เยเรมี 4:8 - Northern Pwo Karen Thai Bible

⁸ อกย้อง บี่อี้ง นอ, เกม๊า น ซุ้ ตไก้ยะ เต่กเซ้าะ เกม๊า ฌางล้างย้าล้าง, ดี๊ ฌางซย้ะ บี่อี้ง ‘เมะเว๊ กแช่ยาเว อ ท ซ้ะทาง พ้ะดู นอ ล นี่ แกยไฆวะ อ ซ้ะ ดี๊ เฆ้อ แบ’, ”

เยเรมี 4:8 ပူးပေါင်းရင်းမြစ်များ

ทอางปฆ้า 78:49

กแช่แยว้ ทูแพล่ล้าง อ ทซ้ะทาง พ้ะดู เฌ๊ แบ อซื๊งเว๊ เลา ดี๊ ทซ้ะทาง พ้ะดู, ทเซิงทางซ้ะไฌ๊, ดี๊ ทน้ะทโน๊ง เมะเว๊ ทมุ้คูพู, พี่ อ แม้เฌ๊ฌ้อง เท่อ

อีซยา 10:4

ท ล โอ ล้างลื๊อ น่างเม้ง ล้า แบ, โอ เว๊ ที่ ม ซย๊องล้างซ้ะ โอ ดี๊ โค้งเตา ลแพ นอ-อ้า ล้างเทะเค้า ลู่ง โพล้ง พี่ แบ ท แม้ซี๊ง ลแพ นอ อ โป้ง พ้า-อ้า ล้อ ทึเมะ บี่นอ ฌี้ นอ, กแช่แยว้ อ ท ซ้ะทาง พ้ะดู ลแกย ไท้ อ ซ้ะ ได้ะแบ ดี๊ กแช่แยว้ อ จูง เยาฆ้าง อ ซ้ะ ได้ะ

อีซยา 13:6

เกม๊า ฌางชูฌางช้าง เท่อ, เมะเว๊ มื่งนี้ง ลู่ง กแช่ยาเว เฌ๊ เบ้าทาง เย้า ล นี้ง แย๊ นอ, ม เฌ๊ บี่ซุ้ดี๊ ทแม้ เฌ๊ฌ้อง เฌ๊นี่ ดี๊ กแช่แยว้ พี่ โอ ดี๊ อดู้งอยาง อซยื๊งอซย้อง แอทึ

อีซยา 22:12

ดี๊ ล นี้ง แย๊ นอ, ทอดูทึโท๊ทึ กแช่ยาเว พี่ เก ซึ้คู ดูทึชองทึ กุ้นี่ เกม๊า ฌางชูฌางช้าง ดี๊ ฌางล้างย้าล้าง เลา ดี๊ เกม๊า คูฆีง โต้งโล้ง ดี๊ ซุ้ ตไก้ยะ เต่ กเซ้าะ

อีซยา 32:11

กมืง พี่ โอ ดี๊ ท เฆว๊เซิงเฆว๊ซ้ะ-เอ้อ, เกม๊า ว้ะโทะ น๊างแฌ้ โพล้ง พี่ โอ ดี๊ ท คื๊งเซิงแล้ศซ้ะ-เอ้อ, เกม๊า ซยึ้ เท่อ ว้ะโทะ น๊างแฌ้ เกม๊า ไบลไฆวะ ไช๊, ดี๊ โอ โบลงโกง ฌ้อง แม้นี่ ตไก้ยะ กเซ้าะ เราทะ ย่างเด้ง

อีซยา 5:25

ทบี่นอ, กแช่ยาเว อ ท ซ้ะทาง พ้ะดู ซยุ้ทาง แบ อพูอลี้ง ดี๊ กแช่แยว้ เยาฆ้าง อ จูง แม้เทะแม้ท้าง-อ้ะ ดี๊ ดึ้ซึ้-อ้ะ ฌ้อง ทลู่ง ลแพ นอ ว้ะโทะ เทาทื้ง ดี๊ อ ซื๊งเว๊ อ จู นอ บี่ซุ้ดี๊ ทโซยะทซย้าง อ โป้ง โอ ลู่ง เกล้ ลู่ง พ้า ทึเมะ บี่นอ ฌี้, กแช่แยว้ อ ท ซ้ะทาง ล ล้างแม่ แบ ดี๊ กแช่แยว้ อ จูง นอ เยาฆ้าง อ ซ้ะ ได้ะ

อีซยา 9:12

เมะเว๊ โพล้ง ซีรี ลู่ง มื่งทาง ล โค๊ ดี๊ โพล้ง ฟีลีเตีย ลู่ง มื่งนึ ล โค๊ ดี๊ อ ซื๊งเว๊ ม อ้างทาง อ นุ้ อางยื่งคล่องไฆวะ อีซลาเอง ทึเมะ บี่นอ ฌี้, กแช่แยว้ อ ท ซ้ะทาง พ้ะดู ล แกยไท้ อ ซ้ะ ได้ะ แบ ดี๊ กแช่แยว้ อ จูง เยาฆ้าง อ ซ้ะ ได้ะ

