เยเรมี 7:13 - Northern Pwo Karen Thai Bible13 ดี๊ ค๊องเนงอี้ง, ลู่ง น ซื๊งเว๊ ซีง ลแพ, นี่ แม้ ท ลแพ อี้ง กุ้เม้ง อกย้องนอ, กแช่ยาเว โล้ เว๊ บี่อี้ง ล้อ, ดี๊ พี่ ก ไคล้ ดี๊ แน้, พ๊าๆ, เย้า พ๊าๆ, เด้าะ นอ, แบเด้าะ น ซื๊งเว๊ ซีง ลแพ, ล นี่ คุ้ช๊องแน แบ, ดี๊ พี่ ก นี่ กุ้ น ซื๊งเว๊ นอ, แบเด้าะ น ล นี่ ไคล้ช๊า เท่อ แบ အခန်းကိုကြည့်ပါ။ |
เยเรมี 7:13
27 ပူးပေါင်းရင်းမြစ်များ
แบ ทเม้งเล้, ท่อง ก เฌ๊ นอ, ล แด โพล้ง น่างแฌ้ แบ เฆาะ? พี่ ก กุ้ซย้ะ เท่อ นอ, โพล้ง ล โอ เซ๊ช๊า เท่อ น่างแฌ้ แบ? ก จูง พือ น้ะกชุ้, ท๊อง เทะนี่ไท้ เท่อ ล ซี แบ-อ้า? ดี๊ กไฌ่กแบ้ ม แม้พ้องพลิ้ เท่อ นอ, ล โอ แบ-อ้า? แคว่เซ้อ, ก ดึ้ เกม๊า ที๊ง ปางเล ซู๊งทาง ดี๊ ก ท แม้น้าแม้ฆ่าง ล้อ ก ดึ้ เกม๊า ที๊งกล้อง ลแพ นอ, เก แพะคูทเคแกล้ แยพู ลู่ง ที๊งกล้อง พ้า ล กล้องๆ, นอ, ล้างอืง น๊าอืง, เป๊งนี่ ที๊ง ล โอ แบ ดี๊ อ ซี๊งไฆวะ, เป๊งนี่ ซู๊โอ้ซ้ะที๊ง
ก เว๊ แด นอ, ก ม อางลึ นี่ ท น้ะเซิงน้ะซ้ะ เอะ อ ซื๊งเว๊ ปะ ดี๊ ก ม เฌ๊โชะ เอะ อ ซื๊งเว๊ อ เท่อ, พี่ อ ซ้ะเมซ้ะไพล้ เว๊ นอ, เฌ๊ ลู่ง อ โอ เป๊งนี่ พี่ ก กุ้ซย้ะ เท่อ นอ, โพล้ง ล โอ เช๊ช๊า เท่อ น่างแฌ้ แบ พี่ ก ไคล้ นอ, อ ซื๊งเว๊ ซีง ลแพ ล คุ้ช๊องแน แบ แบเด้าะ อ ซื๊งเว๊ นี่ แม้ ทอ้าทซ๊าง ลู่ง ก เมะแซ พ้า ดี๊ อางลึ นี่ ท พี่ ก ล ซ้ะอวีงซ้ะโทะ-อ้ะ แบ”
แบเด้าะ อ ซื๊งเว๊ นอ, ล ชู่ง เท่อ-อ้า, ดุ้ แน่ คุ้ช๊องแน เท่อ-อ้า แบ, กุ้แฌ้ นอ, แม้โพะ อ ซ้ะ ลือเท่อแจวเท่อ ลู่ง ออ้าอซ๊าง อ ไค๊, ทบี่นอ, ก ดึ้ เกม๊า ทกุ้เม้ง บี่ซุ้ดี๊ ทไคล้ ลู่ง ทเอิ้งล้าง พ้า อี้ง, พี่ ก นี่ อางแบเลา, เกม๊า อ เว๊ แม้, แบเด้าะ อ เว๊ ล นี่ แม้โพะ เว๊ อ ไค๊ แบ นอ, เฌ๊ล้าง แบ-อ้ะ ล้อ”
เมะเว๊ ชื้อชะ พี่ ออ้าอซ๊าง อี้ง, พี่ อ ซม๊า เท่อ, ล คุ้ช๊องแน ก ทไคล้ แบ, โพล้ง พี่ แม้ เท่อ ท๊อง อ กแช่ อ ซ้ะ แด เว๊, ดี๊ นี่ โพะตไล่ ท กโช้งกแช่ อ แฌ้แพ อ ไค๊, บี่ซุ้ ม แม้ เอะ เว๊ อ เท่อ, ดี๊ โบงทางแบ้ทาง ท กโช้งกแช่ ลแพ นอ, ม เก บี่ซุ้ดี๊ ตไก้ยะ เรา ย่างเด้ง อี้ง, พี่ ม เจ่-อ้ะ เม้งฌี้ๆ, นอ, ล ซี ล้า แบ
