เลวี​อ​ไฌ่ 13:45 - Northern Pwo Karen Thai Bible

⁴⁵ “เกม๊า โพล้ง พี่ อ แบ ทแช๊ คีงเตา ล แฌ้ นอ, ซุ้ทาง ไช๊ช้าง ยะปวิ้, เกม๊า อ แลล้าง อ คูซู๊ง, ดี๊ เกม๊า อ กางทะ อ นุ้เฌะ, ฌ้อง กุ้ซย้ะ ทาง เท่อ บี่อี้ง, “จ แบอ้า, จ แบอ้า”

เลวี​อ​ไฌ่ 13:45 ပူးပေါင်းရင်းမြစ်များ

ทอคางไท้ะ 37:29

ท่อง รูเบง เฌ๊ไท้ ท้อง ทพ้า นอ, แด เว๊ โยซิ้ ล โอ ทพ้า พ้า ล้า แบ นอ, อ เว๊ ซย๊างยะ อไช๊อช้าง ล้อ

2​ซามูเอง 13:19

น่าง ทามา แม้นี่ พี๊แคล ฆวีงล้าง เว๊ อ คู ล้อง, ดี๊ ซย๊างยะ อ ไช๊แค่ พ้ะโท๊ โอ ดี๊ อ จูง พี่ อ ซุ้ เว๊ นอ, พองล้าง อ คู ฌาง พ้ะดู ไจ โย๊ ไคว่ๆ

2​กจุ้แฆว้ 7:3

โพล้ง แบ ทแช๊ คีงเตา ลี่ง แฌ้, โอ ลู่ง เกล้ นึฆ้าง เว่ง อ ป้ะตู๊งไท้ะ, อ ซื๊งเว๊ โล้ โละอซ้ะ ไจ้ะเว๊, “ก ม ชี๊น้าง พี่ อี้ง ท้อง ก ซี๊ง แม้ ทเล้?

โยบา 1:20

ฌ้อง นอ โยบา เฌ้เทิงทาง ซย๊างยะ อ ไช๊แค่ พ้ะโท๊ โล้งไฆวะ คู, แบ้ล้าง เท่อ ท้องล้าง ฌางคู คู, โบงทางแบ้ทาง เท่อ

โยบา 42:6

ทบี่นอ, จ ทไฌ๊ ล้างไท้ จ ซ้ะ ดี๊ เปลงไท้ ซ้ะ, โอ ฌางคู มูง แกล้, ดี๊ พี๊แคล มูง พ้า”

ทอางปฆ้า 51:3

เมะเว๊ จ ซีงแฌ๊, แบฆ้ะ ดี๊ จ ทลือค๊างพะ เท่อ เย้า ดี๊ จ ทเด้บ้ะ โอ ลู่ง จ เมะแซ พ้า ครึๆ

ทอางปฆ้า 51:5

เต้ๆ, นอ, จ เฌ๊ กึทางนี่ ลู่ง ทอ้าทซ๊าง พ้า ดี๊ จ เก โพล้ง ทเด้บ้ะ, ล โค๊ลู่ง โอ มู่ อ อ้อง พ้า เละ เย้า

อีซยา 52:11

เกม๊า ไจทาง เซ้อ, เกม๊า ไจทางไฆวะ พี่ นอ น ซื๊ง พี่ โชะทะ กแช่ยาเว อ ทพ้าทล่าง พองแบ ต้องแบ ท พี่ อ เก ทแบอ้า นอ ล ฌี้ เกม๊า ไจแดไฆวะ อ ซื๊งเว๊ อ โป้ง พ้า, เกม๊า แม้ ทไฌ่ อางกี ฌี้ ล้าง ซ้ะ

อีซยา 6:5

ดี๊ จ ไจ้ะ บี่อี้ง, “ท เซงทื่งเฌ๊ฌ้อง แบ แย้, เมะเว๊ จ ซี๊ง เย้า, เป๊งนี่ จ เก โพล้ง อ นุ้เฌะ ลเช๊งลเกล้ง แบ, ดี๊ จ โอ ลู่ง โพล้ง อ ชื้อ พ้า พี่ อ นุ้เฌะ ลเช๊งลเกล้ง แบ, แบเด้าะ จ เมะคลี๊ง แด แบ กจุ้แฆว้, เมะเว๊ กแช่ยาเว ซึ้คู ดูทึชองทึ”

