เลวี​อ​ไฌ่ 21:5 - Northern Pwo Karen Thai Bible

⁵ โล้งไฆวะ คูซู๊ง ดี๊ แคชอง ล ฌี้, เก้าล้าง ชิ้ล้าง ไพ้ะ แย ล ฌี้

เลวี​อ​ไฌ่ 21:5 ပူးပေါင်းရင်းမြစ်များ

อีซยา 15:2

เว่ง ดีโบง ลี้ทาง ลู่ง เว่งฮ๊าง ลี้ ลู่ง ทล่างซยื๊งซย้องพ้ะโท๊, บี่ซุ้ ฌางชูฌางช้าง เท่อ โมอา ฌางล้างย้าล้าง แบฆ้ะ ดี๊ เว่ง เนโบ ดี๊ เว่ง เมเดบา คูฆีง กุ้ โพลง นอ โต้งโล้ง ดี๊ กุ้แฌ้ อ นุ้ชองแคพ้าง แบ ท โล้งไฆวะ

อีซยา 22:12

ดี๊ ล นี้ง แย๊ นอ, ทอดูทึโท๊ทึ กแช่ยาเว พี่ เก ซึ้คู ดูทึชองทึ กุ้นี่ เกม๊า ฌางชูฌางช้าง ดี๊ ฌางล้างย้าล้าง เลา ดี๊ เกม๊า คูฆีง โต้งโล้ง ดี๊ ซุ้ ตไก้ยะ เต่ กเซ้าะ

เยเรมี 16:6

เลา ดี๊ โพล้ง อ ดู อ ปี๊ นอ, ม ซี๊ง ลู่ง ที๊งล่างค่างพ้า อี้ง, โพล้ง ม ล โอ แฌแซ เคิงล้างบ้า-อ้ะ น่างแฌ้ แบ, โพล้ง ล โอ เฌ๊ ฌางล้างย้าล้าง มองแบ-อ้ะ-อ้า, เฌ๊ เก้าเฌะ ล้าง อล้องอย่าง-อ้า, เฌ๊ โล้งไฆวะ อ คู ลู่ง อ ฌ่าง-อ้า, น่างแฌ้ แบ

เยเรมี 48:37

“คู กุ้ โพลง นอ, แบ ท โล้งไฆวะ, ดี๊ กเย่ แคชอง นอ, แบ ท ไร้ะไฆวะ, จูง ล้อง กุ้แพ้ นอ, โอ ดี๊ ท เก้าเฌะ อ ล่าง, ดี๊ ตไก้ยะ กเซ้าะ โอ ลู่ง ย่างเด้ง ล้อง

เอเซเคียง 44:20

เกม๊า อ เว๊ โล้งไฆวะ อ คู-อ้า, ทูแพล่ เกม๊า คูซู๊ง พ้ะโท๊-อ้า ล ฌี้, แบเด้าะ เกม๊า อ เว๊ ไวะดอง คูซู๊ง ลู่ง อ คู ล้อง นอ ล้อ

เอเซเคียง 5:1

“แบเด้าะ แน้ กโพล้ง อ พู-เอ้อ, เกม๊า น แม้นี่ เฌ๊โชะ น้ะ ไอ ล เบง, ดี๊ เจ่ โล้งไฆวะ น คู ดี๊ น แคชอง, ด้องซุ้ ซแล้ ไร้ะคู อ โด้ โล้งไฆวะ เท่อ, ฌ้อง นอ แม้นี่ นางเค๊ง อางน้างพ้ะ คูซู๊ง ลแพ นอ

เลวี​อ​ไฌ่ 10:6

โมเซ โล้ เอะ อาโรง, ดี๊ อ พูแคว๊ เอเลอาซา, ดี๊ อีทามา, ไจ้ะเว๊, “แม้ ล้างเชาล้างเช้ น คูซู๊ง ล ฌี้, ซย๊างยะ ล้าง นไช๊นช้าง ล ฌี้, บี่ซุ้ น ล แบ ซี๊ง แบ, ดี๊ บี่ซุ้ กแช่แยว้ อ ทซ้ะทาง ล ล้างแบ โพล้ง น๊างมู๊ง แบ, แบเด้าะ น พื่ง น วี่, เมะเว๊ โพล้ง อีซลาเอง อชื้ออชะ กุ้ แฌ้, ม มองแบม้ะแบ เท่อ, ลู่ง กแช่ยาเว เกม๊า มี อาง ซี๊ง-อ้ะ อกย้อง นอ ซี

เลวี​อ​ไฌ่ 21:4

เกม๊า อ โอ ดี๊ ท แบอ้า ล ฌี้, อไฌ่บี่อี้ง, อ เว๊ เก ทอคูอแน่ ลู่ง อชื้ออชะ อ แกล้, ลู่ง ทแม้ แบอ้า ล้าง อ ซ้ะ ล ฌี้

อาโม 8:10

ก ม เกม๊า น ซื๊ง อ ท แม้มึอางอวีง นอ, เกทางก้ะ ท มองแบม้ะแบ ดี๊ เกม๊า น ลู่ง ซ้ะอวีงแท๊ กุ้เม้ง, เก ท ฌางล้างย้าล้าง ก ม เกม๊า น ซื๊ง ซุ้ ตไก้ยะ กเซ้าะ ดี๊ โล้งไฆวะ คู กุ้แฌ้ ดี๊ ก ม ดึ้ เกม๊า เก บี่ซุ้ดี๊ โพล้ง มองแบม้ะแบ อ พูแคว๊ ล แฌ้ เฆาะ ดี๊ อช๊าอโท่ ลู่ง ไค๊ ทึ นอ, ม เกม๊า อ บี่ซุ้ดี๊ มื่งนี้ง พี่ ซ้ะ เฌ๊ฌ้อง น้ะ”

มีคา 1:16

เกม๊า โล้งไฆวะ คู เกล้งเน้ง, ดี๊ เกม๊า โล้งไฆวะ นุ้ชองแคพ้าง เกล้งเน้ง บี่ซุ้ มองแบม้ะแบ น พู พี่ นเอนกวี้ง-อ้ะ เกม๊า น แม้ โต้งโล้ง น้ะทาง นคูนแน่, บี่ซุ้ดี๊ ทู ล๊างกทะ เป๊งนี่ อ ซื๊งเว๊ ม ไจแดไฆวะ แน้ ลี้ เก ท อ ฆ่อง

โล้​ล้างที๊ง​ทอางแม้เลา 14:1

“น ซื๊ง ซีง ลแพ, เก กแช่ยาเว น กแช่แยว้ อ พู, เก้าล้าง นไพ้ะนแย ล ฌี้, โล้งไฆวะ น เมะเทิ่งคู ลู่ง โพล้ง ซี๊ง อ ฌ่าง ล ฌี้