มีคา 5:8 - Northern Pwo Karen Thai Bible

⁸ ดี๊ ยาคุ้ อ โพล้ง พี่ โอ ล้างลื๊อ ก้ะ นอ, ม โอ ลู่ง โพล้ง กุ้ชื้อกุ้ชะ อซุ้อแกล้ พ้า ลู่ง โพล้ง กุ้ชื้อกุ้ชะ แอฌี่งแอฌ้อง อซุ้อแกล้ ด้องซุ้ คี๊ยื่ง, โอ ลู่ง ทพูแฆ่ เม้ง น๊างมู๊ง อซุ้อแกล้ ด้องซุ้ คี๊ยื่ง แพ๊, โอ ลู่ง แมะ แกะ น๊างมู๊ง อซุ้อแกล้ พี่ อ ลี้แพ๊ แบ เว๊ นอ, อ ไย่เละค๊างพะ เว๊ ดี๊ ซย๊างยะไฆวะ เว๊, โพล้ง ล โอ แม้พ้องพลิ้ -อ้ะ น่างแฌ้ แบ

มีคา 5:8 ပူးပေါင်းရင်းမြစ်များ

ทอคางไท้ะ 49:9

“ยูดา เก คี๊ยื่ง พู พู-เอ้อ, น ไท้ทางแดไฆวะ ท อ แชอาง อ เว๊ คู้งรู้งล้าง, อ เว๊ โคะฌืงล้าง บี่ซุ้ดี๊ คี๊ยื่ง แพ๊ ดี๊ แบด้อง คี๊ยื่ง, โพล้งเล้ ม ต้องดุ้-อ้ะ เกม๊า อ เฌ้เทิงทาง เบิง

ทอางปฆ้า 104:20

กแช่แยว้ เกม๊า ทไค้ะ โอทาง, ดี๊ อ นอ เก มแน้แค๊ ลู่ง อช๊าอโท่ บี่นอ, ทพูแฆ่ เลาพะ ลู่ง ทเค แกล้ เคว้ ไจทาง

ทอางปฆ้า 44:5

เฆ้อ ซีงลแพ ก ชาง ดีงแด้ ไจทาง ซี ดี๊ แน้ ล้อ กเย่ โพล้ง พี่ อ ดึ้ซึ้ เฆ้อ นอ, เฆ้อ ก ไย่ล้าง-อ้ะ ดี๊ นเม้งนแซ ล้อ

ทอางปฆ้า 50:22

“น ซื๊ง ซีงลแพ พี่ ซ้ะนาง กแช่แยว้, เกม๊า ช๊องมองแคว่ที๊ง ท ล ไฌ่ อี้ง เมะ ล แม้ บี่นอ แบ, จ ม ซย๊างยะ แน้, ดี๊ โพล้ง ม ล โอ แม้พ้องพลิ้ แน้ ซี น่างแฌ้ แบ

ทอางด้อง 30:30

เมะเว๊, คี๊ยื่ง พี่ เก ทพูแฆ่ ลู่ง โอ ดี๊ อไฌ่อแบ้ แอทึ ลู่ง ทพูแฆ่ น๊างมู๊ง พ้า ดี๊ ล ญ่อง วีงโด้งโคล๊งไฆวะ อ ซ้ะ ดี๊ ท น่างเม้ง แบ เฆาะ

อีซยา 5:29

อ ลู่ง กุ้ซย้ะ อ โคะ บี่ซุ้ดี๊ คี๊ยื่ง อ เว๊ กุ้ซย้ะ อ โคะ ด้องซุ้ คี๊ยื่ง แพ๊ ลแพ นอ ล้อ อ เว๊ เคิ่ง เท่อ พี่ ซย่างเท่ง อ แชอาง อ แค๊ นอ ฌ้อง อ เว๊ ไท้โชะ อาง เว๊, ดี๊ โพล้ง ล โอ แม้ช้า เว๊ ซี น่างแฌ้ แบ

