โยชูวา 24:20 - Northern Pwo Karen Thai Bible

²⁰ เมะ ลู่ง น ซื๊ง ญ๊องไฆวะฌ้ะพลุ้ กแช่ยาเว ฌ้อง ลี้ แม้ก้ะ เอะ โพล้ง ล ชื้อ แด อ ทกโช้งกแช่ อ เท่อ นอ, ฌ้อง ท่อง อ เว๊ แม้ ทอฌี้ เอะ น ซื๊ง ฌ้อง เย้า อ ล่างไค๊ นอ, อ เว๊ ม แกยไท้ อ ซ้ะ แม้อ้าแม้ซ๊าง แน้, ดี๊ ม แม้ ล้างแม่ไฆวะ แน้ เฆาะ”

โยชูวา 24:20 ပူးပေါင်းရင်းမြစ်များ

1​ทกวิ้ไน 28:8

ทบี่นอ, ลู่ง โพล้ง อีซลาเอง เลาพะ อ เมะแซ พ้า, พี่ อ เก กแช่ยาเว อ โพล้ง น๊างมู๊ง, ดี๊ ลู่ง ก กแช่แยว้ อ แน่ พ้า นอ, เกม๊า แฌแซ ดี๊ อางฆื๊งนี่ กแช่ยาเว น ซื๊ง กุ้ แฌ้ อ กแช่แยว้ อ ทซองทซ๊าง เลาพะ, บี่ซุ้ น ซื๊ง ม นี่แบ ที๊งล่างค่างพ้า ลู่ง อ ฌี้ อี้ง เก น เท่อ, ดี๊ ม๊า อ เก ก้ะ พู ลี้ง ลู่ง ไค๊ ลแพ อคองอแซย้ ล้างชู้

1​ทกวิ้ไน 28:9

“เมะ แน้, จ พู ซาโลโม-เอ้อ, ม๊า น ซีงแฌ๊ แพ่ อ กแช่แยว้, ดี๊ แม้ เอะ อ เท่อ เลาเซิงเลาซ้ะ น๊างโพลง แย๊, ดี๊ ทซ้ะมึ, เมะเว๊ กแช่ยาเว นอ แคว่ดุ้ ซ้ะ เลาพะ, ดี๊ แน ซี ทแม้ อ ไฌ่, ดี๊ ทช๊องมอง กุ้เม้ง, น เมะ อางฆื๊งนี่-อ้ะ นอ, น ม แด-อ้ะ ล้อ, แบเด้าะ น เมะ ญ๊องไฆวะ-อ้ะ นอ, อ เว๊ ม ญ๊องไฆวะ แน้ ล้างชู้ ล้อ

2ทกวิ้ไน 15:2

ดี๊ อ เว๊ ไจทาง ลี้ฆ้าง โอ อาซา โล้ เอะ เว๊ ไจ้ะเว๊, “อาซา, ยูดา ดี๊ เบงยามีง เลาพะ ซีง-เอ้อ, ม๊า ช๊องแน แย้, กแช่ยาเว โอ ดี๊ น ซื๊ง กุ้ แฌ้, พี่ น โอ ดี๊ กแช่แยว้ อ แค๊ นอ ล้อ, น ซื๊ง ซีง เมะ อางฆื๊งนี่ กแช่แยว้ นอ, น ม แด-อ้ะ, แบเด้าะ น ซื๊งซีง เมะ ญ๊องไฆวะ กแช่แยว้ นอ, อ เว๊ ม ญ๊องไฆวะ น ซื๊งซีง ล้อ

