โยชูวา 11:14 - Northern Pwo Karen Thai Bible

¹⁴ ทลู่นี่ ทฆ้าทโฆ่ เลาพะ พี่ นี่แบ เว๊ เว่ง พ้า ลแพ, เลา ดี๊ ทพูแฆ่ โด้ง น๊างมู๊ง นอ, โพล้ง อีซลาเอง แม้ เกก้ะ เว๊ อ กแช่ อ เท่อ, แบเด้าะ เมะ กโพล้ง นอ, อ ซื๊งเว๊ แม้ซี๊ง เว๊ ดี๊ น้ะ อ แน่ ท่อง อ เลา อ เช๊ง ล้อ, ทโอม๊า กุ้เม้ง พี่ อ แซทาง แซล้าง ซี นอ, ล อางกีล้างลื๊อ เว๊ น่าง เม้ง ล้าแบ

โยชูวา 11:14 ပူးပေါင်းရင်းမြစ်များ

2ทกวิ้ไน 20:25

พี่ เยโฮชาฟา ดี๊ อ โพล้งเฌงพูฆ๊างพู, เฌ๊ แม้นี่ ทลู่นี่ ดี๊ โพล้ง ลแพ นอ, อ ซื๊งเว๊ แด ทฆ้าทโฆ่ แอฌ้อง ลู่ง โพล้ง ลแพ นอ อ แกล้, เลา ดี๊ ไช๊ช้าง ดี๊ เท่อ พี่ อลื่งอฆวี้ โอ นอ ล เม้ง แบ ล เม้ง, พี่ อ ซื๊ง แม้นี่ เว๊ ลู่ง อ กแช่ อ ฆ่าง, ท่อง อ โชะนี่ เว๊ ล เก ล้าแบ, อ ซื๊ง เว๊ เจ อช๊าอโท่ แม้นี่ ทลู่นี่ เท่อ นอ ซ๊า นี้ง, เมะเว๊ โอ แอ เต้ๆ, ล้อ

เกล้​ท​ซ้ะวี่ง 31:9

โพล้ง อีซลาเอง พองนี่ โพล้ง มีเดียง อ มืง, เลา ดี๊ พืงดี้งพืงแซ, ดี๊ แม้นี่ก้ะ เว๊ อ ทพูแฆ่ โด้ง, ดี๊ แกะ แมะ น๊างมู๊ง, ดี๊ ทฆ้าทโฆ่ เลาพะ, เก ทลู่นี่ก้ะ

โล้​ล้างที๊ง​ทอางแม้เลา 20:14

แบเด้าะ กมืง ซีง ลแพ, ดี๊ พืงดี้งพืงแซ, ทพูแฆ่ น๊างมู๊ง, ดี๊ ทกุ้เม้ง ลู่ง เว่ง พ้า นอ, เมะเว๊ ท พี่ น ลู่นี่ก้ะ-อ้ะ กุ้ อ เม้ง นอ, เกม๊า น แม้นี่-อ้ะ เกก้ะ น เท่อ, เกม๊า นซู๊งนเจ่ ท พี่ น ลู่นี่ก้ะ นดีงนแด้ เว๊, พี่ กแช่ยาเว น กแช่แยว้ เกล๊าง เอะ แน้ นอ ล้อ

โล้​ล้างที๊ง​ทอางแม้เลา 20:16

แบเด้าะ ลู่ง โพล้ง อ ชื้อ ลแพ อี้ง อ เว่ง พ้า, พี่ กแช่ยาเว น กแช่แยว้, เกล๊าง เอะ แน้ เก นคองนแซย้ นอ, อางกี ม๊า ท พี่ อ แซทางแซล้าง ซี น่างเม้ง ล ฌี้

โยชูวา 10:40

โยชูวา ดึ้ซึ้ ที๊งล่างค่างพ้า นอ นี่ เลาพะ, เมะเว๊ ทล่าง ทแพ้ล้อง เนเกะ, ดี๊ ทแด้คู, ดี๊ ทไบล้ ล้อง เลา ดี๊ กจุ้แฆว้ กุ้ แฌ้ ลู่ง เว่ง พ้า ลแพ นอ ปะ, อ เว๊ ล อางกีล้างลื๊อ โพล้ง น่าง แฌ้ ล้าแบ, แบเด้าะ แม้ เฌ๊ฌ้อง ทโอม๊า กุ้ อ เม้ง พี่ อ แซทางแซล้าง, แม้ เว๊ บี่ซุ้ดี๊ กแช่ยาเว โพล้ง อีซลาเอง อ กแช่แยว้ โล้ เว๊ นอ ล้อ

โยชูวา 11:11

โพล้ง อีซลาเอง แม้ซี๊ง โพล้ง เว่ง พ้า นอ ดี๊ น้ะ อ แน่ กุ้ แฌ้, ดี๊ แม้ เฌ๊ฌ้อง เว๊ เลาเช๊ง, เท่อ พี่ โอ ดี๊ ทม๊า ลู่ง อ แซทาง แซล้าง ล ล้างลื๊อ น่าง เม้ง ล้าแบ, ดี๊ อ เว๊ เช้า เว่ง ฮาโซะ นอ ดี๊ มี เฆาะ

โยชูวา 11:13

แบเด้าะ เว่ง พี่ อ โอ ลู่ง เว่ง กย้ะ แกล้ ลแพ นอ, โพล้ง อีซลาเอง ล เช้าไฆวะ เว๊ แบ, เว่ง ฮาโซะ ล เว่ง ล้อ พี่ โยชูวา เช้าไฆวะ เว๊

โยชูวา 11:15

กแช่ยาเว อางแบเลา เอะ อ เพล่ โมเซ บี่จะเล้ นอ, โมเซ อางแบเลาก้ะ เอะ โยชูวา บี่นอ ล้อ, ดี๊ โยชูวา แม้โพะ เว๊ อ ไค๊, ทกุ้เม้ง พี่ กแช่ยาเว อางแบเลา เว้ เอะ โมเซ นอ, อ เว๊ ล แม้โพะ เว๊ อ ไค๊ แบ ล โอ น่าง เม้ง แบ ล้อ

โยชูวา 8:2

เกม๊า น แม้ เอะ เว่ง ไอ ดี๊ อ กจุ้แฆว้ นอ, บี่ซุ้ น แม้ เอะ เว่ง เยรีโค ดี๊ อ กจุ้แฆว้ นอ ปะ, แบเด้าะ ทฆ้าทโฆ่ ดี๊ ทพูแฆ่ โด้ง น๊างมู๊ง, พี่ ลู่นี่-อ้ะ นอ น แม้ เกก้ะ น เท่อ ซี, แด้เว้ น ซ้ะ ลี้ ดึ้ เท่อ, โอคุ้ซูง-อ้ะ ลู่ง เว่ง โคล๊ง ล โค๊ นอ”

โยชูวา 8:27

แบเด้าะ โพล้ง อีซลาเอง ลู่นี่ก้ะ ทพูทแฆ่ โด้ง น๊างมู๊ง ดี๊ ทฆ้าทโฆ่ ลู่ง เว่ง พ้า นอ แม้ เกก้ะ อ เท่อ, แม้ เว๊ บี่ซุ้ กแช่ยาเว อลู่งอแท๊ พี่ อางแบเลา เอะ โยชูวา นอ