24 ซิ้, เทเลง, เบอาโล
เยราเมเอง อ พื่ง แคว๊ เมะเว๊ คาเล้ะ นอ, อ พูแคว๊ วี่แซย่ อ เม้ง เมชา อ เว๊ เก ซิ้ อ แพ่, ดี๊ อ พู นอ อ เม้ง มาเรชา พี่ อ เก เฮโบรง อ แพ่ นอ
จ กแช่แยว้-เอ้อ, ลู่ง นเม้งนแซ นอ, เกม๊าเต้ แม้ช้า แย้ ม๊า จ พ้องพลิ้ ดี๊ ลู่ง นดู้งนยาง นอ, ม๊าเต้ เกล๊าง ทอเกิ้งอแบ เอะ แย้
เคเดะ, ฮาโซะ, อีทานาง
ฮาโซฮาดะทา, เครีโอเฮโรง, (เมะเว๊ เว่ง ฮาโซะ)
ทบี่นอ, ซาอู กุ้ซยองนี่ โพล้งเฌงพูฆ๊างพู, ดี๊ แคว่ที๊งดุ้ ซึ้พู ลู่ง ตางโบง เทลาอีง พ้า, นี่ ซึ้พู ทแด้คู คี๊ง ล้าง แฌ้, ดี๊ โพล้ง ยูดา อ แฌ้ ล ไซ
ดาเว โอ เว๊ แพะคูทเคแกล้, ลู่ง ทล่าง ทุ้กดื้ง ซ้ะ ลู่ง อเฌิ่งอค๊า พ้า นอ, ดี๊ โอ ลู่ง ทลู่ง แพ้ล้อง ลู่ง แพะคูทเคแกล้ ซิ้ พ้า, ดี๊ ซาอู อางฆื๊ง แคว่-อ้ะ กุ้ นี้ง, แบเด้าะ กแช่แยว้ ล อางกีล้าง-อ้ะ, ลู่ง ซาอู อ จูง พ้า แบ
โพล้ง ซิ้ ลี้ทางฌูง ซาอู ลู่ง กีเบอา พ้า, โล้ เอะ เว๊ บี่อี้ง, “ดาเว โอคุ้ซูง เท่อ ลู่ง ก แกล้ พ้า ลู่ง ทล่าง ทุ้กดื้ง ซ้ะ ลู่ง อเฌิ่งอค๊า ลู่ง โฮเระ, ทลู่ง ฮาคีลา คู, พี่ อ โอ เยซิ้โมง เช๊ละ นอ ล เมะ แบ-อ้า?
อ ซื๊งเว๊ เฌ้เทิงทาง ลี้ ลู่ง ซิ้ ลี้ วี่ง ซาอู แบเด้าะ ดาเว ดี๊ อ ซกุ้ นอ, โอ ลู่ง แพะคูทเคแกล้ มาโอง พ้า, ลู่ง อาราบา พ้า ลู่ง เยซิ้โมง อ เช๊ละ
