45 “ก พู ก ลี้ง-เอ้อ, เกม๊า ไจทางไฆวะ อซุ้อแกล้ พ้า เกม๊า กุ้แฌ้ แม้พ้องพลิ้ ล้าง อ ซ้ะ ดี๊ กแช่ยาเว อ ท ซ้ะทาง คู่เล้าคู่ล๊าง นอ แดเทา
เกม๊า ไจแดไฆวะ บาบีโลง เกม๊า ไจคุ้ซูงไฆวะ โพล้ง เคลเดีย เกม๊า โล้ล้าง ท ล ไฌ่ อี้ง ดี๊ ท ซองลี้ เซิงฆวี๊งซ้ะโย้, เกม๊า อางโล๊ไท้ คุ้ช๊องแน เท่อ เกม๊า โซ๊งทาง-อ้ะ ลี้ ท้อง มุ้คูทึ ฌางคูทึ ไจ้ะ บี่อี้ง, “กแช่ยาเว เทะนี่ไท้ อ เพล่ ยาคุ้ เย้า”
“คุ้ช๊องแน-เซ้อ, อ ซื๊งเว๊ นี่ ไจคุ้ซูง, ดี๊ พ้องพลิ้ไฆวะ ดี๊ ค่าง บาบีโลง, ลี้ โล้ล้าง กแช่ยาเว ก กแช่แยว้ อ ท แม้แกไท้, ลู่ง ซีโยง พ้า, เมะเว๊ ท แม้แกไท้ เท่งก้ะ กแช่แยว้ อ เว่งฮ๊าง
“เกม๊า ไจแดไฆวะ บาบีโลง เกม๊า ไจทางไฆวะ ค่าง เคลเดีย, ดี๊ เก บี่ซุ้ดี๊ แกะ แพ๊, ลี้วี่ง ลี้ฌ้า อ ฌุ้พาง น๊างมู๊ง อ เมะแซ พ้า
“น ซื๊งเว๊ ซีง ลแพ, พี่ พ้องพลิ้ไฆวะ ดี๊ น้ะ นอ ปชื่ง ลี้ แดเทา, ชี๊เทิง โอกโช้ ไก้ไม่ ล ฌี้ เกม๊า นางแบทางไท้ กแช่ยาเว, โอ นี่ ลู่ง อ ไย้ ดี๊ เกม๊า เว่ง เยรูซเลง เฌ๊ นึฆ้าง น ซ้ะ พ้า
“เกม๊า ไจแดไฆวะ บาบีโลง เกม๊า กุ้แฌ้ แม้พ้องพลิ้ ล้าง อ ซ้ะ แดเทา เกม๊า น แบ ทแม้ เฌ๊ฌ้องไฆวะ ดี๊ อ ทไพ้ะทแม เด้บ้ะ อกย้อง ล ฌี้ เมะเว๊ อ อี้ง เก กแช่ยาเว อช๊าอโท่ แม้แกไท้ เท่อ เก ท พี่ กแช่แยว้ แม้ช๊าไท้ เว๊
ก ซื๊งเว๊ ก นี่ แม้ก้องแย่ บาบีโลง, แบเด้าะ อ เว๊ ล ก้องแย่ แบ ญ๊องไฆวะ-อ้ะ แดเทา, ดี๊ เกม๊า ก ลี้ ล แฌ้ๆ, ลี้ ลู่ง อ กแช่ อที๊งอค่าง เมะเว๊ ทต้ะเซ๊ง-อ้ะ นอ, นี่ ลี้ทาง ท้อง ทมุ้คู ดี๊ แบ ท โชะทาง ท๊องซุ้ ดี๊ ทเอิง
เฮ้, แน้ โพล้ง พี่ โอ ดี๊ บาบีโลง อ พูมืง, เกม๊า ไจไฆวะ ลี้ ลู่ง ซีโยง อู้ง
โมเซ โล้ เอะ โพล้ง น๊างมู๊ง นอ ไจ้ะเว๊, “เกม๊า น ซื๊ง ไจไฆวะ เมะ ไย้ ดี๊ โพล้งอ้าโพล้งซ๊าง ลแพ อี้ง อ เด้, พองแบ ต้องแบ อ เท่อ น่างเม้ง ล ฌี้, เมะ ล บี่นอ แบ ไค๊ไก้ะ น ซื๊ง ม แบ ทกว้ะนี่ฆึ ดี๊ อซื๊งเว๊ ลแพ อี้ง อ ทเด้บ้ะ ปะ”
เปโต ไคล้ เท่อ แอ ทีง ได้ะ, ดี๊ อวีงซ้ะชู้ อซื๊งเว๊ ไจ้ะ เว๊, “แม้ พ้อง ล้าง น ซื๊ง ซ้ะ ดี๊ ท อ เตา อ แต๊, พี่ ม กึ ทาง ดี๊ โพล้ง อ้า โพล้ง ซ๊าง ล ชู้ แย๊ อี้ง เซ้อ”
ท บี่ นอ, กแช่ แยว้ ไจ้ะ เว๊ “น แบ ไจ ทาง ไฆวะ ลู่ง โพล้ง ล แพ นอ อ แกล้ ดี๊ ไจ พ้ะ แด ไฆวะ อซื๊งเว๊ แม้ แบฆ้ะ ล้าง น ซ้ะ ดี๊ ท ล เช๊ง ล เกล้ง แบ นอ ล ฌี้ ฌ้อง จ ม ฮะ นี่ น ซื๊ง
ฌ้อง จ แน่ฌ๊า ท อ ลู่ง ล เม้ง เด้าะ, โอ ลู่ง มุ้คู โซ๊ง ล้าง ไจ้ะ เว๊ แด “จ พู จ ลี้ง ซีง-เอ้อ ไจ ทาง ไฆวะ ลู่ง เว่ง พ้า นอ ไช้ะ บี่ ซุ้ น ซื๊ง ล แม้ แบฆ้ะ ล้าง น ซ้ะ ดี๊ เว่ง ล เว่ง อี้ง อ ท เด้บ้ะ น่าง ปี๊ แบ ดี๊ น ล ฮะ นี่ ฆึ ท แม้ เตา แม้ แต๊ ดี๊ เว่ง ล เว่ง นอ แบ