มาลาคี 2:7 - Northern Pwo Karen Thai Bible

⁷ เมะเว๊ โพล้งลื่งเท่ออคู อ นุ้เฌะ นอ, เกิ้ง แฌแซกต้างทะ ทซีงแฌ๊, ดี๊ โพล้ง ซีง ลแพ เกิ้ง อางฆื๊งนี่ ทซองทซ๊าง ลู่ง อ เว๊ อ นุ้, อไฌ่บี่อี้ง, อ เว๊ เก กแช่ยาเว ซึ้คู ดูทึชองทึ อ โพล้งไคล้เดิงเท่อ

มาลาคี 2:7 ပူးပေါင်းရင်းမြစ်များ

2​กจุ้แฆว้ 16:11

ฌ้อง โพล้งลื่งเท่ออคู อูรียา, ไต้ทาง ทลื่งล่าง บี่ซุ้ ดี๊ อ ด้อง กุ้เม้ง, พี่ กจุ้แฆว้ อาฮ้ะ โซ๊ง เอะ-อ้ะ, เฌ๊นี่ ลู่ง ดามากา พ้า นอ, อ กย้อง บี่นอ, โพล้งลื่งเท่ออคู อูรียา ไต้ทางนี่ ทลื่งล่าง, พี่ กจุ้แฆว้ อาฮ้ะ ล คลึ้ เฌ๊ไท้ ท้อง ดามากา พ้า ได้ะ แบ นอ ล้อ

2​กจุ้แฆว้ 16:16

โพล้งลื่งเท่ออคู อูรียา แม้ เว๊ กุ้ อ เม้ง, บี่ซุ้ ดี๊ กจุ้แฆว้ อาฮ้ะ อางแบเลา เอะ-อ้ะ นอ ล้อ

2ทกวิ้ไน 30:22

เฮเซคียา ไคล้ ชองทาง โพล้ง เลวี อ ซ้ะ กุ้ แฌ้, พี่ เนโพลทาง อ จูงล่าง ฌี้, ลู่ง ทแม้ เอะ กแช่ยาเว อ เท่อ, โพล้งเฌงพูฆ๊างพู อาง เท่อ โอ้ เท่อ, ลู่ง ทแม้มึอางอวีง พ้า นอ เนว๊ นี้ง, ดี๊ เทว๊ เท่อ เก ทลื่งทาง แม้ฆู๊งแม้พุ้ เท่อ, ดี๊ ไจ้ะบลึ้ กแช่ยาเว อ ซื๊งเว๊ อ พี๊ง พู๊ง ลู่ง แย๊ อ กแช่แยว้

2ทกวิ้ไน 31:4

ดี๊ อ เว๊ อางแบเลา โพล้งเฌงพูฆ๊างพู, พี่ อ โอ เยรูซเลง พ้า นอ, เกม๊า อ เทว๊ เท่อ, พี่ เก โพล้งลื่งเท่ออคู ดี๊ โพล้ง เลวี อ เท่อ นอ, บี่ซุ้ อ ซื๊งเว๊ซีง ม นี่ เทว๊ล้าง อ ซ้ะ, ลู่ง กแช่ยาเว อ ทอางแม้เลา นอ อ ฌ่าง

เอซรา 7:10

เมะเว๊ เอซรา อางกีล้าง อ ซ้ะ, พี่ ม ไฌ่ ซีงแฌ๊ กแช่ยาเว อ ทอางแม้เลา ดี๊ แม้โพะ เว๊ อ ไค๊, ดี๊ ซอง กแช่แยว้ อ ทอเค้อะอต้าง, ดี๊ ทอางกีล้าง ลู่ง อีซลาเอง พ้า

เอซรา 7:25

“แบเด้าะ แน้ เอซรา-เอ้อ, บี่ซุ้ดี๊ น กแช่แยว้ อ ทโกงซีมองแบ พี่ โอ ดี๊ แน้ นอ, เกม๊า น ต๊างทางนี่ โพล้ง โพะคอง เท่อ, ดี๊ โพล้งต้ะเซ๊งเท่อ, พี่ ม ต้ะเซ๊ง เอะ กเย่ โพล้งเฌงพูฆ๊างพู, ลู่ง เว่งดูคล้องโท๊ ที๊ง แว่ โค๊ แพ้ ลู่ง มื่งนึ ล โค๊ นอ, เมะเว๊ โพล้ง กุ้ แฌ้ พี่ ซีงแฌ๊ น กแช่แยว้ อ ทอางแม้เลา, ดี๊ โพล้ง พี่ ล ซีงแฌ๊ เว๊ แบ ลแพ นอ, น ซื๊ง แบ ซอง-อ้ะ

