โยนา 3:2 - Northern Pwo Karen Thai Bible

² “เกม๊า เฌ้เทิงทาง ลี้ ลู่ง เว่ง พ้ะดู นีนาเว, ดี๊ เกม๊า โล้ล้าง ทโล้โค เอะ เว่ง นอ, บี่ซุ้ดี๊ พี่ ก โล้ เอะ แน้”

โยนา 3:2 ပူးပေါင်းရင်းမြစ်များ

เอซเทอ 9:31

ดี๊ เกม๊า ทื๊ง ท ไฌ่ ปูรีง, บี่ซุ้ดี๊ ทอางกีล้าง อช๊าอโท่ นอ, ด้องซุ้ โมเดไค โพล้ง ยู, ดี๊ น่าง เอซเทอ อางแบเลา โพล้ง ยู ลแพ นอ, ดี๊ บี่ซุ้ดี๊ พี่ อ ซื๊งเว๊ อางกีล้าง เว๊ ลู่ง อ กแช่ อ ฌ่าง, ดี๊ ลู่ง อ ซื๊งเว๊ อชื้ออชะ อ ฌ่าง, แบฆ้ะ ดี๊ อ ซื๊งเว๊ อ ทดืงอาง เท่อ, ดี๊ อ ทฌางล้างย้าล้าง

ทไจทางไฆวะ 4:28

โมเซ อางโล๊ไท้ เอะ อาโรง อ เท่อ, เกม๊า ซีงแฌ๊ แบฆ้ะ ดี๊ ทไคล้ พี่ กแช่ยาเว ไคล้ เว๊ ลู่ง อ เท่อ เจ่-อ้ะ นอ, ดี๊ ทแม้ไน กุ้เม้ง พี่ อ เท่อ อางแบเลา เกม๊า อ แม้

เยเรมี 1:17

แบเด้าะ นี๊ แด นอ, เกม๊า น เราทาง น ย่างเด้ง, ฌ้อง เฌ้เทิง ทาง ลี้ โล้ เอะ อ ซื๊งเว๊, แบฆ้ะ ดี๊ ทกุ้เม้ง พี่ ก อางแบเลา เว้ แน้ นอ, ซ้ะไพ่ ซ้ะเม อ ซื๊งเว๊ ล ฌี้, เมะ ล เมะ บี่นอ แบ นอ, ก ม ดึ้ เกม๊า น ซ้ะไพ่ ซ้ะเม เท่อ ลู่ง อ ซื๊งเว๊ อ เมะแซ พ้า

เยเรมี 1:7

แบเด้าะ กแช่ยาเว ไคล้ ดี๊ แย้ ไจ้ะเว๊ บี่อี้ง “น เก พืงแซ นอ, ไจ้ะ ล ฌี้ อไฌ่บี่อี้ง, น แบ ลี้ฌูง โพล้ง กุ้แฌ้ พี่ ก เจ่ เกม๊า น ลี้ ดี๊ ทกุ้เม้ง พี่ ก อางแบเลา แน้ นอ, น แบ ไคล้ ล้อ

เอเซเคียง 2:7

แบเด้าะ เกม๊า น โล้ล้าง ก ทไคล้, เกม๊า อ ซื๊งเว๊ คุ้ช๊องแน, ทึเมะ อ ซื๊งเว๊ ม คุ้ช๊องแน เว๊-อ้า, ซม๊า เว๊-อ้า ฌี้ๆ, ล้อ, เป๊งนี่ อ เว๊ เก ชื้อชะ พี่ อ เฌา กไบล้ะ

เอเซเคียง 3:17

“กโพล้ง อ พู-เอ้อ, ก นี่ ต๊างทาง แน้, เกม๊า น เก โพล้ง คุ้ แคว่ทะ อีซลาเอง อชื้ออชะ, ท่อง น แน่ฌ๊า ทไคล้ เฌ๊นี่ ลู่ง ก นุ้ นอ, เกม๊า น โล้ ก ท โล้แบ ซีงแฌ๊ เอะ อ ซื๊งเว๊

โยนา 1:2

“เกม๊า เฌ้เทิงทาง ลี้ ลู่ง เว่ง พ้ะดู นีนาเว, ดี๊ กุ้ซย้ะ ไคล้เตาไคล้แต๊ โพล้ง ลู่ง เว่ง พ้า นอ, เป๊งนี่ อ ซื๊งเว๊ ซีง ลแพ, อ ทอ้าทซ๊าง นอ, นี่ เฌ๊ทาง โอ ลู่ง ก เมะแซ พ้า เย้า”

โยนา 3:1

ฌ้อง กแช่ยาเว อลู่งอแท๊, เฌ๊ ท้อง โยนา, เก คี๊ง พ๊า ล พ๊า ไจ้ะเว๊

โยนา 3:3

ทบี่นอ, โยนา เฌ้เทิงทาง ลี้ ลู่ง นีนาเว, บี่ซุ้ดี๊ กแช่ยาเว อลู่งอแท๊, นีนาเว เก เว่ง พ้ะดูพ้ะเล่, เมะ ไจ ค๊างพะ เว่ง นอ, ม เจ่ อช๊าอโท่ ซ๊า นี้ง

ม้ะทู 3:8

แม้ น ซ้ะ พี่ อ เนโพล ทาง เว๊, น ล แม้ ท อ้า ท ซ๊าง ล้า แบ

โยฮาง 5:14

ลู่ง ไค๊ นอ กแช่ เยซู แด ก้ะ อ เว๊ ลู่ง เว่งฮ๊าง พ้า, ฌ้อง โล้ แบ-อ้ะ, “แคว๊ โจ้-เอ้อ, ค๊องเนง อี้ง น แบล ไท้ เย้า, ท่อง อี้ง ชู่ง แย๊ โค๊ แม้ ท เด้บ้ะ ล้า ล ฌี้, น เมะ แม้ นอ น ม น้ะ นี่ อ ล่าง เด้าะ”