มีคา 1:3 - Northern Pwo Karen Thai Bible

³ เมะเว๊ แคว่ แดเทา, กแช่ยาเว ไจทางนี่ ลู่ง อ ล่างโอ พ้า ดี๊ ม เฌ๊ล้าง, ดี๊ ม ไจ ไย่ ฌางคูโคล๊งคู อ ทล่าง พ้ะโท๊ คู ลแพ นอ

มีคา 1:3 ပူးပေါင်းရင်းမြစ်များ

โยบา 40:12

เกม๊า น แคว่ โพล้ง กุ้ แฌ้, พี่ ทื่งดูล้าง อ ซ้ะ, เกม๊า น ทึ้ล้าง-อ้ะ ดี๊ ไย่ล้างทะ โพล้งอ้าโพล้งซ๊าง, ลู่ง ล จอง แย๊ พี่ อ เว๊ ชี๊เทิง โอ นอ

ทอางปฆ้า 115:3

เฆ้อ ก กแช่แยว้ โอ ลู่ง ทมุ้คู พ้า เท่อ เม้งฌี้ๆ, พี่ แบ กแช่แยว้ อ ซ้ะ นอ, กแช่แยว้ แม้ เว๊ ล้อ

อีซยา 25:10

เมะเว๊ กแช่ยาเว อ จูง ม ยู่ทะแคว่ทะ ทลู่ง คู แบเด้าะ โมอา ม แบ ทไย่ล้าง ลู่ง อ ทล่าง พ้า บี่ซุ้ดี๊ ทไย่ล้าง โล่ ลู่ง ทพูแฆ่ อ อี พ้า

อีซยา 26:21

เมะเว๊, แคว่เซ้อ, กแช่ยาเว ไจทาง นี่ ลู่ง อ ทล่าง พ้า บี่ซุ้ แม้เตาแม้แต๊ โพล้ง ฌางคูโคล๊งคู, เป๊งนี่ ลู่ง อ ซื๊งเว๊ ซีง ล แพ อ ทเด้บ้ะ อกย้อง ดี๊ ฌางคูโคล๊งคู ม โล้ล้าง ทซวีง พี่ แยว้ล้าง โอ อ คู นอ ดี๊ อ โพล้ง พี่ แบ ท แม้ซี๊ง นอ, ล แม้ไบ้ะแม้บ้า เว๊ ล้า แบ

เอเซเคียง 3:12

วีงฌี้แล้แอว้ โชะทาง แย้, จ แน่ฌ๊า ท อ ลู่ง เซ๊ ล้างลื่ง โอ ลู่ง จ ล่างไค๊, (โบงทางแบ้ทาง กแช่ยาเว อโฌ่งอพ้าง ลู่ง อ ทล่าง โอ พ้า)

อาโม 4:13

เมะเว๊ อี้งเซ้อ, กแช่แยว้ พี่ ไต้ทาง ทลู่ง, ดี๊ ไต้ล้าง ลี้ง ดี๊ โล้ล้าง อ ท ช๊องมอง เอะ กโพล้ง กแช่แยว้ พี่ เกม๊า ท อช๊าอโท่ ลู่ง โฌ้โค๊ เก ทไค้ะซ๊า ดี๊ ไจ ลู่ง ฌางคูโคล๊งคู อ ทล่าง พ้ะโท๊ คู กแช่แยว้ อ เม้ง, เมะเว๊ กแช่ยาเว, กแช่แยว้ ซึ้คู ดูทึชองทึ ล้อ

อาโม 9:5

ทอดูทึโท๊ทึกแช่ยาเว, พี่ เก ซึ้คู ดูทึชองทึ กแช่แยว้ พี่ พอง ต้องแบ ฌางคูโคล๊งคู, ดี๊ ฌางคูโคล๊งคู พลี่งไฆวะ เว๊ ดี๊ โพล้ง กุ้แฌ้ พี่ เปิ่งโอเปิ่งช๊อง เว๊ อ พ้า นอ, มองแบม้ะแบ เท่อ ดี๊ ที๊งล่างค่างพ้า เลาพะ นอ, โชะทาง อ ซ้ะ เฌ๊ทาง, ด้องซุ้ ที๊งไน กล้อง ดี๊ ล้างไซ้ะ ไท้, บี่ซุ้ ดี๊ ที๊งไน กล้อง ลู่ง อีไย้ะ

ฮาบากุ้ 3:19

ทอดูทึโท๊ทึกแช่ยาเว เก จไฌ่จแบ้ กแช่แยว้ ดึ้ เกม๊า จ คาง บี่ซุ้ดี๊ ทโฆ้ มู่ อ คาง กแช่แยว้ ดึ้ เกม๊า จ ไจ ลี้ ลู่ง ทล่าง พ้ะโท๊ คู ลแพ นอ ล้อ ท้อง ลู่ง โพล้งซ้ะอวีงแท๊อคู, ลพ๊าฆ่าง ดี๊ ทเด้งเซ๊ โอ ดี๊ อ พลี้ง

เซคารียา 14:4

ล นี้ง แย๊ นอ, กแช่แยว้ อ คาง ม ชี๊เทิง โอ ลู่ง ทลู่ง ไพ, พี่ โอ เว่ง เยรูซเลง อ เมะแซ พ้า, ลู่ง มื่งทาง ล โค๊ นอ, ดี๊ ทลู่ง ไพ นอ, ม อางน้างพ้ะ อ ซ้ะ คี๊ง ไก้, โอนี่ ลู่ง มื่งทาง ลี้ ลู่ง มื่งนึ, โอ ดี๊ ทลู่ง คางไท้ะ พ้ะเล่พ้ะโท๊ ลู่ง อ เบ้าช้า พ้า, ทลู่ง ล พุ้พ๊าง ม ฌ้าไฆวะ อ ซ้ะ ลู่ง มื่งเค๊ง ล โค๊, ดี๊ ล พุ้พ๊าง เด้าะ นอ, ม ฌ้าไฆวะ อ ซ้ะ ลู่ง มื่งแพ้ ล โค๊

โล้​ล้างที๊ง​ทอางแม้เลา 32:13

กแช่แยว้ เกม๊า อ เว๊ ลี้ เทา เท่อ, ลู่ง ฌางคูโคล๊งคู อ ท พ้ะโท๊ คู เกม๊า เว๊ อ อาง แบ ทซูงทแซ, ทดุ้ทแล, พี่ นี่ แบ-อ้ะ ลู่ง ไชะ พ้า กแช่แยว้ เกม๊า เว๊ อ ช่องไซว้ะนี่ นี๊จ้าง ลู่ง ไล๊ พ้า ดี๊ ทซู ลู่ง โล่ง ล้างเล๊เก้ พ้า

โล้​ล้างที๊ง​ทอางแม้เลา 33:29

โอ้, อีซลาเอง-เอ้อ, โพล้ง เล้ ม บี่ซุ้ดี๊ แน้, พี่ นี่แบ ทชูฌี้? เก โพล้ง อ ชื้อ พี่ พ้องพลิ้ ซี ดี๊ กแช่ยาเว เก นางปด้าง แม้ช้า แน้ เก น น้ะ น้า เท่อ นดีงนแด้ ม ญ่อง แน้ ดี๊ น ม ไย่เละค๊างพะ เท่อ, ลี้ ลู่ง อ ทล่าง พ้ะโท๊ คู นอ ล้อ”