ทอางด้อง 5:2

บี่ซุ้ น ม แฌแซกต้าง ทะ ทไพ่ทแซย๊ ดี๊ น นุ้ ม ปโล่ปด้าง ท ซีงแฌ๊แน่ฌ๊า

ทโกงซีมองแบ 5:5

พี่ น ล อืงล้าง เว้ เท่อ แบ นอ, ฌี้เละ พี่ น อืงล้าง เว้-อ้ะ ฌ้อง, น ล แม้ชิ้เทาไท้-อ้ะ แบ นอ ได้ะ

อีซยา 42:19

โพล้งเล้ เก โพล้ง เมะโบล, เมะ ล เมะ ก เพล่ แบ? โพล้งเล้ อ แน่อ้า, บี่ซุ้ดี๊ ก เพล่ ไคล้เดิงเท่อ พี่ ก เจ่ทาง-อ้ะ ลี้? โพล้งเล้ อ เมะโบล, บี่ซุ้ดี๊ โพล้ง พี่ โอเบ้าโอเท่ง ดี๊ เฆ้อ? ดี๊ อ เมะโบล บี่ซุ้ดี๊ กแช่ยาเว อเพล่อบาง?

อีซยา 44:26

โพล้ง พี่ ระ กแช่แยว้ อ เพล่ อ ทไคล้ ดี๊ เกม๊า อ โพล้งไคล้เดิงเท่อ อ ท ช๊องมองเว้ทแม้ เกทางเกโท๊ โพล้ง พี่ ไคล้ แบฆ้ะ ดี๊ เยรูซเลง บี่อี้ง, ‘โพล้ง ม โอ เปิ่งโอเปิ่งช๊อง เว๊’ ดี๊ ไคล้ แบฆ้ะ ดี๊ ยูดา อ เว่ง กุ้ เว่ง บี่อี้ง, ‘ม แบ ท ไต้ทางไท้ อ ซ๊าง ดี๊ ก ม โชะทาง ไท้ อ ท ล้างฆ่อง แค่เทาแค่ไช้ะ’

เยเรมี 15:19

อกย้องบี่นอ, กแช่ยาเว ไจ้ะเว๊ บี่อี้ง “น เมะ เฌ๊ไท้ไท้ นอ, ก ม เกม๊า น โอฌี้โอแอว้ ไท้ ดี๊ น ม ชี๊เทิง โอ ลู่ง ก เมะแซ พ้า น เมะ ไคล้ทาง ที่ ทฌี้ทแอว้, ดี๊ ล ไคล้ทาง ทอ้าทซ๊าง แบ นอ น ม เก บี่ซุ้ดี๊ ก นุ้ ล้อ อ ซื๊งเว๊ ซีง ลแพ, ม แกยไท้ อ ซ้ะ เฌ๊ฌูง แน้ แบเด้าะ นี๊ แด นอ, แกยฆ้าง น ซ้ะ ลี้ฌูง-อ้ะ ล ฌี้

เยเรมี 18:18

ฌ้อง อ เว๊ ไจ้ะเว๊ บี่อี้ง, “เฌ๊ แดเทา, เกม๊า ก ช๊องมองเว้ทแม้แม้อ้าแม้ซ๊าง เยเรมี, อไฌ่บี่อี้ง, ทอางแม้เลา นอ, ล ล้างแม่แดไฆวะ โพล้งลื่งเท่ออคู-อ้า, ท เนฌ้าโล้ฌ้า ล ล้างแม่แดไฆวะ โพล้ง ซีงแฌ๊แน่ฌ๊า เท่อ-อ้า, ทไคล้ ล้างแม่แดไฆวะ โมไคล้คิ้กแช่แยว้-อ้า แบ, เฌ๊ แดเทา, เกม๊า ก ดึ้-อ้ะ ดี๊ พลี้, ดี๊ เกม๊า ก คุ้ช๊องแน อ ทไคล้ ล ฌี้ เฆาะ”

