เยเรมี 46:5 - Northern Pwo Karen Thai Bible

⁵ แบทเล้ ก แด อ ซื๊งเว๊ ซ้ะเมซ้ะไพล้ เท่อ ดี๊ แกยโด้งโคล๊ง ไท้ อ ซ้ะ อ ซื๊งเว๊ อ โพล้ง ดึ้ซึ้ เท่อ พู, แบ ท ท่าง ล้างเทะเค้า, ดี๊ ปชื่ง ไจคุ้ซูงไฆวะ อ ซื๊งเว๊ ล แกยไท้ อ ซ้ะ แบ ท ไพ้ะฆิ้โค๊ฆิ้ โอ กุ้ แพ้ กแช่ยาเว โล้ เว๊ บี่อี้ง ล้อ

เยเรมี 46:5 ပူးပေါင်းရင်းမြစ်များ

ทอคางไท้ะ 19:17

ท่อง อ เว๊ คี๊ง แฌ้ ไจทางฌ้าไฆวะ โล้ะ ลู่ง เว่ง ฆ้อง ฌ้อง นอ, โล้ เอะ เว๊ บี่อี้ง, “ไจคุ้ซูง พ้องพลิ้ไฆวะ แดเทา, แคว่ ไท้ น ล่างไค๊ ล ฌี้, ดี๊ โอที่งโอโท๊ ทแด้คู น่าง จอง ล ฌี้, ลี้ ลู่ง ทลู่ง อู้ง, น เมะ ล แม้ บี่นอ แบ นอ, น ม แบ ทแม้ เฌ๊ฌ้อง ล้อ”

อีซยา 13:8

ดี๊ อ ซื๊งเว๊ ม ซยึ้ ซ้ะเม เท่อ ทแช๊ ดี๊ ทคลี ม เชาเช๊ง-อ้ะ อ เว๊ ม เฌ้พลื่งเฌ้มวี๊ง ด้องซุ้ กมืง อ พู มโอ อ เว๊ ม แคว่ โละ อ เมะ ดี๊ ท เซิงไพ่ซ้ะว้ะ อ ซื๊งเว๊ อ เมะ บี่ซุ้ดี๊ มีพ้าง

อีซยา 19:16

ล นี้ง แย๊ นอ, โพล้ง อีไย้ะ ม เก บี่ซุ้ดี๊ กมืง, พี่ อ ว้ะโทะ ดี๊ ซ้ะเม เท่อ ลู่ง กแช่ยาเว ซึ้คู ดูทึชองทึ อ จูง เมะแซ พ้า, พี่ ม ทูว้ะ เว๊ ดึ้-อ้ะ นอ

อีซยา 42:17

อ ซื๊งเว๊ ม แกยไท้ อ ซ้ะ, ดี๊ แบ ฌางแช้ฌางเด ลู่ง อ น้ะ ทึ เมะเว๊ โพล้ง พี่ อางกีล้าง ซ้ะ ดี๊ ทเค่งทฌ้าง แพล้กีงแพล้ไว้ โพล้ง ลแพ นอ, พี่ อ ไคล้ ดี๊ ทเค่งทฌ้าง โล๊ล้าง นี่ บี่อี้ง “น ซื๊ง ซีง ลแพ เก เฆ้อ ก ท กโช้งกแช่”

อีซยา 5:25

ทบี่นอ, กแช่ยาเว อ ท ซ้ะทาง พ้ะดู ซยุ้ทาง แบ อพูอลี้ง ดี๊ กแช่แยว้ เยาฆ้าง อ จูง แม้เทะแม้ท้าง-อ้ะ ดี๊ ดึ้ซึ้-อ้ะ ฌ้อง ทลู่ง ลแพ นอ ว้ะโทะ เทาทื้ง ดี๊ อ ซื๊งเว๊ อ จู นอ บี่ซุ้ดี๊ ทโซยะทซย้าง อ โป้ง โอ ลู่ง เกล้ ลู่ง พ้า ทึเมะ บี่นอ ฌี้, กแช่แยว้ อ ท ซ้ะทาง ล ล้างแม่ แบ ดี๊ กแช่แยว้ อ จูง นอ เยาฆ้าง อ ซ้ะ ได้ะ

เยเรมี 20:10

จ แน่ฌ๊า ท อ ลู่ง ไคล้ กโช้ แอ มะ “ท ไพ้ะฆิ้โค๊ฆิ้ โอ วะ กุ้ แพ้, ซี๊งเค-อ้ะ, เกม๊า ก ซี๊งเค-อ้ะ” จ ฌุ้พาง เท่งซ้ะ พี่ กื้อ ลี้ง โละซ้ะ กุ้ แฌ้ นอ โอคุ้แคว่ดุ้ จ ท เซงทื่งเฌ๊ฌ้อง ไจ้ะเว๊ บี่อี้ง “แบซีงลู่ง อ เว๊ ม แบ ท อางโล๊ไละ ฌ้อง ก ม น้า-อ้ะ ดี๊ แม้แกไท้-อ้ะ ซี”

เยเรมี 46:15

แม้ทเล้ ท กโช้งกแช่ อะบี ไจคุ้ซูงไฆวะ เด้าะ? แม้ทเล้ น งู้ แพ๊ อ ฌ้าง ล ชี๊เทิง โอ เฌิ่งเพิ่ง แบ? เมะเว๊ กแช่ยาเว ชาง ล้างเทะเค้า-อ้ะ ล้อ

