โยฮาง 8:17 - Northern Pwo Karen Thai Bible

¹⁷ ท กวิ้ ล้าง เว้ เว๊ ลู่ง น ทอางแม้เลา พ้า นอ ไจ้ะ เว๊, พีงญาง คี๊ง แฌ้ เมะ ไคล้ ล เม้ง ฆ่าง นอ, อ ท ไคล้ นอ เก ท อ ที๊ง อ โต้ ล้อ

โยฮาง 8:17 ပူးပေါင်းရင်းမြစ်များ

1​กจุ้แฆว้ 21:10

ดี๊ เกม๊า โพล้ง ลกลุ้ลจ้ะ แบ คี๊ง แฌ้, ชี๊น้าง โอกแท้ โละซ้ะ ดี๊-อ้ะ, เกม๊า อ ฟ่อง นาโบ บี่อี้ง, ‘แน้ นอ น ชู แบ กแช่แยว้ ดี๊ กจุ้แฆว้’, ฌ้อง ไจทางฌ้าไฆวะ-อ้ะ, ดี๊ แม้นี่ โล่ง ไควะ ซี๊ง-อ้ะ”

เกล้​ท​ซ้ะวี่ง 35:30

โพล้ง แฌ้ ฌี้ๆ, พี่ แม้ซี๊ง โพล้ง นอ, เกม๊า แม้ซี๊งไฆวะ โพล้ง พี่ อ แม้ซี๊งเท่อ ล แฌ้ นอ, บี่ซุ้ดี๊ โพล้ง เก พีงญาง โล้ เว๊ นอ ล้อ, แบเด้าะ แม้ซี๊ง โพล้ง ดี๊ ท เก พีงญาง ล แฌ้​เฆาะ นอ น่าง แฌ้ ล ฌี้

ม้ะทู 18:16

แบ เด้าะ เมะ ล ญ่อง ช๊องแน แน้ แบ นอ, ลี้ อางจ้ะ นี่ โพล้ง เมาะ ล แฌ้ คี๊ง แฌ้ เกม๊า อ เก พีงญาง, บี่ ซุ้ ไละ ฌี้ ไละ แอว้ อ ท โล้ เว๊, ‘น เมะ ด้อง โพล้ง ล เม้งๆ, นอ, อ พีงญาง แบ โอ คี๊ง แฌ้ ซ๊า แฌ้ บี่ ซุ้ ม นะ ซี’, อ นอ เก ท อ เค้อะ ลู่ง ไละ ฌี้ ไละ แอว้ โล้ เว๊ นอ ล้อ

โยฮาง 10:34

กแช่ เยซู ไคล้ ช๊า เว๊, “ท กวิ้ ล้าง เว้ เว๊ ลู่ง น ซื๊ง เซ๊งพ้า ท้างพ้า นอ กแช่ แยว้ ไจ้ะ เว๊ แด, ‘น ซื๊ง เก กแช่ ล้อ’

โยฮาง 15:25

ท แม้ อ ซ้ะ บี่ นอ บี่ ซุ้ ท กวิ้ ล้าง เว้ เว๊ ลู่ง อ เซ๊งพ้า ท้างพ้า ม ชิ้เทา เว๊ ล้อ, ไจ้ะ เว๊ แด, ‘อซื๊งเว๊ แช๊เมะ ไฌ๊ซ้ะ ดี๊ แย้, แบเด้าะ อ ซูง อ แซ ล โอ น่าง เม้ง แบ’

2​โคเรง 13:1

อ อี้ง เก ซ๊า พ๊า ล พ๊า พี่ จ ม เฌ๊ โอ น ซื๊ง, นาง แบ ไละ ฌี้ ไละ แอว้ อ ท ไคล้ พี่ อ ไจ้ะ เว๊ “น เมะ ด้อง โพล้ง ล เม้งๆ, นอ, อ พีงญาง แบ โอ คี๊ง แฌ้ ซ๊า แฌ้ บี่ ซุ้ ม นะ ซี”

กาลาเต 3:24

ท บี่ นอ, ทอางแม้เลา แคแน เฆ้อ ท้อง กแช่ เยซู คริ้ เฌ๊ ล้าง, ฌ้อง ก แบ กแช่ แยว้ อ ซ้ะ ซี ลู่ง ก ท ชู่ง ท นะ นอ ล้อ

กาลาเต 4:21

เกม๊า จ อางจ้ะ โพล้ง พี่ อ แบ ซ้ะ โอ ลู่ง ทอางแม้เลา อ พ๊างละ บี่ อี้ง, น ซื๊ง ล แน่ฌ๊า แบ-อ้า, ทอางแม้เลา โล้ เว๊ บี่ จะ เล้

โล้​ล้างที๊ง​ทอางแม้เลา 17:6

โพล้ง พี่ อ แบ ทไคล้ล้าง อ เตา ท่อง อ ซี๊ง นอ, เกม๊า โอ ดี๊ อ พีงญาง คี๊ง แฌ้ ซ๊า แฌ้, ฌ้อง นอ แม้เตา-อ้ะ ท่อง อ ซี๊ง ซี, แม้ เตา โพล้ง ท่อง อ ซี๊ง ดี๊ พีงญาง ล แฌ้ เฆาะ ล ฌี้

โล้​ล้างที๊ง​ทอางแม้เลา 19:15

“เกม๊า พีงญาง ล แฌ้ เฆาะ นอ, เกม๊า อ ไคล้ เตา โพล้ง น่าง แฌ้ ล ฌี้, เมะ อ เก ท แม้ซี๊งแม้แช๊ อ ไฌ่ ฌี้, ทเด้เทาเด้บ้ะ อ ไฌ่ เม้งฌี้ๆ, พี่ อ แม้ แบ เว๊ นอ, แบเด้าะ พีงญาง แบ โอ คี๊ง แฌ้ ซ๊า แฌ้, ท เก พีงญาง นอ, ม เก ท พี่ ทื๊ง-อ้ะ นะ-อ้ะ ซี

ฮีบรู 10:28

โพล้ง พี่ ล แม้ โพะ โมเซ อ ทอางแม้เลา อ ไค๊ แบ นอ, อ พีงญาง เมะ โอ คี๊ง แฌ้ ซ๊า แฌ้ นอ, อ เว๊ ม แบ ท แม้ ซี๊ง-อ้ะ, ท ย๊างเซิง ย๊างซ้ะ แบ-อ้ะ ล โอ แบ เฆาะ

1​โยฮาง 5:9

ก เมะ นะ กโพล้ง อ ท โล้ ล้าง นอ, กแช่ แยว้ อ ท โล้ ล้าง ดู นี่ อ นอ ได้ะ, เมะ เว๊ กแช่ แยว้ เก พีงญาง โล้ ล้าง เท่อ แบฆ้ะ ดี๊ อ พูแคว๊ อ ไฌ่

ท​เน​โพล​ทาง 11:3

แย้ จ ม เกม๊า เอะ จ พีงญาง คี๊ง แฌ้ นอ โอ ดี๊ อ ดู้ง อ ยาง, อซื๊งเว๊ ม ไต้ ทาง อ ซ้ะ ดี๊ ตไก้ยะ กเซ้าะ ฌ้อง ม โล้ ล้าง กแช่ แยว้ อ ลู่ง อ แท๊ ล ม๊า คี๊ง แย้ ฆู๊ง ชี๊ง นี้ง”