เลวีอไฌ่ 26:41 - Northern Pwo Karen Thai Bible41 ก ม แม้ ชิ้เทา ทคิ้คุ้-อ้ะ, ดี๊ นี่ ลี้ฌ้า อ ซื๊งเว๊, นึฆ้าง ลู่ง อดีงอแด้ อ ที๊งล่างค่างพ้า, ลว๊างแย๊ นอ, อซื๊งเว๊ อเซิงอซ้ะ ลือค๊างพะ เท่อ เมะ ชางล้าง อ ซ้ะ, ดี๊ ญ่อง ฮะ อ ทอ้าทซ๊าง อไฌ่อกย้อง เย้า นอ အခန်းကိုကြည့်ပါ။ |
เลวีอไฌ่ 26:41
39 ပူးပေါင်းရင်းမြစ်များ
เลา ดี๊ อ ทชูแพ อางท่าง เท่อ, ดี๊ ทไฌ่ พี่ กแช่แยว้ ช๊องแน อ ทอางโฆอางแย๊, อ ทเด้บ้ะ, ดี๊ อ ทลโต้ลล้อง แบ เลาพะ, กเย่ ทล่างทเกล้ พี่ อ เจ่ เว๊ ไต้ทางนี่ ทล่างซยื๊งซย้องพ้ะโท๊, ดี๊ เจ่ เว๊ ช๊างล้าง ทกโช้งกแช่ อาเชรา อ เทิง, ดี๊ ทเค่งทฌ้าง อ ล่าง, ลู่ง อ เว๊ ล ชางล้าง อ ซ้ะ ได้ะ แบ อู้ง นอ, แคว่เซ้อ, แบ ทกวิ้ล้าง-อ้ะ, ลู่ง โพล้งโล้เว้เท่อ อ ไละ กวิ้ไน ล ปะ นอ อ พ้า
ดี๊ ทกุ้เม้ง พี่ กึทาง ดี๊ เฆ้อ ซีงลแพ, เป๊งนี่ ลู่ง ก ทอ้าทซ๊าง, ดี๊ เป๊งนี่ ลู่ง ก ทไพ้ะทแม พ้ะดู อกย้อง นอ, กแช่แยว้ เมะเว๊ เฆ้อ ซีงลแพ อ กแช่แยว้ นอ, นี่ แม้เตาแม้แต๊ เฆ้อ, เป๊งนี่ ลู่ง ก ทเด้บ้ะ อ้า อกย้อง นอ แซย้เละ พี่ เกิ้ง นี่ แบ-อ้ะ นอ ได้ะ, ดี๊ เกล๊าง เอะ เฆ้อโพล้ง พี่ โอ ล้างลื๊อ ก้ะ บี่อี้ง
จ กแช่ยาเว โพล้ง อีซลาเอง อ กแช่แยว้-เอ้อ, แน้ นอ นเกิ้งนแบ, เมะเว๊ เฆ้อ ซีงลแพ อี้ง ก เก โพล้ง พี่ โอ ล้างลื้อก้ะ, พี่ พ้องพลิ้ไฆวะ ด้องซุ้ กุ้ มื่ง นี้ง อี้ง, แคว่-เซ้อ, เฆ้อ ซีงลแพ อี้ง ก โอ ลู่ง น เมะแซ พ้า, โอ ดี๊ ก ทไพ้ะทแม ได้ะ, เป๊งนี่ บี่อี้ง นอ, โพล้ง ล โอ น่างแฌ้ แบ พี่ ม ชี๊เทิง โอ น เมะแซ พ้า ซี”
เมะเว๊ ท ญ่อง เกม๊า โพล้ง ลชื้อแด พี่ ล แม้ ทไฌ่ไร้ะไฆวะไพ้ะ ลู่ง น่างซ้ะ แบ, ดี๊ ล แม้ ทไฌ่ไร้ะไฆวะไพ้ะ ลู่ง ล้องย่าง แบ, เฌ๊ฆ้าง ก ท แบ้แยว้ล่างลู่งอฌี้ พ้า, พี่ เก ท ดึ้เดวทื่งแช้ ก ล่างโอ, พี่ น เทว๊ เอะ เฆ้อ ทอาง, เมะเว๊ ท อซูอไย้ ดี๊ ทซวีง นอ, น ซื๊ง นี่ แม้เฌ๊ฌ้อง ก ทเอิ้งล้าง ดี๊ น ซื๊ง ท ล้าง ซ้ะลูซ้ะไล้ะ กุ้เม้ง ล้อ
ฌ้อง อ ซื๊งเว๊ พี่ ไจคุ้ซูง พ้องพลิ้ไฆวะ นอ, ม นางแบทางไท้ เฆ้อ ลู่ง โพล้ง ค่าง พ้า อซุ้อแกล้, พี่ อ ซื๊งเว๊ แบ ท พองนี่ ลี้ เก ทอฆ่อง นอ, ดี๊ ซีงแฌ๊ เว๊ ก ซ้ะ เฌ๊ฌ้อง ลู่ง อ ซื๊งเว๊ อ ซ้ะ เอโบ้ง เท่อ อกย้อง, พี่ แกยไฆวะ อ ซ้ะ ดี๊ เฆ้อ, ดี๊ เป๊งนี่ ลู่ง อ เมะคลี๊ง เอโบ้ง เท่อ อกย้อง, พี่ อางฆื๊ง นี่ อ ทเค่งทฌ้าง, ฌ้อง นอ อ ซื๊งเว๊ ซีง ลแพ ม ทไฌ๊ ล้างไท้ อ ซ้ะ ลู่ง ทอ้าทซ๊าง พี่ อ นี่ แม้ เว๊ นอ อกย้อง, ดี๊ ลู่ง อ ท ล้าง ซ้ะลูซ้ะไล้ะ กุ้เม้ง อกย้อง ปะ
ดี๊ พี่ อ เว๊ ต้องนอง ทอ้าทซ๊าง, ดี๊ ทน้ะทโน๊ง แอฌ้อง เย้า นอ, แท๊ซ้ะอวีง ล โพลง อี้ง, ม เก พีงญาง ลู่ง อ เมะแซ พ้า, (เมะเว๊ แท๊ อี้ง ม บึ้เบง อ พู อ ลี้ง อ นุ้, ล ซีงแฌ๊ ซ้ะนาง แบ), เมะเว๊ ก ซีงแฌ๊ แบฆ้ะ ดี๊ อ ท ช๊องมอง, พี่ อ ม แม้ เว๊, ลู่ง ก ล ลี้ นึฆ้าง ฌ้า-อ้ะ ที๊งล่างค่างพ้า, พี่ ก อืงล้าง เว้-อ้ะ นอ ได้ะ แบ เย้า
ကြော်ငြာတွေ