เยเรมี 46:21

ทึเมะ ซึ้พู แม้เล้ง เท่อ ซีง ลแพ, พี่ อ เฌ๊ โอ ลู่ง อ เว๊ อซุ้อแกล้ นอ อ ซื๊งเว๊ บี่ซุ้ดี๊ งู้ พู พี่ นี่ จ้าง เว้ เว๊ อ ซื๊งเว๊ แกยไท้ อ ซ้ะ, ดี๊ ไจคุ้ซูงไฆวะ ซกุ้ อ ซื๊งเว๊ ล นี่ โอเฌิ่งโอค๊า แบ เมะเว๊ มื่งนี้ง ลู่ง ทอ้าทน้ะ นอ, นี่ เฌ๊ล้าง แบ-อ้ะ เก อช๊าอโท่ ลู่ง ท แม้เตาแม้แต๊-อ้ะ

เยเรมี 49:29

อ ซื๊งเว๊ อ เด้, ดี๊ อ แมะ อ แกะ น๊างมู๊ง ม แบ ท ลู่นี่ ก้ะ เลา ดี๊ ตไก้ยะ กางทะ เท่อ, ดี๊ อ ทฆ้าทโฆ่ กุ้เม้ง อ เอ้า นอ, ม แบ ท แม้นี่ ไท้ ม้อง แดไฆวะ-อ้ะ ดี๊ โพล้ง ม กุ้ซย้ะ-อ้ะ บี่อี้ง, ‘ท ไพ้ะฆิ้โค๊ฆิ้ โอ กุ้แพ้’

เยเรมี 49:5

ทอดูทึโท๊ทึ กแช่ยาเว, พี่ อ เก ซึ้คู ดูทึชองทึ ไจ้ะเว๊ อี้งเซ้อ, ก ม ดึ้ เกม๊า ท ไพ้ะฆิ้โค๊ฆิ้ เฌ๊ล้าง แบ แน้ เฌ๊นี่ ดี๊ โพล้ง กุ้แฌ้ พี่ โอ วะ แน้ ดี๊ น ซื๊ง กุ้แฌ้ ม แบ ท โฌ๊ไจทางไฆวะ ลู่ง อ เมะแซ พ้า ดี๊ โพล้ง ล โอ อางกีซยอง โพล้ง โอคุ้ซูง เท่อ ซี น่างแฌ้ แบ

เยเรมี 6:25

ไจทาง ลี้ ลู่ง ไชะ พ้า-อ้า ไจ ลู่ง เกล้-อ้า ล ฌี้ เมะเว๊ ดีงแด้ โอ ดี๊ อ น้ะ โอ ดี๊ ท ไพ้ะฆิ้โค๊ฆิ้ กุ้ แพ้ ล้อ

เอเซเคียง 32:10

ก ม ดึ้ เกม๊า โพล้ง อ ชื้อ แอฌี่งแอฌ้อง ซ้ะเมซ้ะไพล้ เท่อ ลู่ง น กย้อง ดี๊ กเย่ อ ซื๊งเว๊ อ กจุ้แฆว้ นอ, ม ว้ะโทะว้ะตี้ ลู่ง น กย้อง ท่อง ก เว่งว๊าง ก น้ะ ลู่ง อ ซื๊งเว๊ อ เมะแซ พ้า นอ อ ซื๊งเว๊ ซีง ลแพ ม ว้ะโทะ น๊างแฌ้ กุ้ พ๊า เมะเว๊ ล แฌ้ๆ, นอ, ล๊องก้อง ล้างไท้ อ ทม๊า ลู่ง มื่งนี้ง พี่ น ล้างเทะเค้า นอ

เอเซเคียง 39:18

น ซื๊ง ม อาง โพล้ง เซิงน้าซ้ะน้า อ แย, ดี๊ โอ้ ท อคูอแน่ ลู่ง ฌางคูโคล๊งคู อ ซวีง, บี่ซุ้ดี๊ แกะ แพ๊ อ ซวีง, แกะ พู อ ซวีง, ดี๊ แมะ แพ๊ ดี๊ งู้ แพ๊ อ ซวีง, เลาพะ อี้ง นอ เก ทพูแฆ่ บองอืง ลู่ง บาชาง

นาฮูง 2:8

นีนาเว นอ บี่ซุ้ดี๊ ที๊งกวี้ง พี่ ที๊ง แยว้ล้าง อ ซื๊งเว๊ ซีง ลแพ กุ้ซย้ะ เท่อ ไจ้ะเว๊, “โอโท๊, โอโท๊” แบเด้าะ นอ, โพล้ง แกยไท้ อ ซ้ะ ล โอ น่างแฌ้ แบ

นาฮูง 2:9

เกม๊า ตมละ จี้ เกม๊า ตมละ ท๊อง โอ ดี๊ คองแซย้ แอฌี่งแอฌ้อง ลทึลจุ้ แบ โอกู้งโอล๊า ดี๊ ท อ ลื่งดูฆวี้ดู กุ้เม้ง

เซฟางยา 1:14

กแช่ยาเว อ มื่งนี้ง ลู่ง อดูอโท๊ นอ, เฌ๊ เบ้าทาง เย้า เฌ๊ เบ้าทาง ดี๊ ปชื่ง น้ะ มะ ท อ ลู่ง กุ้ซย้ะ เท่อ ลู่ง กแช่ยาเว อ มื่งนี้ง พ้า นอ, ซ้ะ เฌ๊ฌ้อง น้ะ มะ โพล้งดึ้ซึ้เท่อพู ม กุ้ซย้ะ เซ๊ พ้ะดู พี่ นอ