เยเรมี 2:8

โพล้งลื่งเท่ออคู ลแพ นอ, ล นี่ ไจ้ะเว๊ บี่อี้ง แบ, ‘กแช่ยาเว โอ พี่จองเล้?’ โพล้ง ลแพ นอ, พี่ อ ซีงแฌ๊แน่ฌ๊า ทอางแม้เลา, ล ซีงแฌ๊ เฆ้อ แบ กเย่ โพล้ง โพะคอง เท่อ นอ, กไบล้ะกแบล ดี๊ เฆ้อ โมไคล้คิ้กแช่แยว้ ลแพ นอ, ไคล้คิ้ เท่อ ดี๊ ท กโช้งกแช่ บาอาง ดี๊ ลี้โพะ ก้ะ ท ล ล้างเปิ่ง แบ อ ไค๊

เอเซเคียง 22:26

อ โพล้งลื่งเท่ออคู ลแพ นอ, นี่ ลือค๊างพะ ก ทอางแม้เลา, ดี๊ ดึ้เดวทื่งแช้ ก ทเช๊งทเกล้ง, อ ซื๊งเว๊ ล นี่ อางน้างเพพ้ะ ท อเช๊งอเกล้ง ดี๊ ท ลเช๊งลเกล้ง แบ นอ แบ, อ เว๊ ล นี่ โล้ ซีงแฌ๊ ท ล้างช๊าง แบฆ้ะ ดี๊ ท แบอ้า ดี๊ ท อเช๊งอเกล้ง นอ แบ อ เว๊ แคว่ ก มื่งดืง เท่อ ลโพลลแพล๊ แบ, ทบี่นอ, ก แบ ท ดึ้เดวทื่งแช้ ลู่ง อ ซื๊งเว๊ อซุ้อแกล้

เอเซเคียง 7:26

ท เซงทื่งเฌ๊ฌ้อง เฌ๊ เย้า เฌ้เด้าะ ทลื้อทแซ้ กึทาง เย้า กึทาง เด้าะ อ ซื๊งเว๊ ลแพ นอ, ม อางฆื๊งนี่ ทแดเว้ ดี๊ โมไคล้คิ้กแช่แยว้ ดี๊ ทซองทซ๊าง ทอางแม้เลา นอ, ล้างแม่แดไฆวะ โพล้งลื่งเท่ออคู ดี๊ ทเนฌ้าโล้ฌ้า ล้างแม่แดไฆวะ โพล้งเม้งโพล้งแซย่ ลแพ นอ ล้อ

ดานีเอง 11:33

ดี๊ โพล้ง ลแพ นอ, พี่ อไพ่อแซย๊ ม ดึ้ เกม๊า โพล้ง แอฌี่งแอฌ้อง แน เว๊ ซี, ทึเมะ อ เว๊ ม ล้างเทะเค้า ดี๊ น้ะ ฌี้, ดี๊ มีเค้ อ แล ฌี้, ดี๊ ท เก ท อ ฆ่อง ฌี้, ดี๊ ท แบ ท ตมละตเช ลชู่ลล่าง ฌี้ นอ

โฮเชยา 4:6

กพูกลี้ง แบ ทแม้ เฌ๊ฌ้อง เป๊งนี่ อ ท ซีงแฌ๊ ล โอ แบ เป๊งนี่ น ซม๊า ท ซีงแฌ๊ ก ซม๊า แน้ ล เกม๊า น เก ก โพล้งลื่งเท่ออคู แบ เป๊งนี่ น ซ้ะนาง น กแช่แยว้ อ ทอางแม้เลา เฆ้อ อี้ง ล้อ ม ซ้ะนางไฆวะ นชื้อนชะ ปะ

เลวี​อ​ไฌ่ 10:11

ดี๊ ซอง โพล้ง อีซลาเอง, เกม๊า อ ซีงแฌ๊ ทอเค้อะอต้าง กุ้ อ เม้ง, พี่ กแช่ยาเว โล้ เอะ อซื๊งเว๊ เฌ๊ เว๊ ดี๊ โมเซ นอ”

เซฟางยา 3:4

อ โมไคล้คิ้กแช่แยว้ ลแพ นอ, เก โพล้ง ล ระ เท่อ แบ เลา ดี๊ อ เก โพล้ง กไบล้ะกแบล ได้ะ กเย่ อ โพล้งลื่งเท่ออคู นอ, ดึ้เดวทื่งแช้ ทซยื๊งทซย้อง ดี๊ ลือค๊างพะ ทอางแม้เลา