เอเซเคียง 39:10

อกย้องบี่นอ, อ ซื๊งเว๊ ล แบ แม้นี่ เซงมื่ง ลู่ง ไชะ พ้า-อ้า, กล้างนี่ เซงมื่ง ลู่ง ทเคแกล้-อ้า แบ, เมะเว๊ อ เว๊ ม เช้าทาง มี ดี๊ นางดึ้นางชาง, ดี๊ อ เว๊ ม ลู่นี่ก้ะ โพล้ง พี่ อ เฌ๊ ลู่นี่ก้ะ อ ทฆ้าทโฆ่ ลแพ นอ อ ทฆ้าทโฆ่, ดี๊ ม ตมละ โพล้ง อ เฌ๊ ตมละ-อ้ะ นอ, ทอดูทึโท๊ทึกแช่ยาเว โล้ เว๊ บี่อี้ง ล้อ

โฮเชยา 5:14

เมะเว๊ ก ม เก บี่ซุ้ดี๊ คี๊ยื่ง ลู่ง เอฟาอีง อ ฌ่าง ดี๊ เก บี่ซุ้ดี๊ คี๊ยื่ง แพ๊ ลู่ง ยูดา อชื้ออชะ อ ฌ่าง เฆ้อ, เมะเว๊ เฆ้อ อี้ง ล้อ, ก ม ซย๊างยะ ฌ้อง นอ ไจไวะ ก ม ไท้ ทวี่งเละ-อ้ะ, ดี๊ โพล้ง ม แม้ช้า เว๊ ล ซี น่างแฌ้ แบ

มีคา 2:12

โอ้, ยาคุ้-เอ้อ, ก ม อางกีซยอง น ซื๊งเว๊ ซีง ลแพ เต้ๆ, ล้อ ก ม อางกีซยอง โพล้ง อีซลาเอง พี่ โอ ล้างลื๊อก้ะ เต้ๆ, ล้อ ก ม อางกีล้าง ซกุ้ อ ซื๊งเว๊ บี่ซุ้ดี๊ แมะ แกะ น๊างมู๊ง โอ อ พ้อง พ้า บี่ซุ้ดี๊ ทพูแฆ่ น๊างมู๊ง โอ ลู่ง อ นางญ้าง พ้า แม้ เซ๊ พ้ะดู อ ลู่ง, ลพ๊าฆ่าง ดี๊ โพล้ง

มีคา 4:13

เกม๊า เฌ้เทิงทาง, ดี๊ เกม๊า ไย่ล้าง บืง แดเทา โอ้, ซีโยง อ พูมืง-เอ้อ เมะเว๊ ก ม แม้ น โน้ง, เกม๊า อ เก ท้ะ ดี๊ แม้ น คางมีงแท่, เกม๊า อ เก ท่องบ้าง ดี๊ น ม ไน้ะเน้า โพล้ง กุ้ชื้อกุ้ชะ แอฌี่งแอฌ้อง เก ทมูงทมวี๊ง ดี๊ ท พี่ อ ซื๊งเว๊ นี่ แบ เว๊ ลู่ง ออ้าอซ๊าง นอ, น ม อางกีล้าง เอะ กแช่ยาเว ดี๊ อ ซื๊งเว๊ อคองอแซย้ นอ, อางกีล้าง เอะ ทอดูทึโท๊ทึกแช่ ลู่ง ฌางคูโคล๊งคู เลาพะ

มีคา 4:7

ก ม เกม๊า โพล้ง อ คาง เฌ๊ฌ้อง พี่ โอ ล้างลื๊อ ก้ะ นอ ดี๊ เกม๊า โพล้ง พี่ แบ ท แญ่ไฆวะ ลี้ ไย้ นอ, เก โพล้ง กุ้ชื้อกุ้ชะ ลู่ง อชองอไคล๊ ดี๊ กแช่ยาเว ม โพะคอง อ ซื๊งเว๊ ลู่ง ทลู่ง ซีโยง ล โค๊ ลู่ง ค๊องเนงอี้ง ท้อง ชู่งแย๊ ล้างชู้ล้างแกย ล้อ

มีคา 5:3

ทบี่นอ, กแช่แยว้ ม ญ๊องไฆวะ อ ซื๊งเว๊ ท้อง ลู่ง อช๊าอโท่, พี่ กมืง อ ฌู่โพ๊ง แช๊ อ พู ม โอ ฌ้อง กเย่ น๊างพื่งวี่, พี่ โอ ล้างลื๊อ ก้ะ นอ, ม เฌ๊ไท้ ลู่ง โพล้ง อีซลาเอง อ โอ

