เยเรมี 9:14 - Northern Pwo Karen Thai Bible

¹⁴ แบเด้าะ ลือค๊างพะ เท่อ, แม้ เท่อ ท๊อง อ กแช่ อ ซ้ะ แด เว๊, ดี๊ โพะตไล่ ท กโช้งกแช่ บาอาง ลแพ นอ อ ไค๊, ด้องซุ้ พี่ อ พี๊งชู้พู๊งชู้ ลู่ง แย๊ อู้ง, นี่ ซองแบซ๊างแบ-อ้ะ

เยเรมี 9:14 ပူးပေါင်းရင်းမြစ်များ

ทอคางไท้ะ 6:5

กแช่ยาเว แด เว๊ กโพล้ง อ ทอ้าทซ๊าง โอ ฌางคูโคล๊งคู แอ, ดี๊ แด เว๊ อ ทช๊องมอง เฌ๊ทาง นี่ ลู่ง อ เซิงพ้าซ้ะพ้า เลาพะ นอ, โอที่ ทอ้าทซ๊าง อไฌ่อกย้อง น๊างบ้องน๊างเย้ นอ ล้อ

โยบา 9:18

กแช่แยว้ ม ล เกม๊า จ นี่ โอไปว้ะโอแซ ล น้าง น่าง พ๊า แบ แบเด้าะ เกม๊า จ โอฆวี้ทะ ดี๊ ทไก้ะทแค

เยเรมี 11:8

แบเด้าะ อ ซื๊งเว๊ นอ, ล ชู่ง เท่อ-อ้า, ดุ้ แน่ คุ้ช๊องแน เท่อ-อ้า แบ, กุ้แฌ้ นอ, แม้โพะ อ ซ้ะ ลือเท่อแจวเท่อ ลู่ง ออ้าอซ๊าง อ ไค๊, ทบี่นอ, ก ดึ้ เกม๊า ทกุ้เม้ง บี่ซุ้ดี๊ ทไคล้ ลู่ง ทเอิ้งล้าง พ้า อี้ง, พี่ ก นี่ อางแบเลา, เกม๊า อ เว๊ แม้, แบเด้าะ อ เว๊ ล นี่ แม้โพะ เว๊ อ ไค๊ แบ นอ, เฌ๊ล้าง แบ-อ้ะ ล้อ”

เยเรมี 13:10

เมะเว๊ ชื้อชะ พี่ ออ้าอซ๊าง อี้ง, พี่ อ ซม๊า เท่อ, ล คุ้ช๊องแน ก ทไคล้ แบ, โพล้ง พี่ แม้ เท่อ ท๊อง อ กแช่ อ ซ้ะ แด เว๊, ดี๊ นี่ โพะตไล่ ท กโช้งกแช่ อ แฌ้แพ อ ไค๊, บี่ซุ้ ม แม้ เอะ เว๊ อ เท่อ, ดี๊ โบงทางแบ้ทาง ท กโช้งกแช่ ลแพ นอ, ม เก บี่ซุ้ดี๊ ตไก้ยะ เรา ย่างเด้ง อี้ง, พี่ ม เจ่-อ้ะ เม้งฌี้ๆ, นอ, ล ซี ล้า แบ

เยเรมี 16:12

ดี๊ เป๊งนี่ น ซื๊ง แม้ ทอ้าทซ๊าง น้ะเละ น พี๊งชู้พู๊งชู้ ลู่ง แย๊ อู้ง ได้ะ, เมะเว๊ แคว่-อ้ะ เซ้อ, น ซื๊ง กุ้แฌ้ นี่ แม้โพะ น กแช่ อ ท แบซ้ะ, พี่ ออ้าอซ๊าง ลือค๊างพะ เท่อ อ ไค๊, ซม๊า เท่อ ล ญ่อง คุ้ช๊องแน เฆ้อ แบ

เยเรมี 2:23

“น ม ไจ้ะ บี่อี้ง ซี บี่จะเล้, ‘จ ล เก ท แบอ้า แบ จ ล นี่ ลี้โพะ ท กโช้งกแช่ บาอาง ลแพ นอ, อ ไค๊ แบ’ เกม๊า น แคว่ ไท้ นมยู๊นจะ ลู่ง ทลู่ง คางไท้ะ อู้ง-เซ้อ เกม๊า นางแบไท้-อ้ะ, น นี่ แม้ แบ ทเม้งเล้ บี่ซุ้ดี๊ เอ้า มู่น๊าง กุ้ซย้ะ อ โคะ, โอ ไก้ไม่ ล ซี แบ