อีซยา 64:6

เฆ้อ กุ้แฌ้ ก เกทางก้ะ บี่ซุ้ดี๊ ท พี่ อ แบอ้า ดี๊ ก ซื๊งเว๊ ก ทแบกแช่แยว้อซ้ะ เลาพะ นอ, เก บี่ซุ้ดี๊ ไช๊ช้าง แบอ้าแบซ๊าง ก ซื๊งเว๊ กุ้แฌ้ ล้างไย้ะ บี่ซุ้ดี๊ เซงแล ดี๊ ก ทไพ้ะทแม อูงพลุ้ไฆวะ เฆ้อ บี่ซุ้ดี๊ ลี้ง

เยเรมี 3:25

เกม๊า ก มี๊งน้าง ลู่ง ก ท ฌางแช้ฌางเด พ้า, ดี๊ เกม๊า ท ล้างไช้ะล้างย่อง คลึไบ้ะ ทะ เฆ้อ, เป๊งนี่ ก แม้ ทเด้บ้ะ แบ กแช่ยาเว ก กแช่แยว้, เลา ดี๊ ก กแช่, ดี๊ ก พี๊งชู้พู๊งชู้ ลู่ง แย๊ อู้ง, ล โค๊ ลู่ง ก เก น่างบางซ้ะบาง แค๊, โอ ท้อง กุ้ มื่งนี้ง อี้ง, ดี๊ ก ล นี่ คุ้ช๊องแน กแช่ยาเว ก กแช่แยว้ อ ลู่ง แบ”

เยเรมี 36:24

ทึเมะ บี่นอ ฌี้ นอ, กจุ้แฆว้ ฌี้, อ กดูกแซย่ ฌี้, พี่ แน่ฌ๊า แบ ทไคล้ ลแพ อี้ง นอ, ล ยางแบซ้ะเม เท่อ-อ้า, ซย๊างยะ ล้าง อไช๊อช้าง-อ้า แบ เฆาะ

ท​ฌางล้างย้าล้าง 4:15

โพล้ง ลแพ นอ, กุ้ซย้ะ ฆ้าง อ ซื๊งเว๊ บี่อี้ง, “ไจ ท่อง อ พ้องไฆวะ, น ซื๊ง แบอ้า ลแพ ซีง-เอ้อ ไจ ท่อง พ้องไฆวะ, ไจ ท่อง พ้องไฆวะ, เฌ๊ พองแบต้องแบ ล ฌี้ ฮ้อ” ท่อง อ ซื๊งเว๊ ลแพ นอ, ไจคุ้ซูงไฆวะ ดี๊ ไจพลุ้ฌ้ะเม้ง นอ โพล้ง ลู่ง โพล้งกุ้ชื้อกุ้ชะ อซุ้อแกล้ นอ, ไจ้ะ ซกุ้ เท่อ บี่อี้ง “อ ซื๊งเว๊ ม โอ พี่ อี้ง ได้ะ ล ซี ล้า แบ”

เอเซเคียง 24:17

น แซซยูทาง ซี, แบเด้าะ เกม๊า โอ ดี๊ อ ลู่ง ล ฌี้, มองแบม้ะแบ โพล้ง ซี๊ง ล ฌี้, เกม๊า เราทาง น ตไก้ยะ, ดี๊ ไย่ทาง คางไพ้ะ ลู่ง น คาง ล้อง, กาไบ้ะ ทะ โพล้ง แบมองแบม้ะ เท่อ อ นุ้ชอง-อ้า, อาง อ ทอาง-อ้า ล ฌี้

เอเซเคียง 24:22

ดี๊ น ซื๊ง ม แม้ ด้องซุ้ พี่ จ นี่ แม้-อ้ะ, เมะเว๊ น ล กาไบ้ะ นุ้ชอง แบ, น ล อาง โพล้ง แบมองแบม้ะ เท่อ อ ทอาง แบ

