เลวี​อ​ไฌ่ 14:22 - Northern Pwo Karen Thai Bible

²² ล พ๊าฆ่าง ดี๊ ทูลี่ง คี๊ง เบง ฌี้, ทูลี่งแอว้ คี๊ง เบง ฌี้, ท๊อง อ ม อางฆื๊งนี่ เว๊ โอ นอ, แม้ เก ทลื่งทางแพล่ไฆวะทเด้บ้ะ ล เบง, ดี๊ ล เบง เด้าะ นอ, แม้ เก ทลื่งทางเช้าทพูแฆ่น๊างเบง

เลวี​อ​ไฌ่ 14:22 ပူးပေါင်းရင်းမြစ်များ

ทอางปฆ้า 68:13

ทึเมะ น ซื๊ง มี๊งน้าง, โอ ลู่ง แกะ อ พ้อง พ้า ฌี้ นอ ทูลี่ง แอว้ อ ได้ะ บึ้ ดี๊ จี้ ดี๊ อ ได้ะ บึ้ ดี๊ ท๊อง ลู่ง อ แย ฌี้

ซาโลโมอแท๊ 2:14

โอ้, จ ทูลี่ง มื้งแซย่-เอ้อ, ทู มื้งแซย่ พี่ โอ ไล๊ เช้า อ ทล่าง ทุ้กดื้ง ซ้ะ พี่ อ โท๊ ไบล้ จุ้ลุ้ พ้า อวีงซ้ะชู้ เกม๊า จ แด แบ นเค่งนฌ้าง ล ปี๊ ไช้ะ อวีงซ้ะชู้ เกม๊า จ แน่ฌ๊า แบ น ลู่ง ล ปี๊ เมะเว๊ น ลู่งเพาแท๊เพา มึ แน่ ดู มะ ดี๊ น เมะฌี้แน๊ฌี้ เต้ๆ, ล้อ

อีซยา 38:14

จ กุ้ซย้ะ บี่ซุ้ดี๊ เบลงบลาง, บี่ซุ้ดี๊ ทูแท้ที๊ง จ ฌาง บี่ซุ้ดี๊ ทูลี่งแอว้ จ เมะคลี๊ง ล้างไปว้ะล้างท้าง ดี๊ ท แคว่ทาง ลู่ง ท้ะโค๊ ทอดูทึโท๊ทึ จ กแช่แยว้-เอ้อ, จ แบ ท แคแนแคแก้, อวีงซ้ะชู้ เก เอะ แย้ ทเฌิ่งทค๊า

อีซยา 59:11

ก ซื๊งเว๊ กุ้แฌ้ ฌางล้างย้าล้าง บี่ซุ้ดี๊ ทซู๊ง ก ฌางอื้งฌางโทะ บี่ซุ้ดี๊ ทูลี่ง แอว้ ก มื้งแล่ ท อเกิ้งอแบ, แบเด้าะ ล โอ แบ เฆาะ มื้งแล่ ทพ้องทพลิ้, แบเด้าะ นอ, อ โอ ช้างชื้ง ไย้ ดี๊ เฆ้อ ล้อ

เยเรมี 48:28

“โพล้ง เว่ง โมอา-เอ้อ, เกม๊า ไจทางไฆวะ เว่ง พ้า ลี้ เปิ่งโอเปิ่งช๊อง ลู่ง โล่ง อ เช้า พ้า เกม๊า น เก บี่ซุ้ดี๊ ทูลี่ง แอว้ พี่ แม้ อ ซวี๊ง ลู่ง ไล๊ พ้า อ คูทุ้ ไท้ะ

เอเซเคียง 7:16

ดี๊ โพล้ง แฌ้ฌี้ๆ, เมะ พ้องพลิ้ ซี๊ง, ไจคุ้ซูงไฆวะ ซี นอ อ ซื๊งเว๊ ม โอ ทลู่ง คู อ เว๊ ม เก บี่ซุ้ดี๊ ทูลี่งแอว้ ลู่ง ทลู่ง คางไท้ะ ล แฌ้ๆ, นอ, ม ฌางอื้งฌางโทะ ลู่ง อ ท เด้เทาเด้บ้ะ อ กย้อง

เลวี​อ​ไฌ่ 14:21

“โพล้ง ล แฌ้ นอ, เมะ เก โพล้ง ลู่ง อ ซยาง อ น้ะ, ดี๊ เทว๊ เท่อ ฆวี๊ นอ, ล โอ แบ นอ, เกม๊า อ เฌ๊โชะ แกะ แพ๊ พู ล ดื้ง, เก ทลื่งทางแพล่ไฆวะทไพ้ะทแม, บี่ซุ้ เทว๊ เว๊ เก ทลื่งทางเยาทางเว่งว๊าง, เก ทไฌ่ เท้าไฆวะ ทแบอ้า, ดี๊ เฌ๊ โชะ ฌื๊งไน้ะ ลู่ง อ ฌี้ ล กีโล, แกย้ ดี๊ ทซู, เก ทลื่งทางเทว๊ทซูงทแซ, ดี๊ ทซู ล โทะ ลู่ง ซ๊า เล๊ง พ้า นอ

เลวี​อ​ไฌ่ 14:24

โพล้งลื่งเท่ออคู ม เฌ๊โชะ แกะ พู, พี่ เก ทลื่งทางแพล่ไฆวะทไพ้ะทแม, ดี๊ เฌ๊โชะ ทซู ล โทะ ลู่ง ซ๊า เล๊ง พ้า นอ, ดี๊ แม้ ทไฌ่ เยาฆ้าง, เก ทลื่งทางเยาทางเว่งว๊าง, เทว๊ เอะ กแช่ยาเว ล้อ

เลวี​อ​ไฌ่ 15:14

มื่ง โฆะ นี้ง ล นี้ง นอ, เกม๊า อ แม้นี่ ทูลี่ง คี๊ง เบง, เมะ แบ โค๊ ทูลี่งแอว้ คี๊ง เบง, เฌ๊โชะ ลู่ง กแช่ยาเว อ เมะแซ พ้า, ลู่ง เด้ทโอซยองอล่าง อ เกล้ ป้ะตู๊งไท้ะ, ดี๊ ท ลแพ นอ, เกม๊า อ อางกีล้าง เอะ โพล้งลื่งเท่ออคู

เลวี​อ​ไฌ่ 5:7

“อ เว๊ เทว๊ เว๊ ดี๊ แกะ พู เมะ ล ซี แบ นอ, เกม๊า อ เฌ๊โชะ ทูลี่ง คี๊ง เบง, เมะ แบ โค๊ ทูลี่งแอว้ คี๊ง เบง, เทว๊ เอะ กแช่ยาเว, บี่ซุ้ แพล่ไฆวะ อ ทไพ้ะทแม, เฌ๊โชะ ทู ล เบง, เก ทลื่งทางแพล่ไฆวะทเด้บ้ะ, ดี๊ ทู ล เบง เด้าะ, เก ทลื่งทางเช้าทพูแฆ่น๊างเบง

เกล้​ท​ซ้ะวี่ง 6:10

ดี๊ ลู่ง มื่ง โฆะ นี้ง ล นี้ง นอ, อ เว๊ แบ แม้นี่ ทูลี่ง คี๊ง เบง ฌี้, ทูลี่งแอว้ อ พู คี๊ง เบง ฌี้, ลี้ โชะ เอะ โพล้งลื่งเท่ออคู ลู่ง เด้ทโอซยองอล่าง อ เกล้ ป้ะตู๊งไท้ะ