ท​ฌางล้างย้าล้าง 3:22 - Northern Pwo Karen Thai Bible

²² กแช่ยาเว อ ทเอทกวี้ง พี่ อเฌิ่งอค๊า ล โอที่งโอโท๊ น่างชุ้ แบ ดี๊ อ ท ย๊างซ้ะ นอ อทึอจุ้ ล โอ แบ

ท​ฌางล้างย้าล้าง 3:22 ပူးပေါင်းရင်းမြစ်များ

2​ซามูเอง 24:14

ดาเว โล้ เอะ กะ ไจ้ะเว๊, “ทน้ะ แบ จ ซ้ะเต้ๆ, เกม๊า เฆ้อ ซีงลแพ อี้ง ล้างเทะ ลู่ง กแช่ยาเว อ จูง พ้า, เมะเว๊ อ เว๊ อ ทย๊างเซิงย๊างซ้ะ ดู เต้ๆ, แบเด้าะ, เกม๊า จ ล้างเทะแบ ลู่ง กโพล้ง อ จูง พ้า ล ฌี้”

เนฮะมี 9:31

ทึเมะ บี่นอ ฌี้, ลู่ง กแช่แยว้ อ ทย๊างซ้ะ โอ แอฌ้อง อกย้อง นอ, กแช่แยว้ ล ดึ้เกม๊า อ เว๊ เซงทื่งเฌ๊ฌ้อง แบ, ล ญ๊องไฆวะ เว๊ แบ, เมะเว๊ กแช่แยว้ เก กแช่แยว้, พี่ โอ ดี๊ อโก้งอโบ้ง ดี๊ อ ทย๊างเซิงย๊างซ้ะ

ทอางปฆ้า 103:10

กแช่แยว้ ล แม้ เอะ เฆ้อ, บี่ซุ้ดี๊ ก ทเด้บ้ะ นอ แบ ดี๊ ล แม้แกไท้ เฆ้อ, บี่ซุ้ดี๊ ก ทอ้าทซ๊าง นอ แบ

ทอางปฆ้า 106:45

ลู่ง อเว๊ อ ฌ่าง นอ, กแช่แยว้ นางแบทางไท้ อ ท เอิ้งล้าง ดี๊ ย๊างซ้ะ แบ ไท้ เว๊, บี่ซุ้ดี๊ อ ทเอทกวี้ง ลู่ง อเฌิ่งอค๊า นอ ล้อ

ทอางปฆ้า 69:17

เกม๊าเต้ อางกีซูงไฆวะ น เมะ ดี๊ น เพล่ ล ฌี้ เมะเว๊ ทน้ะทโน๊ง แบ แย้, เกม๊าเต้ ปชื่ง ไคล้ช๊า แย้ ไช้ะ

ทอางปฆ้า 77:8

กแช่แยว้ อ ทเอทกวี้ง, พี่ อเฌิ่งอค๊า นอ, โอโท๊ไฆวะ ล้างชู้ล้างแกย-อ้า? กแช่แยว้ อ ทเอิ้งล้าง ทึไฆวะ กุ้ชู้กุ้ว๊าง-อ้า?

ทอางปฆ้า 78:38

ทึเมะ บี่นอ ฌี้, ลู่ง กแช่แยว้ อ ทย๊างซ้ะ อกย้อง นอ กแช่แยว้ แพล่ไฆวะ เอะ, อ ทอ้าทซ๊าง ดี๊ ล นี่ แม้เฌ๊ฌ้อง เว๊ แบ กแช่แยว้ แม้ โอโท๊ไฆวะ, อ ทซ้ะทาง ไค๊คื๊ง ดี๊ ล ควิ้คว้ะทาง, อ ทซ้ะทาง พ้ะดู, เลาพะ นอ แบ

