เลวี​อ​ไฌ่ 17:6 - Northern Pwo Karen Thai Bible

⁶ ดี๊ โพล้งลื่งเท่ออคู ม แม้นี่ ทพูแฆ่ นอ อ ซวีง, ฆวีง แบ กแช่ยาเว อ ทลื่งล่าง, ลู่ง เด้ทโอซยองอล่าง อ เกล้ ป้ะตู๊งไท้ะ, ดี๊ เช้า อซูอไย้, เกม๊า อ เก ท อ กลื่ง พี่ แบ กแช่แยว้ อ ซ้ะ, เทว๊ เอะ กแช่ยาเว

เลวี​อ​ไฌ่ 17:6 ပူးပေါင်းရင်းမြစ်များ

ทไจทางไฆวะ 29:13

เกม๊า น แม้นี่ อ ซู พี่ บึ้เบง ดี๊ อ เซิง อ ซ้ะ, ดี๊ อ ไย้ พี่ โอ อ เซิง เช๊คู นอ, ดี๊ อ ลี่ คี๊ง โพลง เลา ดี๊ อ ซู, ฌ้อง เช้าไฆวะ ทลแพ อี้ง ลู่ง ทลื่งล่าง อ คู นอ

ทไจทางไฆวะ 29:18

ฌ้อง เกม๊า น เช้า แกะ น๊างดื้ง นอ ลู่ง ทลื่งล่าง อ คู นอ, เก ทลื่งทาง เช้า ทพูแฆ่ น๊างดื้ง, เทว๊-อ้ะ กแช่ ยาเว, เก ท อ กลื่ง น๊าม๊า ลู่ง แบ กแช่ยาเว อ ซ้ะ ดี๊ เก ทลื่งทาง เช้า ดี๊ มี เทว๊ เอะ กแช่ยาเว

เอเซเคียง 44:15

“แบเด้าะ โพล้งลื่งเท่ออคู โพล้ง เลวี, พี่ เก ซาโด อชื้ออชะ, พี่ อ แฌแซกต้าง ทแม้ ลู่ง ก ท แบ้แยว้ล่างลู่งอฌี้ พ้า ได้ะ, ล พ๊า แย๊ พี่ โพล้ง อีซลาเอง เฌ๊พลุ้แดไฆวะ เฆ้อ นอ, เกม๊า อ ซื๊งเว๊ เฌ๊ฆ้าง เบ้า เฆ้อ, บี่ซุ้ แม้ เอะ ก เท่อ, ดี๊ เกม๊า ชี๊เทิง โอ ลู่ง ก เมะแซ พ้า, พี่ ม เทว๊ ท อซูอไย้ ดี๊ ทซวีง นอ, ทอดูทึโท๊ทึกแช่ยาเว โล้ เว๊ บี่อี้ง ล้อ

เลวี​อ​ไฌ่ 17:5

อ อี้ง นอ, บี่ซุ้ เกม๊า โพล้ง อีซลาเอง, เฌ๊โชะ ทลื่งทาง, พี่ อ เทว๊ เว๊ ลู่ง ทเคแกล้ นอ, เฌ๊ เทว๊ เอะ กแช่ยาเว, เฌ๊ ลู่ง โพล้งลื่งเท่ออคู อ โอ, ลู่ง เด้ทโอซยองอล่าง อ เกล้ ป้ะตู๊งไท้ะ, แม้ซี๊ง ทพูแฆ่ นอ, เก ทลื่งทางแม้ฆู๊งแม้พุ้ เท่อ

เลวี​อ​ไฌ่ 3:11

ดี๊ โพล้งลื่งเท่ออคู ม เช้า ท ลแพ อี้ง ลู่ง ทลื่งล่าง คู, เก ทอาง, เก ทลื่งทาง เช้า ดี๊ มี, เทว๊ เอะ กแช่ยาเว

เลวี​อ​ไฌ่ 3:13

เกม๊า อ เว๊ อางกีล้าง อ จูง ลู่ง ทพูแฆ่ อ คูล้อง, ดี๊ แม้ซี๊ง-อ้ะ ลู่ง เด้ทโอซยองอล่าง อ เมะแซ พ้า, ดี๊ กเย่ อาโรง อ พู นอ, ม แม้นี่ ทพูแฆ่ อ ซวีง ฆวีง เว๊ ลู่ง ทลื่งล่าง, ดี๊ ฆวีงดุ้ ทลื่งล่าง กุ้ แพ้ ล้อ