มีคา 7:18

โพล้งเล้ ม เก กแช่แยว้, บี่ซุ้ดี๊ กแช่แยว้ พี่ แพล่ไฆวะ ทเด้บ้ะ ดี๊ แคว่ ค๊างพะ โพล้ง พี่ โอ ล้างลื๊อ ก้ะ, พี่ เก อคองอแซย้ นอ, อ ท กไบล้ะกแบล? กแช่แยว้ ล ซ้ะทาง ล้างชู้ล้างแกย แบ เมะเว๊ กแช่แยว้ แบ อ ซ้ะ ดี๊ ทเอทกวี้ง ลู่ง อเฌิ่งอค๊า

เซคารียา 10:5

โอซยอง โละซ้ะ นอ, อ ซื๊งเว๊ ม เก ด้องซุ้ โพล้ง แคว๊ ไฌ่ชองแบ้ชอง ลู่ง ทดึ้ทชาง พ้า ไย่เละค๊างพะ อดีงอแด้ ลี้ กไพะ พ้า ลู่ง เกล้ อ ซื๊งเว๊ ม ดึ้ซึ้ เท่อ, เมะเว๊ กแช่ยาเว โอ ดี๊-อ้ะ อ เว๊ ม ดึ้ เกม๊า ซึ้พู เทา กซี ฌางแช้ฌางเด

เซคารียา 11:6

กแช่ยาเว ไจ้ะเว๊, “ก ล ย๊างซ้ะ โพล้ง ที๊งล่างค่างพ้า ล้า แบ, อี้งเซ้อ, ก ม ดึ้ เกม๊า อ เว๊ ล แฌ้ๆ, ล้าง แบ ลู่ง อ ฌุ้พาง อ จูง พ้า, ดี๊ อ กจุ้แฆว้ อ จูง พ้า, ดี๊ โพล้ง ลแพ นอ, ม แม้เฌ๊ฌ้อง ที๊งค่าง, ดี๊ ก ล แม้ช้า โพล้ง เกม๊า พ้องไฆวะ ดี๊ อ ซื๊งเว๊ ลแพ นอ อ จูง น่างแฌ้ แบ เฆาะ”

เซคารียา 12:3

ล นี้ง แย๊ นอ, ก ม ดึ้ เกม๊า เยรูซเลง เก โล่ง ฆ๊า ลู่ง โพล้ง กุ้ชื้อกุ้ชะ ลแพ นอ อ ฌ่าง, โพล้ง พี่ อ เฌา โชะทาง โล่ง นอ, ม ดึ้ เกม๊า อ กแช่ แบเจ้าแบแช๊ น้ะมะ, ดี๊ โพล้ง กุ้ที๊งกุ้ค่าง ลู่ง ฌางคูโคล๊งคู นอ, ม โอซยอง โละซ้ะ ดึ้ เยรูซเลง

เซคารียา 14:18

ดี๊ โพล้ง อีไย้ะ อชื้ออดอง เมะ ล ลี้ทาง เนโพล อ ซ้ะ พี่ นอ แบ นอ, ล นี่แบ ทเฌ๊ช้า แบ ปะ, อ เว๊ ม นี่แบ ทอ้าทน้ะ, บี่ซุ้ดี๊ ทอ้าทซ๊าง พี่ กแช่ยาเว เจ่ เว๊, ดึ้ โพล้ง แฌ้แพ กุ้ชื้อกุ้ชะ พี่ ล ลี้ทาง แม้ ทไฌ่ โอ เด้พู พ้า แบ นอ ล้อ

เซคารียา 9:15

กแช่ยาเว ซึ้คู ดูทึชองทึ ม ยู่แคว่แฌแซกต้างทะ อ ซื๊งเว๊ ดี๊ อ เว๊ ม แม้ เซงทื่งเฌ๊ฌ้อง, ดี๊ ไย่ล้าง โพล้ง ค้ะโก๊ง ซี ดี๊ ม โอ้ เว๊ อ ซวีง ด้องซุ้ ไซ้ะ ซไบ้ะแซ ที๊ง ดี๊ มกึ้มฆวี้ บี่ซุ้ดี๊ โท๊กีง แบโจแบอืง บี่ซุ้ดี๊ ทลื่งล่าง อ โนง

