เลวี​อ​ไฌ่ 2:14 - Northern Pwo Karen Thai Bible

¹⁴ “น เมะ เฌ๊โชะ ทลื่งทางเทว๊ทซูงทแซ, พี่ เก ท อ วี่งคู, เฌ๊ เทว๊ เอะ กแช่ยาเว นอ, เกม๊า น เทว๊ อ ซ๊าง น๊างเชา, อางแก-อ้ะ ท่อง อ ไฆ๊, ไฌะ อ คลี๊ง ท่อง อ บลิ้, เก ทลื่งทางเทว๊ทซูงทแซ, พี่ เก ทซูงทแซ อ วี่งคู ล ว๊าง

เลวี​อ​ไฌ่ 2:14 ပူးပေါင်းရင်းမြစ်များ

ทอคางไท้ะ 4:3

โอ ล นี้ง, คาเอง แม้นี่ ทซูงทแซ ลู่ง ฌางคู ล่าง, เฌ๊ โชะ เว๊, เก ทเทว๊ เอะ กแช่ยาเว

2​กจุ้แฆว้ 4:42

กแคว๊ โอ ล แฌ้, เฌ๊นี่ ลู่ง เฌง บาอางชาลีชา, อ เว๊ เฌ๊ โชะ เอะ โพล้ง กแช่แยว้ เว๊ นอ อ เท่อ, โอ เว๊ แด กู เก ทซูงทแซ อ วี่งคู ล ว๊าง นอ, กู บาเล คี๊ง ชี๊ง ลอง, ดี๊ บืงแซ เชา อ ซ๊าง ชวี๊งล้าง เว๊ อ กเซ้าะ พ้า, ดี๊ เอลีชา ไจ้ะเว๊, “เกม๊า โพล้ง ลแพ นอ อาง เว๊”

เลวี​อ​ไฌ่ 2:15

เกม๊า น ชวี๊งล้าง ทซู, ดี๊ อางกีล้าง กางยาง ลู่ง อ คู นอ, เก ทลื่งทางเทว๊ทซูงทแซ

เลวี​อ​ไฌ่ 2:16

โพล้งลื่งเท่ออคู ม แม้นี่ ทลื่งทางนางแบทางไท้ อ คลี๊ง ไฌะบลิ้ แกย้ ดี๊ ทซู นอ ล น้าง, อางกีล้าง กางยาง เลาพะ, เช้าทาง เทว๊ เก ทลื่งทาง เช้า ดี๊ มี, เทว๊ เอะ กแช่ยาเว นอ ล้อ

เลวี​อ​ไฌ่ 22:29

พี่ น เทว๊ ทพูแฆ่ ลื่งทาง เท่อ, เก ทลื่งทาง ไจ้ะบลึ้ เทว๊ เอะ กแช่ยาเว นอ, เกม๊า น เทว๊ ทพูแฆ่ ลื่งทาง เท่อ นอ, เกม๊า อ เก ท แบเมะล้างซ้ะ กแช่แยว้

เลวี​อ​ไฌ่ 23:10

“เกม๊า น โล้ เอะ โพล้ง อีซลาเอง บี่อี้ง, พี่ น ซื๊ง เฌ๊ ท้อง ที๊งล่างค่างพ้า, พี่ ก เกม๊า แน้, ดี๊ เก้านี่ ทซูงทแซ ลู่ง ที๊งล่างค่างพ้า นอ, เกม๊า น ซื๊ง แม้นี่ ทซูงทแซ ล น้าง, พี่ น เก้านี่-อ้ะ อ ต้องคู ล ว๊าง นอ, ลี้ โชะ เอะ โพล้งลื่งเท่ออคู

เลวี​อ​ไฌ่ 23:13

ดี๊ ทลื่งทาง เทว๊ ทซูงทแซ พี่ อ กู่ง โละซ้ะ นอ, เมะเว๊ ฌื๊งไน้ะ ลู่ง อ ฌี้ ทึ, คี๊ง กีโล, แกย้ ดี๊ ทซู, เก ทลื่งทาง เช้า ดี๊ มี, เทว๊ เอะ กแช่ยาเว, เก ท อ กลื่ง พี่ แบ กแช่แยว้ อ ซ้ะ, ดี๊ ทโอ้ ลื่งทาง เท่อ, พี่ อ กู่ง โละซ้ะ, เมะเว๊ ไซ้ะ ซไบ้ะ แซ ที๊ง ล เล๊ง

