ท​ฌางล้างย้าล้าง 3:36 - Northern Pwo Karen Thai Bible

³⁶ ท ไบล้ะกแด้ กโพล้ง อบ้าอคว่าง ฌี้ นอ ทอดูทึโท๊ทึกแช่ ม ล แด เว๊ แบ โบ่?

ท​ฌางล้างย้าล้าง 3:36 ပူးပေါင်းရင်းမြစ်များ

2​ซามูเอง 11:27

ท่อง ทมองแบ อช๊าอโท่ พ้องไฆวะ เย้า นอ, ดาเว โซ๊ง โพล้ง ลี้ แม้นี่-อ้ะ, เกม๊า เฌ๊ ลู่ง บลาง พ้า, ดี๊ กมืง นอ เก แบ เว๊ อ แม๊ ล แฌ้, อ เท่อ ด้าทางนี่ อ พูแคว๊ ล แฌ้, แบเด้าะ เท่อ พี่ ดาเว แม้ เว๊ นอ, เก ทอ้าทซ๊าง ลู่ง กแช่ยาเว อ เมะแซ พ้า

ทอางปฆ้า 94:5

จ กแช่ยาเว-เอ้อ, อซื๊งเว๊ ไน้ะเน้า นพูนลี้ง ดี๊ แม้ เกม๊า กแช่แยว้ อคองอแซย้, แบน้ะแบโน๊ง

ทอางด้อง 24:12

น เมะ ไจ้ะ บี่อี้ง, “แคว่เซ้อ, กซื๊งเว๊ ก ล ซีงแฌ๊ ท ล ไฌ่ อี้ง แบ” กแช่แยว้ พี่ แคว่ที๊งแคว่โต้ เซิงซ้ะ นอ, ม ล ซีงแฌ๊ แบ-อ้า? กแช่แยว้ พี่ ยู่ทะแคว่ทะ น ทโอม๊า นอ, ม ล ซีงแฌ๊ แบ-อ้า? ดี๊ กแช่แยว้ ม ล แม้ช๊าไท้ โพล้ง กุ้แฌ้, บี่ซุ้ดี๊ อ ทไพ้ะทแม้ นอ แบ-อ้า?

อีซยา 59:15

ทเมะทโต้ ล้างแม่ไฆวะ ดี๊ โพล้ง พี่ ล้างแซยล้างพ้ะ ดี๊ ทอ้าทซ๊าง นอ, ดึ้ เกม๊า อ กแช่ แบ ท ตมละตเช กแช่ยาเว แด เว๊ นอ, ล แบ ทมอง ลู่ง อ เมะแซ พ้า แบ พี่ ล โอ ดี๊ ท อเกิ้งอแบ แบ

เยเรมี 22:3

กแช่ยาเว ไจ้ะเว๊ บี่อี้ง, เกม๊า แม้ ท อเกิ้งอแบ, ดี๊ แม้ ทแบกแช่แยว้อซ้ะ, เกม๊า แม้พ้องพลิ้ โพล้ง พี่ อ แบ ท ตมละ, เกม๊า พ้องไฆวะ ดี๊ โพล้ง แคแนแคแก้ เท่อ อ จูง, ดี๊ แม้ไพ้ะแม้แม เท่อ-อ้า, แม้ชองแม้จุ้ แบ โพล้ง ลชื้อแด, โพล้ง พูฆวี แพ่, ดี๊ โพล้ง มืงเม๊-อ้า, ดึ้ เกม๊า โพล้ง พี่ อ ทไพ้ะทแม ล โอ แบ, อ ซวีง ล้าง ท้อง อ ซี๊ง ลู่ง ทล่าง พ้า อี้ง-อ้า ล ฌี้

ท​ฌางล้างย้าล้าง 3:59

จ กแช่ยาเว-เอ้อ, น แด ทไพ้ะทแม, พี่ อ เว๊ แม้ เอะ แย้ เย้า อวีงซ้ะชู้ ต้ะเซ๊ง จบ้าจคว่าง ไช้ะ

ฮาบากุ้ 1:13

กแช่แยว้ อ เมะคลี๊ง เช๊งเกล้ง, ฌี้เละ พี่ ม แคว่ ทอ้าทซ๊าง ได้ะ ม แคว่ ทเด้บ้ะ นอ ล ซี แบ แบทเล้ กแช่แยว้ แคว่ โพล้ง กไบล้ะกแบล ดี๊ โอ กโช้ พี่ โพล้งอ้าโพล้งซ๊าง อางยื่งคล่องไฆวะ โพล้ง พี่ อฌี้อแอว้ เละ-อ้ะ นอ?

โล้​ล้างที๊ง​ทอางแม้เลา 25:1

“โพล้ง คี๊ง แฌ้, เมะ โอ ดี๊ ท อ ไฌ่ คิ้คุ้ โละซ้ะ, ดี๊ เฌ๊ ท้อง ลู่ง ซ่าง นอ, ท่อง โอ ดี๊ ทต้ะเซ๊ง อ เว๊ คี๊ง แฌ้ อบ้าอคว่าง เย้า นอ, ดี๊ โล้ล้าง โพล้ง พี่ อ แบ ล แฌ้ อ ท เช๊งเกล้ง, ดี๊ ไคล้เตาไคล้แต๊ โพล้ง พี่ อไพ้ะอแม ล แฌ้ นอ