ทฌางล้างย้าล้าง 1:1 - Northern Pwo Karen Thai Bible1 เฆว๊ เว่ง พี่ โอลี้ง ฆวี้ ดี๊ โพล้ง เว่ง พ้า เฌ๊ ชี๊น้าง โอ ยื่งเย้ง เย้า เว่ง พี่ ดูลี้งโท๊ลี้ง ลู่ง โพล้ง กุ้ชื้อกุ้ชะ อซุ้อแกล้ เฌ๊ เกทางก้ะ ด้องซุ้ ลู่ง กมืง เม๊ เย้า เว่ง พี่ อ เก ด้องซุ้ กจุ้แฆว้ อ พูมืง, ลู่ง เว่งดูคล้องโท๊ ลแพ นอ, อซุ้อแกล้ เฌ๊ เกทางก้ะ ทอฆ่อง เจ่ไฌ่เจ่แบ้ เย้า အခန်းကိုကြည့်ပါ။ |
ทฌางล้างย้าล้าง 1:1
38 ပူးပေါင်းရင်းမြစ်များ
ดี๊ ทซูงทแซ แอฌี่งแอฌ้อง ลู่ง ที๊งล่างค่างพ้า นอ, ล้าง แบ เก กจุ้แฆว้ อ เท่อ, เก โพล้ง พี่ กแช่แยว้ ต๊างทาง เว๊ ม๊า โพะคอง เฆ้อ ซีงลแพ อี้ง, เป๊งนี่ ลู่ง ก ทเด้บ้ะ อกย้อง, อ ซื๊งเว๊ อดู้งอยาง โอ ดูเละ กล้องกย่าง, ดี๊ ดูเละ ก ทพูแฆ่ ลื่งโด้ง, ท๊อง แบ อ ซื๊งเว๊ อ ซ้ะ, ดี๊ เฆ้อ ซีงลแพ อี้ง ก แบน้ะแบโน๊ง น้ะ มะ”
ฌ้อง น ม ไคล้ ลู่ง น ซ้ะ พ้า บี่อี้ง โพล้งเล้ กึทาง นี่ เอะ แย้ โพล้ง ล แพ อี้ง ทน้ะทโน๊ง แบ แย้ น้ะ เป๊งนี่ พู ซี๊ง ดี๊ เก โพล้ง เทาพู อกย้อง แบ ท พองนี่ เก ทฆ่อง, ดี๊ แบ ท โฌ๊ไจ แบเด้าะ โพล้งเล้ ลื่งอาง แคว่ โพล้ง ลแพ อี้ง? อี้งเซ้อ, จ แบ ท ญ๊องไฆวะ โอ ยื่งเย้ง ล แฌ้ เฆาะ ฌ้อง โพล้ง ลแพ อี้ง เฌ๊นี่ เด้าะ ชี่ พี่จองเล้?’, ”
เมะเว๊ กแช่ยาเว ไจ้ะเว๊ บี่อี้ง “เกม๊า ซ้ะอวีงแท๊ ดี๊ ท เซิงมึซ้ะมึ ลู่ง ยาคุ้ อ ฌ่าง ดี๊ แม้ เซ๊ ลู่ง ซองลี้ เท่อ ลู่ง กโพล้ง กุ้ชื้อกุ้ชะ ลแพ นอ, อคูดู อซุ้อแกล้ พ้า เกม๊า กุ้ซย้ะ อางปฆ้า เท่อ, ดี๊ ไจ้ะ บี่อี้ง ‘อวีงซ้ะชู้ กแช่ยาเว, แม้ช้า นพูนลี้ง เกม๊า พ้องพลิ้ ไช้ะ เมะเว๊ อีซลาเอง อ โพล้ง พี่ โอ ล้างลื๊อ ก้ะ ลแพ นอ’
ดี๊ ไคล้ ดี๊ เยเรมี โมไคล้คิ้กแช่แยว้ ไจ้ะเว๊, “อวีงซ้ะชู้ คุ้ช๊องแน ก ซื๊งเว๊, ดี๊ ชูแพอางท่าง เท่อ ดี๊ กแช่ยาเว น กแช่แยว้, ลู่ง ก ซื๊งเว๊ พี่ ล้างลื๊อ โอก้ะ เลาพะ อี้ง นอ อ ฌ่าง, เมะเว๊ ก ล้างลื๊อ โอก้ะ อ แฌ้ แซย้ โฆะ ล้อ, ลู่ง อ พ้องไฆวะ นอ โอ อ แฌ้ แอฌี่งแอฌ้อง, บี่ซุ้ดี๊ น แด แบ -อ้ะ ดี๊ น เมะคลี๊ง เย้า นอ
“กแช่ยาเว ซึ้คู ดูทึชองทึ, กแช่แยว้ ลู่ง อีซลาเอง ไจ้ะเว๊ บี่อี้ง, น ซื๊ง นี่ แด แบ ท กึทาง อ ซ้ะ ลู่ง ออ้าอซ๊าง กุ้เม้ง, พี่ ก ดึ้ เกม๊า อ เฌ๊ล้าง แบ เว่ง เยรูซเลง, ดี๊ เฌ๊ล้าง แบ ยูดา อ เว่ง กุ้ เว่ง, แคว่เซ้อ, กุ้ มื่งนี้ง อี้ง, เว่ง ลแพ นอ, แบ ท ญ๊องไฆวะ โอโปล้ก้ะ, โพล้ง ล โอ เปิ่งโอเปิ่งช๊อง เว๊ น่างแฌ้ แบ
ฌ้อง ท อคูอแน่ ลู่ง ปางเล เลาพะ นอ, ม แค๊ล้าง นี่ อ คาง ลู่ง ล่างชี๊น้าง คู, ฌ้อง ม เบ้าล้างไฆวะ อฆ้าอโฆ่, ดี๊ ไบลล้างไฆวะ อ ทซุ้ทก้อง พี่ โอ ดี๊ อกีงอไว้ ช้ะ นี่ นอ, ดี๊ ม แม้นี่ ท ว้ะโทะ ซ้ะเม เฌ๊ เก อฆ้าอโฆ่, ม ชี๊น้าง โอ ฌางคูคู, ดี๊ ว้ะโทะ น๊างบ้องน๊างเย้, ดี๊ ซ้ะเมซ้ะไพล้ เท่อ ลู่ง น กย้อง ล้อ
อ อี้ง นอ, เมะเว๊ เว่ง พี่ อมึอพ้า พี่ อ โอ ลี้ง แบ ลู่ง อซยืงอบ้ะ เว่ง พี่ ช๊องมอง เท่อ ลู่ง อ ซ้ะ พ้า ไจ้ะเว๊ “ แย้ อี้ง ล้อ, ดี๊ เว่ง อ แฌ้แพ ล โอ ล้า แบ” แบเด้าะ อ เกทางก้ะ เว่ง โอโปล้ก้ะ เย้า เก ทพูแฆ่ อ ล่าง โอไปว้ะโอแซ โพล้ง กุ้แฌ้ พี่ อ ลี้แพ๊ แบ เว่ง อี้ง นอ ม แม้ เซ๊ อ ลู่ง เชิ่งเชะ-อ้ะ, ดี๊ แม้ว้ะ อ จูงช่องดูง ไจ้ะเว๊ เฆว๊เฌาเฆว๊ซ้ะ
ကြော်ငြာတွေ