อไฌ่บี่อี้ง, ตไก้ยะ เรา ย่างเด้ง โอท๊าง กโพล้ง อ ย่างเด้ง ล้อง บี่จะเล้ นอ, ก ดึ้ เกม๊า อีซลาเอง อ โพล้ง เฌงพูฆ๊างพู เลาพะ, ดี๊ ยูดา อ โพล้ง เฌงพูฆ๊างพู เลาพะ, โอ ดี๊ เฆ้อ บี่นอ ล้อ, กแช่ยาเว ไจ้ะเว๊ บี่อี้ง, บี่ซุ้ อ ซื๊งเว๊ ซีง ลแพ, ม เก กพูกลี้ง, เก ก เม้งลื้อแซท้อง, เก ก ท อางปฆ้า, เก ก ท มึเซิงมึซ้ะ ล้อ, แบเด้าะ อ ซื๊งเว๊ นอ, ล คุ้ช๊องแน เท่อ แบ
เรค้ะ อ พูแคว๊ โยนาด้ะ อ ทไคล้, พี่ นี่ อางแบเลา อ พูแคว๊ ซีง ลแพ, ล เกม๊า เว๊ อ โอ้ ไซ้ะซไบ้ะแซที๊ง นอ แบ, อ ซื๊งเว๊ นี่ แฌแซกต้าง เว๊ เย้าม ดี๊ อ ซื๊งเว๊ ล นี่ โอ้ เท่อ แบ ท๊อง อ ท้อง ล นี้ง แย๊ อี้ง ล้อ, อไฌ่บี่อี้ง, อ ซื๊งเว๊ นี่ ชู่ง อ แพ่ อ ท อางแบเลา, แบเด้าะ เฆ้อ อี้ง ล้อ, ก นี่ ไคล้ ดี๊ น ซื๊ง พ๊าๆ, เย้า, พ๊าๆ, เด้าะ, แบเด้าะ น ซื๊ง ล คุ้ช๊องแน เฆ้อ แบ
ก นี่ โซ๊งทาง กเย่ ก เพล่ ลแพ นอ, เมะเว๊ โมไคล้คิ้ เท่อ, เฌ๊ ฌูง แน้, ก โซ๊งทาง อ ซื๊งเว๊ เฌ๊ พ๊าๆ, เย้า, พ๊าๆ, เด้าะ, โล้ เท่อ บี่อี้ง, ‘ค๊องเนงอี้ง เกม๊า น ซื๊ง กุ้แฌ้ วีงแซยไฆวะ น ซ้ะ ดี๊ น เกล้อ้าเกล้ซ๊าง, ดี๊ แม้ฌี้ไท้ น ซื๊ง ทไพ้ะทแม้, ลี้โพะ ท กโช้งกแช่ อ แฌ้แพ อ ไค๊ ล ฌี้, ดี๊ แม้ เอะ ท กโช้งกแช่ ลแพ นอ อ เท่อ ล ฌี้, ฌ้อง น ม นี่ เปิ่งโอเปิ่งช๊อง ลู่ง ที๊งล่างค่างพ้า, พี่ ก นี่ เกม๊า เอะ แน้ ดี๊ น พี๊งชู้พู๊งชู้ ลู่ง แย๊ อู้ง’, แบเด้าะ น ล ดุ้ แน่-อ้า, คุ้ช๊องแน เฆ้อ-อ้า แบ
ทบี่นอ, กแช่ยาเว, กแช่แยว้ ซึ้คู ดูทึชองทึ, กแช่แยว้ ลู่ง อีซลาเอง ไจ้ะเว๊ บี่อี้ง, ‘อี้งเซ้อ, ก ม ดึ้ เกม๊า ทเตาทแต๊ กุ้เม้ง, พี่ ก โล้ล้าง เว้-อ้ะ นอ, เฌ๊ล้างแบ ยูดา ดี๊ กเย่ โพล้ง เว่ง เยรูซเลง, อไฌ่บี่อี้ง, ก ไคล้ ดี๊ อ ซื๊งเว๊, แบเด้าะ อ เว๊ ล คุ้ช๊องแน เฆ้อ แบ, ก กุ้-อ้ะ, แบเด้าะ อ เว๊ ล เซ๊ช๊า เฆ้อ แบ”
ကြော်ငြာတွေ