เลวี​อ​ไฌ่ 23:20

เกม๊า โพล้งลื่งเท่ออคู แม้ ทไฌ่ เยาทาง เว่งว๊าง, ล พ๊าฆ่าง ดี๊ กู พี่ เก ทซูงทแซ อ วี่งคู ล ว๊าง นอ, เก ทลื่งาง เยาทาง เว่งว๊าง เทว๊ เอะ กแช่ยาเว, ล พ๊าฆ่าง ดี๊ แกะพู คี๊ง ดื้ง, เก ทเทว๊ พี่ อฌี้อแอว้ เทว๊ เอะ กแช่ยาเว, ลู่ง โพล้งลื่งเท่ออคู อ ฌ่าง

มาลาคี 1:11

กแช่ยาเว ซึ้คู ดูทึชองทึ ไจ้ะเว๊, ล โค๊ ลู่ง มื่งทาง ท้อง ลู่ง มื่ง ล้างนึ นอ, กเม้งกแซ ดูทึโท๊ทึ ลู่ง โพล้ง กุ้ชื้อกุ้ชะ ซีง ลแพ อซุ้อแกล้ พ้า ล้อ, ดี๊ อ เว๊ เทว๊ ทน๊าม๊า ดี๊ ทเทว๊ พี่ อฌี้อแอว้, เทว๊ เอะ กเม้งกแซ กุ้จองกุ้ไจ้, เมะเว๊ กเม้งกแซ นอ, อดูอโท๊ ลู่ง โพล้ง กุ้ชื้อกุ้ชะ อซุ้อแกล้ พ้า

เกล้​ท​ซ้ะวี่ง 28:2

“ม๊า น อางแบเลา โพล้ง อีซลาเอง ดี๊ ไคล้ ดี๊ อซื๊งเว๊ซีง บี่อี้ง, จ ทเทว๊ ลื่งทาง เท่อ, เมะเว๊ จ ทอางทโอ้ พี่ เก ทลื่งทาง เช้า ดี๊ มี, เก ท อ กลื่ง น๊าม๊า ลู่ง แบ จ ซ้ะ นอ, น ซื๊ง แบ อางกีล้าง ซ้ะ พี่ ม เทว๊ เอะ แย้, บี่ซุ้ดี๊ ทอางกีล้าง เว๊ อ ว๊าง อ แค๊ นอ ล้อ

1​โคเรง 15:20

เต้ๆ, นอ, กแช่ แยว้ แม้ ม๊า ทาง ไท้ กแช่ เยซู คริ้ เย้า, เก ท แม้ไน ล เม้ง พี่ อ เว๊ ม แม้ ม๊า ทาง ไท้ โพล้ง ซี๊ง ล แพ นอ ปะ

โล้​ล้างที๊ง​ทอางแม้เลา 26:2

เกม๊า น แม้นี่ ฌางคู เลาพะ อซูงอแซ, พี่ น เก้านี่ ฆี๊นี่-อ้ะ ลู่ง น ที๊งล่างค่างพ้า, พี่ กแช่ยาเว น กแช่แยว้ เกล๊าง เอะ แน้ นอ, เกม๊า น แม้นี่ ทซูงทแซ นอ, ชวี๊งล้าง-อ้ะ ด้างเพะ พ้า, ลี้ โชะ ลู่ง ทล่าง พี่ กแช่ยาเว น กแช่แยว้ อางลึนี่ เว๊, บี่ซุ้ เกม๊า อเม้งอแซ โอ พี่ นอ

ท​เน​โพล​ทาง 14:4

โพล้ง ล แพ อี้ง แฌแซ ล้าง อ ซ้ะ ลู่ง อ ฌี้, ล แม้ เบ้า แม้ เท่ง กมืง แบ, แกะ พู ลี้ จอง ฌี้ จอง ฌี้ นอ อซื๊งเว๊ ลี้ โพะ เว๊ อ ไค๊, อซื๊งเว๊ แบ ท ฆวี้ นี่ ไท้-อ้ะ ลู่ง กโพล้ง อ แกล้, บี่ ซุ้ เก ท อ ต้องคู ล มู๊ง พี่ แบ ท เทว๊ เอะ กแช่ แยว้ ดี๊ เทว๊ เอะ แกะ พู