เลวี​อ​ไฌ่ 3:16

ดี๊ โพล้งลื่งเท่ออคู ม เช้า ทลแพ อี้ง, ลู่ง ทลื่งล่าง, เก ทอาง, เก ทลื่งทาง เช้า ดี๊ มี, เก ท อ กลื่ง พี่ แบ กแช่แยว้ อ ซ้ะ, อซูอไย้ เลาพะ นอ, เก กแช่ยาเว อ เท่อ ล้อ

เลวี​อ​ไฌ่ 3:2

เกม๊า อ เว๊ อางกีล้าง อ จูง, ลู่ง ทพูแฆ่ ล ดื้ง แย๊ พี่ ม เทว๊ เว๊ นอ อ คู ล้อง, ดี๊ แม้ซี๊ง-อ้ะ ลู่ง เด้ทโอซยองอล่าง อ เกล้ ป้ะตู๊งไท้ะ, กเย่ อาโรง อ พูแคว๊, พี่ เก โพล้งลื่งเท่ออคู นอ, ม แม้นี่ ทซวีง, ฆวีง ดุ้ ทลื่งล่าง กุ้ แพ้ ล้อ

เลวี​อ​ไฌ่ 3:5

กเย่ อาโรง อ พูแคว๊ นอ, ม เช้า ท ลแพ อี้ง, ลู่ง ทลื่งล่าง, ลู่ง ทลื่งทางเช้าทพูแฆ่น๊างดื้ง อ คู, พี่ โอ เซงมื่ง คู มีอ้า พ้า, เก ทลื่งทาง เช้า ดี๊ มี, เก ท อ กลื่ง พี่ แบ กแช่ยาเว อ ซ้ะ

เลวี​อ​ไฌ่ 3:8

เกม๊า อ เว๊ อางกีล้าง อ จูง ลู่ง ทพูแฆ่ อ คูล้อง, ดี๊ แม้ซี๊ง-อ้ะ ลู่ง เด้ทโอซยองอล่าง อ เมะแซ พ้า, ดี๊ กเย่ อาโรง อ พูแคว๊ นอ, ม แม้นี่ เว๊ อ ซวีง ฆวีง เว๊ ลู่ง ทลื่งล่าง, ดี๊ ฆวีง ดุ้ ทลื่งล่าง กุ้ แพ้ นอ ล้อ

เลวี​อ​ไฌ่ 4:31

ดี๊ อ เว๊ ม แม้ไฆวะ อ ซู อ ไย้ ท่อง อ เลา, ด้องซุ้ พี่ อ แม้ไฆวะ ทลื่งทางแม้ฆู๊งแม้พุ้เท่อ นอ, ดี๊ โพล้งลื่งเท่ออคู ม เช้า อ ซู อ ไย้ นอ ลู่ง ทลื่งล่าง คู, เก ท อ กลื่ง พี่ แบ กแช่ยาเว อ ซ้ะ, โพล้งลื่งเท่ออคู ม แพล่ไฆวะ โพล้ง ล แฌ้ นอ อ ทเด้บ้ะ, ดี๊ อ เว๊ ม นี่แบ ท แพล่ไฆวะ ล้อ

เกล้​ท​ซ้ะวี่ง 18:17

แบเด้าะ เมะ งู้ อ พู วี่แซย่, แกะ อ พู วี่แซย่, ดี๊ แมะ อ พู วี่แซย่ นอ, น ล แบ เทะนี่ไท้-อ้ะ แบ, อ นอ เมะเว๊ เก เท่อ ลู่ง อฌี้อแอว้, เกม๊า น แม้นี่ อ ซวีง ฆวีง แบ ทลื่งล่าง อ คู, ดี๊ แม้นี่ อ ซู นอ เช้า-อ้ะ, เก ทลื่งทาง เช้า ดี๊ มี, ม๊า อ เก ท อ กลื่ง น๊าม๊า ลู่ง แบ กแช่ยาเว อ ซ้ะ