เยเรมี 51:7 - Northern Pwo Karen Thai Bible7 บาบีโลง นี่ เก แบ โท๊กีง ท๊อง ลู่ง กแช่ยาเว อ จูง พ้า ดึ้ เกม๊า ฌางคูโคล๊งคู เลาพะ ม้า เท่อ กเย่ โพล้ง กุ้ชื้อกุ้ชะ นอ, นี่ โอ้ อ ไซ้ะ ซไบ้ะแซ ที๊ง อกย้องบี่นอ, โพล้ง ลู่ง ค่าง พ้า พลื่งทางมวี๊งทาง เว๊ ล้อ အခန်းကိုကြည့်ပါ။ |
เยเรมี 51:7
16 ပူးပေါင်းရင်းမြစ်များ
ฌ้อง นอ, เกม๊า น ไคล้ ดี๊ อ ซื๊งเว๊ บี่อี้ง, ‘กแช่ยาเว ไจ้ะเว๊ บี่อี้ง, อี้งเซ้อ, ก ม เกม๊า โพล้ง ที๊งล่างค่างพ้า อี้ง เลาพะ, โอ ฆวี้ ดี๊ ทม้าทปยุ้, เมะเว๊ กจุ้แฆว้ ซีง ลแพ, พี่ ชี๊น้าง โอ ดาเว อ ล่างชี๊น้าง คู, โพล้งลื่งเท่ออคู ซีง ลแพ, โมไคล้คิ้กแช่แยว้ ซีง ลแพ, ดี๊ โพล้ง เว่ง เยรูซเลง เลาพะ นอ ล้อ
กแช่ยาเว ไจ้ะเว๊, ‘อี้งเซ้อ, ก ม กุ้ นี่ โพล้ง อ ชื้อ เลาพะ ลู่ง มื่งเค๊ง, ดี๊ ก เพล่ เนบูคาเนซา, กจุ้แฆว้ บาบีโลง, ดี๊ ก ม เฌ๊ฌ้า อ ซื๊งเว๊ ซีง ลแพ เฌ๊ ดึ้ ค่าง อี้ง, ดี๊ โพล้ง ลู่ง เว่ง อี้ง, ดี๊ กเย่ โพล้ง กุ้ชื้อกุ้ชะ ลแพ อี้ง, พี่ โอ วะชวะ, ก ม แม้เฌ๊ฌ้อง อ ซื๊งเว๊ ลแพ นอ เลาพะ, ดี๊ ก ม ดึ้ เกม๊า อ เว๊ เก ท ล้าง ซ้ะเมซ้ะไพล้, ดี๊ เก ทไคล้ ไฌ๊ซ้ะ, ดี๊ เก ท ญ๊องไฆวะ โอโปล้ ก้ะ ล้างชู้ล้างแกย
อ ไฌ่ บี่ อี้ง เว่ง ล เว่ง อี้ง เกม๊า โพล้ง กุ้ ชื้อ กุ้ ชะ โอ้ อ ซไบ้ะ แซ ที๊ง ลู่ง อ ชอง, เมะ เว๊ ท ซ้ะกวี้ง ล๊องก้อง ลู่ง ท แม้ กแม มืง กแม แคว๊, กเย่ กจุ้แฆว้ ลู่ง ฌางคู โคล๊ง คู นอ แม้ กแม มืง กแม แคว๊ เท่อ ดี๊-อ้ะ, ดี๊ โพล้ง กเย่ อ แม้แค้ เท่อ นอ อ ท โอ ทาง ช๊อง ทาง ดี๊ กลู ดี๊ จี้ แอ ฌี่ง แอ ฌ้อง, เฌ๊ เว๊ ลู่ง เว่ง นอ อ ท ซ้ะกวี้ง ล๊องก้อง อ กย้อง”
อ ไฌ่ บี่ อี้ง กแช่ แยว้ อ ท ต้ะเซ๊ง นอ, เมะ ท อ เกิ้ง อ แบ ดี๊ อ โต้ อ ล้อง ล้อ, อ เว๊ ไคล้ ล้าง กมืง เอโบ้งเอพะเท่อ อ้า ทึ ล แฌ้ นอ อ เตา อ แต๊, พี่ อ เกม๊า โพล้ง ฌางคู โคล๊ง คู อี้ง แม้ ฆึ ท อ้า ท ซ๊าง ดี๊-อ้ะ, ลู่ง อ เว๊ อ ท แม้ กแม มืง กแม แคว๊, กแช่ แยว้ แม้ เตา แม้ แต๊ กมืง ล แฌ้ นอ, เป๊งนี่ อ เว๊ แม้ ซี๊ง กแช่ แยว้ อ เพล่ อ บาง”
ကြော်ငြာတွေ