อีซยา 9:17

ทบี่นอ, ทอดูทึโท๊ทึ กแช่ ล ซ้ะอวีงซ้ะโทะ ดี๊ อ โพล้ง น่างบางซ้ะบาง ลแพ นอ แบ ดี๊ ล ย๊างซ้ะ แบ อ โพล้ง พูฆวี แพ่-อ้า, อ โพล้ง มืงเม๊-อ้า แบ เป๊งนี่ กุ้แฌ้ อ กแช่แยว้ ล โอ แบ, ดี๊ เก โพล้ง แม้ ทอ้าทซ๊าง ดี๊ นุ้ กุ้ อ พ้า นอ, ไคล้ ทไคล้ เซ๊กูเฌ๊ฌ้อง ทึเมะ บี่นอ ฌี้ นอ, กแช่แยว้ อ ท ซ้ะทาง พ้ะดู ล แกยไท้ อ ซ้ะ ได้ะแบ ดี๊ กแช่แยว้ อ จูง เยาฆ้าง อ ซ้ะ ได้ะ

อีซยา 9:21

มานาเซ อาง เอฟาอีง, เอฟาอีง อาง มานาเซ ดี๊ คี๊งแฌ้ อี้ง ดึ้ โละซ้ะ ดี๊ ยูดา ทึเมะ บี่ นอ ฌี้ นอ, กแช่แยว้ อ ท ซ้ะทาง พ้ะดู นอ ล แกยไท้ อ ซ้ะ ได้ะ แบ ดี๊ กแช่แยว้ อ จูง เยาฆ้าง อ ซ้ะ ได้ะ

เยเรมี 25:34

โพล้ง ลื่ง แกะ ลแพ ซีง-เอ้อ, เกม๊า ฌางล้างย้าล้าง ดี๊ กุ้ซย้ะ แดเทา โพล้ง เก แกะ อ กแช่-เอ้อ, เกม๊า เลว๊ น ซ้ะ พี๊แคล พ้า เมะเว๊ มื่งนี้ง อช๊าอโท่ ลู่ง ท แม้ซี๊ง แน้, ดี๊ มื่งนี้ง อช๊าอโท่ พี่ น แบ ที่มื่งที่พ้ะ นอ, เฌ๊ท้อง เย้า ดี๊ น ซื๊งเว๊ ซีง ลแพ, ม ล้างเทะเค้า บี่ซุ้ดี๊ ทพ้าทล่าง พี่ อ ลื่งดูฆวี้ดู

เยเรมี 30:24

กแช่ยาเว อ ท ซ้ะทาง พ้ะดู, ม ล โอโท๊ไฆวะ แบ ท้อง ลู่ง อ ม แม้ เว๊ ฌ้องทางเกทาง บี่ซุ้ดี๊ ท แบซ้ะ ลู่ง อ ซ้ะ พ้า นอ ล้อ ลู่ง ไค๊ ทึ โฆะ นอ, น ซื๊ง ม แน ทไคล้ อี้ง ซี ล้อ

เยเรมี 48:20

โมอา แบ ฌางแช้, เมะเว๊ อ เท้พ้ะไฆวะ เย้า เกม๊า ฌางล้างย้าล้าง, ดี๊ ฌางซย้ะ เกม๊า โล้ล้าง เท่อ เฆ้ง ที๊ง อาโนง ลไฆ่ลว้าง นอ บี่อี้ง โมอา แบ ท ญ๊องไฆวะ โอโปล้ก้ะ เย้า

เยเรมี 6:26

กพูกลี้ง-เอ้อ, เกม๊า แม้นี่ ตไก้ยะ เต่ เรา ทะ ย่างเด้ง ดี๊ เลว๊ น ซ้ะ โอ พี๊แคล อ โป้ง พ้า เกม๊า มองแบม้ะแบ เท่อ, บี่ซุ้ดี๊ แม้-อ้ะ ลู่ง พูแคว๊ ล แฌ้ อ ฌ่าง เก ท ฌางล้างย้าล้าง ลู่ง ซ้ะ เฌ๊ฌ้อง น้ะ ทึ เป๊งนี่ โพล้ง แม้ เฌ๊ฌ้อง เท่อ เฌ๊ ดึ้ เฆ้อ ล ทีง ฆ่าง ล้อ

