ม้ะทู 2:8 - Northern Pwo Karen Thai Bible

⁸ ฌ้อง อ เว๊ ดึ้ เกม๊า โพล้ง เก โม ล แพ นอ, ลี้ ลู่ง เบเลเฮง ไจ้ะ เว๊ แด, “ลี้ อางฆื๊ง แคว่ แฆว่ พืงแซ ล แฌ้ นอ แด เทา, น เมะ แด-อ้ะ ฌ้อง เย้า นอ, เฌ๊ ไท้ โล้ เอะ แย้ ไช้ะ, แย้ จ ม ลี้ โบง ทาง แบ้ ทาง-อ้ะ ปะ ล้อ”

ม้ะทู 2:8 ပူးပေါင်းရင်းမြစ်များ

2​ซามูเอง 17:14

อะซาโลง ดี๊ โพล้ง อีซลาเอง กุ้ แฌ้ ไจ้ะเว๊, “ฮุ้ไช โพล้ง อาคี อ ทเนฌ้าโล้ฌ้า อี้ง, ฌี้เละ อาฮีโทเฟ อ ทเนฌ้าโล้ฌ้า ได้ะ”, เมะเว๊ กแช่ยาเว ดึ้ เกม๊า เว๊ อาฮีโทเฟ, อ ทเนฌ้าโล้ฌ้า ลู่ง อ ฌี้ นอ, ล น้า เท่อ แบ, บี่ซุ้ กแช่ยาเว ม เกม๊า ทอ้าทซ๊าง, เฌ๊ แบ อะซาโลง นอ ล้อ

1​กจุ้แฆว้ 19:2

ฌ้อง น่าง เยเซเบง เจ่ทาง โพล้งไคล้เดิงเท่อ, ม๊า ลี้ โล้ แบ เอลียา ไจ้ะเว๊, “ลู่ง โฌ้ โฆะ เมาะ ทอแค๊ ล ว๊าง แย๊ อี้ง, จ เมะ ล นี่ แม้ซี๊ง แบ แน้, ด้องซุ้ น แม้ซี๊ง โม ลแพ นอ แบ นอ, เกม๊า ทกโช้งกแช่ ซีงลแพ นอ แม้ เอะ แย้ บี่นอ, ดี๊ ม๊า อ แม้ น้ะเละ นอ ได้ะ”

ทอางด้อง 21:30

ทโกงซีมองแบ เมะ ฌี้, ท แนซีโน้งซี เมะ ฌี้ ทโล้แบซีงแฌ๊ เมะ ฌี้, ม แม้น้า กแช่ยาเว ลซีแบ

ท​ฌางล้างย้าล้าง 3:37

โพล้งเล้ ม ไคล้ เท่อ, ฌ้อง ท ล เม้ง นอ กึทาง เว๊ โอ เว๊ ที่ พี่ ทอดูทึโท๊ทึกแช่, อางแบเลา เกม๊า อ กึทาง อ ซ้ะ นอ ล้อ?

ม้ะทู 2:1

กแช่ เยซู กึ ทาง ลู่ง เฌง เบเลเฮง ลู่ง ยูเดีย อ ค่าง พ้า, ท อ แค๊ ล ว๊าง แย๊ กจุ้แฆว้ เฮรุ้ ยู่แคว่ เท่อ, พี่ กแช่ เยซู กึ ทาง ฌ้อง เย้า นอ, โพล้ง เก โม แคว่ แซย ซี ล มู๊ง นอ โอ ลู่ง มืง ทาง ล โค๊, เฌ๊ ลู่ง เว่ง เยรูซเลง พ้า

ม้ะทู 2:7

ท่อง อ ช๊าง เฮรุ้ กุ้ นี่ คุ้ซูง โพล้ง เก โม ล แพ นอ, อางจ้ะ เว๊ อ เท่อ แบฆ้ะ ดี๊ ท อ แค๊, ลู่ง แซย โพล ทาง อ ไฌ่ นอ เมาๆ, น่างๆ

ม้ะทู 2:9

กจุ้แฆว้ โล้ เท่อ บี่ นอ ฌ้อง, อซื๊งเว๊ซีง ล แพ นอ แค๊ ล้าง ทาง อ คาง ลี้ เว๊, แซย พี่ อซื๊งเว๊ แด เว๊ อ เท่อ เนโพล ทาง อ ซ้ะ ดี๊-อ้ะ เด้าะ นอ, อ เท่อ ลี้ วี่ง-อ้ะ ท่อง ท๊อง อ ลี้ โอ โท๊ ฆ้าง ดี๊ พืงแซ อ ล่าง โอ