เอซรา 8:22

เมะเว๊ จ ฌางแช้ พี่ ม อางท่าง นี่ ซึ้พู น๊างมู๊ง, ซึ้พู เทา กซี, ดี๊ กจุ้แฆว้ บี่ซุ้ แม้ช้า เฆ้อ ดึ้ซึ้ ดีงแด้ ลู่ง กเกล้กพ้า, เมะเว๊ ก นี่ โล้แบ กจุ้แฆว้ เย้า บี่อี้ง, “ก กแช่แยว้ อ จูง แม้ช้า กเย่ โพล้ง พี่ อ อางฆื๊งนี่-อ้ะ, ดี๊ เกม๊า อ เกทาง ทอฌี้, แบเด้าะ กแช่แยว้ อดู้งยางซยื๊งซย้องแอทึ ดี๊ อ ทซ้ะทาง, ล้าง แบ โพล้ง ลแพ นอ, พี่ ไจแดไฆวะ กแช่แยว้

ทอางปฆ้า 89:31

อซื๊งเว๊ เมะ ลือค๊างพะ จ ทอเค้อะอต้าง ดี๊ ล นี่ แฌแซกต้าง จ ทอางแบเลา แบ นอ

อีซยา 1:28

แบเด้าะ โพล้ง กไบล้ะ ดี๊ โพล้ง ทเด้บ้ะ ลแพ นอ, ม แบ ทแม้ เฌ๊ฌ้อง ฆึ-อ้ะ ดี๊ โพล้ง ลแพ นอ พี่ อ ญ๊องไฆวะ กแช่ยาเว, ม แบ ทแม้ล้างเทา ล้อ

อีซยา 63:10

แบเด้าะ อ ซื๊งเว๊ ลแพ นอ, นี่ กไบล้ะกแบล ดี๊ ดึ้ เกม๊า กแช่แยว้ อ วีงฌี้แล้แอว้ อ ซ้ะ เฌ๊ฌ้อง ทบี่นอ, กแช่แยว้ แกยไฆวะ อ ซ้ะ, เก อ ซื๊งเว๊ ซีง ลแพ อดีงอแด้ ดี๊ กแช่แยว้ ดึ้ โละซ้ะ ดี๊ อ ซื๊งเว๊ ลแพ นอ ล้อ

เยเรมี 17:13

จ กแช่ยาเว, อีซลาเอง อ ทมื้งแล่-เอ้อ กเย่ โพล้ง พี่ อ ญ๊องไฆวะ แน้ ลแพ นอ, ม แบ ฌางแช้ฌางเด ล้อ กเย่ โพล้ง กุ้แฌ้, ลู่ง ที๊งล่างค่างพ้า, พี่ แกยไฆวะ อ ซ้ะ ดี๊ เฆ้อ นอ ม แบ ท กวิ้ล้าง เป๊งนี่ อ เว๊ ญ๊องไฆวะ กแช่ยาเว, พี่ เก ที๊ง ทม๊า อ ล่าง นอ ล้อ

เอเซเคียง 18:24

แบเด้าะ พี่ โพล้งแบกแช่แยว้อซ้ะ แกยไฆวะ อ ซ้ะ ดี๊ อ ทฌี้ทแอว้, ดี๊ แม้ ทเด้บ้ะ, เลา ดี๊ แม้ ท ล้าง ซ้ะลูซ้ะไล้ะ บี่ซุ้ดี๊ โพล้งอ้าโพล้งซ๊าง นี่ แม้ เว๊ นอ, อ เว๊ ม โอม๊า โบ่?, ทฌี้ทแอว้ พี่ อ นี่ แม้ เว๊ เย้า นอ, ม ล แบ ท นางแบเย้แบ ล้า แบ, อ เว๊ ม แบ ซี๊ง, เป๊งนี่ ลู่ง อ ท กไบล้ะกแบล พี่ อ นี่ แม้ เว๊, ดี๊ ทเด้บ้ะ พี่ อ แม้ เว๊ อกย้อง ล้อ

