เฆ้อ ซีงลแพ อี้ง ก ทไพ้ะทแม โอ พ้ะดู, ล โค๊ ลู่ง กพี๊งกพู๊งลู่งแย๊ อ ชู้ แค๊ ท้อง กุ้ มื่ง นี้ง อี้ง, ดี๊ เป๊งนี่ ลู่ง ก ทเด้บ้ะ ลู่ง อ อ้า อ ซ๊าง อกย้อง นอ, เฆ้อ ซีงลแพ อี้ง, เลา ดี๊ ก กจุ้แฆว้, ดี๊ ก โพล้งลื่งเท่ออคู ซีงลแพ นอ, แบ ทอางกีล้าง ลู่ง กเย่ กจุ้แฆว้ ที๊งล่างค่างพ้า ลแพ นอ อ จูง พ้า, เกม๊า เอะ น้ะ, เกม๊า เอะ ทเก ทอฆ่อง, เกม๊า เอะ ท ตมละตเช, ดี๊ เกม๊า เอะ ทล้างไช้ะล้างย่อง ลู่ง อ น้ะทึ ด้องซุ้ กุ้ มื่งนี้ง อี้ง
เยเรมี 32:32 - Northern Pwo Karen Thai Bible32 เมะเว๊ อีซลาเอง อชื้ออชะ ดี๊ ยูดา อชื้ออชะ อ ทอ้าทซ๊าง เลาพะ นอ, พี่ อ นี่ แม้ เว๊, พี่ ไล๊ดุ้ เกม๊า ก ซ้ะทาง, เมะเว๊ เลา ดี๊ อ กแช่, กเย่ อ กจุ้แฆว้, ดี๊ อคูอแน่, กเย่ โพล้งลื่งเท่ออคู, ดี๊ อ โมไคล้คิ้กแช่แยว้, โพล้ง ยูดา ดี๊ โพล้ง เว่ง เยรูซเลง အခန်းကိုကြည့်ပါ။ |
เยเรมี 32:32
19 ပူးပေါင်းရင်းမြစ်များ
แบเด้าะ ก ม แม้ ท กุ้เม้ง, พี่ ก นี่ อืงล้าง เว้-อ้ะ, เมะเว๊ เช้า ทน๊าม๊า, เทว๊ เอะ ท กแช่ มืง ลู่ง มุ้คู, ดี๊ ลู๊งล้าง ทโอ้ลื่งทางเท่อ เทว๊ เอะ ท กแช่ มืง, ด้องซุ้ พี่ ก นี่ แม้-อ้ะ, เลา ดี๊ ก ซื๊งเว๊, ดี๊ ก พี๊งชู้พู๊งชู้ ลู่ง แย๊, กเย่ กจุ้แฆว้ ดี๊ กคูกแน่, ลู่ง ยูดา อ เว่ง พ้า กุ้ เว่ง, ดี๊ ลู่ง เกล้คูเกล้พ้า ลู่ง เว่ง เยรูซเลง พ้า, แม้ บี่นอ ฌ้อง ก โอ ดี๊ ทอาง ลู่ง อกู้งอล๊า, ดี๊ โอซยืงโอบ้ะ, ดี๊ ล แด ทอ้าทซ๊าง น่างเม้ง แบ ล้อ
ทอดูทึโท๊ทึกแช่-เอ้อ, บี่ซุ้ดี๊ น ทแม้ พี่ อฌี้อแอว้ กุ้เม้ง นอ, อวีงซ้ะชู้ เกม๊า น ท ซ้ะทาง ดี๊ น ท ซ้ะทาง พ้ะดู แกยไฆวะ อ ซ้ะ ดี๊ น เว่ง เยรูซเลง, น ทลู่ง เช๊งเกล้ง นอ, เป๊งนี่ ลู่ง ก ทเด้บ้ะ ดี๊ ก พี๊งชู้พู๊งชู้ ซีง ลแพ อ ทไพ้ะทแม อกย้องนอ, เยรูซเลง ดี๊ กแช่แยว้ อพูอลี้ง นอ, เกทางก้ะ ทไคล้ ไฌ๊ซ้ะ ลู่ง โพล้งกุ้ชื้อกุ้ชะ พ้า, พี่ โอ วะ อฆูอฆ้อง นอ ล้อ
ทอดูทึโท๊ทึกแช่-เอ้อ, ทฌี้ทแอว้ นอ เก น เท่อ, แบเด้าะ ท ฌางแช้ฌางเด นอ เกิ้ง ดี๊ เฆ้อ ลแพ อี้ง ท้อง กุ้ มื่งนี้ง อี้ง ล้อ, เมะเว๊ เกิ้ง ดี๊ โพล้ง ยูดา, โพล้ง เว่ง เยรูซเลง ดี๊ โพล้ง อีซลาเอง เลาพะ, เลา ดี๊ โพล้ง พี่ โอเบ้าโอเท่ง ดี๊ โอไย้โอโยะ, ลู่ง ที๊งล่างค่างพ้า ซีง ลแพ พี่ กแช่แยว้ โฌ๊ไจ อ ซื๊งเว๊ ลี้ โอ นอ, เป๊งนี่ อ ซื๊งเว๊ กไบล้ะกแบล ดี๊ กแช่แยว้ ล้อ
ကြော်ငြာတွေ