เยเรมี 41:2 - Northern Pwo Karen Thai Bible

² เนทานียา อ พู อีซมาเอง, ดี๊ โพล้ง อ แฌ้ ล ชี๊ง พี่ โอ ดี๊-อ้ะ นอ, เฌ้เทิงทาง แม้ซี๊งไฆวะ อาฮีคาง อ พู เกดาลียา, พี่ เก ชาฟาง อ พู, อ เว๊ เก โพล้ง พี่ กจุ้แฆว้ ลู่ง บาบีโลง นี่ ต๊างทาง เว๊ เกม๊า อ เก ทอดู ยู่แคว่ เท่อ ลู่ง ค่าง นอ ดี๊ น้ะ ท๊อง อ ซี๊ง ล้อ

เยเรมี 41:2 ပူးပေါင်းရင်းမြစ်များ

2​ซามูเอง 3:27

ดี๊ ท่อง อะเนอ เฌ๊ไท้ ไท้ ท้อง เว่ง เฮโบรง พ้า เย้า นอ, โยอะ ลี้ฌ้า-อ้ะ ลู่ง เว่ง อ ป้ะตู๊ง พ้า, บี่ซุ้ ม ไคล้ เว๊ ดี๊-อ้ะ คี๊ง แฌ้ เฆาะ, แบเด้าะ, โยอะ นอ ชิ้ อะเนอ อ ฌู่โพ๊ง, ดี๊ อ เท่อ ซี๊ง เว๊, โยอะ แม้แกไท้ อ พื่ง อาซาเฮง อ ซวีง อ กย้อง นอ ล้อ

2​กจุ้แฆว้ 25:25

แบเด้าะ ลู่ง แล้ เนว๊ เบง ล เบง พ้า นอ, อีซมาเอง พี่ อ เก เนทานียา อ พู, เมะเว๊ เอลีชามา พี่ อ เก กจุ้แฆว้ อ ชื้อ นอ อ พู, เฌ๊ฆ้าง เฌ๊ ดี๊ กแคว๊ อ แฌ้ ล ชี๊ง, ดึ้ซึ้ เว๊ ดี๊ แม้ซี๊ง เกดาลียา, ดี๊ โพล้ง ยูดา, ดี๊ โพล้ง เคลเดีย, พี่ อ เท่อ โอ ดี๊-อ้ะ ลู่ง มีซปา พ้า นอ เฆาะ

ทอางปฆ้า 109:5

อซื๊งเว๊ แม้ช๊าไท้ จ ทฌี้ทแอว้ ดี๊ ทอ้าทซ๊าง ดี๊ แม้ช๊า จ ทเอทกวี้ง ดี๊ ท แช๊เมะไฌ๊ซ้ะ

ทอางปฆ้า 41:9

ทึ เมะ จ ฌุ้พางเท่งซ้ะ, พี่ จ อางกีล้าง ซ้ะ ดี๊-อ้ะ โพล้ง พี่ อ อาง จ ทอางทโอ้ นอ, โชะทาง อ คางโนงไค๊ ดี๊ แย้

เยเรมี 40:14

ดี๊ โล้ เอะ เว๊ อ เท่อ บี่อี้ง, “น ซีงแฌ๊ ชี่-อ้า, ล ซีงแฌ๊ แบ-อ้า โพล้ง อางโมง อ กจุ้แฆว้ บาอาลี, โซ๊งทาง เนทานียา อ พู อีซมาเอง, เกม๊า เว๊ อ เฌ๊ แม้ซี๊ง แน้ ล้อ?”, แบเด้าะ อาฮีคาง อ พู เกดาลียา นอ, ล นะ อ ซื๊งเว๊ แบ

เยเรมี 40:16

แบเด้าะ อาฮีคาง อ พู เกดาลียา, ไคล้ ดี๊ คาเรอา อ พู โยฮานาง ไจ้ะเว๊, “อวีงซ้ะชู้ แน้, แม้ ท ล เม้ง อี้ง ล ฌี้ เฆาะ, เมะเว๊ พี่ น ไคล้ แบฆ้ะ ดี๊ อีซมาเอง นอ, เก ท กไบล้ะกแบล”