เยเรมี 2:8

โพล้งลื่งเท่ออคู ลแพ นอ, ล นี่ ไจ้ะเว๊ บี่อี้ง แบ, ‘กแช่ยาเว โอ พี่จองเล้?’ โพล้ง ลแพ นอ, พี่ อ ซีงแฌ๊แน่ฌ๊า ทอางแม้เลา, ล ซีงแฌ๊ เฆ้อ แบ กเย่ โพล้ง โพะคอง เท่อ นอ, กไบล้ะกแบล ดี๊ เฆ้อ โมไคล้คิ้กแช่แยว้ ลแพ นอ, ไคล้คิ้ เท่อ ดี๊ ท กโช้งกแช่ บาอาง ดี๊ ลี้โพะ ก้ะ ท ล ล้างเปิ่ง แบ อ ไค๊

เยเรมี 23:15

อกย้องบี่นอ, กแช่ยาเว ซึ้คู ดูทึชองทึ, ไคล้ แบฆ้ะ ดี๊ โมไคล้คิ้ เท่อ ลแพ นอ ไจ้ะเว๊ “อี้งเซ้อ, ก ม ลื่ง-อ้ะ ดี๊ ทซีงคีง ดี๊ เกม๊า อ โอ้ ที๊ง โอ ดี๊ อ จืง เป๊งนี่ ทอ้าทซ๊าง นี่ ไจทาง เฆ้ง ค่าง อี้ง เฌ๊นี่ ดี๊ โมไคล้คิ้ เท่อ ลู่ง เยรูซเลง พ้า”

เยเรมี 23:27

โพล้ง พี่ ช๊องมอง เว๊ ม ดึ้ เกม๊า กพูกลี้ง ซ้ะนาง กเม้งกแซ, ลู่ง อ ซื๊งเว๊ อ ทอางมี๊งม่าง พ้า, พี่ อ อางโล๊ไท้ เอะ โละซ้ะ, ด้องซุ้ อ พี๊งชู้พู๊งชู้ ลู่ง แย๊ อู้ง, พี่ ซ้ะนาง กเม้งกแซ, ลี้ โพะตไล่ ก้ะ ท กโช้งกแช่ บาอาง อ ไค๊

เยเรมี 3:17

ล พ๊า แย๊ นอ, ม กุ้ เว่ง เยรูซเลง บี่อี้ง, เก กแช่ยาเว อ ล่าง ชี๊น้าง, ดี๊ กเย่ โพล้ง กุ้ชื้อกุ้ชะ ม โอซยอง โละซ้ะ เฌ๊ นึฆ้าง ลู่ง เว่ง เยรูซเลง พ้า, ลู่ง กแช่ยาเว อเม้งอแซ อ ฌ่าง, ดี๊ อ ซื๊งเว๊ ม ล ลือค๊างพะ เท่อ, แม้โพะ อ ซ้ะ อ้า อ ไค๊ ล้า แบ

เยเรมี 44:17

แบเด้าะ ก ม แม้ ท กุ้เม้ง, พี่ ก นี่ อืงล้าง เว้-อ้ะ, เมะเว๊ เช้า ทน๊าม๊า, เทว๊ เอะ ท กแช่ มืง ลู่ง มุ้คู, ดี๊ ลู๊งล้าง ทโอ้ลื่งทางเท่อ เทว๊ เอะ ท กแช่ มืง, ด้องซุ้ พี่ ก นี่ แม้-อ้ะ, เลา ดี๊ ก ซื๊งเว๊, ดี๊ ก พี๊งชู้พู๊งชู้ ลู่ง แย๊, กเย่ กจุ้แฆว้ ดี๊ กคูกแน่, ลู่ง ยูดา อ เว่ง พ้า กุ้ เว่ง, ดี๊ ลู่ง เกล้คูเกล้พ้า ลู่ง เว่ง เยรูซเลง พ้า, แม้ บี่นอ ฌ้อง ก โอ ดี๊ ทอาง ลู่ง อกู้งอล๊า, ดี๊ โอซยืงโอบ้ะ, ดี๊ ล แด ทอ้าทซ๊าง น่างเม้ง แบ ล้อ

เยเรมี 7:24

แบเด้าะ อ ซื๊งเว๊ ล ชู่ง เท่อ-อ้า, ดุ้ อ แน่ คุ้ช๊องแน เท่อ-อ้า แบ, แบเด้าะ แม้ โพะ อ กแช่ อ ท ช๊องมองเว้ทแม้ อ ไค๊, ดี๊ แม้ โพะ อ ท ลือค๊างพะ บี่ซุ้ดี๊ อ เซิงอ้าซ้ะอ้า นอ อ ไค๊, ดี๊ ไจ ฌ้า ไท้ อ ล่างไค๊, เกิ้ง ม ลี้ ลู่ง เมะแซ พ้า ล โค๊ ล้อ