ทอางปฆ้า 86:15

ทอดูทึโท๊ทึ จ กแช่แยว้-เอ้อ, แบเด้าะ น เก กแช่แยว้ ลู่ง โอ ดี๊ ทย๊างเซิงย๊างซ้ะ, ดี๊ ทอบลึ้อบลาง ล้อ น ซ้ะทาง โกย้, ดี๊ โอล๊าโอฆวี๊ ดี๊ ทเอทกวี้ง, ลู่ง อเฌิ่งอค๊า, ดี๊ ทโต้ทล้อง

เยเรมี 3:12

เกม๊า ลี้ โล้ล้าง ทไคล้ ลแพ อี้ง, ลู่ง มื่งเค๊ง ล โค๊ บี่อี้ง ‘อีซลาเอง พี่ ไบล้ะกแด้ ทไคล้-เอ้อ, เฌ๊ไท้ไท้ แดเทา กแช่ยาเว โล้ เว๊ บี่อี้ง ล้อ ก ล แคว่ น ซื๊ง ดี๊ ท ซ้ะทาง แบ, อไฌ่บี่อี้ง, ก โอ ดี๊ ทเอทกวี้ง ลู่ง อเฌิ่งอค๊า กแช่ยาเว โล้ เว๊ บี่อี้ง ล้อ ก ล ซ้ะทาง ท๊าง ล้างชู้ล้างแกย แบ

เยเรมี 30:11

“กแช่ยาเว ไจ้ะเว๊, เมะเว๊ ก โอ ดี๊ แน้, บี่ซุ้ แม้ช้า แน้ เกม๊า น พ้องพลิ้ ล้อ ก ม ดึ้ เกม๊า โพล้ง กุ้ที๊งกุ้ค่าง ท้อง ท อทึอจุ้ เมะเว๊ โพล้ง พี่ ก นี่ แม้ ที่มื่งที่พ้ะ แน้, เกม๊า น ลี้ โอ อซุ้อแกล้ นอ ล้อ แบเด้าะ นี๊ แด นอ, ก ล ดึ้ เกม๊า น ท้อง ท อทึอจุ้ แบ ก มซองมซ๊าง แน้ เมาน่าง ดี๊ ลู่ง ท เม้งฌี้ๆ, นอ, ก ล ทูแพล่ แน้ ลู่ง ล แม้เตาแม้แต๊ แน้ แบ นอ แบ

เยเรมี 31:20

เอฟาอีง เก ก พูแคว๊ พี่ ก เอ-อ้ะ เก พู พี่ ก อางปฆ้า-อ้ะ, ล เมะ แบ-อ้า? เมะเว๊ ก ม ไคล้เตาไคล้แต๊-อ้ะ บี่จะเล้ นอ พี่ ล พ๊า เล้ นอ ก นางแบทางไท้-อ้ะ บี่นอ ล้อ อกย้องบี่นอ, กเซิงกซ้ะ นางแบ-อ้ะ ก ม โอ ดี๊ ท ย๊างซ้ะ แบ-อ้ะ เต้ๆ, ล้อ กแช่ยาเว โล้ เว๊ บี่อี้ง ล้อ

ดานีเอง 9:9

ทย๊างซ้ะ ดี๊ ท แพล่ไฆวะ นอ, เก ทอดูทึโท๊ทึกแช่ ก ซื๊งเว๊ ซีง ลแพ ก กแช่แยว้ เว๊, เป๊งนี่ ก ซื๊งเว๊ ก นี่ กไบล้ะกแบล ดี๊ กแช่แยว้

มาลาคี 3:6

“อไฌ่บี่อี้ง, เฆ้อ เมะเว๊ กแช่ยาเว, ล เปลงซ้ะ แบ, โอ้ ยาคุ้ อ พู-เอ้อ, น ซื๊ง ซีง ลแพ ล แบ ทแม้ เฌ๊ฌ้อง เลาพะ แบ

ลูกา 1:50

อ ท ย๊างเซิง ย๊างซ้ะ โอ ดี๊ โพล้ง ลู่ง อ ดู้ง แบ ยาง แบ-อ้ะ กุ้ ชู้ กุ้ แกย