มีคา 3:6 - Northern Pwo Karen Thai Bible

⁶ อกย้องบี่นอ, มแน้แค๊ ล โอ ดี๊ ทแดเว้ เอะ อ ซื๊งเว๊ แบ ดี๊ ทไค้ะ ซ๊าโญ๊ง, ม กึทาง เอะ อ ซื๊งเว๊, ดี๊ น ซื๊ง ม พ้ะเว้ เท่อ ล ซี น่างแฌ้ แบ ลู่ง โมไคล้คิ้กแช่แยว้ ซีง ลแพ อ ฌ่าง นอ, มื่ง ม ล้างนึไฆวะ ดี๊ ลู่ง อ ซื๊งเว๊ อ ฌ่าง, มแช๊แค๊ นอ, ม ไค้ะซ๊า

มีคา 3:6 ပူးပေါင်းရင်းမြစ်များ

ทอางปฆ้า 74:9

เฆ้อ, ก ล แด ก ทแม้ไน ลแพ นอ แบ โมไคล้คิ้ กแช่แยว้ ล โอ ล้าแบ ลู่ง กซุ้กแกล้ พ้า นอ, โพล้ง ล โอ ซีงแฌ๊ เว๊ น่างแฌ้ แบ ชี่ไยะเล้

อีซยา 29:10

เมะเว๊ กแช่ยาเว ลู๊งล้าง เซิงซ้ะ ลู่ง ทมี๊งทวี่ ล้าง ลู่ง น ซื๊ง เช๊คู ดี๊ กาไบ้ะ น เมะคลี๊ง เมะเว๊ กเย่ โมไคล้คิ้ แยว้ นอ ดี๊ คลึไบ้ะ น คู, เมะเว๊ น โพล้ง พี่ อ พ้ะเว้ เท่อ นอ

อีซยา 59:10

ก อางฆื๊ง กเลิ่ง กางแป, บี่ซุ้ดี๊ โพล้ง อ เมะโบล ก อางฆื๊ง กเลิ่ง เท่อ, บี่ซุ้ดี๊ โพล้ง อ เมะคลี๊ง ล โอ แบ ก แบท้า ลู่ง มแช๊แค๊ นอ, ก คาง แบท้า, บี่ซุ้ดี๊ ลู่ง ทไค้ะเยาะยะล้าง อ แค๊ ลู่ง โพล้ง พี่ โอ ดี๊ อไฌ่อแบ้ อซุ้อแกล้ นอ, ก บี่ซุ้ดี๊ โพล้ง ซี๊ง เย้า

เยเรมี 13:16

เกม๊า เทว๊ ทโฌ่งทพ้าง เอะ กแช่ยาเว, น ซื๊งเว๊ ซีง ลแพ อ กแช่แยว้ ซลื่อ กแช่แยว้ ม ดึ้ เกม๊า ทไค้ะซ๊า เฌ๊ ซลื่อ น คาง ม แบท้า ลู่ง ทลู่ง คู พี่ โอ ดี๊ ทพ้าง ซู๊งเล๊ ดี๊ พี่ น ซื๊ง อางฆื๊ง แคว่ ทโฌ่งทพ้าง อ แค๊ นอ กแช่แยว้ ดึ้ เกม๊า เว๊ เกก้ะ ทไค้ะ เซยา ดี๊ ดึ้ เกม๊า เว๊ เกก้ะ ทไค้ะ ซ๊าโนย๊ง

เยเรมี 15:9

อ เว๊ พี่ อ พู โอ เนว๊ แฌ้ นอ, อไฌ่อแบ้ ล้างแช่ อ เว๊ ซ้ะนางม๊า อ ซ้ะ เย้า อ มื่ง ล้างนึ ลู่ง มแช๊แค๊ ได้ะ อ เว๊ แบ ฌางแช๊ฌางเด ดี๊ แช้เมะแช้แน๊ โพล้ง พี่ อ โอ ล้างลื๊อ ก้ะ นอ, ก ม อางกีล้าง เอะ น้ะ ลู่ง อดีงอแด้ อ เมะแซ พ้า” กแช่ยาเว โล้ เว๊ บี่อี้ง ล้อ