ฮะไก 1:13

ฌ้อง ฮะไก กแช่ยาเว อ โพล้งไคล้เดิงเท่อ, โล้ล้าง อ ทไคล้ เอะ โพล้งเฌงพูฆ๊างพู ไจ้ะเว๊, “กแช่ยาเว ไจ้ะเว๊, ก โอ ดี๊ น ซื๊งเว๊ ล้อ”

เซคารียา 7:3

ดี๊ อวีงซ้ะชู้ แบ กเย่ โพล้งลื่งเท่ออคู, ลู่ง เด้ กแช่ยาเว ซึ้คู ดูทึชองทึ อ ล่างโอ พ้า, ดี๊ อวีงซ้ะชู้ แบ โมไคล้คิ้กแช่แยว้ ไจ้ะเว๊, “พี่ จ มองแบม้ะแบ เท่อ, ดี๊ ดืงอาง ทอาง ลู่ง แล้ เย่ เบง ล เบง พ้า, ด้องซุ้ พี่ จ นี่ แม้-อ้ะ ลู่ง อ พ้องไฆวะ ตบลึ้ เนง เย้า นอ, เกิ้ง ชี่-อ้า?”

มาลาคี 3:1

กแช่ยาเว ซึ้คู ดูทึชองทึ ไจ้ะเว๊, “อี้งเซ้อ, ก โซ๊งทาง โพล้งไคล้เดิงเท่อ ลี้, บี่ซุ้ เตะเว้แด้เว้ เกล้ ลู่ง ก เมะแซ พ้า ดี๊ ทอดูทึโท๊ทึกแช่ พี่ น อางฆื๊ง-อ้ะ นอ, ม เฌ๊ ลู่ง อ เว่งฮ๊าง ล ทีงฆ่าง, โพล้งไคล้เดิงเท่อ ลู่ง ทเอิ้งล้าง พี่ อ แบ น ซ้ะ นอ, แคว่เซ้อ, อ เว๊ เฌ๊ เย้า

เกล้​ท​ซ้ะวี่ง 27:21

ดี๊ อ เว๊ ม ชี๊เทิง ลู่ง โพล้งลื่งเท่ออคู เอเลอาซา อ เมะแย๊, พี่ ม อางจ้ะ เท่อ ลู่ง อ เว๊ อ ฌ่าง, บี่ซุ้ดี๊ ทโล้ ล้าง ทอเกิ้งอแบ อ ทอางจ้ะ เท่อ ดี๊ อูรี ลู่ง กแช่ยาเว อ เมะแซ พ้า, ดี๊ อซื๊งเว๊ซีง ม ไจทาง ดี๊ นึฆ้าง บี่ซุ้ ดี๊ โพล้งลื่งเท่ออคู โล้ เอะ-อ้ะ, เลา ดี๊ อ เว๊ ดี๊ โพล้ง อีซลาเอง, เมะเว๊ โพล้ง น๊างมู๊ง เลาพะ”

โยฮาง 13:20

จ โล้ เอะ น ซื๊ง โต้ๆ, ล้อ, โพล้ง พี่ อ ฮะ นี่ โพล้ง ลู่ง จ เกม๊า อ ลี้ เท่อ นอ, อ เว๊ ฮะ นี่ แย้ ปะ ล้อ, โพล้ง พี่ อ ฮะ นี่ แย้ นอ, อ เว๊ ฮะ นี่ โพล้ง ลู่ง อ เกม๊า จ เฌ๊ ล้าง ล แฌ้ นอ ปะ ล้อ”

โยฮาง 20:21

กแช่ เยซู โล้ แบ อซื๊งเว๊ ล พ๊า เด้าะ ไจ้ะ เว๊, “โอ มึ ช๊อง พ้า กุ้ อ แฌ้ เซ้อ, จ แพ่ โซ๊ง แย้ บี่ เล้ นอ จ โซ๊ง น ซื๊ง บี่ นอ ปะ ล้อ”