ท​ฌางล้างย้าล้าง 1:12

“น ซื๊งเว๊ ซีง ลแพ, พี่ น ลี้แพ๊ แบ-อ้ะ นอ, น ล ซีงแฌ๊ ล้างซ้ะ น่างเม้ง แบ-อ้า? อี้งเซ้อ, เกม๊า แคว่-อ้ะ ทน้ะทโน๊ง โอ ล เม้งๆ, ชี่-อ้า, พี่ บี่ซุ้ดี๊ ทน้ะทโน๊ง พี่ อ เฌ๊ ท้อง แย้ อี้ง เก ทน้ะทโน๊ง พี่ กแช่ยาเว นี่ แม้ เอะ แย้ ลู่ง กแช่แยว้ ซ้ะทาง พ้ะดู อ มื่งนี้ง นอ

เอเซเคียง 21:12

กโพล้ง อ พู-เอ้อ, เกม๊า ฌาง ดี๊ ฌางล้างย้าล้าง เป๊งนี่ ม เก ท ดึ้ซึ้ กพูกลี้ง ดี๊ ดึ้ซึ้ กเย่ อีซลาเอง อคูอแน่ อ ซื๊งเว๊ แบ ท จึ้ล้าง เอะ น้ะ, ล พ๊าฆ่าง ดี๊ กพูกลี้ง อกย้องบี่นอ, เกม๊า ท่างล้าง ซ้ะแน๊ มิ้ล้าง น คู

เอเซเคียง 30:2

“กโพล้ง อ พู-เอ้อ, เกม๊า โล้ล้าง ท อลู่งอแท๊, เกม๊า น โล้ บี่อี้ง, ทอดูทึโท๊ทึกแช่ยาเว ไจ้ะเว๊ บี่อี้ง เกม๊า ฌางล้างย้าล้าง บี่อี้ง, ‘เฆว๊ อ้อ ล นี้ง แย๊ นอ’

โยเอง 1:13

โพล้งลื่งเท่ออคู ลแพ ซีง-เอ้อ, เกม๊า เรา ตไก้ยะ กเซ้าะ ดี๊ ฌางอีงฌางเอ้า โพล้ง พี่ แม้ เท่อ ลู่ง ทลื่งล่าง-เอ้อ, เกม๊า ฌางล้างย้าล้าง กเย่ โพล้ง แม้ เอะ จ กแช่แยว้ อ เท่อ-เอ้อ เกม๊า เฌ๊ฆ้าง มี๊งโท่ ดี๊ ทซุ้ทก้อง ตไก้ยะ กเซ้าะ อไฌ่บี่อี้ง, ทลื่งทางเทว๊ทซูงทแซ, ดี๊ ทโอ้ลื่งทางเท่อ นอ ไว้ะไฆวะว๊างไฆวะ ดี๊ เด้ น กแช่แยว้ อ ล่างโอ

อาโม 8:10

ก ม เกม๊า น ซื๊ง อ ท แม้มึอางอวีง นอ, เกทางก้ะ ท มองแบม้ะแบ ดี๊ เกม๊า น ลู่ง ซ้ะอวีงแท๊ กุ้เม้ง, เก ท ฌางล้างย้าล้าง ก ม เกม๊า น ซื๊ง ซุ้ ตไก้ยะ กเซ้าะ ดี๊ โล้งไฆวะ คู กุ้แฌ้ ดี๊ ก ม ดึ้ เกม๊า เก บี่ซุ้ดี๊ โพล้ง มองแบม้ะแบ อ พูแคว๊ ล แฌ้ เฆาะ ดี๊ อช๊าอโท่ ลู่ง ไค๊ ทึ นอ, ม เกม๊า อ บี่ซุ้ดี๊ มื่งนี้ง พี่ ซ้ะ เฌ๊ฌ้อง น้ะ”

มีคา 1:16

เกม๊า โล้งไฆวะ คู เกล้งเน้ง, ดี๊ เกม๊า โล้งไฆวะ นุ้ชองแคพ้าง เกล้งเน้ง บี่ซุ้ มองแบม้ะแบ น พู พี่ นเอนกวี้ง-อ้ะ เกม๊า น แม้ โต้งโล้ง น้ะทาง นคูนแน่, บี่ซุ้ดี๊ ทู ล๊างกทะ เป๊งนี่ อ ซื๊งเว๊ ม ไจแดไฆวะ แน้ ลี้ เก ท อ ฆ่อง

เกล้​ท​ซ้ะวี่ง 25:4

ฌ้อง กแช่ยาเว ไคล้ ดี๊ โมเซ ไจ้ะเว๊, “เกม๊า น แม้นี่ โพล้งเฌงพูฆ๊างพู อคูอแน่ ลแพ นอ ท่อง อ เลา, แม้ ซี๊ง-อ้ะ ฌ้อง อางลู๊ ไฆ๊-อ้ะ ทคู่ แกล้ ลู่ง กแช่ยาเว อ เมะแซ พ้า, บี่ซุ้ กแช่ยาเว อ ทซ้ะทาง พ้ะดู ล ล้างแบ โพล้ง อีซลาเอง ล้าแบ”