เยเรมี 31:30 - Northern Pwo Karen Thai Bible

³⁰ แบเด้าะ โพล้ง กุ้แฌ้ ม แบ ซี๊ง ลู่ง อ กแช่ อ ทเด้บ้ะ อกย้อง, กโพล้ง กุ้แฌ้ พี่ อาง ซไบ้ะแซ ไช นอ, อ แซว๊ ม เฆ้ง ล้อ”

เยเรมี 31:30 ပူးပေါင်းရင်းမြစ်များ

2​กจุ้แฆว้ 14:6

แบเด้าะ ล แม้ซี๊ง เว๊ อ พู อ ลี้ง แบ, บี่ซุ้ดี๊ ทกวิ้ล้าง เว๊ ลู่ง โมเซ อ ไละ ทอางแม้เลา พ้า, พี่ กแช่ยาเว อางแบเลา เว๊ ไจ้ะเว๊, “แม้ซี๊ง แพ่ ลู่ง อ พู อ ลี้ง อ ทแม้ อ กย้อง ล ฌี้, ดี๊ แม้ซี๊ง พู ลี้ง ลู่ง อ แพ่ อ ทแม้ อ กย้อง ล ฌี้, ล แฌ้ๆ, นอ, แบ ซี๊ง ลู่ง อ กแช่ อ ทเด้บ้ะ อ กย้อง นอ ล้อ”

โยบา 21:20

เกม๊า อ ซื๊ง เมะ อ คลี๊ง แด ล้างไท้ อ ทเซงทื่งเฌ๊ฌ้อง ดี๊ เกม๊า อ โอ้ กแช่แยว้ พี่ โอ ดี๊ อดู้งยางซยื๊งซย้องแอทึ นอ อ ทซ้ะทาง

อีซยา 3:11

ท เซงทื่งเฌ๊ฌ้อง ม แบ โพล้งอ้าโพล้งซ๊าง, เมะเว๊ ทอ้าทซ๊าง ม กึทาง ดี๊-อ้ะ อไฌ่บี่อี้ง, อ เว๊ อ จูง นี่ แม้ เท่อ บี่จะเล้ นอ, ม แบ ทแม้ เอะ-อ้ะ บี่นอ ล้อ

เอเซเคียง 18:20

โพล้ง พี่ อ กแช่ แม้ ทเด้บ้ะ นอ, ม แบ ซี๊ง ล้อ, พู ล แบ ฮะนี่ อ แพ่ อ ทเด้บ้ะ อเตาอแต๊ แบ, แพ่ ล แบ ฮะนี่ พู อ ทเด้บ้ะ อเตาอแต๊ แบ โพล้งแบกแช่แยว้อซ้ะ ม ฮะนี่ อ ทฌี้ทแอว้ อซูงอแซ, ดี๊ โพล้งอ้าโพล้งซ๊าง ม ฮะนี่ อ ทอ้าทซ๊าง อซูงอแซ ล้อ

เอเซเคียง 18:4

อี้งเซ้อ, ทม๊า เลาพะ นอ เก ก เท่อ, แพ่ อ ทม๊า เก ก เท่อ, ด้องซุ้ พี่ พู อ ทม๊า นอ เก ก เท่อ, ทม๊า พี่ แฌ้ เล้ พี่ แม้ ทเด้บ้ะ นอ, ม แบ ซี๊ง ล้อ

เอเซเคียง 3:24

แบเด้าะ วีงฌี้แล้แอว้ เฌ๊ทาง จ ล้อง, ดี๊ ดึ้ เกม๊า จ ชี๊เทิงทาง, ดี๊ กแช่แยว้ ไคล้ ดี๊ แย้, ดี๊ โล้ เอะ แย้ ไจ้ะเว๊, “เกม๊า น ลี้, ฌ้อง เด้า ทะ น ซ้ะ ลู่ง น เด้า พ้า

เอเซเคียง 33:13

ทึเมะ ก ม โล้ เอะ โพล้ง แบกแช่แยว้อซ้ะ บี่อี้ง, อ เว๊ ม โอม๊า เต้ๆ, ล้อ, แบเด้าะ อ เว๊ เมะ อางกีล้าง ซ้ะ ดี๊ อ ทฌี้ทแอว้, ดี๊ แม้ ทเด้บ้ะ นอ, อ ทแม้ พี่ อฌี้อแอว้ กุ้เม้ง นอ, ล นี่แบ ท นางแบเย้แบ ล้า แบ, ดี๊ อ เว๊ ม แบ ซี๊ง ลู่ง ทเด้บ้ะ พี่ อ นี่ แม้ แบ เว๊ นอ ล้อ

เอเซเคียง 33:18

ท่อง โพล้งแบกแช่แยว้อซ้ะ แกยไฆวะไท้ อ ซ้ะ ดี๊ อ ทฌี้ทแอว้, ดี๊ แม้ ทเด้บ้ะ นอ, อ เว๊ ม แบ ซี๊ง ลู่ง ทเด้บ้ะ ลแพ นอ อกย้อง

เอเซเคียง 33:8

ก เมะ โล้ เอะ โพล้งอ้าโพล้งซ๊าง บี่อี้ง, ‘โอ้, โพล้งอ้าโพล้งซ๊าง-เอ้อ, น ม แบ ซี๊ง เต้ๆ, ล้อ’, ดี๊ น ล นี่ โล้ ซีงแฌ๊ โพล้งอ้าโพล้งซ๊าง, เกม๊า แกยไฆวะไท้ อ ซ้ะ ดี๊ อเกล้อพ้า แบ นอ, โพล้งอ้าโพล้งซ๊าง ล แฌ้ นอ, ม แบ ซี๊ง ลู่ง อ ทไพ้ะทแม อกย้อง ล้อ, แบเด้าะ ก ม แม้เตาแม้แต๊ แน้ ลู่ง อ เว๊ อ ซวีง อไฌ่อกย้อง ล้อ

กาลาเต 6:5

อ ไฌ่ บี่ อี้ง, โพล้ง กุ้ อ แฌ้ แบ ยู่แคว่ อ กแช่ อ ท ไพ้ะ ท แม้ แด เว๊

โล้​ล้างที๊ง​ทอางแม้เลา 24:16

“เกม๊า แพ่ ฮะนี่ คิ้ อ พู อเตาอแต๊ ท้อง อ ซี๊ง ล ฌี้, ดี๊ เกม๊า พู ฮะนี่ คิ้ อ แพ่ อเตาอแต๊ ม ท้อง อ ซี๊ง ล ฌี้, เกม๊า โพล้ง กุ้ แฌ้, ฮะนี่ เตาแต๊ ท้อง อ ซี๊ง, ลู่ง อ กแช่ อ ทเด้บ้ะ อกย้อง นอ ล้อ

ยาเก้า 1:15

พี่ ท แม้ โพะ ท ซ้ะกวี้ง ล๊องก้อง อ ไค๊ นอ, เก ทาง ท เด้บ้ะ, ฌ้อง ท่อง ท เด้บ้ะ ดู ทาง เย้า นอ, เก ทาง ก้ะ ท ซี๊ง นอ ล้อ