ท​แม้ 16:17

กมืง พู นอ โพะ มะ เปาโล ดี๊ เฆ้อ ก ไค๊ ไวะ, กุ้ ซย้ะ เท่อ ครึๆ, ไจ้ะ เว๊ แด, “โพล้ง แคว๊ ล มู๊ง อี้ง นอ เก กแช่ แยว้ ดู ทึ โท๊ ทึ ล แฌ้ นอ อ เพล่ อ บาง, อซื๊งเว๊ เฌ๊ โล้ ล้าง เอะ น ซื๊ง ท พ้อง ท พลิ้ อ ไฌ่”

2​โคเรง 5:20

ท บี่ นอ, ก เก โพล้ง ไคล้ คิ้ กแช่ เยซู คริ้, พี่ ก ไคล้ เท่อ นอ เก กแช่ แยว้ ล้อ อวีงซ้ะชู้ น ซื๊ง, ลู่ง กแช่ เยซู คริ้ อ เม้ง นอ ก อวีงซ้ะชู้ น ซื๊ง เกม๊า น แบ โละ ไท้ ซ้ะ ดี๊ กแช่ แยว้

กาลาเต 4:14

ทึ เมะ จ ท เจ้า ท แช๊ ลองดุ้ น ซื๊ง ซ้ะ น้ะ มะ ฌี้ๆ, น ล ดึ้เดว แย้ แบ, ล แช๊เมะ ดี๊ แย้ แบ ดี๊ ล ญ๊อง ไฆวะ พลุ้ ฌ้ะ แย้ แบ, แบเด้าะ น ฮะ นี่ แย้ บี่ ซุ้ จ เก ท มุ้คู พู เฌ๊ เว๊ ลู่ง กแช่ แยว้ อ โอ, ดี๊ บี่ ซุ้ น ม ฮะ นี่ กแช่ เยซู คริ้ นอ ล้อ

โล้​ล้างที๊ง​ทอางแม้เลา 21:5

ดี๊ โพล้งลื่งเท่ออคู, พี่ เก เลวี อ พู อ ลี้ง นอ, แบ เฌ๊ฆ้าง เบ้า, เมะเว๊ กแช่ยาเว น กแช่แยว้, อางลึนี่ เว้ อซื๊งเว๊, เกม๊า แม้ เอะ อ เท่อ, ดี๊ เกม๊า อ ชูฌี้ เท่อ ลู่ง กแช่ยาเว อเม้งอแซ พ้า, เกม๊า ทติ้โละไอโละ, ดี๊ ทแม้อ้าแม้ซ๊าง กุ้เม้ง, ทึไฆวะ เว๊ ดี๊ โพล้งลื่งเท่ออคู ลแพ อี้ง อ ทไคล้ นอ ล้อ

โล้​ล้างที๊ง​ทอางแม้เลา 24:8

“เกม๊า ปโล่ ล้างซ้ะ, แบฆ้ะ ดี๊ ทแช๊ คีงเตา, เกม๊า ปโล่ ล้างซ้ะ, พี่ ม แม้โพะ โพล้งลื่งเท่ออคู โพล้ง เลวี ซีง ลแพ, อ ทโล้ ล้างที๊ง อ ไค๊, ด้องซุ้ พี่ จ นี่ อางแบเลา เว้ อ ซื๊งเว๊ นอ, เกม๊า น ปโล่ ล้างซ้ะ พี่ ม แม้โพะ อ ไค๊ บี่ นอ ล้อ

1​เทซาโลนีเก 4:8

ท บี่ นอ, โพล้ง ลู่ง อ ญ๊อง ไฆวะ ท ซอง ท ซ๊าง อี้ง ล แฌ้ๆ, นอ, ล เมะ ญ๊อง ไฆวะ กโพล้ง ฌางคู คู แบ, แบเด้าะ ญ๊อง ไฆวะ กแช่ แยว้ พี่ อ เกล๊าง เอะ น ซื๊ง อ วีง ฌี้ แล้ แอว้ ล แฌ้ นอ ล้อ

1ซามูเอง 2:17

บี่อี้ง ล้อ, โพล้ง น่างบางซ้ะบาง คี๊ง แฌ้ อี้ง อ ทเด้บ้ะ นอ ดู เต้ๆ, ลู่ง กแช่ยาเว อ เมะแซ พ้า, เมะเว๊ อ ซื๊งเว๊ คี๊ง แฌ้ อี้ง, ดึ้เดวทื่งแช้ ทพูแฆ่ ลื่งทาง เท่อ เอะ กแช่ยาเว นอ ล้อ