย๊ อู้ง อ กแช่ แยว้ ล แฌ้ นอ แม้ ฆี๊ง แม้ แล้ อ เพล่ กแช่ เยซู ล้อ, แบ เด้าะ น ซื๊ง นอ เกม๊า ทอดูอแซย่ พอง เว๊ ล้อ, น ซื๊ง โอ ลู่ง ทอดู ปีล้ะ อ เมะแซ พ้า, ทึ เมะ ปีล้ะ ม กูแพล่ กแช่ เยซู นอ น ซื๊ง ล เกม๊า อ เว๊ แม้ บี่ นอ แบ