โยเอง 2:13

เกม๊า น ซย๊างยะ น ซื๊ง ซ้ะ, ล เมะ ซย๊างยะ น ไช๊แค่ แบ” เกม๊า เฌ๊ไท้ฌูงไท้ กแช่ยาเว, น ซื๊ง อ กแช่แยว้ เมะเว๊ กแช่แยว้ โอ ฆวี้ ดี๊ อบลึ้อบลาง, ดี๊ ท ย๊างเซิงย๊างซ้ะ กแช่แยว้ ซ้ะทาง โกย้, ดี๊ โอล๊าโอฆวี้ ดี๊ ทเอทกวี้ง ลู่ง อเฌิ่งอค๊า ดี๊ เปลงไท้ ซ้ะ ล แม้เตาแม้แต๊ เท่อ แบ

เลวี​อ​ไฌ่ 10:6

โมเซ โล้ เอะ อาโรง, ดี๊ อ พูแคว๊ เอเลอาซา, ดี๊ อีทามา, ไจ้ะเว๊, “แม้ ล้างเชาล้างเช้ น คูซู๊ง ล ฌี้, ซย๊างยะ ล้าง นไช๊นช้าง ล ฌี้, บี่ซุ้ น ล แบ ซี๊ง แบ, ดี๊ บี่ซุ้ กแช่แยว้ อ ทซ้ะทาง ล ล้างแบ โพล้ง น๊างมู๊ง แบ, แบเด้าะ น พื่ง น วี่, เมะเว๊ โพล้ง อีซลาเอง อชื้ออชะ กุ้ แฌ้, ม มองแบม้ะแบ เท่อ, ลู่ง กแช่ยาเว เกม๊า มี อาง ซี๊ง-อ้ะ อกย้อง นอ ซี

เลวี​อ​ไฌ่ 13:44

โพล้ง แคว๊ ล แฌ้ นอ, แบ ทแช๊ คีงเตา, อ เว๊ แบอ้า ล้อ, โพล้งลื่งเท่ออคู แบ โล้ เอะ-อ้ะ, อ เว๊ แบอ้า, อ ทแช๊ โอ ลู่ง อ คูล้อง

เลวี​อ​ไฌ่ 21:10

“โพล้งลื่งเท่ออคู พี่ อ เก ท อ ดู, ลู่ง อ น๊างพื่งวี่ ซีง ลแพ อ แกล้, พี่ แบ ท เท้าไน อ คู ดี๊ ทซู, ดี๊ แบ ทอางกี ฌี้-อ้ะ, เกม๊า อฌี้อแอว้, พี่ ม ซุ้ทาง ไช๊ช้าง นอ, เกม๊า แลล้าง อ คูซู๊ง, ดี๊ ซย๊างยะ ล้าง อไช๊อช้าง ล ฌี้

มีคา 3:7

โพล้ง แด ทแดเว้ ม ฌางแช้เมะฌางแช้แน๊ โพล้งพ้ะเว้เท่อ ม ฌางแช้ อ ซื๊งเว๊ กุ้แฌ้ ม กาไบ้ะ อ เมะ เมะเว๊ ทไคล้ช๊า ล โอ เฌ๊นี่ ดี๊ กแช่แยว้ แบ

เกล้​ท​ซ้ะวี่ง 5:2

“น แบ อางแบเลา โพล้ง อีซลาเอง นอ, เกม๊า อ แญ่ไฆวะ โพล้ง กุ้ แฌ้ พี่ อ แบ ทแช๊ คีงเตา, ดี๊ โพล้ง กุ้ แฌ้ พี่ โอ ดี๊ อ ท ที๊ง ไจทาง, ดี๊ โพล้ง กุ้ แฌ้ พี่ อ แบอ้า, ลู่ง อ พองแบ ต้องแบ ทจู นอ, เกม๊า อ ไจทางไฆวะ ลู่ง ทล่างโอซยอง พ้า

ลูกา 17:12

พี่ อ เว๊ ม ลี้ นึ ฆ้าง เฌง พ้า ล จอง นอ, โพล้ง แบ คีงเตา อ แฌ้ ล ชี๊ง เฌ๊ ฌู-อ้ะ ชี๊เทิง ลู่ง อ ไย้

ลูกา 5:8

ท่อง ซีโมง เปโต แด เท่อ กึ ทาง อี้ง, ไคล้ะ ล้าง อ คาง ลู่ง กแช่ เยซู อ เมะแซ พ้า แบ้ ทาง เว๊ ดี๊ โล้ เว๊, “กแช่-เอ้อ, ไจ แด แย้ แด เทา, จ เก โพล้ง ท เด้บ้ะ ล้อ”