เยเรมี 48:41 - Northern Pwo Karen Thai Bible

⁴¹ อ เว๊ ม แม้นี่ก้ะ เว่ง กุ้ เว่ง ดี๊ ทล่าง ทุ้กดื้งซ้ะ เฌิ่งเพิ่ง นอ, ม แบ ท แม้นี่ก้ะ ล้อ กเย่ โพล้ง ดึ้ซึ้ เท่อ พู ลู่ง โมอา อเซิงอซ้ะ ล นี้ง แย๊ นอ ม บี่ซุ้ดี๊ กมืง อเซิงอซ้ะ พี่ อ ฌู่โพ๊ง แช๊ อ พู โอ

เยเรมี 48:41 ပူးပေါင်းရင်းမြစ်များ

อีซยา 13:8

ดี๊ อ ซื๊งเว๊ ม ซยึ้ ซ้ะเม เท่อ ทแช๊ ดี๊ ทคลี ม เชาเช๊ง-อ้ะ อ เว๊ ม เฌ้พลื่งเฌ้มวี๊ง ด้องซุ้ กมืง อ พู มโอ อ เว๊ ม แคว่ โละ อ เมะ ดี๊ ท เซิงไพ่ซ้ะว้ะ อ ซื๊งเว๊ อ เมะ บี่ซุ้ดี๊ มีพ้าง

อีซยา 21:3

อกย้องบี่นอ, จ ย่างเด้ง โอ ฆวี้ ดี๊ ทน้ะทโน๊ง ทแช๊ ทคลี เชาเช๊ง ทะ แย้ บี่ซุ้ดี๊ กมืง พี่ อ พู โอ อ ทแช้ ทคลี ทฆ๊า แบ จ ซ้ะ ท้อง ลู่ง คุ้ช๊องแน ล ซี แบ จ ซ้ะ ล้างท่อง ท้อง ลู่ง แคว่ ล ซี แบ

เยเรมี 30:6

เกม๊า อางจ้ะ เท่อ แดเทา, ดี๊ แคว่-อ้ะ กแคว๊ อ พู ม โอ ซี ชี่-อ้า? แบทเล้ ก แด กแคว๊ กุ้แฌ้ อ จูง ชางล้าง เว๊ ลู่ง ย่างเด้ง, บี่ซุ้ดี๊ กมืง อ พู ม โอ? แบทเล้ กุ้แฌ้ อ เมะ ล้างบ้าง ล้างโมย?

เยเรมี 4:31

อไฌ่บี่อี้ง, ก แน่ฌ๊า ท อ ลู่ง, บี่ซุ้ดี๊ กมืง อ พู โอ อ ลู่ง กุ้ซย้ะ เท่อ อ แช๊ น้ะ ด้องซุ้ ดี๊ ม กึทาง อ พู วี่แซย่ ซีโยง อ พูมืง อ ลู่ง กุ้ซย้ะ เท่อ นอ, อ ซ้ะ เบ้า ม เทะ เย้า เย้า ฆ้าง อ จูง กุ้ซย้ะ เท่อ ไจ้ะเว๊ บี่อี้ง “ทเซงทื่งเฌ๊ฌ้อง แบ แย้, จ ไฌ่แช่แบ้แช่ โอ ลู่ง โพล้ง แม้ซี๊ง เท่อ อ เมะแซ พ้า ล้อ”

เยเรมี 4:9

กแช่ยาเว ไจ้ะเว๊ บี่อี้ง, “ล นี้ง แย๊ นอ, เลา ดี๊ กจุ้แฆว้, ดี๊ ท อคูอแน่ ลแพ นอ, อ ซ้ะ ม ล้างท่อง, กเย่ โพล้งลื่งเท่ออคู ม เซิงพ่องซ้ะว้ะ, ดี๊ โมไคล้คิ้ กแช่แยว้ นอ, ม ล้ะเซิงล้ะซ้ะ”

เยเรมี 48:24

เครีโอ, โบรา, ดี๊ ค่าง โมอา อ เว่ง เลาพะ, เลา ดี๊ อ ไย้ อ เบ้า

เยเรมี 49:22

แคว่ แดเทา, โพล้ง ล แฌ้ ม ยู้งทาง, ดี๊ ช่องล้าง บี่ซุ้ดี๊ ไละ พ้ะดู, ดี๊ ย้างแย่ทาง อ ได้ะ ดึ้ โบรา, ดี๊ โพล้งดึ้ซึ้เท่อพู ลู่ง เอโดง อเซิงอซ้ะ ล นี้ง แย๊ นอ, ม เก บี่ซุ้ดี๊ กมืง อเซิงอซ้ะ, พี่ อ ฌู่โพ๊ง แช๊ อ พู โอ นอ ล้อ