เยเรมี 40:5

น เมะ โอ พี่ อี้ง ได้ะ นอ, เกม๊า น ไท้ฌูงไท้ เกดาลียา, พี่ เก อาฮีคาง อ พู, พี่ เก ชาฟาง อ พู, โพล้ง พี่ กจุ้แฆว้ ลู่ง บาบีโลง นี่ ต๊างทาง-อ้ะ, เกม๊า เว๊ อ เก ทอดู ยู่แคว่ ยูดา อ เว่ง กุ้ เว่ง นอ, ดี๊ โอ ดี๊-อ้ะ ลู่ง โพล้ง เฌงพูฆ๊างพู อซุ้อแกล้-อ้า, น ม ลี้ จองฌี้กล้ะฌี้ พี่ น แบซ้ะ ลี้-อ้า นอ ซี”, ซึ้คู ยู่แคว่ทะ กจุ้แฆว้ อางแบเลา เอิ้งล้าง ทอางทโอ้, ดี๊ เกม๊า ทเกล๊าง มึซ้ะ เอะ เยเรมี, ฌ้อง นอ ทูแพล่ไท้ เว๊ ล้อ

เยเรมี 40:7

ท่อง ซึ้พู น๊างมู๊ง อคูอแน่ ลแพ นอ, ดี๊ อ ซื๊งเว๊ อ โพล้ง ซีง ลแพ, แน่ฌ๊า เว๊ กจุ้แฆว้ ลู่ง บาบีโลง นี่ ต๊างทาง อาฮีคาง อ พู เกดาลียา เก ทอดู ยู่แคว่ เท่อ ลู่ง ที๊งล่างค่างพ้า นอ, ดี๊ อางกีล้าง กแคว๊ กมืง ดี๊ พืงแซ พี่ เก โพล้ง ซยาง ทึ ลู่ง ที๊งล่างค่างพ้า, พี่ ล แบ ท พองนี่ ลี้ เก ท อ ฆ่อง ลู่ง บาบีโลง แบ, เกม๊า เว๊ โอ ดี๊-อ้ะ นอ

เยเรมี 40:8

อ ซื๊งเว๊ ลแพ นอ, ลี้ฌูง เกดาลียา ลู่ง มีซปา, โอ เว๊ แด เนทานียา อ พู อีซมาเอง, คาเรอา อ พู โยฮานาง, ทางฮูเม อ พู เซไรยา, กเย่ เอไฟ โพล้ง เนโทฟา อ พู, โพล้ง มาอาคา อ พู เยซางยา, เลา ดี๊ อ ซื๊งเว๊ อ กแช่, ดี๊ อ โพล้ง กุ้แฌ้

เยเรมี 41:3

อีซมาเอง นี่ แม้ซี๊ง โพล้ง ยูดา ลแพ นอ เลาพะ, พี่ โอ ดี๊ เกดาลียา ลู่ง มีซปา, ดี๊ ซึ้พู โพล้ง เคลเดีย พี่ โอ แบ เว๊ พี่ นอ อ โท้ ปะ

โยฮาง 13:18

พี่ จ โล้ เท่อ นอ ล แบฆ้ะ ดี๊ น ซื๊ง กุ้ อ แฌ้ แบ, โพล้ง ลู่ง จ อางลึ นี่ นอ จ ซีงแฌ๊ เย้า, แบเด้าะ ท กวิ้ ล้าง เว้ เว๊ ลู่ง ไละ ฌี้ ไละ แอว้ พ้า แบ ชิ้เทา เว๊ ล้อ, พี่ อ ไจ้ะ เว๊ ‘โพล้ง ลู่ง อ อาง จ มี้ ล แฌ้ นอ, ม เก ทาง ก้ะ โพล้ง แช๊มะ ไฌ๊ซ้ะ ดี๊ แย้ ล้อ’