เยเรมี 18:18

ฌ้อง อ เว๊ ไจ้ะเว๊ บี่อี้ง, “เฌ๊ แดเทา, เกม๊า ก ช๊องมองเว้ทแม้แม้อ้าแม้ซ๊าง เยเรมี, อไฌ่บี่อี้ง, ทอางแม้เลา นอ, ล ล้างแม่แดไฆวะ โพล้งลื่งเท่ออคู-อ้า, ท เนฌ้าโล้ฌ้า ล ล้างแม่แดไฆวะ โพล้ง ซีงแฌ๊แน่ฌ๊า เท่อ-อ้า, ทไคล้ ล้างแม่แดไฆวะ โมไคล้คิ้กแช่แยว้-อ้า แบ, เฌ๊ แดเทา, เกม๊า ก ดึ้-อ้ะ ดี๊ พลี้, ดี๊ เกม๊า ก คุ้ช๊องแน อ ทไคล้ ล ฌี้ เฆาะ”

เอเซเคียง 13:9

ก จูง ม ดึ้ซึ้ โมไคล้คิ้ เท่อ, พี่ อ แด ทแดเว้ ลเมะลโต้ แบ, ดี๊ พ้ะเว้โล้เว้ เท่อ กไบล้ะกแบล, อ ซื๊งเว๊ ล นี่ นึฆ้าง ก โพล้ง เฌงพูฆ๊างพู อ ท แพโซง พ้า-อ้า, ล นี่ กวิ้ไน ชื้อชะ โอ ลู่ง อีซลาเอง อชื้ออชะ อ ไละ กวิ้ไน ชื้อชะ พ้า-อ้า แบ, ดี๊ อ ซื๊งเว๊ ล นี่ นึฆ้าง อีซลาเอง อ ที๊งล่างค่างพ้า แบ, ฌ้อง นอ อ ซื๊งเว๊ ม ซีงแฌ๊ เว๊, เฆ้อ เมะเว๊ ทอดูทึโท๊ทึยาเว ล้อ

เอเซเคียง 7:26

ท เซงทื่งเฌ๊ฌ้อง เฌ๊ เย้า เฌ้เด้าะ ทลื้อทแซ้ กึทาง เย้า กึทาง เด้าะ อ ซื๊งเว๊ ลแพ นอ, ม อางฆื๊งนี่ ทแดเว้ ดี๊ โมไคล้คิ้กแช่แยว้ ดี๊ ทซองทซ๊าง ทอางแม้เลา นอ, ล้างแม่แดไฆวะ โพล้งลื่งเท่ออคู ดี๊ ทเนฌ้าโล้ฌ้า ล้างแม่แดไฆวะ โพล้งเม้งโพล้งแซย่ ลแพ นอ ล้อ

อาโม 8:11

ทอดูทึโท๊ทึกแช่ยาเว ไจ้ะเว๊, “อี้งเซ้อ, มื่งนี้ง อช๊าอโท่ นอ, เฌ๊ ท้อง พี่ ก ม โซ๊งทาง ท ซ้ะวี่งล้างดุ้ เฌ๊ ลู่ง ที๊งล่างค่างพ้า ล เมะ ซ้ะวี่งล้างดุ้ ทอาง-อ้า, ซู๊โอ้ซ้ะ ที๊ง-อ้า แบ แบเด้าะ ม เก ท ซ้ะวี่งล้างดุ้ กแช่ยาเว อลู่งอแท๊ ล้อ

มีคา 2:6

อ ซื๊งเว๊ ซองเท่อ ไจ้ะเว๊, “ซองเท่อซ๊างเท่อ ล ฌี้ เกม๊า โพล้ง ซองเท่อ อ ไฌ่ ลแพ อี้ง น่างแฌ้ ล ฌี้ ท ล้าง ฌางแช้ฌางเด ล เฌ๊ไท้ไท้ ล้า แบ”