เยเรมี 49:24

เว่ง ดามากา นอ, ล้างเพาล้างแช่, อ เว๊ แกย อ ซ้ะ บี่ซุ้ ม ไจคุ้ซูง ดี๊ ท ซ้ะเม ท๊อง ว้ะโทะ นอ, พองทะ-อ้ะ คระ ท ซ้ะ เฌ๊ฌ้องน้ะ, ดี๊ ท เมะมองแน๊อึ้ เชาเช๊ง ทะ-อ้ะ ด้องซุ้ กมืง อ พู โอ

เยเรมี 50:37

เกม๊า น้ะ ดึ้ อ กซี, ดี๊ อ เลาะ ดึ้ซึ้ ลแพ นอ ดี๊ ดึ้ ซึ้พู น๊างมู๊ง โพล้ง ล ชื้อ แด ลู่ง อซุ้อแกล้ พ้า บี่ซุ้ อ ซื๊งเว๊ ม เกทางก้ะ โพล้ง อ มืง เกม๊า น้ะ ดึ้ อคองอแซย้ กุ้เม้ง บี่ซุ้ คองแซย้ นอ ม แบ ท ตมละ ก้ะ

เยเรมี 50:43

“กจุ้แฆว้ ลู่ง บาบีโลง แน่ฌ๊า ทโล้โค ล ไฌ่ นอ ดี๊ อ จูง นอ, ล้างเพาล้างแช่ ท ซ้ะ เฌ๊ฌ้อง น้ะ โอ คระ อ ซ้ะ พ้า อ แช๊ อ คลี ด้องซุ้ โพล้ง มืง อ พู โอ

เยเรมี 51:30

โพล้งดึ้ซึ้เท่อพู ลู่ง บาบีโลง นอ, โอโท๊ ไฆวะ ท ดึ้ซึ้ เย้า อ ซื๊งเว๊ โอท๊าง ลู่ง อ ทล่าง ทุ้กดื้ง ซ้ะ เฌิ่งเพิ่ง พ้า อไฌ่อแบ้ ฌ้าไฆวะ อ ซ้ะ เย้า อ ซื๊งเว๊ ลแพ นอ, เกทางก้ะ บี่ซุ้ดี๊ กมืง อ ล่าง เปิ่งโอเปิ่งช๊อง นอ, มี เค้ทาง อาง เว๊ ดี๊ อ เกล้ ป้ะตู๊ง อ เจ้ ล่าง นอ, แค่เทาแค่ไช้ะ ล้อ

เยเรมี 6:24

ก ซื๊งเว๊ ก แน่ฌ๊า ทโล้โค ลแพ นอ ก จูง ล้างเพาล้างแช่ พี่ แม้ช้า ล ซี แบ ท ซ้ะ เฌ๊ฌ้อง ลู่ง อ น้ะ ทึ พองทะ เฆ้อ เก ทแช๊ทคลี บี่ซุ้ดี๊ กมืง อ พู โอ

อาโม 2:2

ทบี่นอ, ก ม โซ๊งล้าง มี เฌ๊ ลู่ง โมอา อ คูด้าง ดี๊ มี นอ, ม อางไฆวะ เว่ง เครีโอ อ ทล่างแคว่จู้เท่อ ดี๊ โมอา ม ซี๊ง ลู่ง ท อ ลู่ง เซ๊ล้างลื่ง อซุ้อแกล้ ลู่ง ท อ ลู่ง ซองลี้ ดี๊ ทโน้ง อ ลู่ง เซ๊ อซุ้อแกล้

1​เทซาโลนีเก 5:3

อ ช๊า อ โท่ พี่ โพล้ง ไจ้ะ เว๊, “ท กุ้ อ เม้ง โอ ฆู๊ง โอ พุ้ โอ มึ โอ พ้า เย้า”, แบเด้าะ ล พ๊า แย๊ นอ, ท แม้ เฌ๊ฌี่ง เฌ๊ฌ้อง ดี๊ ท น้ะ ท โน๊ง ม เฌ๊ ท้อง ล ทีง ฆ่าง, บี่ ซุ้ โพล้ง มืง แบ เจ้า แบ แช๊ ลู่ง อ พู ม โอ, โพล้ง เฌ๊ ฆิ้ ไฆวะ เว๊ ล ซี น่าง แฌ้ แบ เฆาะ