เยเรมี 7:27 - Northern Pwo Karen Thai Bible

²⁷ “เกม๊า น โล้ล้าง เอะ-อ้ะ ทไคล้ ลแพ อี้ง, แบเด้าะ อ เว๊ ม ล คุ้ช๊องแน แน้ แบ, เกม๊า น กุ้ซย้ะ นี่-อ้ะ, แบเด้าะ อ เว๊ ม ล ญ่อง ไคล้ช๊า แน้ แบ

เยเรมี 7:27 ပူးပေါင်းရင်းမြစ်များ

อีซยา 50:2

แบ ทเม้งเล้, ท่อง ก เฌ๊ นอ, ล แด โพล้ง น่างแฌ้ แบ เฆาะ? พี่ ก กุ้ซย้ะ เท่อ นอ, โพล้ง ล โอ เซ๊ช๊า เท่อ น่างแฌ้ แบ? ก จูง พือ น้ะกชุ้, ท๊อง เทะนี่ไท้ เท่อ ล ซี แบ-อ้า? ดี๊ กไฌ่กแบ้ ม แม้พ้องพลิ้ เท่อ นอ, ล โอ แบ-อ้า? แคว่เซ้อ, ก ดึ้ เกม๊า ที๊ง ปางเล ซู๊งทาง ดี๊ ก ท แม้น้าแม้ฆ่าง ล้อ ก ดึ้ เกม๊า ที๊งกล้อง ลแพ นอ, เก แพะคูทเคแกล้ แยพู ลู่ง ที๊งกล้อง พ้า ล กล้องๆ, นอ, ล้างอืง น๊าอืง, เป๊งนี่ ที๊ง ล โอ แบ ดี๊ อ ซี๊งไฆวะ, เป๊งนี่ ซู๊โอ้ซ้ะที๊ง

อีซยา 65:12

ก ม คลุ้ล้าง น ซื๊ง ซีง ลแพ เกม๊า เอะ น้ะ ดี๊ น ซื๊ง กุ้แฌ้, ม แบ โคะฌืงล้าง ซ้ะ ดี๊ โพล้ง แม้ซี๊ง เท่อ เป๊งนี่ พี่ ก กุ้ เท่อ นอ, น ซื๊ง ล เซ๊ช๊า แบ พี่ ก ไคล้ นอ, น ซื๊ง ล คุ้ช๊องแน แบ แบเด้าะ น ซื๊ง แม้ ท พี่ ออ้าอซ๊าง ลู่ง ก เมะแซ พ้า ดี๊ อางลึ นี่ ท พี่ ก ล ซ้ะอวีงซ้ะโทะ-อ้ะ แบ”

เยเรมี 1:19

อ ซื๊งเว๊ ลแพ นอ, ม ดึ้ โละซ้ะ ดี๊ แน้, แบเด้าะ ม ล น้า แน้ แบ, เมะเว๊ ก โอ ดี๊ แน้, บี่ซุ้ ม แม้พ้องพลิ้ แน้”, กแช่ยาเว โล้ เว๊ บี่อี้ง ล้อ

เยเรมี 1:7

แบเด้าะ กแช่ยาเว ไคล้ ดี๊ แย้ ไจ้ะเว๊ บี่อี้ง “น เก พืงแซ นอ, ไจ้ะ ล ฌี้ อไฌ่บี่อี้ง, น แบ ลี้ฌูง โพล้ง กุ้แฌ้ พี่ ก เจ่ เกม๊า น ลี้ ดี๊ ทกุ้เม้ง พี่ ก อางแบเลา แน้ นอ, น แบ ไคล้ ล้อ

เยเรมี 26:2

กแช่ยาเว ไจ้ะเว๊, “เกม๊า ชี๊เทิง โอ ลู่ง กแช่ยาเว อ ล่างโอ คว้าง พ้า, ดี๊ เกม๊า ไคล้ ดี๊ เว่ง กุ้ เว่ง ลู่ง ยูดา, พี่ อ เฌ๊ โบงทางแบ้ทาง เท่อ ลู่ง กแช่ยาเว อ ล่างโอ พ้า, เมะเว๊ ไคล้ ทไคล้ พี่ ก อางแบเลา แน้, เกม๊า น ไคล้ ดี๊ อ ซื๊งเว๊ นอ, อางกี ทไคล้ น่าง ทีง ล ฌี้

เซคารียา 7:13

กแช่ยาเว ซึ้คู ดูทึชองทึ ไจ้ะเว๊, พี่ ก กุ้ซย้ะ เท่อ, อ เว๊ ล คุ้ช๊องแน เท่อ แบ บี่จะเล้ นอ, พี่ อ เว๊ กุ้ทาง เฆ้อ นอ, ก ล คุ้ช๊องแน-อ้ะ แบ บี่นอ ล้อ

ท​แม้ 20:27

จ ล อางกี ซูง ท น่าง เม้ง แบ, กแช่ แยว้ อ ทอางกี ล้าง โอ บี่ จะ เล้ นอ, จ โล้ น ซื๊ง เติ้งต้าง กุ้ อ เม้ง ล้อ