มีคา 7:5 - Northern Pwo Karen Thai Bible

⁵ อางกีล้าง ซ้ะ ดี๊ ฌุ้พาง ล ฌี้ มึเซิงมึซ้ะ ดี๊ ซกุ้มู๊งโฌ่ ล ฌี้ เกม๊า ปโล่ ล้าง น นุ้ โล้ล้าง เอะ อ เว๊ พี่ มี๊งน้าง ตไก้ะ น ซ้ะแน๊ นอ ล ฌี้

มีคา 7:5 ပူးပေါင်းရင်းမြစ်များ

ทอางปฆ้า 141:3

จ กแช่ยาเว-เอ้อ, เกม๊าเต้ ต๊างทาง โพล้ง โอคุ้แคว่ เท่อ โอคุ้ทะ จ นุ้ เกม๊าเต้ โอคุ้ ปโล่ทะ จ นุ้ อ ป้ะตู๊ง

ทอางปฆ้า 38:14

จ เก บี่ซุ้ดี๊ โพล้ง, พี่ ล แน่ฌ๊า เท่อ แบ พี่ อ นุ้พ้า, ล โอ ดี๊ ทไจ้ะช๊าไคล้ช๊า เท่อ แบ

ทอางปฆ้า 41:9

ทึ เมะ จ ฌุ้พางเท่งซ้ะ, พี่ จ อางกีล้าง ซ้ะ ดี๊-อ้ะ โพล้ง พี่ อ อาง จ ทอางทโอ้ นอ, โชะทาง อ คางโนงไค๊ ดี๊ แย้

เยเรมี 9:3

“อ ซื๊งเว๊ แม้ไก อ พลี้, บี่ซุ้ดี๊ คลีง บ้อง ค้ะ ไจทาง ท ลเมะลโต้ แบ ล เมะ ดี๊ ทเมะทโต้ พี่ อ ซื๊งเว๊ ชองทางไคล๊ทาง ลู่ง ที๊งล่างค่างพ้า แบ เป๊งนี่ อ ซื๊งเว๊ ไจทางแดไฆวะ ทอ้าทซ๊าง ล เม้ง, ลี้ ลู่ง ทอ้าทซ๊าง ล เม้ง เด้าะ ล้อ ดี๊ อ เว๊ ล ซีงแฌ๊ เฆ้อ แบ” กแช่ยาเว โล้ เว๊ บี่อี้ง ล้อ

เยเรมี 9:4

“อวีงซ้ะชู้ เกม๊า กุ้แฌ้ ปโล่ปด้าง อ ฌุ้พาง ดี๊ อางกีล้าง ซ้ะ ดี๊ น๊างพื่งวี่ น่างแฌ้ ล ฌี้ เฆาะ เป๊งนี่ น๊างพื่งวี่ กุ้แฌ้ นอ, เก โพล้ง แซย๊กไบล้ะ ดี๊ ฌุ้พาง กุ้แฌ้ นอ, ลี้ ไจ ไคล้ ซี๊งเคพะเพิ่ง โพล้ง อ แฌ้แพ

ท​ฌางล้างย้าล้าง 1:2

อ เว๊ ฌางซย้ะ ดี๊ ท ซ้ะ เฌ๊ฌ้อง น้ะ ลู่ง มแน้แค๊ ดี๊ เมะที๊งล้าง แบโจ บุ้แพ้ โพล้ง พี่ เอ-อ้ะ อซุ้อแกล้ พ้า นอ ล โอ อางเลว๊-อ้ะ น่างแฌ้ แบ อ ฌุ้พาง กุ้แฌ้ กไบล้ะกแบล ดี๊-อ้ะ อ ซื๊งเว๊ เกทางก้ะ อดีงอแด้ ล้อ

ม้ะทู 10:16

จ เจ่ น ซื๊ง บี่ ซุ้ แกะ ลี้ ลู่ง ทวีง เม้ง อ แกล้, ท บี่ นอ, แม้ แซย๊ น ซ้ะ บี่ ซุ้ ดี๊ ฌู่ง, ดี๊ เกม๊า น เพาๆ, เบ้ๆ, บี่ ซุ้ ทูลี่ง

โพล้งต้ะเซ๊งเท่อ 14:17

อ เว๊ แม้ ฌาง ดุ้ อ ซ้ะ ดี๊ เซงซาง เลา ท เนว๊ นี้ง พ้า พี่ อ เก มื่ง นี้ง ลื่งอาง เท่อ นอ, ลู่ง มื่ง เนว๊ นี้ง ล นี้ง นอ เซงซาง โล้ เอะ-อ้ะ ทไคล้ ไก นอ อ แซ, เป๊งนี่ กมืง นอ อางจ้ะ ไฌะเฌา-อ้ะ, ดี๊ กมืง นอ โล้ เอะ โพล้งเฌงพูฆ๊างพู ลแพ นอ อ ทไคล้ ไก อ แซ