เลวี​อ​ไฌ่ 5:17 - Northern Pwo Karen Thai Bible

¹⁷ “โพล้ง พี่ แฌ้ เล้, เมะ แม้ ไพ้ะ แบ เท่อ, เมะเว๊ แม้ไพ้ะ แบ กแช่ยาเว อ ทซองทซ๊าง เม้งฌี้ๆ, พี่ ล เกม๊า แม้ แบ นอ, ทึเมะ แม้ เว๊ พี่ ล ซีงแฌ๊ ล้าง อ ซ้ะ แบ ฌี้ นอ, อ เว๊ โอ ดี๊ ทไพ้ะทแม, ม แบ ฮะนี่ อ ทไพ้ะทแม อเตาอแต๊ ล้อ

เลวี​อ​ไฌ่ 5:17 ပူးပေါင်းရင်းမြစ်များ

ทอางปฆ้า 19:12

แบเด้าะ โพล้งเล้?, ม แด ล้างไท้ อ กแช่ อ ทไพ้ะทแม ซี เกม๊าเต้ กแช่แยว้ แม้เช๊งแม้เกล้ง แย้, เกม๊า พ้องไฆวะ ดี๊ ทไพ้ะทแม, พี่ โอคุ้ซูง นอ ไช้ะ

เลวี​อ​ไฌ่ 4:13

“โพล้ง อีซลาเอง น๊างมู๊ง เลาพะ, เมะ แม้ไพ้ะ แบ เท่อม พี่ ล โอทาง อ ซ้ะ แบ, ดี๊ ทไพ้ะทแม นอ, ล โพลทาง ลู่ง โพล้ง น๊างมู๊ง อ เมะแซ พ้า แบ, เมะเว๊ อซื๊งเว๊ นี่ แม้ไพ้ะ แบ ทซองทซ๊าง เม้งฌี้ๆ, พี่ กแช่ยาเว ล เกม๊า อ แม้ แบ นอ, อซื๊งเว๊ โอ ดี๊ ทไพ้ะทแม ล้อ

เลวี​อ​ไฌ่ 4:22

“โพล้ง เก ทอคูอแน่ เมะ แม้ ทเด้บ้ะ, เมะเว๊ ล โอทาง อ ซ้ะ แบ, แม้ ไพ้ะ แบ อ กแช่แยว้ กแช่ยาเว อ ทซองทซ๊าง เม้งฌี้ๆ, พี่ ล เกม๊า อ แม้ แบ นอ, อ เว๊ โอ ดี๊ ทไพ้ะทแม ล้อ

เลวี​อ​ไฌ่ 4:27

“โพล้งเฌงพูฆ๊างพู ล แฌ้ เมะ แม้ ทเด้บ้ะ พี่ ล โอทาง อ ซ้ะ แบ, เมะเว๊ แม้ไพ้ะ แบ กแช่ยาเว อ ทซองทซ๊าง เม้งฌี้ๆ, พี่ ล เกม๊า อ แม้ แบ นอ, อ เว๊ โอ ดี๊ ทไพ้ะทแม ล้อ

เลวี​อ​ไฌ่ 5:15

“โพล้ง พี่ แฌ้ เล้, เมะ แม้ เท่อ ลโต้ลล้อง แบ, ดี๊ แม้ แบ ทเด้บ้ะ พี่ ล โอทาง อ ซ้ะ แบ, แบฆ้ะ ดี๊ กเย่ กแช่ยาเว อ ทฌี้ทแอว้ นอ, เกม๊า โพล้ง ล แฌ้ นอ, แม้นี่ แกะ แพ๊ ลู่ง อ ฌี้ ทึ, เก ทลื่งทางแพล่ไฆวะทไพ้ะทแม, เฌ๊ เทว๊ เอะ กแช่ยาเว, เกม๊า น กุ้ อ ฆวี้เก จี้ เชเค่ง ที๊ซุ้ดี๊ ทแบ้แยว้ล่างลู่งอฌี้ อ เชเค่ง นอ, เก ทลื่งทางแพล่ไฆวะทไพ้ะทแม

เลวี​อ​ไฌ่ 5:18

เกม๊า โพล้ง ล แฌ้ นอ, แม้นี่ แกะ แพ๊ ลู่ง อ ฌี้ ทึ, ลู่ง อ ฌุ้พาง น๊างมู๊ง พ้า, เฌ๊โชะ เอะ โพล้งลื่งเท่ออคู, บี่ซุ้ดี๊ น กุ้ อ ฆวี้ นอ, เก ทลื่งทางแพล่ไฆวะทไพ้ะทแม, โพล้งลื่งเท่ออคู ม แพล่ไฆวะ อ ทเด้บ้ะ, ท๊อง ทไพ้ะทแม พี่ อ แม้ แบ เว๊ ลู่ง ล โอทาง อ ซ้ะ แบ นอ, ดี๊ อ เว๊ ม นี่แบ ท แพล่ไฆวะ ล้อ

เลวี​อ​ไฌ่ 5:19

ทลื่งทาง อี้ง นอ, เก ทลื่งทางแพล่ไฆวะทไพ้ะทแม, เป๊งนี่ อ เว๊ แม้ ทเด้บ้ะ แบ กแช่ยาเว นอ ล้อ”

ลูกา 12:48

แบ เด้าะ เพล่ พี่ ล ซีงแฌ๊ อ กแช่ อ ซ้ะ แบ, ดี๊ แม้ เท่อ ลู่ง อ เกิ้ง แบ พลี-อ้ะ นอ, อ เว๊ ม แบ ท พลี-อ้ะ ท่าง-อ้ะ แซย้ โคะ ล้อ, โพล้ง พี่ อ นี่ แบ เท่อ แอ นอ, ม แบ ท แม้ นี่ ไท้ อ เท่อ แอ ล้อ, โพล้ง พี่ อ แบ ทอางกี ล้าง เอะ-อ้ะ แอ นอ, ม แบ แคว่ เท่อ แอ ล้อ

โรมา 14:23

แบเด้าะ โพล้ง อ ซ้ะ เมะ คูๆ, ไค๊ๆ, พี่ อ อาง เท่อ แบ เม้งๆ, นอ, กแช่ แยว้ ต้ะเซ๊ง-อ้ะ เย้า, เป๊งนี่ อ เว๊ ล อาง เท่อ ลู่ง ท ชู่ง ท นะ แบ, ท กุ้ อ เม้ง พี่ ล เฌ๊ เว๊ ลู่ง ท ชู่ง ท นะ แบ นอ, เก ท เด้บ้ะ นอ ล้อ