มาลาคี 4:3

ดี๊ อ ซื๊งเว๊ ม ไย่เละค๊างพะ โพล้งอ้าโพล้งซ๊าง, อไฌ่บี่อี้ง, อ ซื๊งเว๊ ม เก บี่ซุ้ดี๊ พี๊แคล ลู่ง น คางย๊างซ้ะ พ้า, ลู่ง มื่ง ล นี้ง แย๊ พี่ ก แม้เท่อไพ้ะเท่อ นอ, กแช่ยาเว ซึ้คู ดูทึชองทึ โล้ เว๊ บี่อี้ง ล้อ

เกล้​ท​ซ้ะวี่ง 24:9

อ เว๊ โคะฌืงล้าง, ดี๊ มี๊งน้าง ด้องซุ้ คี๊ยื่ง แพ๊ แบด้องซุ้ คี๊ยื่ง มู่, พี่ โพล้ง เฌ๊ บุ้ เฌ้เทิง-อ้ะ ล เบิง แบ โพล้ง พี่ อ ชูฌี้ แน้ นอ, ม นี่แบ ทชูฌี้ โพล้ง พี่ อ ชูอ้า แน้ นอ, ม แบ ทชูอ้า”

ม้ะทู 10:14

ลู่ง เฌง พ้า ฌี้ เด้า พ้า ฌี้, โพล้ง เมะ ล ตองช๊า ฮะช๊า น ซื๊ง แบ, ดี๊ ล ช๊องแน น ลู่ง น แท๊ น่าง แฌ้ แบ นอ, ไจ ทาง แด ไฆวะ ท ล กล้ะ นอ, ดี๊ ตเทะ ไฆวะ ฌางคู มูง พี่ อ บึ้ น คาง นอ

ท​แม้ 18:6

ท่อง อซื๊งเว๊ แม้ ไทะทะ-อ้ะ ดี๊ ไคล้ อ้า ไคล้ ซ๊าง-อ้ะ นอ, เปาโล ทู ต รื้ง ไฆวะ อ ไช๊ อ ช้าง ไจ้ะ เอะ โพล้ง ล แพ นอ, “น เตา ลู่ง น ซื๊ง แบ ซี๊ง นอ น แบ ฮะ นี่-อ้ะ แด เว๊ ล แฌ้ ล้อ, เมะ ยี๊ นอ จ เตา จ แต๊ โอ ล้า เอะ, ท่อง อี้ง จู่ง แย๊ นอ, จ ม ลี้ ฌู ก้ะ โพล้ง ล ชื้อ แด นอ ล้อ”

ฮีบรู 12:25

ท บี่ นอ, พี่ กแช่ แยว้ โล้ เว้ เท่อ นอ ดุ้ น แน่ ดี๊-อ้ะ ไช้ะ, โพล้ง พี่ ล ดุ้ อ แน่ ดี๊ กแช่ แยว้ อ ท โล้ เว้ เท่อ, ลู่ง ฌางคู โคล๊ง คู อี้ง แบ นอ, พ้อง พลิ้ ล ซี แบ, เมะ บี่ นอ, ก เว๊ แด ก ม พ้อง พลิ้ ซี บี่ จะ เล้, ก เมะ แกย ไฆวะ ก ซ้ะ ดี๊ กแช่ แยว้ พี่ อ โอ ลู่ง มุ้คู นอ อ ท โล้ เว้

ฮีบรู 2:3

เฆ้อ ก ม พ้อง ไฆวะ ซี บี่ จะ เล้, ก เมะ ล ดุ้ ก แน่ ดี๊ ท พ้อง ท พลิ้ ลู่ง อ ล้างเปิ่ง บี่ อี้ง แบ, ท พ้อง ท พลิ้ อี้ง นอ กแช่ เยซู ไจ โล้ ล้าง ละ ล้าง วี่ง เว๊, ฌ้อง โพล้ง พี่ อ แน่ฌ๊า แบ เว๊ ล แพ นอ, เนโพล ทาง เอะ เฆ้อ ล้างที๊ง เก ท อ ที๊ง อ โต้