เยเรมี 9:8 - Northern Pwo Karen Thai Bible

⁸ อ เว๊ อ พลี้ เก คลีงแช แม้ซี๊ง เท่อ อ ไคล้ อางโล๊ เท่อ อ เว๊ อ นุ้ ไคล้มึไคล้พ้า ดี๊ ฌุ้พาง แบเด้าะ อ ซ้ะ พ้า นอ, อ เว๊ โอคุ้ซูง ดึ้ซึ้ เท่อ”

เยเรมี 9:8 ပူးပေါင်းရင်းမြစ်များ

2​ซามูเอง 3:27

ดี๊ ท่อง อะเนอ เฌ๊ไท้ ไท้ ท้อง เว่ง เฮโบรง พ้า เย้า นอ, โยอะ ลี้ฌ้า-อ้ะ ลู่ง เว่ง อ ป้ะตู๊ง พ้า, บี่ซุ้ ม ไคล้ เว๊ ดี๊-อ้ะ คี๊ง แฌ้ เฆาะ, แบเด้าะ, โยอะ นอ ชิ้ อะเนอ อ ฌู่โพ๊ง, ดี๊ อ เท่อ ซี๊ง เว๊, โยอะ แม้แกไท้ อ พื่ง อาซาเฮง อ ซวีง อ กย้อง นอ ล้อ

ทอางปฆ้า 12:2

อซื๊งเว๊ ไคล้ ทคีงอูงคีงตู๊ง โละอซ้ะ อเว๊ ไคล้มึแน่ ดุ้ เท่อ ดี๊ อ นุ้เฌะ, ดี๊ อ ซ้ะ อางโล๊ไละ เท่อ

ทอางปฆ้า 12:3

เกม๊าเต้ กแช่ยาเว แม้ไฆวะ นุ้เฌะ, พี่ ไคล้ มึแน่ ดุ้ เท่อ นอ เลาพะ ไช้ะ ดี๊ กล้างเทะไฆวะ พลี้, พี่ อางปฆ้า ทไพ้ะทแม้ พ้ะดู นอ

ทอางปฆ้า 120:3

นอ เซ้อ, พลี้ พี่ อางโล๊ไละ เท่อ-เอ้อ กแช่แยว้ ม เกล๊าง เอะ แน้ ทเม้งเล้? ดี๊ ม เกล๊าง แอทาง เอะ แน้ ทเม้งเล้ ได้ะ?

ทอางปฆ้า 28:3

เกม๊าเต้ กว้ะไฆวะ แย้, ลี้ ล พ๊าฆ่าง ดี๊ โพล้งอ้าโพล้งซ๊าง ดี๊ โพล้ง พี่ แม้ ทอ้าทซ๊าง ลแพ นอ ล ฌี้ พี่ อ ไคล้ ดี๊ อ ฌุ้เม้งฌุ้พาง, ด้องซุ้ เก ฌุ้พางเท่งซ้ะ แบเด้าะ ทช๊องมอง, แม้อ้าแม้ซ๊าง เท่อ, โอ ลู่ง อ ซ้ะพ้า

ทอางปฆ้า 35:20

เป๊งนี่ อซื๊ง ล ไคล้ ด้องซุ้, เก ฌุ้เม้งฌุ้พาง แบ แบเด้าะ อ ช๊องมองทาง ทไคล้ อางโล๊ไละ โพล้ง พี่ โอฆู๊งโอพุ้, ลู่ง ที๊งล่างค่างพ้า

ทอางปฆ้า 55:21

อ ทไคล้ นอ, พลี๊ ฌี้เละ ทอซูอไย้ แบเด้าะ ทดึ้ทชาง โอ ลู่ง อ ซ้ะพ้า อ ทลื่งทไคล้ นอ, เพา ฌี้เละ ทซู ได้ะ แบเด้าะ นอ เก น้ะ, พี่ ทึ้ทาง เว้ อ ซ้ะ เย้า

ทอางปฆ้า 57:4

ยี๊แด จ มี๊งน้าง ลู่ง คี๊ยื่ง อซุ้อแกล้ โพล้ง พี่ แม้ เซงทื่งเฌ๊ฌ้อง กโพล้ง อ ทโอม๊า อ แซว๊ นอ, เมะเว๊ พ้าง, ดี๊ คลีงแช อ พลี้ นอ, เมะเว๊ น้ะ อ แน่ ไอ