เยเรมี 8:14

‘แบทเล้ ก ซื๊งเว๊ ซีง ลแพ, ก ชี๊น้าง เฌิ่งเพิ่ง เกม๊า เฌ๊ฌ้า โละซ้ะ เซ้อ, เกม๊า ก ซื๊งเว๊, ลี้ นึฆ้าง ลู่ง เว่ง พี่ โอ ดี๊ ทล่างแคว่จู้เท่อ ลแพ นอ อ พ้า ดี๊ เซงทื่งเฌ๊ฌ้องไฆวะ พี่ นอ แดเทา เมะเว๊ กแช่ยาเว, ก กแช่แยว้ ม เกม๊า เฆ้อ ก เซงทื่งเฌ๊ฌ้อง ดี๊ เกล๊าง ก โอ้ ที๊ง, โอ ดี๊ อ จืง เป๊งนี่ ก แม้ ทเด้บ้ะ แบ กแช่ยาเว

ท​ฌางล้างย้าล้าง 3:15

กแช่แยว้ เกม๊า จ ซ้ะ เฌ๊ฌ้อง น้ะ เต้ๆ อ เว๊ เกม๊า จ บลิ้อาง ดี๊ ทซีงคีง

อาโม 2:4

กแช่ยาเว ไจ้ะเว๊ บี่อี้ง “ลู่ง ยูดา อ ท ลือค๊างพะ พ๊าๆ, เย้า พ๊าๆ, เด้าะ อกย้องนอ ก ล ญ่อง ไบล้ะกแด้ไท้ ท แม้เตาแม้แต๊ แบ เป๊งนี่ อ ซื๊งเว๊ ซม๊า กแช่ยาเว อ ทอางแม้เลา ดี๊ ล นี่ แฌแซกต้าง กแช่แยว้ อ ท อเค้อะอต้าง แบ ดี๊ กเย่ อ ท กโช้งกแช่ ลเมะลโต้ แบ นอ, นี่ ลี้ฌ้า-อ้ะ บี่ซุ้ดี๊ อ ซื๊งเว๊ อ พี๊งชู้พู๊งชู้ ลู่ง แย๊ อู้ง, นี่ แม้โพะ เว๊ อ ไค๊ เย้า นอ ล้อ

กาลาเต 1:14

ลู่ง ท แม้ โพะ โพล้ง ยู อ ท ทื๊ง ท นะ อ ไค๊ นอ, แย้ จ ซีงแฌ๊ แอ นี่ จ ฌุ้พาง ยู พี่ ล ว๊าง ฆ่าง ดี๊ แย้ นอ, ดี๊ จ แบ ซ้ะ แม้ โพะ จ พี๊ง จ พู๊ง ลู่ง เอะ อู้ง อ ท ไฌะ ท ไฌ่ อ ไค๊ แอ นี่ โพล้ง อ แฌ้แพ

เอเฟโซ 2:3

เต้ๆ, นอ ก เว๊ แด กุ้ อ แฌ้ ก บี่ ซุ้ อซื๊งเว๊ ดี๊ ก แม้ โพะ กโพล้ง อ ท ยื้งแย่ อ ไค๊, ก แม้ ท กุ้ อ เม้ง พี่ ก ล้อง ก ย่าง ก เซิง ก ซ้ะ เกม๊า ก แม้, ลู่ง กแช่ แยว้ ซ้ะทาง ดี๊ ก ท เด้บ้ะ อ กย้อง นอ, ก แบ แบ ท แม้ เตา แม้ แต๊ บี่ ซุ้ โพล้ง อ แฌ้แพ

1เปโต 1:18

อ ไฌ่ บี่ อี้ง, น ซื๊ง ซีงแฌ๊-อ้ะ เย้า, กแช่ แยว้ ฆวี้ นี่ ไท้ น ซื๊ง, เกม๊า พ้อง ไฆวะ ดี๊ น ท แม้ ลู่ง อ ล ล้างเปิ่ง แบ, พี่ น แคว่ ลู นี่-อ้ะ ลู่ง น พี๊ง น พู๊ง ลู่ง เอะ อู้ง แม้ เว๊ อู้ง, กแช่ แยว้ ล ฆวี้ นี่ ไท้ น ซื๊ง ดี๊ เท่อ ลู่ง อ เฌ๊ฌี่ง เฌ๊ฌ้อง ซี, บี่ ซุ้ กลู, จี้, ท๊อง, เลว๊ ล แพ นอ แบ