ท​แม้ 7:42

แบเด้าะ กแช่ แยว้ แกย ไฆวะ อ ซ้ะ, เปล้ เว๊ ท๊อง ม โบง ทาง แบ้ ทาง แซย ซีง ลู่ง มุ้คู ล้อ, ด้อง ซุ้ โม ไคล้ คิ้ กแช่ แยว้ กวิ้ ล้าง เว๊ อ ไละ พ้า พี่ อ ไจ้ะ เว๊ ‘โพล้ง อีซลาเอง ซีง-เอ้อ, ลู่ง น แม้ ซี๊ง น ท พูแฆ่ ลื่ง อาง เท่อ ลู่ง แพะคู ตเค แกล้ นี่ อ เนง ลี่ง ชี๊ง นอ อ นอ น ช๊องมอง-อ้ะ น ลื่ง อาง แย้ โบ่

โล้​ล้างที๊ง​ทอางแม้เลา 4:25

ท้อง น พู โอ, ดี๊ น ลี้ง โอ, ดี๊ โอ แบ ที๊งล่างค่างพ้า นอ, นี่ อช๊าอโท่ ไยะ เย้า, ดี๊ น เมะ เฌ๊พลุ้, ไต้ทางนี่ ทเค่งทฌ้าง แพล้กีงแพล้ไว้, เก ทฌ้าง เม้งฌี้ๆ, ดี๊ แม้ ทอ้าทซ๊าง ลู่ง กแช่ยาเว น กแช่แยว้ อ เมะแซ พ้า นอ, เก ท พี่ ล แบ อ ซ้ะ แบ ล้อ

โล้​ล้างที๊ง​ทอางแม้เลา 4:26

จ อางท่าง เกม๊า มุ้คู ดี๊ ฌางคู, เฌ๊ เก พีงญาง, ไคล้เตาไคล้แต๊ แน้ ล นี้ง อี้ง บี่อี้ง, น ซื๊ง ซีง ลแพ, ม เซงทื่งเฌ๊ฌ้องไฆวะ เลาเทาเช๊งเทา, ลู่ง ที๊งล่างค่างพ้า, พี่ น ซื๊ง ม ลี้ ค๊างฌะฆ้าง ที๊ง โจเด้ง กล้อง, ลี้ แม้นี่ก้ะ-อ้ะ นอ, น ล นี่ โอ แบ ที๊งล่างค่างพ้า นอ ไยะๆ, แบ, แบเด้าะ น ม แบ ท แม้ซี๊งทู่งอูงเล้งไฆวะ-อ้ะ เลาเทาเช๊งเทา ล้อ

ฮีบรู 10:38

โพล้ง พี่ อ แบ กแช่ แยว้ อ ซ้ะ นอ, ม โอ ม๊า ดี๊ อ ท ชู่ง ท นะ ล้อ แบเด้าะ อ เว๊ เมะ แกย ไฆวะ อ ซ้ะ ดี๊ แย้ นอ จ ล เฆว๊ ซ้ะ ดี๊ โพล้ง ล แฌ้ นอ ล้า แบ”

โยชูวา 24:21

ฌ้อง โพล้งเฌงพูฆ๊างพู โล้ เอะ โยชูวา ไจ้ะเว๊, “ม๊า แม้ อ ซ้ะ บี่นอ ล ฌี้ เฆาะ, เมะเว๊ เฆ้อ ก ม แม้ เอะ กแช่ยาเว อ เท่อ นอ ล้อ”

1ซามูเอง 12:15

แบเด้าะ น ซื๊ง เมะ ล ช๊องแน กแช่ยาเว อ ลู่ง แบ, แบเด้าะ กไบล้ะ ดี๊ กแช่ยาเว อ ทไคล้ นอ, กแช่ยาเว อ จูง ม ดึ้ซึ้ น ซื๊ง, ล เม้งฆ่าง ดี๊ น ซื๊ง พี๊ง พู๊ง ลู่ง แย๊ อู้ง นอ ล้อ

1ซามูเอง 12:25

แบเด้าะ น ซื๊ง เมะ แม้ ทอ้าทซ๊าง เต้ๆ, นอ, น ซื๊ง ฌี้ เลา ดี๊ น ซื๊ง กจุ้แฆว้ ฌี้ นอ, ม แบ ทแม้เฌ๊ฌ้องไฆวะ-อ้ะ นอ ล้อ”