ทอางปฆ้า 62:5

จเซิงจซ้ะ โอกโช้ คุ้แท๊ กแช่แยว้ ล แฌ้ ล้อ เมะเว๊ จ ทมื้งแล่ เฌ๊นี่ ดี๊ กแช่แยว้

ทอางปฆ้า 64:8

อ ซื๊งเว๊ ดึ้เกม๊า อ พลี้ เก ท แบไท้ะแบท่อง ไท้ อ กแช่ โพล้ง กุ้แฌ้ พี่ แด-อ้ะ นอ, ม ว้ะโทะ ดี๊ ทซ้ะเมซ้ะไพล้

ทอางด้อง 25:18

โพล้งเล้ เก พีงญาง กไบล้ะกแบล ซี๊งเค อ ฌุ้พาง นอ บี่ซุ้ดี๊ นางคืงนางท่าง-อ้า, น้ะ-อ้า, คลีงแช จู้งฆิ้-อ้า นอ ล้อ

เยเรมี 5:26

เมะเว๊ ม แด โพล้งอ้าโพล้งซ๊าง ลู่ง กพูกลี้ง อซุ้อแกล้ อ เว๊ โอคุ้ล้างคุ้ซูง เท่อ, บี่ซุ้ดี๊ โพล้ง ดุ้ ทู โอคุ้ซูง อ เว๊ อางกีล้าง ทดุ้ทเช อ เว๊ ดุ้ล้าง เท่อ พอง โพล้ง

เยเรมี 5:9

เป๊งนี่ ท ลแพ อี้ง อกย้อง นอ, ก ม แม้เตาแม้แต๊-อ้ะ แบ-อ้า? กแช่ยาเว โล้ เว๊ บี่อี้ง ล้อ “ดี๊ ก ล เกิ้ง แม้แกไท้ กโพล้ง อ ชื้อ พี่ แม้ อ ซ้ะ บี่อี้ง แบ-อ้า?”

เยเรมี 9:3

“อ ซื๊งเว๊ แม้ไก อ พลี้, บี่ซุ้ดี๊ คลีง บ้อง ค้ะ ไจทาง ท ลเมะลโต้ แบ ล เมะ ดี๊ ทเมะทโต้ พี่ อ ซื๊งเว๊ ชองทางไคล๊ทาง ลู่ง ที๊งล่างค่างพ้า แบ เป๊งนี่ อ ซื๊งเว๊ ไจทางแดไฆวะ ทอ้าทซ๊าง ล เม้ง, ลี้ ลู่ง ทอ้าทซ๊าง ล เม้ง เด้าะ ล้อ ดี๊ อ เว๊ ล ซีงแฌ๊ เฆ้อ แบ” กแช่ยาเว โล้ เว๊ บี่อี้ง ล้อ

เยเรมี 9:4

“อวีงซ้ะชู้ เกม๊า กุ้แฌ้ ปโล่ปด้าง อ ฌุ้พาง ดี๊ อางกีล้าง ซ้ะ ดี๊ น๊างพื่งวี่ น่างแฌ้ ล ฌี้ เฆาะ เป๊งนี่ น๊างพื่งวี่ กุ้แฌ้ นอ, เก โพล้ง แซย๊กไบล้ะ ดี๊ ฌุ้พาง กุ้แฌ้ นอ, ลี้ ไจ ไคล้ ซี๊งเคพะเพิ่ง โพล้ง อ แฌ้แพ

เยเรมี 9:5

โพล้ง กุ้แฌ้ โล๊ไละล้าง อ ฌุ้พาง โพล้ง ไคล้ ทเมะทโต้ ล โอ น่างแฌ้ แบ อ เว๊ ซอง อ พลี้ เกม๊า ไคล้ ท คีงอูงคีงตู๊ง อ เว๊ แม้ ท เด้บ้ะ ออ้าอซ๊าง, ดี๊ เปลงไท้ อ ซ้ะ เด้าะ, ล ซี ล้า แบ

มีคา 6:12

กเย่ เว่ง อ โพล้ง ทโอทช๊อง นอ, โอ ฆวี้ ดี๊ ทดู้งทลู่ ดี๊ โพล้ง ลู่ง เว่ง พ้า นอ, ไคล้ คีงอูง เท่อ ดี๊ พลี้ ลู่ง ท อางโล๊ไละ นอ, โอ ลู่ง อ ซื๊งเว๊ อ นุ้ พ้า